#صراع_السلطان
2
صفية أني بعد مااكدر أستمر وياج حولتي حياتي لجحيم حتى رغبة ماعندي ماأحسج زوجتي أنتي لعنة نزلت من السما عليه أنتي طالك اما بنتج خلي يمج وأني أنطيج مصروفاتها بس بشرط ماعليه بيها ولا أريد أشوفها .
دروح علأساس اني ميته عليك والله بس أطلكني وأطلع من العدة راح أتزوج تاج راسك واحرك كلبك من يوم اللي اتزوجتك مشفت يوم حلو بحياتي أصلا انت مو رجال تفو عليك وعلى عشيرتك ابن اليامور وهالبلوة أكو خدم يربوها مو محتاجتك وخلي فلوسك لنفسك لاتنسى اني بنت السلطان ياعار لو بيك خير ابوك ميجبرك تتزوج وحدة غصبا عنك والله اني أرجل منك خليل
حميد خير ياعيوني أشبيك جاي من وكت صاير شي فدوة بديت اخاف طمني
زهرة بسرعة لمي غراضج وغراض البنات ماعدنه وكت أختي تطلكت اكيد أهلنا راح يجبرونا نتطلك مثلهم تعرفين الشروط راح نسافر بعيد اني مو مستعد اتخلى عنج وعن بناتي انتو روحي بالدنيا حتى لو أبويه كدرت اقنعه تعرفين أبوج ماكو رحمه بكلبه
لطمت وضربت على وجهي يومه كلشي ولا انحرم منك انت والبنات ابويه مراح يرحمنا مناخذ شي خلي نروح بسرعه لبست بسرعه بناتي وطلعنا من بيتنا نحو المجهول منعرف شيصير بينا لا اني ولا حميد نكدر نعوف بعض علمود العادات المجحفة بحقنا اخ صفية ليش هيجي سويتي اعرف اخويه انجبر عليها بس هو مو واحد ميتعاشر صفية متحبه جانت تحب غيره وتحس هو فرقها عن حب حياتها دايما تكولها بوجهي من وراكم دمرت احلامي كل مانمشي ونبتعد احس نفسي داخل كفن ويعصرني عصر لحد ماابتعدت السيارة بينا وبدت اثار بيتنا تختفي كدرت ارتاح رغم ماعرف الطريق اللي ماشين بي طريق يفرج كربتنا ولا مأساة جديدة
واخيرا رجع اللي ردته اجتمعت بمحمد مجان ببالي بيوم من الايام اخلي ايدي بأيده الناس قررو واني محبيت اكون بنظرهم السبب مني ردت هو يعارض على هالزواج اللي جان بلا معنى محمد السلطان مثل ما شفت ألاولاد أفترقوا وصار بيناتنا دم بس كلها بنات ماكو صبي يعني الاتفاقية أنلغت بيناتنا والشاطر اللي يبقى بالسوك الحرب بدت من هسة .
حسيت يهيني كدام الزلم بكلامه اشوف نظرات الفرح والانتصار بعيونه اول مرة اشوف اب يفرح بانكسار وضياع اولاده علمود الطمع بكر اليامور مو مرجي منك هالكلام أني البنات ماأبدلهم بالدنيا شنو صبي وبعدين لو أبنك جان رجال يحمي بيته ومرته مو كلمة والثانية يشتكي مثل النسوان غاصبيني ومااريدج وميعترف ببنته الحمدلله صفية أتزوجت واحد أحسن منه بس عيب عليكم ترمون لحمكم والسوك مو ألك بعدني بقوتي عندي سلطان وعندي كامل خاف على نفسك .
كامل : أخر العنقود وصديق سلطان الروح بالروح عايش ويا أبويه وبنت أختي صفية عمرهه شهور اهلها تخلو عنها ربيناها اني وابويه بمساعدة الخدم اخويه حميد سافر وعافنه ابويه صار نار من جهة طفلة بقت علينا نتيجة الزواج الفاشل ومن جهة أبويه ميلحك على مشاكل العائلة جان ياخذنا اني وسلطان وياه نشوف شلون يتعامل بسوك العقارات جانت طموحي أدخل عسكرية ويا سلطان بس أبويه ميقبل يريدنا وياه كلما أشوف مي انقهر عليها نحاول نعوضها بأي شكل .
