من متى و الغصـن يختـار الطيـور..!!

10

* يوم جديد يمر على تلك الجبال..

زينه والخادمه في المطبخ ويجهزون قهوه وكيك ..
بهالأثناء دخلت لوجين وهي تتبسم ولا كأنها متاثره بغياب مشعل اللي له يومين/هاي
زينه انبسطت بشوفت ابتسامتها/هايات.. اخيرا شفتك بالمطبخ،كنت اشك ان عمرك ما عرفتي مطبخ هههه
لوجين وهي تاخذ نظره بانوراميه للمطبخ ببتسامتها/لا يغرك شكلي ودراستي تراني احسن طباخه واتحداك بعد
زينه/لازم تطبخين واذوق طبخك علشان احكم بتفسي
لوجين/ماعندي مانع.. بس عطيني فرصه
زينه/الا بخليك تكرفين طبخ
لوجين جلست ع الطاوله/ايش قاعده تسوين انتي
زينه/مفكره نطلع الاستراحه وناخذ معنا قهوه وشاهي وحلويات وكذا ..نبي نغير جو
لوجين تحمست/والله فكره حلوه
زينه وهي تخصر بدلع/ادري
لوجين قامت تتفرج بالاصناف/في شي ناقص
زينه/وشو؟!
لوجين وهي متحمسه/كب كيك..
زينه/للأسف ما يضبط معي..
لوجين/ماقلت لك سويه.. انا اللي بسويه.. وسجليه واحد صفر ضدك ههههه
زينه/اي ماعليه خلينا نشوف شطارتك بالاول
لوجين/خلينا نبدا اللحين علشان نخلص بدري..
زينه/انا خلصت بقعد اتفرج فيك
لوجين وهي تتبسم بسخريه/وبالمره تعلمي
زينه/هههه نشوووف
/
/
/
/
/
/
ع الساحل ..وأجواء دافئه جميله ..ولا صوت يعلو على صوت امواج البحر الأحمر وهي تصطدم في الصخور..
قبالة الشاطئ خيمه منصوبه وفيها مجموعة شباب من اصحاب عمر ومنهم مشعل اللي طلع يستمتع بالبحر ..والبقيه يجهزون للشوي.. والعشاء..
مشعل يناظر جواله ويشوف الواتساب متى آخر مره دخلت ويشوف صورة العرض بنت تضحك وهي تدمع.. ووش كاتبه في الحاله
[ابشرك، قلبي تناسى طعم الألم... اموت لكن ماتموت بداخلي الكرامه]
مشعل هنا عرف انها تقصده و انقهر ،سكر جواله،وجلس ع اقرب صخره ..وباله مشغول بأشياء مشتته..
عمر شافه قفى بعيد و راح له ينادي/بوفيصل
مشعل ما ألتفت عليه.. ما سمعه.. مو في عالمه/...
عمر وقف عنده وهو معصب/ياخي لي ساعه ساعه اناديك وينك رايح.. تركتنا ومشيت
مشعل اخذ نفس/قلت امشي شوي لحالي
عمر/كلمت الأهل؟
مشعل/ماسمعتني اكلم امي قبل شوي عندكم..
عمر خزه/انت عارف من اقصد
مشعل/عمر ماني رايق لك
عمر/دامك ماتبيني اتدخل ليش ماتكتئب الا عندي.. ليش تفضفض لي
مشعل قام معصب/طيب انا غلطان اني ازعجك.. ابعد عن وجهي خلني اروح
عمر مسكه بقوه/تحسب اني بخليك كذا.. اقعد و تعوذ من الشيطان.. ادري منت بعقلك وانت تكلمني بهالطريقه
مشعل صد مقهور/عمر اتركني بحالي تراها واصله لين هنا
عمر قاطعه/روح لها
مشعل سكت/...
عمر/لا تكابر روح لها.. وقول لها اللي في قلبك.. فهمها ولا تخليها بهالطريقه وانتم توكم متزوجين،البنات مهما كانوا مكابرات ما يتحملون الهجر
مشعل سكت يفكر بكلامه...
عمر/انا رايح للشباب... لا تقعد هنا لحالك.. الحقني..
مشعل من ضيقته قام ومشى..

