صراع_سلطان
الجزء 7
موجوع قلبي، والتعب بيّه
من اباوع على روحي ينكسر قلبي عليّه
كل يوم صدمه اقوى من القبلها
اني واصل بالشدايد شدّه محد واصل الها
محد وقفلي من جنت محتاج وقفه
الصلابه بهالناس؟ مدري هاي الدنيا صلبه
دخيل الله من الدنيا من العالم
ربي خلي هذا همي بنهاية كل ظالم.
مرت أيام العزا اسوء ايام بعمري كل ليلة اكول هسة جدي يدخل يقرالي قصة ويغطيني أنتظر وماكو ميقبلون أنزل محبوسة بالغرفة بس أبجي اتمنى امي تحضني هسة وتواسيني بس مشفتها بعد اسبوع شفت وحدة شكلها مو غريب عليه جتي وياها بنية حضنتني وتبجي
مي حبيبتي اني عمتج زهراء
أتذكرت شايفتها بالصور بجيت أكثر عفية خلوني اروح يم جدي اني اخاف الله يخليج ابوس ايدج اريد اروح وياه
حضنتها بعد اعرف صفية مو يمها ولا معتبرتها قطعة منها لاتخافين حبيبتي احنا وياج كلنا بعدين خالج هم يجي ويشوفج تعرفينه خالج حميد مو
هزيت راسي بس اعرف خالي حميد دائما يحجي ويايه من يخابر جدي وينك جدي ليش عفتني
بعد سنوات من العذاب والفراك رجعت للجزيرة ابويه وتاج راسي راح رجعت رغم خوف مني ومن زهرة من ابوها واخوانها بس متحملت مااكون بعزا ابويه كامل منهار كاعد بغرفته يبجي وسلطان تايههواني اكثر منهم مابين فقدان ابويه وردت فعل بكر على رجوعنا
كوم كامل خزيتنا بين الناس الكل يسالون عنك عيب عليك انت رجال لو بابا جان بعده عايش ميقبل سواتك هاي خاتل نفسك بالغرفة وتبجي وتنتحب كوم اوكف ويا حميد الله يستر علينه من الجاي
صفية امشي ولي من كدامي مو محتاج محاضرات من وحدة مثلج ماعدها كلب لو بيج خير روحي شوفي بنتج الله يعلم شصاير بيها هسة انتي اخر وحدة اريد احجي وياها
من رجع عمي حميد صار عدنا خوف لايهجمون علينا بكر وجماعته كملنا العزا وصار اسبوع على وفاة جدي بعدني عايش بحالة صدمة أتذكرت مي شصاير بيها هسة سالت كالولي متقبل تطلع من غرفتها ميصير اني ادخل يمها وماكو أحد غير عمتها زهراء حجيتلها وضعها على السريع
والله حالتها غريبة تبجي وترجف خليت بنتي يمها اكولك سلطان ابويه اكيد عرف برجعتنا أكو رياجيل يحمونه لحد مانرجع لو لا مكملت كلامي ابويه دخل علينا بكل هيبته واني شريط طفولتي ومراهتي تمر كدامي مع كل خطوة يقترب بيها انتفضت ورحت وكفت ورا سلطان من الخوف
ها زهراء تختلين من أبوج الناس تختل ورا حايط اشو انتي رايحة ورا ريش كتكوت تعاي ولج عندي جم كلمه أحجيها وأروح صيحيلي العار حميد انتظركم بالمجلس .
شفت اسلوبه ولسانه الطويل ويحجي بثقه بداخل بيتنا رياجيلنا رفعوا سلاح بوجهه ضحك
