رادِن

إيمان

صبآح الورد جميلين قلبي .

بارت العيد المتأخر لكم .. البارت طويل لعيونكم لذا قراءة ممتعة .

ـ

و إن روحي لتشتاق إلى مًن تُحِبه و أنت الأوحد في الحُب فـ كيف
لا يُضنيها الوَلّه ؟

ـ

وقفوا قبال بعض ..

الأول بإبتسامة و الثاني بعقدة حاجب ..

ياسين بالإبتسامة : ادخل ..

رايان و هو عاقد حواجبه : شتسوي هنا !

سناء اللي كانت بتروح مشوار معاهم بالسيارة : ياسين من الحين هو السايق الجديد ..

رايان مسك يد ياسين : شوي بكلمه و بجي .

سناء بشوية عصبية : بتتأخرون ع المدرسة ..

رايان تجاهلها وسحب ياسين اللي مشى معاه بهدوء لبعيد عنهم بشوي ..

رايان : قل لي وش عندك هنا ؟

ياسين : أبوك عرض عليّ الشغل و صعب أرفض هالعرض المغري ..

رايان بحدة خالطتها نبرة خوف : من سمح لك تقبل هالشي ؟

ياسين رخى تعابير وجهه : شفيك خايف طيب ؟

رايان : تسأل ؟ م كنت خاطفني ؟

ياسين : و رجعتك ..

رايان صك بأسنانه : بعد أيش ؟

ياسين وهو يطالع في ساعته : مقدر اضيع وقتي معاك أكثر ..

رايان : بقول لبابا ..

ياسين : وش ؟

رايان : اللي سويته فيني ..

ياسين قرب من رايان بشكل مفاجأ و خلى رايان شوي يختل توازنه وهو بيرجع لورى ..

رايان : ش..شنو ؟

ياسين مسك فك رايان وضغط على خده شوي وهمس عند شفايفه : م تمشي معاي اساليب التهديد

هذا هو أبوك عندك و قل له كل شي ..

رايان دق قلبه من نظرة ياسين الحادة ومسك يده بيبعده عن وجهه بس م قدر ..