/
/
/
/
/
/
ام مشعل/ماالي نفس اطلع..
زينه وهي تلّح على أمها/ها يمه بتروحين معنا.. ترى اختي منيره وبزرانها معنا وبعد اختي ساره..
ام مشعل بعد تردد/يلا مشينا.. مع انه ما ودي
زينه/يلا انا رايحه اخذ عباتي
لوجين نزلت وهي لابسه وجاهزه/ها يا زينه ماخلصتي؟
زينه/لحظه بس اجيب عباتي
لوجين،جلست تنتظرها/اوكي لا تتأخري
ام مشعل خزتها،بنص عين، مشت وتركتها،...
لوجين ظلت تنتظر،ومتناسيه كل همها...
رن تلفون البيت...
لوجين استغربت لانها ما قد شافته.. وتبعت الصوت ولقته ع طاوله،راحت ترد،رفعت السماعه وهي ساكته/
المتصل كان مشعل/ألوه.. السلام عليكم
لوجين هنا تلخبطت وماقدرت تتكلم ..سمعته وهو ينادي وسكرت الخط بوجهه بهدوء..
رجع يرن مره ثانيه... وفصلت السلك وطلعت.
طلعت لبرا تنتظرهم.. وهي تحاول تسمو على مشاعرها..
/
/
/
/
/
مشعل استغرب من اللي رفع السماعه وماتكلم!!
راح يتصل على زينه وما ردت كانت مشغوله باللبس..
استغرب اكثر وراح يتصل في لوجين وانتظرها ترد...

