من متى و الغصـن يختـار الطيـور..!!

34

،
حين تجبرك الظروف على فعل مالاتريد..وان تجبرك على ترك مبادئك النبيله .ماذا عليك ان تفعل؟..
هل تساير الموجه ..ام توقفها و تكون لك بصمه؟!!
،

جالس كعادته في مكتبه ومجتمع مع مدراء اقسامه..
كان منغمس في العمل.. ويجب ان لا يكون هنالك ما يفكر به غير العمل..
رن جواله كذا مره وكان بكل مره يسكره..
ضاق صدره.. وتشتت انتباهه وقرر ينهي الاجتماع/شباب شوفوا اللي تلاقون مناسب من هالعروض وقرروا انتم ..
رامي استغرب توقفه فجأه/مشعل فيه شي؟
مشعل وهو يفتح زر ثوبه من فوق ويقوم/لا ..بس تذكرت موعد مهم ..انا رايح
طلع مشعل و تركهم مستغربين!!
رامي وهو يلتفت للبقيه/يلا شباب مثل ما قال مشعل، خلونا نستعرض بقية الملفات .. ورانا شغل
كملوا اجتماعهم...
،
،
،
في سيارته كان ضايق ومهموم، نزل شماغه ورماه ع المرتبه اللي جنبه.. ويفكر باللي تبيه منه "زوجة ابوه"
ماتوقعها توصل معها لهادرجه.. توقع تكون اقل دناءه من انها تطلب منه ما حرّم الله..
مازال الجوال يرن.. رفع جواله وشافها تتصل فيه اخذ نفس طويل.. وتركه ع الصامت.. افضل ما يسكره..
..ضل يتساءل شلون بيدخل بيت ابوه بعدما عرف نوايا مشاعل ؟!.
تذكر دخولها عليه بالغرفه وتحرشها فيه.. وضاق صدره.. لانه اضطر يسايرها ويعطيها امل ..علشان تطلع بدون فضايح ولا يرتكب الحرام..فتح درج التابلون وشاف جواز سفره موجود.. وسكر الدرج..
(مافيه الا اني اهجر بيت ابوي.. لين ربي يفرجها.).
،
،
،
،
،
نزلت من غرفتها ..وهي حزينه وخاطرها عمس، توفي جابر، و مرت ايام العزاء بضيقه وحزن يختلج صدرها، جابر راح لكن بعدما ترك بصمه من عشقه لها.. رغم انها ماقدرت تبادله العشق ولا حبته.. لكن جابر كان عاشق لها وما رضى لها الأذيه بعد ما اصيب بالمرض ماكان اناني وما حب يلمسها ويعديها ..وهالشي يكفي لاحترامها له..
،
شافت هنادي"عمها جالس بالصاله ونفس حالتها.. بس حزنه اضعاف.. هو عرف نوع مرض جابر من المستشفى.. بعدما وداه اخر مره..
جلست عنده وهي تحاول تبتسم/عمو ليه الضيقه اللحين اذكر ربك..
بو علي ودمعته تعبر لحيته البيضاء وتبللها/لا اله الا الله... بس مستحي منك يا بنتي
هنادي رققت قلبها دمعة الشايب و قربت منه وجلست جانبه ومسحت دموعه و حبته على راسه وباست يده/ليه تقول كذا يا عمي.. انا بنتك
بو علي/انا عرفت نوع مرض جابر وكيف انتقل له..علشان كذا مقدر ارفع راسي.. واحمد ربي اللي نجاك منه
هنادي خنقتها العبره، لأن فكرة انه تكشف الناس ان زوجها خاينها بالحرام"تحرقها"../عمي اللي صار صار وانتهى ..و جابر تايب الله يغفر له ..ومن قبل اعرف.. جابر طلع له معدنه الاصيل هو ماكان أناني ومالمسني ولا حاول حتى، ماكان يبي يعديني. وهالشي ينحسب له..
بو علي/ي بنتي انا ماني حاب اخسرك بعد جابر.. شلون بعيش في هالبيت لحالي..
هنادي بابتسامه حزينه/هذا اللي جايتك هنا علشانه راح اقولك شي يسعد قلبك ان شاء الله
بو علي/وشو يا بنتي ترى حكيك وكلامك مثل البلسم على جروحي
هنادي بدأت تحكي له قصة زواج علي من اختها نسرين وعن اولاد علي.. وكيف جابر تعرف عليها..
