# صراع_ سلطان 8.
يقولون عني كثيرا كثيرا
وأنت الحقيقة لو يعلمون
لأنك عندي زمان قديم
أفراح عمر وذكرى جنون
وسافرت أبحث في كل وجه
فألقاك ضوءا بكل العيون
يهون مع البعد جرح الأماني
ولكن حبك لا.. لا يهون
حصلت على مشروع جان حلم جدي كلش جنت فرحان أحس حققت أحد احلامه وهو ميت بس اتذكر مي انزل راسي اعرف خذلتها بس من تكبر راح تفهمني كلما أدخل بالبيت اتخيلها وهي تركض عليه اني وكامل أخ كامل هانت عليك ابوك وأخوك هانت عليك اخوتنا وصداقتنا اشكد احاول انساك مثل ماسويت ماكدر ياترى مي شلون عايشة كلما اسال عمتي تكول متريد تحجي وياكم وهي بخير شفت رياجيالنا المسلحين داخلين عليه
سلطان بالليل راح يصير عدنا مواجهة وهاي اول مرة نتواجه وياه بدون عمنا المرحوم
بكر مو راضي أني استلم المشروع رددت بداخلي هذا بكر بعده مفكر اني سلطان الشاب المراهق ميعرف صرت محمد السلطان بنسخة جديدة رحبت بالفكرة وحضرت نفسي شلت سلاحي ورحنا على المكان .
قصي ماصدك شلون هذا المشروع اللي حاربت الدنيا علموده سنوات يحصل عليه سلطان ومنين جاب عميل اجنبي ماأصدك أسمعني منصور وقصي راح أذبحكم بيدي الليلة اذا مرجعتولي المشروع افتهمتوا اريد راس سلطان وياه روحو من كدامي اخ اخ أحس طيف محمد كدامي وهو يضحك عليه بس لا راح أحرك الدنيا عليهم
منصور روح حضر الرياجيل والاسلحة لازم ننهي سلطان الليلة أخ يالقهر اني انهان من جدي علمود سلطان بسيطة بداخلي بكر اني الك قبل سلطان تحاول تستصغرني
شفت أسيل تأشرلي تريدني أترخصت من قصي شكو شتريدين ألف مرة كتلج لاتلفتين الانتباه شنو هالموضوع المهم مكدرتي تنتظرين تحجين بيها الصبح .
حبيبي مو بيدي والله من الخوف شسوي أحنا بورطة اني حامل
أسيل انتي غبية ليش مماخذة أحتياطاتج أتخبلتي روحي نزلي بدون نقاش مليون مرة أكد عليج اخذي أبر وحبوب بأنتظام لو مكيفة راح تخلفين طفل غير شرعي
شلون انزله أخاف اموت هاي مرة ثانية نسيت شصار بيه من نزلت الاول ردت اموت الله ستر شكو تحجي ويايه هيجي ومعصب لاتنسى انت شريك ويايه قابل جبته وحدي اتصرف تعبت اريد ارتاح وياك كافي عمري 16 سنة لو شبعت ميهمك حياتي انتظر ويا من احجي اني منصور ياربي راح اموت وهو ولا على باله المشكلة أحبه اهوايه
وصلنا أني ورجالي نزلت من السيارة جان بكر واكف وياه قصي ومنصور والحمايات منتشرة جان يباوعلي ممصدك
هلا بسلطان أي كبرنا وصار عدنا حمايات ونتجاوز على شيخونا شنو مفكر نفسك تاخذ المشروع مني ولك انت منو توكف بوجهي جدك من يوم اللي اجه على الدنيا لحد مامات مكدر يواجهني بكل قوته وانت تريد تخلي راسك براسي بدون نقاش زايد لأن ماحب أضيع وقتي ويا امثالك باجر تروح تتنازل وتحول المشروع بأسمي والا