برا كانت لوجين واقفه عند الدرابزين وتتأمل الأجواء والمناظر وتنتظر زينه تطلع لها..
رن جوالها وطلعته تشوف من وتلاقي مشعل، تنرفزت وضغطت الزر الأحمر ..ورن مره ثانيه وضغطت الزر الأحمر..!
وقفلت الجوال بالمرّه..
كانت متردده قبل تقفل الجوال..
طلعت زينه بهاللحظات ومعها امها.. ومشوا كلهم..
/
/
/
/
/
بمكان آخر... ،
بو علي وهو يهدد ولده/اسمعني وانا ابوك.. هذا ولد عمك وحسبت اخوك.. ما اسمح لك تأذيه
جابر بصوت عالي/يخسي انا ما اعتبره اخوي وهو السبب في سجن علي
بو علي بألم/اخوك علي هو السبب في سجن نفسه من افعاله الرديه.. سود وجهي قدام الناس
جابر/حتى انت يبه ضد علي
بوعلي/اسمعني زين. علي ولدي لكن اللي سواه سواد وجه
جابر بقلة ادب/شوف يبه اذا انت منت كفو تنتقم لاخوي انا اللي بنتقم له
بو علي عطاه كف عدل وجهه/
جابر انقهر/انا يبه تضربني علشان مشيعل،يحرم علي دخلت بيتك مره ثانيه
بو علي بلحظة غضب/انقلع عساك ما ترجع.
جابر/راح انقلع يبه لكن اوعدك يجيك خبر ولد اخوك الليله.
طلع معصب
بو علي ارتفع ضغطه من تصرفه وجلس يتحسر/حسبي الله ونعم الوكيل يوم الله رزقني بولدين مارزقني بواحد منهم عاقل مثل مشعل!!
/
/
جابر اتجه للاستراحه وهو يكلم مفلح بعصبيه/ااسمعني يا تبن... وينك؟... تعالني بسرعه انا رايح للاستراحه.. بسرررعه لا تقعد تحجج لي بأهلك...
جابر سكر الخط وهو يغلي ويكلم نفسه،طلع سيجاره ودخنها بتوتر/ذابحك ذااابحك يا مشعل بس هين
/
/
/
/
/
/
*الساعه التاسعه ليلاً...
البنات بعد القهوه والعشاء في الاستراحه قاموا يتمشون وكل وحده بيدها علبة بيبسي..
لوجين/قد ايش حلو هالمكان.. وكأنه جنه هواه يرد الروح
ساره/اي والله ..تبين الصراحه قبل اتزوج، كل ما ضقت قلت لمشعل يجيبني هنا
لوجين ينرفزها اسمه/الا متقلتوا لي عمي ايش اللي خلاه ينزل لأبها باين شكله تعبان
زينه/عنده مواعيد بالمستشفى مثلك عارفه كبر السن له دور
لوجين/اشوفه يمسك مكان قلبه، اعتقد يشكي من قلبه
ساره/والله ماندري.. ابوي ما يقولنا شي،
لوجين فكرت بطريقه/هو يستخدم ادويه صح؟
زينه/ايوه.. ليش
لوجين/انتم عطوني ادويته واعلمكم وش يشكي منه.اخاف يكون يشتكي من مرض خطير ويخبي عليكم علشان هيبته ..لازم تكونون حذرين،لأن صحته تهمكم صح، ويمكن مرضه بسيط وعلاجه سهل وهو يكابر خلوه يتعالج بدري
زينه مستغربه حرصها عليه وهو اكثر واحد قهرها/...
ساره/ما شاء الله عليك يا لوجين ..مشروع دكتوره ناااجح
لوجين ابتسمت بذبول والتفتت وشافت سيارة نقل صغيره/بنات ايش السياره الصغيره هذي هههه
زينه/هذي ينقلون فيها الخضروات لسوق القريه القريب يعني طماطم خيار باميه وبقدونس واحيان بطيخ
لوجين اتجهت لها/نفسسسي اركبها تعالوا ي بنات
ساره تحمست/انا اعرف اسوق ..تبيني اعلمك؟
لوجين/ههههه انا اعرف اسوق لا يهمك الله يخلي لي ابوي ..
ساره/وانا بعد علمني اخوي
لوجين وهي تطل من باب السياره،فتحت عيونها ع الاخر بحماس/بنااات المفتاح موجود
ساره/حمااااس خلينا نجرب
زينه خافت/عز الله رحنا وطي.. ما ودكم نرجع
لوجين/انا اول من بيسوق
ساره ركبت وركبوا معها البنات ،وبدأت تلفلف بالسياره بشكل بسيط... وسط ضحكهم ووناستهم/..