،
،
،
،
،
،
،
بغرفتها تحترق من الانتظار. وتتوعد فيه لو رجع ..بعدما طنش مكالماتها وسحب عليها... كانت تتأنق كل يوم علشانه.. والليله كانت تحلم بلقاها فيه كيف بيكون ،بعدما صارحته بحبها له.. انتظرت ساعات وساعات...
وقفت عند الشباك تنتظره..
راح الليل وهو ما جاء.. انهارت بالبكاء وهي تتوعد فيه بداخلها( عمري ما راح اسامحك يا مشعل ع اللي سويته... تضحك علي انا مشاعل!!!... طاال الزمن والا قصر.. وربي لا وريك كيف مشاعل تاخذ حقها منك)..
شافت بهاللحظات ضوء سيارته وهو يدخل وفرحت..
من فرحتها طلعت من غرفتها وتركت بو مشعل نايم وسكرت الغرفه.. ونزلت تحت تستقبله..
دخل مشعل وشماغه على كتفه ،هو متأكد انها سهرانه علشانه/..
نزلت مشاعل وشافته ورجعت لها الروح، اتجهت له ركض تبي تحضنه.. اكيد هو جاء علشانها.. وتفاجأت بيده الممدوده توقفها..
مشعل مد يده يوقفها/..وقفي
مشاعل استغربت/وش فيك.. حبيبي انا..
مشعل قاطعها بصرامه/حدك يا بنت الناس ..
مشاعل لمعة عيونها وهي مستنكره تصرفه/تردني انااا !!
مشعل/حد الله بيني وبينك.. انتي زوجة ابوي. افهمي
مشاعل/بس انا احبك
مشعل/هالشي تنسينه.. ما بقلبي غير لوجين وبس
مشاعل بغيره/اعتبرني لوجين
مشعل ناظرها باحتقار وابتسم يغيضها/بس لوجين ماتخون زوجها.. انتي تخسين دونها تموتين ما وصلتي مواصيلها يا واطيه
مشاعل حست بطعنه ومدت اصبعها السبابه عليه بتهديد/وربي ما اخليك تهتني بحياتك يا مشعل .
مشعل طنشها واتجه للباب بيطلع/هههه اذا قدرتي لا تقصرين.. وانا تارك لك البيت.. بس جيت اقولها لك وجه بوجه.. يلا بدون سلام
مشاعل جلست ع الارض منهاره ومقهوره.. وهي تحس نفسها طايحه من فوق قمة جبل للقاع.. ذلها مشعل ..قهرها كسر قلبها ورفض حبها.. رفعت راسها لفوق وعيونها اللي صارت حمراء من البكاء ترسم الوعيد الشديد لمشعل.. ولو بعد حين..
،
،
،

في بيتها اللي استأجره لها ولدها مؤقت.. لحد مايضبط وضعه...
ام مشعل بتملل/حبيبي وش عندك جاي مستعجل وبعد رايح مستعجل وليه لابس هاللبس
مشعل/انا مسافر يمه.. كم يوم وراجع
ام مشعل ضاق صدرها/وتتركني لحالي هنا؟!من بيضل معي يونسني.. ياولدي انا ماتعودت اقعد لحالي.. وانا هنا ماعرف الجيران... معاد لي احد بهالدنيا غيرك.. بعدما ابوك منع زينه انها تعيش معي..
مشعل حس ان مسألت سفره تعقدت/تدرين شلون يمه.. ماني مسافر ..وبضل معك..
ام مشعل انبسطت وانشرح صدرها/الله يرضى عليك دنيا وآخره
مشعل ابتسم وبقلبه احزان مكبوته..كان وده يسافر يشوفهم ،صور اطفاله ولوجين تجي بباله وبتسم (استودعتكم الله،الذي لاتضيع ودائعه)
،
،
،
،
،
ودارت عجلة الايام..*
مرت سنين وقفتها سنين..
تزوجت خلالها روبين وانتقلت للعيش بكندا.. مع زوجها..
جميعهم تخرجوا ..واصبحوا اطباء مقيمين ..
لمياء اخصائية طب طوارئ ..روبين طبيبة باطنه..
لوجين اخصائية جراحة قلب وأورده وشرايين.. تخرجت الاولى بدفعتها عرض عليها العمل في مستشفيات كندا.. عملت فيها فتره ولكنها رجعت للسعوديه.. علشان تأسس حياتها هناك. ،

بالنسبه للبقيه..

