#صراع_سلطان
3
بعد اللي سمعته من جدي عن مي أني وكامل ركض هدينا على بيت اليامور طلعولنا زعاطيطهم رامز اخو مي وقصي ابن عمها انسان حقير بمعنى الكلمة موتناهم من الضرب اخر شي جرحت خد قصي جان يغلط على عمتي .
لزمت خدي اللي جان ينزف من ضرب سلطان صحت عليه سلطان أياحقير أقسملك راح ابجيك دم لاتنسون نفسكم انتو أدنى من عدنا ياعار نسيت عمتك البربوك متحملت بدون رجال عافتكم وراحت لو عمك الجبان اللي هاجر ولابين على شنو نافشين ريشكم متكولولي وانت يا كامل يا وجه العار اني لو صفية أختي أمرغل راسي بالكاع مثل النعامة مو أجي مثل الجلب أهاجم الناس .
رامز : احنا منعترف لا بصفية ولا بنتها يا اخي غصب لو شنو السالفة شبعو بيها وأختي هديل تاج على راسها وراسكم .
كامل: مي مو بحاجتكم افتهمتو لو لا والسوسة اختك ادبها لا ألزمها واربيها من جديد شلون تحجي على اسيادها بيت السلطان جان ولايزال احسن من عدكم ناس بلا شرف واخلاق روح كول لبكر كلامي ولاتنسوه اللي يتجاوز على مي دمه مهدور يازعاطيط .
مرت أيام وشهور صار عمري 20 سنة جنت رايح على جدي اريد أسجل ويا كامل للعسكرية واعوف دراستي بكلية الادارة والاقتصاد حجيت أحلامي وطموحاتي وماأريد ابقى ورا الثأر والعادات مجاوبني زعل مني جر حسرة بس هاي اللي شفته منه سافرت وسجلت أسمي بقيت أيام ماكدر أرجع أشوف أهلي ومنا الضغط عليه وتدريبات ومناك جدي مزاعلني وميحجي ويايه ومي متغيرة صايرة حساسة اقل كلمه تبجي وتنعزل بغرفتها كامل مهون عليه كعدتي بالعسكرية
مي : علاقتي بسارة وزوجة عمي ام سلطان على كد السلام جنت أتمنى ألعب وأروح يم سارا بس ميقبلون لاجدي ولا كامل بقينا اني وجدي بالبيت الجبير 1000م عايشين بيه شخصين بس مرات مااصعد للطابق الثاني من الخوف من قصص الجن والبيت المسكون خابرتني امي كالت راجعه من السفر وراح ترسلي السايق مالتها حتى اروح يمها حسيت نفسي بالعيد خبصت الخدامة اللي ربتني وأهتمت بيا أكثر من امي اسمها أم حسين الا تطلعلي ملابس العيد البسها وهي متقبل تكول باقي 10 ايام على العيد لبسيها مو هسة رحت على جدي جان نايم جدي كوم اشتريلي ملابس جديدة .
ها ولج شكو شصاير فزيتيني حبيبتي بيج شي
أريد ملابس جديدة وفستان ابيض منفوش مثل عروسات
مو أخذنا ملابس للعيد كافي هاي 10 مرة اطلع أشتريلج واني لو منج اروح يم امي البس كونيه متستاهل هالفرحة ولو هي بنتي بس أنتي قطعة مني خلي هي تجي لهنا وتشوفج شنو صايرة سفيرة عزيزة متجي بنفسها ترسل السايق .
هي متكدر جدو الله يخليك يرضيك مي حبيبتك تزعل لو تروح بملابس مستعمله شيكول زوجها عليك بخيل نزلت جم دمعه بالجذب
