#صراع_سلطان
الجزء 19
مي ترى هاي مو حالة أشوفج بعد 6 أشهر من زواجنا والله مليت أقدر الظروف اللي مريتي بيها حسي بيه اريدج يمي
شسوي حبيبي تحملني هالفترة ابويه والبيت الوضع بشكل عام صعب وهديل الصغيرة تحتاج رعاية لازم أعوضها عن امها هسة اني وياك راح أبقى يمك ساعتين وأروح.
ليش تحسسيني جايبج مجبورة مي اني ماتحمل اكمل بدونج يومي اريدج ويايه لحظة بلحظة وبعدين كتلج لاتختلطين بقصي مي سمعيني اذا يوم من الايام قصي لمس شعر راسج أذبحج بيدي أفتهمتي .
بعدت نظراتي عنه لايكتشفني اكذب عليه شكوله صاير مثل الكابوس همه الاول شلون يحرق دمي
تخبلت رسمي من ورا الابر والمهدئات هلكد ماصيحت فقدت النطق رجعوني لغرفتي هسة عايشة ويا اهلي بس انتظر اللحظة المناسبة افلت واروح اقتل سلطان الكل يتجنبني صرت المخبلة اسيل
رجعت بعد سنين نقلوني للمركز التابع للجزيرة رحت لبيتنا أنصدمت أبويه متغير امي مكسورة أختي صايرة مجنونه كلش ندمان لأن عفتهم وحدهم و قصي عايش حياته بالطول والعرض ولا كأنه همه عائلته فوك كل هذا يحملني مسؤولية لان عفتهم اني جمال جبان لان ممشيت ورا قصي ومسمعت كلامه
زهرا أحجي صدك مي صارلها فترة تطلع ساعات وترجع وين تروح لاتكوليلي سوك مستحيل اصدكج لأن ماكو بيدها شي
خليل شبيك عليها يمكن تزور امها وتخاف تحجيلك متوافق تعرف هي هسة رجعت للجزيرة
زهرا اني مو جاهل أجاني خبر نازلة من سيارة سلطان شنو يعني هالشي أذا اكو شي خليني أعرف منج قبل مااتصرف تصرف ميعجبج تعالي مي وين جنتي
بابا شبيك معصب طلعت أغير جو
والتغير ويا سلطان متستحين من نفسج تجذبين عليه تعرفين منو سلطان اللي قتل جدج ونص رياجيل عشيرتنا يعني عدونا ليش تردين تكسريني اكثر مااني مكسور
باوعت على عمتي مابيدها شي شكوله هسة صرت بين نارين مناك سلطان يلح عليه اعوفهم واروح يمه ومنا ابوية بابا
كافي لاتكملين منا وعاد ماكو طلعه افتهمتي
اليوم راح أقتل سلطان بس يطلع من المكتب راح ينتظره هديتي بدلت ملابسي لبست اسود علمود ابين مكسور كدامهم ورحت لبيت عمي كعدت وياه طلبت أشوف هديل بنتي عمي ماادري منين ابدي واعرف مو وكتها بس علمود هاليتيمه عندي منك طلب
تفضل قصي شبيها هديل تعرف هاي روحي من الدنيا واللي تريده يجرالك
اريد اطلب منك ايد مي حتى تكون أم لهديل ماريد أعيش بعيد عن بنتي وماريد أتزوج وحدة غريبة تنحرمون انتو منها انتظر منك جواب اترخص محبيت اطول وياه لايفهم اريد مي من زمان خلي يعتقد اتزوجها لخاطر بنتي والله وايام صارت بنت منصور اللقيط بنتي وعايشة بنعمه