هنادي كملت دراستها ورجعت تسكن عند خالها ابو عهود واهله.. وراح نعرف ايش صار لها..

زياد تزوج احد قريباته..

عُمر مازال باقي مع فاتن ومافكر ابداً يتزوج..
،
عزيز اصبح ذراع ايمن لمشعل ويدير فرع الشركه في الرياض،..قصته لم تنتهِ بعد مع زينه..
،
مشعل اخذ له بيت في جده وسكن أمه فيها معه...انغمس في عمله ووسعه و اصبح من كبار رجال الأعمال..رحلاته و جدول اعماله دائماً مشغول.. لم يسلم من منغصات مشاعل اللي كانت حجر عثره في علاقته بأبوه.. وصار ما يزوره الا نادراً..
،
،
،
،
الاحداث السرديه*
احد مستشفيات جده الكبيره"
بغرفة التعقيم بعد العمليه،،نزعت القفازات و غسلت يدها وتعقمت وطلعت.. باين بنظراتها الجديّه والمسؤليه..

الدكتوره سوزان وهي تهمس لزميلها/اذا حاب ادلك ع واحد ممكن يساعدك في مشكلتك مع الاداره مالك غير دكتوره لوجين
الدكتور مازن/من جدك والله
الدكتوره سوزان/اي.. الاداره مرشحتها للوزاره علشان تحضر مؤتمر اخصائيين جراحة القلب والشرايين بدول الخليج في دبي
الدكتور مازن/اجل شكله مالي غيرها..
الدكتور مازن "طبيب التخدير" لحقها يبي يكلمها..
لوجين مشت بدون تعطيه وجه التفتت على الممرضه/جهزي الغرفه من جديد.. عندي عمليه بعد 45دقيقه..
الممرضه/حاضر دكتوره
... .طلعت من قسم العمليات باتجاه مكتبها القريب من هالقسم/..
الدكتور مازن لحقها/دكتوره لوجين بليز،حاب اتكلم معك
لوجين وقفت عند باب مكتبها والتفتت عليه/دكتور مازن مامعي وقت لحل مشاكلك مع مدير القسم ،بصراحه انت انسان ماعندك احترام للمواعيد لاحظ انك تشتغل بمستشفى مو بورشة سيارات،مفهووم واللحين روح جهز نفسك بعد 44دقيقه بالضبط تكون الحاله اللي بالملف عندك تخدرت اوكي
الدكتور مازن تفشل/حاضر دكتوره..
لوجين تركته ودخلت المكتب وسكرت الباب ونزعت الكمّامه واسترخت على الصوفا اللي عند النافذه،غمضت عينها تحاول تسترخي شوي وهي تسند ظهرها..
شوي و دق الباب ودخلت الممرضه المصريه/دكتوره لـ..
لوجين بامتعاض/نيرس ساميه اليوم عندي عمليات ي ساميه، موعد المراجعات بكره وبعده.. ايش عندك؟
الممرضه ساميه/عارفه والله بس فيه حد جاي وعايز يشوفك ضروري
لوجين استغربت/مين طيب هو مريض عندي؟
الممرضه/اسمه عزام محمد
لوجين استقعدت باهتمام واتجهت لمكتبها فوراً /دخليه بسرعه.. وخلي الباب فاتح كالعاده
الممرضه استغربت اهتمامها/حاضر
لحظات ودخل رجل ببداية الاربعينات تظهر على ملامحه الهيبه بمعنى "جنتل مان"/السلام عليكم
لوجين/وعليكم السلام..تفضل عزام ،خير صاير معك شي
عزام جلس بهدوء/اسف جيتك من غير موعد بس..
لوجي قاطعته/بس انا قلت لك تعال بأي وقت.. قول عزام وش عندك
عزام بدأ يحكي لها...
،
،
،
،
،
،
،

في باحة المنزل الكبيره.. *
طفل صغير مشااغب فيه غمازه في خده اليمين شعره اسود نااعم وقصير غرته الناعمه توصل لحواجبه، يلبس تيشرت الهلال وشورت ابيض وجزمات سبورت، يركض وراء الكوره ويشوتها/ميدوو ثوتها علي
احمد صار عمره12سنه مبسوط مع هالاولاد ومجننينه،اخذ الكوره ومسكها/نايف خلاص مانبي نلعب كفايع
نايف زعل وجاء معصب بحواجب معقوده/ليييه.. خلينا نلعب بعد
احمد بهدوء/لا ..بعد شوي بتجي امك وبتبهذلنا،يلا انا بدخل، تعال
نايف عصب بس جاءت بباله فكره يقدر ينبسط فيها ويلعب/يلا مثينا..
