رادِن

لليلة واحدة

سلام جميليني ..

اولًا شكراً كبيرة ل 10 ألاف متابع ، شكراً لثقتكم

بحروفي و لوجودكم الدايم و دعمكم المتواصل لي ..

بارت طويل لعيونكم ..

ـ

كل شي في قلبي فآن إلا أنت .. حي لا تذبل ..

ـ

رادن ألتفت لبحر و طالع فيه ، شكله الفوضوي و أزراره المفتوحة

و الوقت و الظلام و وكل شي كان ينفهم غلط ..

رويد : اقدر أدخل ؟

بحر على طول هز راسه بالرفض لرادن ..

رادن م عرف شيسوي بيكون غريب انه م خلاه يدخل ، لذا مسك

يد بحر و سحبه شوي بعيد عن الباب و فتح الباب و طلع و سكره ..

رويد : آسف لو ازعجتك ..

رادن كان قلبه يدق بقوة و مو معاه ..

رويد : صحيتك من النوم صح ؟

رادن انتبه و مسك كتف رويد : فييك شي ؟

رويد نزل عيونه : ضايقه فيني ..صارت أشياء كثيرة ابي اقولك

عنها ..

رادن مسك يده : يلا نروح غرفتك ..

رويد مشى مع رادن إللي أخذ نفس عميق و تنهد ..

رويد : ايش ؟

رادن حرك شعر رويد : و لا شي .. تعال ..

جلس رادن رويد ع السرير و هو جلس قباله و ضم يدينه ..

رويد دق قلبه و نزل عيونه ..

رادن : قل لي شنو الأشياء اللي ضايقتك ..

رويد وهو يحرك بأصابعه على يد رادن : ريا كانت تتكلم مع

الضيوف انها خلاص ببتزوج ابوي .

رادن شد شوي على يد رويد : أنت ما تدري المصلحة وين ..

رويد : أنت قلت مصلحه .. يعني م فيه شي ناتج عن رغبة أي احد

ع شان الناس تتكلم و تشوف انه زواج اسطوري و ناجح ..

رادن : م اعتقد اني مخول أتكلم عن هالموضوع ..