/
/
/
عند مشعل بسيارته متجه لبيت أهله وهو خايف ومتوتر لأن محد منهم رد عليه!!
في طريقه، حاول راعي سياره ددسن تويوتا انه يحده ع جانب الطريق وماقدر ،لكن ضربه على جانب السياره بقوه وصار خدش في البدي،عصب مشعل وحفظ شكل السياره ورقمها/أنا اوريك... خلني اتفرغ لك بس
اتجه مشعل لبيته وواجه عزيز عند سيارته/السلام عليكم
عزيز ببتسامه/هلا وعليكم السلام يا هلا بالخوي
مشعل نزل ببتسامه/هلابك
عزيز لاحظ الآثار الصدمه وخاف/مشعل وش ذااا
مشعل وهو يطالع بسيارته/ولا شي.لا تخاف
عزيز ما ارتاح/مشعل، لا تخش عني وش صاير معك بالضبط
مشعل/يابن الحلال صادفني واحد غشيم وصدمني
عزيز/انت تقدر تكذب ع الناس بس ماتقدر تكذب علي
مشعل/عزيز تراي مب رايق لك.. بقولك كل شي صار بس مب اللحين،خلني ادخل البيت وأريح
عزيز/مثلما تبي.. بس لا تفكر انك تصرفني..
مشعل/طيب طيب... سلام
عزيز/ووين وووين يالحبيب.. اهلك مب هنا
مشعل استغرب/اجل وين
عزيز/جيت انا وعمي من ابها ولقيناهم رايحين الاستراحه ووديت عمي هناك لأنه يقول مستاذنين منه وعنده علم
مشعل تحمس وراح يركب سيارته/اجل عن اذنك
عزيز/لحظه عطنا وجه ويينك
مشعل ودعه ببتسامته/رووووح وراااك بسس
عزيز/ههههههههههه
/
/
/
/
البنات يلفون بالسياره وهالمره ساره ولوجين يعلمون زينه وهي مو راضيه تفهم شي بالسواقه!!
في ساحة الاستراحه،دخل مشعل بهالأثناء بسيارته والا سيارة النقل اللي يسوقونها البنات تمر من قدامه،حاول يلف بس ما اسعفته ضيق المسافه!!
لوجين لمحته وحاولت تبعد زينه وتلف بالدركسيون عنه/مششعل!!
ساره خافت/اخووي
صارت صدمه خفيفه..!
مشعل ما قدر ينزل من الارتباك وخوفه ع البنات..حط راسه. ع الدركسيون..
لوجين وقفت السياره ونزلت ركض باتجاه سيارة مشعل وفتحت الباب/مشعل... مشعل انت بخير
زينه بغت تطير من الخوف/لا يكون صار له شي
لوجين حطت يدها على كتفه وحركته وشالت شماغه عنه ورمتها وراه/مشعل فيك شي؟!!
نزلت ساره ولحقتها/..
لوجين/مشعل!
مشعل رفع راسه وهو مستغرب لهفتها عليه/لا تخافون أنا بخير..
ساره/لولا ستر الله والا كان فرمناك
لوجين التفتت عليها/كل منك ساره.. يعني كان لازم تعلمين زينه السواقه غصب!!
ساره/شسوي بها تحمست تبي تسوق زينا
مشعل نزل ويشوف زينه واقفه بعيد هناك/زينه تعاالي
زينه خافت/مشعل والله مالي ذنب حبيت اتعلم السواقه زيهم
مشعل التفت على البنات/من وين لكم الفتاح
ساره/لقيناها بالسياره
لوجين وهي تحاول تتجاهله/دامك بخير،الحمدلله ع السلامه
مشعل/وانا رايح معك
البنات مشوا لحالهم وراهم...
لوجين توترت وهو يمشي جنبها/...
مشعل بفضول وهدوء/من معلمك السواقه يا لوجين؟
لوجين التفتت عليه وهي تفكر شلون تغيضه و تحرقه مثلما يحرقها بصدوده/زياد ابن خالتي
مشعل التفت عليهل وهو حاد نظراته لها/شلون تركبين معه وهو مب محرم
لوجين وهي تحس بنبرة صوته غيره وغضب/وانت ايش دخلك ..اركب مع مين ما كان
مشعل بلحظات غضب يحاول يمسك نفسه عنها قدام خواته ويتوعد فيها بداخله/...
رن جوال لوجين وشافت المتصل"لمياء" واستغلت الوضع وردت بسرعه/هلا "حبيبي"..تمااام بخير يا عمري

