رادِن

فضآئي

-
سلام جميليني ..

صباحكم و مسائكم سكر ..
بارت طويل لعيونكم .. + له تكملة هالبارت بس شفت
نفسي بطول على ما اخلصه لذا قررت انزل هذا و الثاني
بيكون قريب ..
قرءاة ممتعة ..
-

‏عآنق فضائِي الضيق ..
‏أقتلِع أوهآمي المُمِلة ..
‏أسمع صراخي الصامت ..
‏دللني كثيرًا ..
‏و أسمح لنا بأن نتبعثر .. نتكور ..
‏و يختبأ أحدنا في عُنُق الآخر ..

-

طلع بحر و رادن بين يدينه و هو قاعد يحتوي رادن اكثر بيدينه ..

كامل فتح باب السيارة من ورى و دخل بحر و هو حاط رادن على

رجوله و شافه و هو يتوجه لهم بسرعه ..

رويد و دموعه في عيونه : بجي معاك بابا ..

بحر طالع في كامل : سكر الباب و يلا بسرعه .

رويد مسك الباب : باابا ..

بحر : روووويد لا تضيع الوقت ..

رويد فز من صوت ابوه العالي و بعد عن الباب اللي سكره كامل و ركب

و بدا يسوق ..

بحر كان يطالع في رادن اللي جسمه بدا يعرق بس لسه م فتح عيونه مرة

ثانيه و ضغط بقوة على كتفه ..

عندهم حاولت سناء توقف ريا بس م قدرت غير تجلسها ع الدرج ،

دقيقتين بس و دخلوا ابوها و امها و قرب ابوها وسندها له ..

أم بحر : وين بحر ؟

سناء بلعت ريقها : اخذ الاستاذ رادن للمستشفى ..

أم ريا بعصبية : كل الخدم اللي هنا ما قدروا يآخذونه ؟ مين اهم هو

او بنتي ؟؟

أم بحر طالعت في أدهم كأنها تقول له تصرف ..

أدهم : م فيه اهم من بنتك بس واضح ان رجلها التوت مو كسر بس

الاستاذ رادن نزف راسه هذا موت ..

أبو ريا : شقصدك ؟ الولد ذاك هو اللي طيح بنتي و بيدفع الثمن ..