دخل احمد واتجه لغرفته يبدل ويذاكر.. لكن نايف ضل برا.. اتجه للسلم اللي مسنود على الشجره والشجره جانب السور.. خطرت بباله فكره جهنميه واتجه للسلم يصعده..
،
،
،
داخل البيت.. *
طلعت هدى من المطبخ واستغربت وهي تشوف واحد من التوأم لحاله بالصاله يلعب بلايستيشن/نايف فين اخوك
مشعل الصغير وهو يحرك يدينه بتملل/يوووه انا ميشو
هدى/نسسسيت نايف هو اللي مستحيل يقعد ..انت بسم الله عليك.. طيب فين اخوك واختك
مشعل/نايف يلعب برا في الحوش مع خالو احمد.. وايمي بالغرفه مع ثاره وعندهم ثاندي
بهاللحظات دخلت لوجين وباين مرهقه/السلام عليكم
مشعل ترك اللعبه واتجه لها ركض/ماااماااا
لوجين جلست على ركبها واستقبلته بالاحضان/هلا حبيب ماما ..
مشعل الصغير وهو متمسك فيها/ثيليني معك
لوجين/حبيييبي ميشو انا مرهقه وحابه اناام. .بعدين
مشعل تمسك بيدها وتشبث فيها/مامااا حتى انا بنام معاكِ ..
هدى/بكاااش اتركيه بيزعجك وبس
لوجين بابتسامه حملته وضمته/لا يا أمي ميشو مايزعجني ..تعال نام معايه بغرفتي حبيبي..
هدى/بكيفك.. انا حذرتك
لوجين وهي تبسم/وين نايف؟
هدى/لي نص ساعه ادوره بالبيت كله ماني لاقيته..
لوجين خافت ونزلت ميشو/وين راح يعني.
راحت تدوره/نااايف... نااايف
طلع احمد من غرفته ع الصوت/ايش صاير
لوجين مسكته/ميدو شفت نايف
احمد/قبل نص ساعه تركته في الحوش يلعب كوره ودخلت اتسبح واذاكر ..قلت له يدخل
لوجين انرعبت عليه/ومادخل يا احمد.. مادخل
طلعت برا الحوش تدوره وطلع الكل يدوره..
هدى شهقت/مين اللي ترك السلم عند الشجره؟..لو تسلقها احد من الصغار..
لوجين طار عقلها وهي تشوف شوزه عند السلم طايحه/تسلقها يا أمي تسلقها.. ولدي واعرفه شوفوا جزماته هنا..
هدى/وين راح طيب
لوجين حست راسها بينفجر وهي تشوف علو الشجره واتصالها بالسور ،..جلست منهاره على الكرسي الموجود بالحوش بين الألعاب..
رن جرس البيت.. اتجه احمد للباب يفتحه.. وتفاجأ بابن الجيران الكبير جايب معه نايف.. وشكله مبهذل..
ابن الجيران/احمد انتبهوا ع ولد اختك هذا.. اليوم ربك ستر وما انكسر ولا صار له شي.. ماندري عن المرات الجايه
احمد وهو كاتم ضحكته/ان شاء الله ماكسر عندكم حاجه
ابن الجيران/لا.. اهم شي سلامته.. يلا سلام..
راح ابن الجيران*
احمد نزل لمستوى نايف ويطالعه بنطرات تهديد/يا وويلك من امك ، بتخاصمك..
نايف وهو خااايف/ميدو ،الله يخليك خبيني..
احمد بشماته/ي ليت اقدر والله بس حاب اشوفك تتبهذل هههههه
اقبلت لوجين بعدما شافته تأخر/ميدو شفت نايف
نايف ع طول تخبى وراء احمد..
لوجين اتجهت له بسرعه/ششفتك يا مفعووص،لا تتخبى
نايف وقف مكانه.. وناظرها ببرائه/ماما
لوجين مسكته من اذنه واخذته معها/بلا ماما بلا خرابيط لازم تتعاقب . وانت عارف عقابك..
نايف بكى/نو ماما بلييززز
لوجين بنبرة صوت صارمه/غرفة العقاب تنتظرك.. مافي games ولا Tv ولا خروج.. ودحين تعال اتحمم يا معفن.
