رادِن

حِداد

سلام جميليني كيف حآلكم ؟

اعتذر عن التأخير في التحديثات بس بحاول انتظم في التنزيل ع شانكم .

و طلب صغير : أي واحد فيكم لبناني سواء بنت أو ولد و عايش حالياً في لبنان . يكلمني هنا خاص او في أي برنامج كل حساباتي موجودة في التعريف حقي ، و إذا تعرفون احد شخصياً هناك خلوه يكلمني ضروري

و بكون شاكرة لكم تعاونكم .. قراءة ممتعة ..

،

على كتفي اليسرى ، رأسك هو الحسنة الوحيدة ..

ـ

عيوني بدت تحكني ..

قلبي يرتفع و يهبط و أنفاسي أحاول ما أطلع لها صوت ..

لصقت يديني ببعض و صفقت بهدوء بعدها طيحت جسمي كله على

ظهري و بديت اتأمل السقف ..

للمرة الثلاثين يمكن أشوف هالعرض المسرحي بشاشة جوالي الصغيرة

و في كل مرة تجدد مشاعري و قلبي يقرصني و نفس الشغف ، استغرب

قدرة الممثلين و أصواتهم أنها ترسخ في الروح قبل الأذن ..

ألتفت اشوف ضوء الشمس اللي دخل بخجل عند الفتحة الصغيرة اللي

تركتها عند ستارتي .. اليوم المفروض أروح للمكان اللي قال لي

تعال فيه .. ما أدري إذا بيخليني اشتغل أو شد انتباهه شي من كلامي

بس مختصر الموضوع أني ودعت خالتي امس و هذا اخر يوم لي في

هالبيت يعني إذا ما كانت وظيفتي هناك يعني بنام بالشارع ..

ـ

قام رادن من السرير و اتجه للمغسله و عيونه ع المرايه ، تنهد بعمق

وجهه ما يبشر بخير مع عيونه الحمرا هذي ..

تجهز و سحب شنطته و لبس شنطته الثانية على ظهره و انطلق للقصر..

ـ

في مكان ثاني كان يطالع في الأكل و يرفع عيونه و يطالع فيها ..

سناء : إذا ما أكلته كامل راح تنحرم من اللاب توب لمدة 48 ساعة ..

رويد بهمس : قولي يومين ..