#صراع_السلطان
الجزء 12
قصي : أحس بالم فضيع طلعت من العملية واني فكري يم مي عرفت بنت عمي حبيبة سلطان راح أحرك كلبك ياناقص اني تضربني طلقتين بأيدي ورجلي أبويه وعمي واكفين على راسي اول مانطقت خليت عيني بعين عمي مو عيب عليك عايف بنتك يم قاتل ابوك متستحي من نفسك بنتك هسة صايرة عشيقة سلطان واني اليوم ردت ادافع عن شرفك.
شتكول قصي مي مسافرة ويا امها واني من سنين عايفها حتى شكلها مااعرف وبعدين هي أصغر من سلطان و شنو ذكرك بيها مو هاي السنين كلها ابويه واهلنا مقبلو اجيبها شنو تغير بالموضوع
يعني اني اكذب هو بنفسه كال اني لاعب بشرفكم يعني مي ماكو غيرها اليوم لازم تروح تجيبها انت وابويه صارله سنين يلعب بشرفك لاتنسى مي مكتوب بأسم اليامور مو السلطان وبعدين انت مصدكت تتخلص منها ومن امها لاتتحجج بأحد خوفك من ام رامز خلاك تبعدها عنك
قصي ابني بعد هالسنين صعب عمك يطلب يرجعها اصلا هي تربت على أيد محمد السلطان واحتمال تكرهنا كلنا واحنا مجرد اعداء يمها فأقترح اخويا لايرجعها منريد نقتحم بمشاكل ماألها داعي من جديد وهو اصلا ممعتبره بنته
أني اعرف ابويه وعمي دمهم بارد عكس جدي حقه مجان يعتمد عليهم بشي ومحاسب الهم حساب اكوللهم شرف وبلاوي يجاوبوني متهمنا هذا اخر كلام عندك عمي صرنا بعد موت جدي سلطان يلعب بينا وحضرتك ميهمك اني مااسمح بهالشي حتى لو دفعت روحي ثمن لرجعتها حسيته خجل واقتنع بكلامي
سلطان رديت على خليل لو بعد أني فكرت أحسن شي مي تروح تعيش ويا أبوها كافي أحنا ربيناها وتحملناها سنين خلي هو يكمل وياها أني بعد ماكدر أرجعها ويايه لأن كمال رجع خلص دراسته راح يعيش ويانه ميصير هي تبقى يمي ابو كمال ميقبل .
تدرين الغلطه الوحيدة بحياتي خليت مي تعيش وياج جنت أتصور راح أحميها من عائلة اليامور وأخليج تتقربين منها وتحبيها بس بالعكس أني خليتها تعيش بتعاسة وياج مع الاسف عمتي مكدرتي تحافظين على بنتج أشوفج شلون تهتمين بنجوى وكمال وبنتج تشوفيها عدوتج
محد يعرف اللي مريت بي دائما تتهاجمون عليه ومعتبريني عدوتها ميهمني اني اختاريت حياتي خليها هي تختار حياتها اصلا من حجيتلها مجاوبتني سكتت يعني راضيه
ردت احجي واكشف المستور من سنين تراجعت خوفا عليها مو وكتها هسة اني وضعي مو مستقر وامي مراح تتقبل الموضوع يعني اذا فرحت نفسي اخسر امي واختي سعادتي مربوطة بيهم دائما اكو بحياتنا جانب مظلم نمشي بي في سبيل منخسر الباقي منهشلون كلبي ينطيني ابعدج عن عيوني مرة ثانية مي وانتي لازلتي شايلة مني اللي صار بالماضي
ماعرف شعوري بين فرحة وأخيرا ابويه حس بيه وأريح أمي مني بنفس الوقت خايفه أعيش ويا ناس ماعرف شي عنهم مجرد همه أهلي حتى أطباعهم ماعدا هديل جانت مغرورة ومتكبرة ياترى هي متغيرة راح تتقبلني كأخت لو لا لميت غراضي جنت أتمنى أروح يم سلطان وأدخل نفسي بحضنه أشكيله ايام الفراق والبعد لو كامل ياربي عايش ميت شلون قسيت عليه هالسنين شلون كدرت تتخلى عني وعن سلطان الله يحفظك وين ماجنت خبيت وصية ورسالة جدي بمكان محد يوصله مجنت احس نفسي اروح لمكان اخذ راحتي بي لان كلما اتفائل انصدم وهذا الموضوع بالذات اعرف يسبب مشاكل اهواية ياترى سلطان تفكر مثل ماني افكر لو ميهمك نسيت الوصية والوعد بمرور السنين
