#صراع_سلطان
الجزء 15
فنحن برغم خلافاتنا، ضعيفان في وجه أقدارانا
شبيهان في كل أطوارنا
دفاترنا، لون أوراقنا، وشكل يدينا و أفكارنا
وحتى نقوش ستاراتنا وحتى اختيار أسطواناتنا
دليل عميق على أننا رفيقا مصير
رفيقا طريق، برغم جميع حماقاتنا!
مكدرت انام وصوت مي يرن بأذني متريدنا بعد ماتصور فضلت عيشتها يم ابوها علينا طلعت من غرفتي حبست نفسي بيها حتى مااتواجه وياكامل احس انكساري ميجبري رجوعه بهالسهولة وصلت لغرفة سارة دكيت الباب طلعتلي بأبتسامه
ها خوية مجايك نوم عبالي بس اني ونجوى سهرانين تعال اتفضل فارشين بالكاع وانواع الحبشكلات موجودة يمنا نتفرج على فلم راح تتونس
خليها غير مرة تعبان وباجر عندي كومه شغل بس تليفوني مادري شبي جيت اخذ تليفونج اخابر منه يشتغل لو لا
ماعرف شلون عفته وركضت لغرفتي وقفلت الباب ضليت أرجف من الخوف ياربي أسترني ماعندي غيرك هذا مخبل لو شنو سمعت صوت تليفوني يرن وهو بيدي غمضت عيوني خايفة لايطلع قصي أكثر من مرة دك بأيد ترجف ضغطت عليه وصوتي بي رجفه خوف
مي انتي صاحية
سلطان ياعلة قلبي طلعت مني لا أراديا
ويادواها
نزلت دموعي مو مصدكة يأست بيوم من الايام يخابرني وهسة شنو قصده اني دواه أذيتني بصدك اهواية لاتتصور اسامحك بسهولة
جربي ولاتسامحيني مي لاتحجين حجي انتي مو كدها ماريد اكولج انتي شنو بالنسبة اليه لان تعرفين كلش زين
اعرف واتمنى اسمعها بأذني ماريد بس تصرفات محتاجه اسمعها سلطان كافي بخل
غيرت الموضوع مردت اخليها تتأمل أكثر مو وكتها مي كلامج اليوم انتي كدها لو بس حتى تضوجيني لان ناقصني مشاكل تجين انتي تكملين فوكاها
مسحت دموعي وضحكت يعني كلامي هو اللي خلاك تتنازل وتخابر كافي سلطان حتى لو متكولها بلسانك صرت افهمها من طريقة تصرفاتك بالي طويل ويجي يوم تكولها متأكدة ظل لف ودور حاليا ماعرف شنو قصتك أحبك يااغلى شي عندي بالدنيا
اعترافها بدون حواجز خلاني احس نفسي عاجز أكثر تمنيت ارد وياها واكول واني اكثر انتي اول عشق شافته عيني ودعتها بعد ماسمعت دك الباب كأنما مسوي جريمه من فتحته امي جانت كدامي حسيت نفسي طفل مسوي مكسورة ومنتظر العقاب لايكون سمعتني واني احجي ويا مي
ظليت افتر بالغرفة فرحانة مجايني نوم واخيرا سلطان يا اشكد انتظرت هاليوم كلبي راح يطلع من مكانه من الفرحه يدك سريع لحظة وتلاشت ابتسامتي تذكرت اني هسة عايشة ويا قصي عدو سلطان يارب احميني منه المن اكول مراح يصدكون بيه