هدى تناظر فيها وتصرفاتها مع ولدها وكاتمه الضحكه..
احمد بمزح/تمنيتها ضربته والا بهذلته،كنت حاب اشوفه يتهزا هالولد،.المشكله ماضربته ويبكي بالله هذا عقاب
هدى مسكت احمد بأذنه ومصعتها/انت خااله شلون تقول اضربوه...
احمد بمزح/هذا الولد خالي انا ..مو انا اللي خاله ههههه ..شاق الارض وطالع عفريت ..عكس اخوه واخته
هدى عصبت منه/بسم الله عليه.. انا رايحه اساعد اختك

،
،
،
،
،
،
رجع ابو مشعل من مجلسه.. وما لقى احد باستقباله.. استغرب يعني نايمات؟!!..جلس متضايق من عدم وجود ولده جنبه دايم.. تغير مشعل حيل وصارت زياراته له قليله.. وخارج البيت بعد..
لحظات واقبلت زينه بابتسامتها/هلا يالغالي متى جيت
ابو مشعل وباين عليه الضيق/توني وصلت يا بنتي.. وين مشاعل
زينه/فوق.. تبي شي يا الغالي..
ابومشعل وهو يقوم/لا وانا ابوك انا رايح انام..
طلع ابو مشعل.. وباين متضايق ومهموم..
زينه رحمته( ابوي مو الاولي ..تغير بالحيل.)
،
،
اتجه لغرفته.. واول ما قرب منها سمعها تتكلم بالجوال وتضحك وضاق نفسه وهو يسمع مكالمتها...
،
مشاعل وهي تضحك/اي زوج يا علياء .. ماعندي غير شايب منتهيه صلاحيته.. ما مصبرني عليه الا ولده مشعل..حاولت فيه مية مره ،ابي منه لو حضن،لكنه يصدني بكل مره يتحجج بأبوه وترك البيت علشاني.. لكن مصيره يجي محضره له مصيبه..
،
صوت شي يسقط ....!!
طلعت مشاعل ع الصوت ولقته طايح وصرخت/ي ويلي وش صارله هالشيبه.. ززينه.. ززززييينهه تعااالي
زينه خافت وجات ركض، وصرخت وهي تشوف ابوها ملقي ع الأرض/ابوووي... قووم ابوووي
مشاعل/انا بتصل في عظيم الدين يجي يساعدنا
زينه/لا انا بتصل في ساره خليها تجي مع زوجها ..
مشاعل/بسرعه طيب.
،
،
،
،
،
،
،
صباح اليوم الثاني ..*
طالع لدوامه.. كالعاده... وصله اتصال. . اخذ جواله ورد بسرعه لان المتصل "سالم زوج اخته ساره/الوه.. شتقوول انت... طيب كيف صحته اللحين.. اسمعني دبر له اخلاء طبي و قل لهم يرسلون تشخيص حالته بالفاكس لاحد مستشفيات جده الكبيره... .سلام..
ولعت الاشاره الحمراء ووقف مشعل وقلبه ينبض خوف على ابوه،حس بالحسره لانه مو موجود جنب ابوه في ازمته الصحيه..
الاشاره مزحومه ومطوّله.. ألتفت على جنبه باص روضه ..
شاف ولد يأشر له ويناديه"بابا" ابتسم له..اتفطر قلبه اكثر وصد عنه..لو اولاده معه اللحين كان صاروا بعمر هالطفل.. لين متى بيعيشون عياله بعيد عنه.. هذا عقاب قاسي...
،
فتحت الاشاره خضراء وانطلقت السيارات. وانطلق مشعل..
،
،
،
في باص الاطفال ..
نايف التفت على مشعل الصغير/ثفت dady؟
مشعل هز راسه بالنفي/no اثلن dady مثااافر
نايف/dadyرجع من الثفر.. انا ثفته قبل ثوي
مشعل فتح عيونه ع الآخر والتفت على ايمي اللي جالسه وراهم مع ساره/ايمي، نايف يقول dady رجع من الثفر
ايمّا فرحت ووقفت تسأل/طيب فينو
نايف بحماس/ثفته راح من هناك
ايمي التفتت على ساره ومدت بوزها بزعل/ثاره dady جاء بث ثافر مره ثانيه
ساره ببرائه/ليه
ايمي ببرائه/I don't know
نايف خزها /u don't know eny thing
/
/
/
/
/
المستشفى*
توها طالعه من غرفتها دوامها خلص بعد مناوبه ليليه و تبي تطلع..
