#صراع _ سلطان
الجزء 11
ليس في ذهني جوابٌ واضحٌ
لسؤالاتك ، يا سيدتي ..
كل ما أعرفه .
أنني أزداد حزناً
حين عيناك تزيدان اتساعاً وسوادا ..
سلطان مشى وعافني ركب سيارته خفت لايصير شي ركبت ويا الحارس رحت شفت هوسة ناس تصيح وناس تحاول تفتح الباب وسلطان يدفع بيهم وراد يفتح الباب اني من الخوف وكعت رجليه متشيلني بعد هاللحظة تأكدت اني أعشق سلطان كرجل مو حب طفولة باقية ببالي ممتخيله بعد كل هالسنين يروح من بين أيدي الكل مخبوص نسوان ورياجيل من ناحية يحاولون يكسرون الباب ومن ناحية يجيبون مي واني عيني عليه شلون مايروح زيجي بدون اي خوف يذب روح بالنار هذا مو سلطان الي عرفته هذا غير رجال بجسد سلطان يضحي بروحه لغيره جان يكدر يوكف ويتفرج من بعيد والناس تشوف شغلها وحدها بس مستحيل بحالته بي دم محمد السلطان المفدي بروحه لغيره
بقيت اراقب الوضع من بعيد سلطان وصل وطب نفسه بالنار بلكي يموت الليلة وأخلص منه بعد شوية نزلت وحدة من سيارة وياها حارس سلطان منو هاي التفتت على منصور
بنت عمك المصون
نعم تخبلت احجي بأدب منين اليه بنت عم اني غير هديل الحية الصفرة
الظاهر كبرت قبل اوانك قصي متتذكر بنت صفية أي عمي حقك وانتو يمتى حسبتوها منكم اول مافتحت عينها جدك رماها بوجههم وعمك مصدك يفلت من الزواجه ناسي قطعه منه يم اعدائه ضربت ايد بايد بأستهزاء
هاي بنت عمي خليل شنو هالرقة والمال اللي شايلته ياربي لايكون متزوجه سلطان وواني ويني عنها كل هالسنين اخ بكلبي كلت ياقصي الغبي هالقطعه جانت كدامك ورحت تدور على الرخيصات بفلوس وهاي لو طلبتها جان جدي يجيبها جوا رجلي وبلاش
قصي خلينا نروح الرياجيل منتظرين حصتهم من عملية الليلة كافي شفت سلطان وهو يحترك لضياع تعبه
شلون اروح وافوت هاي منصور هاك الفلوس روح انطيهم بنفسك خلي يسافرون ويتونسون أني رايح للبيت اريد طريقة اوصل بيها لهالبنية طول الطريق بالي يمها من بعيد واتأثرت بيها هيجي لو اخلي عيني بعيونها شيصير بيه شلون اتحمل الليلة وانام واني مشايف عيونها واعرف شنو أسمها كل مااحاول اتذكر اسمها ماعرف محسيت بانتقامي الليلة وحرق المخزن من راها المفروض اكون فرحان سلطان خسر الليلة اهواية
كعدت بتعب خيوط الفجر بدت تظهر تعب الناس وجدي وأرزاق أكثريتهم اللي عايشة على هالمحاصيل راح بلمح البصر وخسارة اكثر من شخص وأصابات من رحت بدون وعي ذبيت نفسي بالنار ردت بس أطلع العمال وديناهم للمستشفى شفت مي بحضن وحدة فاقدة الوعي ياربي اني ناقص هم ومشاكل النوب هاي شجابها اهنا وسط الناس شلتها وديتها للبيت جانت لازمتني بكل قوتها لاتعوفني أحبك سلطان أحبك
