#صراع_سلطان
5
ألأمس عبرة
واليوم خبرة
وغدا تصحيح الخطوة
وهذا حال الدنيا نعيش ونتعلم.
عشت ايام عصيبة بالحبس أهانة وضرب ماعرف منو موصي عليه يدللوني هيجي طلعوني افراج ماكو أحد جاي عليه غير السايق أكيد جدي ضايج مني لو ماخذ موقف وكامل ماشوفه هم تنهدت زاني اركب سيارة وعيني على الطريق هالمرة راح ارجع للبيت بس شخص ثاني مو سلطان شخص حياته انتهت خسر أبوه وصار مسؤول على أمه وأخته الوحيدة اللي جانت متعلقة حيل بأبوها سلطان اللي حارب وعاند جده حتى يوصل لحلمه ياترى راح يخسر حلمه همينه كلما نقترب احس طموحاتي تتبخر كدامي
محمد السلطان : تنازلت للعقود والمشاريع لبكر اليامور عمري متصورت اتنازله بس تصرف سلطان بلا وعي خلاني بهالموقف و من جهة مي تعبانة ومن جهة سارة صاير بيها حالة نفسية من ورا موت ابوها واني صاير بين نارين ام سلطان حضري غراض سارة خليها تسافر ويا عمها تغير نفسيتها ترى سكتت عليها علمود الظروف اللي نمر بيه بس مو توصل للقتل .
هو الواحد منين يشوف الراحة عمي لاتزعل من سارة صعب اللي مرت بيه والغلط بحضرتك جان المفروض هاي متبقى عدنا تسلموها لأبوها اذا امها ذابته ومتريدها أحنا شكو نراعيها وسارةبعد بنتك انت أدرى بمصلحتها بس خلي يطلع سلطان بعد مااريد شي .
اليوم راح يطلع هانت وانتي مثل بنتي واعزج اهواية ديربالج تقرين براس الولد اني اخذ بثار ابني بس خليني اخلص من الهموم اللي عندي
صحت على جدو بعدني تعبانة من الضربة والخيط براسي يوجعني اني متاكدة سارة ضربتني بحجر بس جدي وعمي يكولون متوهمة انتي اتزحلكتي وكعتي بالشط جدو وين امي ليش مجايه تزورني و عيني على الباب منتظرة احد يمر علينا مليت من الوحدة
عيون جدج أني ماكفيج تعرفين امج عدها مسؤولية بيت ورجال لاتعاتبين عليها شتريدين اني اسويلج وبكلبي اكول الله يلعنج من بنية ياصفية شلون ام انتي شايلة قلب لو حجر بصدرج غصبتها حتى تجي تزورها بالمستشفى .كومي سلطان راح يجي مو كلتي تردين تشوفينه جاي علمودج.
ممصدكه سلطان رجع رحت لغرفتي وفتحت الدولاب بدلت على السريع رحت عليه أحضن بيه وابجي وين جنت معرفت صار بيه حادث ردت اموت انتظرتك تجيني للمستشفى بس مجيت ليش دائما تاركني وحدي سارة رادت تقتلني ومحد يصدك بيه انت تصدكني سلطان
رجعت امي وجدي بدل مايرحبون بيه استلموني رزايل ونصايح عرفت سارة شمسوية بمي أختي راح تروح بيها ومي راح تكون ضحية هالثأر حبيت اطمن عليها بنفسي اول ماشفتني حضنتني وتبوس بيه تعاتبني شفت نظرات أمي تخنزر بيه ونظرات جدي فرحان .كعدت ويا جدي بالمجلس سألت منو شاف القاتل منو جان موجود محد شايف شي من الازدحام والهوسة يعني شنو صيحت دم ابويه راح يروح هدر