راحت وهي تكلم...

مشعل صار بداخله براكين غضب عارمه ولحقها عند جلسة أمه وأبوه.. ..
ساره سمعت كلامهم ..وضاق صدرها.. حست ان بينهم سوء تفاهم او مشكله.. لكن اللي استغربته كيف لوجين تقهره وتكذب عليه وهي قبل شوي فضحتها لهفتها وخوفها عليه!!
/
/
/
/

[[‏تفتك اليدان اشتباكاً في احتكاك، فضمهما
لجمره غيضاً مُنعت من الخروج لتصادمها بغصه
تلك هي الغيره ي سيد الحب !]]
،
رجعوا للبيت وكلن راح لغرفته..
مشعل بغرفته ووده يروح لها ويأدبها.. ،ويفش غلشه ويضربها ويبرد غيرته اللي بتقتله عليها وهي تقول بكل وقاحه انها كانت تركب مع زياد!!
جلس يهدي اعصابه شوي..
قام وطلع واتجه لغرفتها اللي مقابله غرفته وحاول يدخل بس الغرفه مقفله!!
طق الباب وهو ينادي بصوت منخفض/لوجين افتحي الباب
لوجين من وراء الباب/بنااام مو وقت كلامك الفاضي
مشعل عصب اكثر/لوجين لا تعصبيني اكثر من كذا
لوجين من وراء الباب/مابي اشوف وجهك تكلم قول وش عندك بدون افتح الباب
مشعل/ارتاحي انا مابيك.. ابي لي غرض من الغرفه
لوجين/احلف...
مشعل/ليش احلف
لوجين/بالاول احلف انك جاي تاخذ غرض من الغرف،وما راح تتعرض لي
مشعل اضطر يحلف علشان يشوفها/والله ما اكلمك ولا ألمسك بس افتحي ابي اخذ لي غرض وطالع
لوجين بابتسامة انتصار فتحت الباب وراحت تتمخطر وكانت لابسه روب نوم احمر لنص الفخذ وعاري/بسرعه خذ اللي تبي واتكل ع الله
مشعل ما حاول يناظرها دخل مباشره للماستر روم واخذ منه ملابس له.. وطول ياخذ له نفس..
لوجين اتجهت للماستر روم وتكت ع المدخل بدلع فطري وتتعمد تثيره/هااه اشوفك طوّلت...
مشعل التفت عليها وهو يشوفها من اسفل قدمها لين عيونها واتجه لها بسكات وهدوء ونظرات يصعب تفسيرها/..
لوجين ابتسمت ع جنب وهي تقرب له اكثر/لا تنسى انك حالف انك ما تلمسني، يلا براا
مشعل ابتسم وهو مقهور/لا تخافين انا لو أبي ألمسك كان ما حلفت.. انتي بالنسبه لي اخت وبس وما افكر فيك اكثر من كذا وخليك عاقله... سلام
لوجين وكأنه أنكب عليها ماء بااارد وقفت منصدمه من كلامه لها ومجروحه منه حيييل
..
طلع مشعل وسكر الباب بكل ثقه: ;

لوجين سكرت الباب بكل عصبيه وهي متنرفزه... راحت ورمت نفسها ع السرير وهي تبكي بقهر..
قامت وفتحت الباب وطلعت تدوره.. تبي تتأكد اذا هو بغرفته هذي او بغرفة أميره بالدور الثالث!!
حاولت تسمع اصوات بغرفه وما سمعت ..ماقدرت تمسك نفسها وما شافته موجود!! (في غرفتها... اكيد في غرفتها)
امتلأت لوجين غيض ورجعت لغرفتها وهي تبكي..

[[ ‏عندما تهملني تقتلني الغيره من أي شيء يشغلك عني ،
أتمنى ﺎن أصفعك ﺑكل ما أوتيت من قوه لعلها توصِل لك شيئاً من الألم الذي ﯾصيبني ﺑهجرانك لي]]

/
/
/
/
/

بنفس الليله...
بالمستشفى العام..
جابر متنوم ورجله مكسوره...ويصارخ على مفلح/اااه يا مفلح كنت قريب من قتله بس فشلت فششلت وانا اللي انكسرت
مفلح/اهم شي سيارتي ما صار فيها غير خدوش بسيطه
جابر/انت خايف ع السياره وانا لا
مفلح/يا رجال سيارتي ماعندي غيرها مب مثلك ابوي كل يوم يشتري لي سياره
جابر/بالمره الجايه ما راح اخليه يفلت
مفلح/كيف
جابر/راح اجيبه عندي بالاستراحه بإرادته وراح اوريك وش بسوي.. خلني بس اطلع من هنا
مفلح/اهم شي سيارتي برا الموضوع..
جابر سكت وهو يفكر بخباثه/راح يجي يزورني وراح اوريه بس انتظرني..
/
/
/

/

يتبع...،