سلام جميليني ، شخباركم ؟
عارفة تأخرت عليكم بس ي حلوين أنا اشتغل الحين ، شغلي 11 ساعة
يعني يبقى ليومي 13 ساعة بين نوم و اكل و اشوف باقي حياتي م عندي
الا يوم اوف و أحاول فيه اكتب ع شانكم شوي ، و شكرًا لتفهمكم ..
البارت خفيف + قراءة ممتعة ..
-و أنت حين تبتسم ..
يبدأ موسم الأمطار في اسطنبول ..
و الربيع يحل على الجهة الأخرى من القارة ..
و الرُبع الأخير من العالم يُخبر طيوره المُهاجرة بأن تعود ب سلام 💜ـ
رادن *
كان البالطو رمادي .. القميص اللي تحته ابيض.. ساعته بجلد اسود
ريحته .. كانت مسك أو لافندر .. او الخشب بعد المطر ..
أنفاسه احتلتني و القشعريرة الحامضة و الحلوة اللي ترسي في الجسم
بعد م يآكل شي كذا .. انتفضت بس ضلوعه اللي احتوتني كانت
كفيلة تلمني ..
شفايفه استقرت في فمي وبعدها تركيز عيوني ضاع لذا غمضتهم
و استسلمت له ..
ليدينه اللي شدت عليّ اكثر ..
لشفايفه اللي اكلت فمي اكثر ..
لأنفاسه اللي ضربت في قلبي و خلته يدق بشكل مجنون ..
لرجولي اللي مو قادر اثبتها ع الأرض ..
فصل بوستنا الأولى ..
بكل كمية الرهبة و الخوف و اللذه بذيك اللحظة و همس لي ..
بحر : افتح عيونك و كلمني ..
فتحت عيوني بشويش .. الحرارة التهمت جسمي .. احس بجسمي
قاعد يشتعل و صوته مع قربه مني الا انه بعيد ..
همس لي : قل كل شي الحين ..
م قدرت أقول الا هي .. ادري انها بتختصر كل شي و تمحي أي
شعور شك او خوف ..