#صراع_السلطان
الجزء 4
و الدهر يومان مذموم و ممتــدح
و الناس اثنان ممنوح و مسلــوب
فاسَمعْ بقلبك ما يأتيك عن ثقـــةٍ
و انظرْ بفهمك فالتمييز موهــوب
إني ارتقيتُ إلى طودٍ بلا قـــدمٍ
له مَراقٍ على غيري مصاعيـــب.
ضايجة من أيام وزعلانة على جدي مخلاني أروح لبيت أمي حلف الا تجي تاخذني بنفسها بدلت هدوم العيد بيتنا متروس من النسوان والجهال واني محد باله يمي كل وحدة توكل جهالها وتنطيهم عيديه واني ابقى اباوع واتفرج عليهم صرت اكره العيد واكره اللمة واكره نفسي وياها سارة وبنات خوالها يلعبون بس اتقرب منهم اسمعهم يضحكون عليه لان امي متريدني هالكلمة اللي اسمعها دائما ومااصدك بيها عدها ظروف مثل ماتكولي دائما وكفت واني اعدل فستاني الابيض اللي يشبه فستان عروسات مثل ماحب البس دائما بالعيد بس هالمرة حبيت يكون لون ابيض سمعت ام سلطان تحجي لزوجة اخوها وتريد تخطبله بنتها تمنيت اضربهم اثنيناتهم عينها عليه وهي تضحك وياها بكلبي بسيطة راح اكول لجدي كلشي بعد مااسكت اي واحد يحجي عليه اوصله الحجي
كاعد بالمجلس أعايد الناس احس بشي كاتم على صدري عين على الحاضرين وعين على الباب منتظر رجعه جاسم من الجامع ريحة البخور والقهوة تارسة المجلس دخل واحد يصيح عمي الحك غدرو بينا عمي جاسم راح رجليه متشيلني مستحيل قبل ساعة جان بحضني مااعرف منو شالني وخلاني بالسيارة وصلت وياريتني مواصل ياريتني مكانك ياأبني جان مغمض وعلى شفايفه ابتسامة ولونه متغير والدم ينزف شلت دمه بيدي صيحت بعلو صوتي أريدكم تعاهدوني على هذا الدم تنهون عشيرة اللي كتل أبني وأبنكم لاترحمون أحد بيهم دم جاسم مقابل عشيرة دفنت ولدي بايدي وقبلها أخويه وابنه وزوجتي وابن عمامي وخلاني منو بقى بقيت وحدي مكسور لا حميد بيه خير ولا كامل راحت دمنا وتعبنا من سنين ياريتني ميت ولا وصلت لهذا اليوم أصعب شي تدفن اعزازك بيدك المفروض اني بمكانه
جنت أحجي ويا كامل وزملائنا عن العيد واجوائها كل واحد ومنطقته يختلف العادات والتقاليد عن كل منطقة وعشيرة وعدتهم من ننزل اجازة اعزمهم يمنا أجاني الضابط حضرو نفسكم انت وكامل جايين عليكم مااعرف شصار بيه مابين خوف وفرحة خوف لايكون صاير شي باهلي وفرحة راح أعايد ويا اهلي خلال لحظات طلعنا حتى مااخذنا اهواية غراض ممصدكين قبل يومين شوية ونوكع على أيده حتى ينطينا إجازة ليوم واحد وهسة جاي بنفسه ويريدنا نرجع للبيت السايق جان كرايبنا مبين عليه مهموم ويمسح دموعه كل شوية باوعت على كامل هو هم مثلي شك اكو شي سأل السايق قبلي
عمو شكو صاير شي اشوفك جيتنا على غفلة وتبجي ابويه بيه شي حسيت وضعه مو تمام شاورت سلطان يسأله سكت اني سألته
