صباحكم سكر ..
قراءة ممتغة .
ـ
ثم إني كُلما حاولتُ أن أنجو مِن حُبك غرقتُ أكثر ..
ـ
رادن وهو يرجف في حضن بحر حاول يهدى شوي و بعد عنه ..
بحر ضم وجهه رادن : آسف لأني تأخرت ..
رادن هز راسه بسرعه : م تأخرت .. شنو قاعد يصير ؟ و الأولاد وينهم ؟
بحر عدل وقفته وطالع في ساعته : أدهم بيآخذهم للميناء بيآخذهم من هناك للبحر
الجنوبي للبيت اللي هناك لين نسيطر ع الأوضاع هنا ..
رادن تنهد براحة : الحمدلله .. أدهم شلون أخذهم ؟
بحر : أدهم قائد الحرس البحري الخاص .
رادن فتح عيونه بصدمه : جد !
بحر رفع جواله : ايه ، بس رواد و رايان مخطوفين و يحاول مجاهد يرجعهم الحين .
رادن انتفض : شنووو ! ليش تقول لي انهم بخير ؟ مين خطفهم ؟
بحر نطقها و باين كمية الضيقة بنبرة صوته : كامل .
رادن م استوعب : كامل ؟ كامل مين ؟ كااامل نفسه !
بحر هز راسه : كان الخاين بينا ..
ران مسك يد بحر : ليش سوا كذا ؟
بحر ابتسم بقهر : ع شان يسرق المعلومات و التحركات بكل ثقة ، مو سنة و لا سنتين
و لا عشر كامل كان جزء من البيت كان روح البيت بس للأسف نسف بكل هالسنين ..
رادن نزل عيونه : م اصدق انه سوا كذا ..
بحر كش شعر رادن اللي رفع راسه ع شان يطالع فيه ..
رادن : شبتسوي الحين ؟
بحر : الحين بآخذك لمكان ترتاح فيه بعدها لما ننقذ رايان و رواد بتروح معاهم للبحر
الجنوبي ..
رادن هز راسه : و أنت ؟ م بروح من دونك ..
بحر : إذا هدت الأوضاع بجيكم أنا ..
رادن : لاا خلني هنا ..