# صراع_ سلطان 9
الصبا والجمال ملك يديك
أي تاج أعز من تاجيك
نصب الحسن عرشه فسألنا
من تراها له فدل عليك
فاسكبي روحك الحنون عليه
كانسكاب السماء في عينيك.
أخ راسي دكتور الله يخليك انطيني مهدء كلش تعبانه منو جابني اهنا أني جنت وحدي بكلبي شفت وحدة على راسي اتخيل لو شنو
حمدلله على سلامتج أنسة نجوى نجيتي من الموت هسة شويه وتصيرين أحسن لو ماهالبطلة جنتي ميته لاسامح الله الازمة جانت قويه هالمرة راح أكتبلج أدوية وتكدرين تطلعين بعد ساعه أترخص منكم.
شفتها واكفه وخايفة تعالي أقتربي منو انتي وشلون جبتيني أهنا اني متأكدة جنت بغرفتي أرسم وجتني الحالة صيحت محد ماكو شلون دخلتي شصار عقلي راح يوكف.
اقتربت منها واني بعدها الموقف ابالي من تخربطت أني مي بنت صفية أسفة جبتج هيجي بدون مااستأذن خفت عليج ركضت للشارع وجبت تكسي وصلنا للمستشفى حتى مجنت شايلة فلوس انطيته ساعتي .
عرفت هاي بنت صفية زوجة والدي جنت سامعة عنها بس مشايفتها شايلة جمال وبراءة كلش حلوة يمتى وصلتي
اني عايشة وياهم سنة بس
أستغربت عايشة سنة وياهم وأني اسبوعين موجودة ومشايفتها أنتي وين جنتي شلون مشايفج .
لازم ارجع ألله يخليج لاتكولين لأمي جبتج أهنا راح تطردني من بيتها واني ماعندي غيرها
تعالي كعدي يمي انتي انقذتي حياتي من الموت أني مديونه بعمري الج مستحيل اتخلى عنج كعدي احجيلي شلون جيتي يمنه وشلون جنتي عايشة .
متحملت بجيت الله يخليج لاتسأليني شي ماكدر ارد عليج
عمي حميد راح ياخذ زوجته ويسافر من جديد يصفون شغلهم وبيتهم بأوروبا وراح يرجع بس ماعرف أي لو لا بقيت وحدي وجوده يمي جان يحسسني أبويه بعده عايش كعدت ويا امي حجينا بالماضي والحاضر سئلتها اذا عرفت شي من عمتي صفية عن مي .
شبيك سلطان كلما تشوف عمتك لو تخابرها تحسسها انه هي مو زينة ويا بنتها ماكو هيجي شي كل أم تحب وتخاف على جهالها عبالك هي ظالمتها الله يرحم جدك غصبها تتزوج خليل وعافها وبحضنها طفلة وهي بعدها صغيرة كلش صعب تنكسر وتتحمل ذنب غيرك الله عوضها بابو كمال رجال سياسي ومحترم أي صدك سمعت راح يرشح نفسه للأنتخابات لازم نوكف وياه.
تدرين يمه جنت أتمنى مرة تكولين مي ضحية مو أمها بس ماعرف الكره معمي عينكم عليها مرات أشك عمتي تكذب علينا مستحيل مي تنسانا وتعيش حياتها بسهولة .سارة شنو أخبارج ويا الطلاب سمعت مطلعه عينهم .
لا والله جذب همه مطلعين عيني بس شنسوي نتحملهم جهال يمتى تتزوج وتملي علينا البيت بالجهال راح أربيهم بيدي وتعرفني شلون قوية وأسيطر عليهم راح يصيرون نسخة منك ومن جدي على ضمانتي بس توكل وتزوج.
