🌸#صراع_السلطان
1
الخضار والهوى ألبارد..
وصوت خرير ألمي....معزوفه رقيقه توصل الأذني
جمال هذا المكان..وبهذا المكان
خلا جدي يسمها جزيرة السلطان.....
هل جزيره ألي صار ترابها متخالط وي دمي..
لازم أبقى احميها بنفسي...
لازم محد يتعدى الحدود بيها...مهما يمر بيها الزمن
أبين تفكيري بلجزيره..
لحظه من بين ألماء نزلت أيدي اتلاعب بيه
أجى خيال مي..
شلت فكرة تفكيري بيها" ويخيالها
موسلطان الي يفكر ببنيه
سلطان حفيد محمد السلطان الكبير..مانخلق للحب
سلطان نخلق الاجل ياخذ أثر جده..
سلطان كبر....الاجل يكون سلطان وبس؟
كمت بعصبيه من تفكيري...بمي الي اجت بالي
وعيوني للماي
الي ظهر بيه أنعكاس وجي....واحاجيه
أني سلطان ..
أني ابن جدي
ألي أخذني للدنيا ورباني...
رباني على عادات زمانه....على عادته وطباعه
ماتهمني مي....ولاغيرها ...من النساء
مي مجرد أبنيه حلوه...متعاطف وياها..
لأن حياتها تعبانه...
هاي هيه معناها ماافكر بيها
گلبي ضرب بقوه...من ذكرت اسمها..
خليت ايدي على گلبي.. وضاغط بعصبيه...وحاجيه
-مو أنت الي تنبض الذكرها...أدوسك برجلي..
ولا أخليك تسيطر عليه....
طلعت اسلاحي الشخصي ...من جرابه..
سحبت بقوه..ورفعت ايدي بقوه....ورميت طلقتين ليفوك...اشاره الگلبي
اقتلك ومااخليك تحب...
..اني سلطان...الي تربيت بيت جدي
رغم أعتراض أبويه وامي خايفين..
أكون ضحية صراع عائلتنا....بسبب مشاكل قديمه
أخذت من اطباع جدي وغيرته..
ومن عطف أمي وحنيتها..
ومن حكمة أبوية ومواقفه الرجوليه ..
.عايشين بصراع عجيب..
يوميه مشكلة عدنا متخلص..
عمتي وعمي ...متزوجين غصب.. حتى يحل نزاع بي عشيرتين
عمي مرتاح بحياته أما عمتي يمكن نصف سكان الأرضية يعرفون بيها .
بسبب مشاكلها اللي متخلص مع زوجها..
وضحيتها بنتها مي
مي صديقة الطفوله..
ورفيقة لعبنا..من جنا أطفال..
أروح يم كامل عمي ..ألعب وياها
جانت من أجمل المخلوقات عندي..
مااشبع منها ابقى يمها بالساعات...
دائما موقفي في دفاع عنها...
لأن أبوها ما يريدها ولا أمها ..
أنقهر عليها وبعاطفه بس مظاهر قهري عليها
اتذكر أول ماجتي للدنيا بيوم ولادتها..
ورحنا ويا أبويه نباركلها شفتها كلش حلوة وبريئة بستها من ايدها وجهها حسيتها قطعة مني..
وحسيتها خلاص هي اليه..ونظرات جدي أكدلي هالشي
نرجع لسنين قبل ولادة سلطان الحفيد الأول لمحمد السلطان كبير عشيرة السلطان عايشين بجزيرة يحكمها عائلتين ألهم نفوذ وسلطة وأغنياء أصحاب أراضي وعقارات بسبب خلافات على الاملاك والاموال من زمان جد جد سلطان راح ضحيتها مئات الرجال من العائلتين ولأنهاء العداوة قرر الجدان محمد كبير عائلة السلطان والجد بكر اليامور بزواج أبنائهم حميد السلطان وصفية السلطان من خليل اليامور وزهراء اليامور .