"سمعت صوت المايك ينادي".. رجاءاً الدكتوره لمياء عبدالعزيز الرايد تتوجه لغرفة الطوارئ رقم 4
لمياء جاها احباط ورجعت.. بدلت واتجهت لغرفة الطوارئ ..
لمياء وهي تطلع ع الحاله وتشوف الاسم/ايش المشكله يا اخت فاتن
فاتن وهي تتلوى من الألم ببطنها/ما ادري لكن لي سنه اتألم بهالمنطقه.. ومن اسبوع ماتحملت الألم وجيت
لمياء وهي تفحصها سريرياً وتحدد ومكان الألم في بطنها.. طولت والتفتت ع الممرضه/عطوها مسكن علشان ترتاح و سووا لها هالتحاليل اللي بكتبها لكم كامله لها وابيها تكون جاهزه..
الممرضه/اوكي..
**اجروا لها تحاليل ورجعت من المختبر....
لمياء ضلت واقفه وتقرأ التحاليل...
فاتن بخوف/ايش المشكله يا دكتوره
لمياء بابتسامه/ما اقدر اقولك اللحين لازم نستوفي كل التشخيص.. ماقلتي لي انتي متزوجه؟
فاتن ترددت/ايوه.. زوجي واقف برا ويبي يدخل
لمياء/عادي خلوه يدخل يا نيرس..
لحظات ودخل عُمر والولد معه/خير دكتوره بشري
لمياء مستحيل تنسى نبرة صوته ألتفتت عليه وطاحت عينها بعينه، لمعت عينها وبلعة ريقها/
عُمر وقف مو مصدق عيونه/لمياء!!
فاتن سمعته يقول اسمها!!!
لمياء وهي تحاول تتجاهل هالشي نزلت عيونها بالاوراق اللي معها وبعد صمت دام ثواني تكلمت/أيوه دكتوره لمياء يا أخ..في الحقيقه الاوراق اللي قدامي تقول ان زوجتك عندها مشكله... لكن بنحددها باذن الله بعدما نسوي سونار..
*التفتت ع الممرضه ساعديها تروح غرفة السونار بليز..
اخذوها الممرضات لبرا..
عمر/دكتوره لمياء.. لو سمحتي
لمياء بدون تلتفت عليه/لا تخاف اخ عمر.. زوجتك بامان
طلعت وتركته..
عمر حس بضيقه وطلع..
،
،
،
وصلت مكتبها دخلت وسكرت الباب وجلست تحاول تكون طبيعيه وهاديه.. "ملهوف على زوجته.. باين ع وجه الخوف عليها.. "يحبها طيب طبيعي يسوي كذا واكثر وش دخلني انا"... هذا كل اللي يدور براسها/وانا ليش زعلانه اللحين.. انا ماعرفه اصلاً
قامت تلم اغراضها وترتب مكتب العياده و تفاجأت بالدموع الحاره تسيل ع خدها.. ومسحتها بسرعه بيدين مرتجفه... وحاولت تكون طبيعيه...
اخذت اغراضها بسرعه ومشت..
شافت الدكتور هشام عند الباب،وتنفست الصعداء/اخيرا ي دكتور وصلت الحمدلله
الدكتور هشام مصري بالخمسين من عمره/اسف يا بنتي ..انتي عارفه الزحمه عامله ازاي..
لمياء/عادي دكتور.. مافي مشكله.. انا تعاملت مع حاله قبل خروجي... انت كملها... التحاليل والاشعه موجوده ..وحاليا هم راجعين من السونار..
الدكتور هشام بابتسامه/ماتخافيش يا بنتي... روحي انتي البيت
طلعت لمياء وهي تدعي انها معاد تشوف عُمر مره ثانيه..
،
،
لحظات ودخل عمر العياده وتفاجأ بعدم وجود لمياء وعصب/وين الدكتوره اللي كانت هنا
الدكتور هشام/انا هنا بدالها.. وقالت لي استلم حالة مريضتكم
عمر بنرفزه/قلت وين دكتوره لمياء..؟
الدكتور استغرب/!!!
فاتن استغربت شكل عمر وهو يصر عليها/عمر خلاص
عمر/لمياء المفروض تشرف عليك.. مو هذا..
فاتن شافته شلون ينطق لمياء وتذكرت عشقه القديم واسم لمياء اللي كان يغلط ويقوله.. من كثر ما يفكر فيها/
الدكتور هشام/لو حابب الدكتوره لمياء تشرف على مريضتك.. استنى لين بكرا.. دوامها الساعه 8..انا هحولكم تنويم.. لغاية بعد بكره علشان تشوفكم الدكتوره لمياء،بكره يوم اجازتها
عمر كان متوتر/اوكي موافق..
فاتن استغربت اصرااره الغريب..لكن ماعلقت..
/
/
/
/
/
/
صباح اليوم الثاني*
وصلت لوجين بدري لأنه جاها اتصال بوصول حاله حرجه ولازم تكون موجوده ..دخلت عيادتها وهي تشوف ملف الحاله المرضيه قدامها..
دخلت الممرضه تستعجلها/دكتوره لوجين بليز..
لوجين رفعت راسها ونزلت نظاراتها/خير نيرس ساميه
الممرضه/المريض وصل بالاخلاء الطبي وحالته صعبه..
لوجين قامت بسرعه ولبست نظارتها لطبيه وكمامتها.. ولحقتها للطوارئ...
،
عند باب غرفة الطوارئ.. كان واقف سالم/دكتوره تكفين الحقي عمي..
لوجين وهي مستعجله/تطمن اخوي.. بنسوي كل ما في وسعنا ..عن اذنك
دخلت بسرعه للغرفه واتجهت للمريض، وما طالعت وجهه ..وقفت تناظر في العلامات الحيويه المسجله بالتقرير./قيسوا لي الضغط واعملوا له تخطيط قلب بسررعه..
الممرضين يقومون بعملهم..
لوجين مسكت يد المريض وتضغط على عروق معصمه وتتحسس النبض وتشوف ساعتها.. تفاجأت بيده تتحرك وتمسك يدها، رفعت نظرها باتجاه وجهه وعرفته، تركت يده بسرعه وهي مرعوبه ومصدومه/عمي!!
بو مشعل مايقدر يتكلم ولكن عيونه تحكي بدموعه الضعف وكأنه بدأ يفقد وعيه. .
لوجين ماتحملت تشوف بنظراته الانكسار،صرخت ع الممرضه ودموعها تصب/هاتوا لي ابرة ادرينالين بسررعه.. بسرررعه. وجيبوا لي جهاز الاشعه المتنقل بسررعه
اعطته هي بنفسها الابره واسعفته بالصدمات الكهربائيه.. وبفضل الله استعاد نبضه..
الممرضين عمرهم ما شافوا دموع لوجين على مريض.. الا هذا كانت يدينها ترجف...!!
لوجين اتجهت للتخطيط.. واطلعت عليه وانزعجت/مو معقول..
الممرضه/جهاز الاشعه وصل يا دكتوره..
لوجين جلست ع جهاز الاشعه بنفسها وهي تحاول تتأكد.. ضاق صدرها و رحمة عمها(شلون جاء.. وليه ما شافت مشعل موجود.. من هذا اللي واقف برااا؟)..
لوجين للممرضين وهي تهم بالخروج/بسررعه انقلوه لغرفة العمليات..
طلعت لوجين بهاللحظات لخارج الغرفه وتلفت تدور اللي كان مرافق مع عمها شافت حوالي خمسه واقفين بس ما تمقلت فيهم وبعضهم مشغولين بجوالاتهم.. واتجهت للريسبشن ومالقت احد واخذت المايك بنفسها تنادي/دكتور مازن لو سمحت اتجه لغرفة العمليات رقم2 دكتور مازن.. لو سمحت الحاله طارئه..
،
مشعل اللي كان من احد الواقفين التفت عليها وهي تكلم بالمايك وشافها تطلع جوالها وتقفله وترجعه لجيب بالطوها..
طلعت الممرضه من الغرفه تناديها/دكتوره لوجين
لوجين اتجهت لها/نقلتوه؟
الممرضه/توها خرجنا المريض.. ودحين هو بطريقه لغرفة العمليات..
لوجين/كويس.. خليني اشوف ولي أمره علشان يوقع لي ع العمليه..
وقف وراها وبصوته بحة عاشق/لوجين؟!
لوجين خافت تلتفت وتكون تحلم،لا اكيد حلم.. قلبها صار ينبض بسرعه عاااليه وكأنه بيطلع من صدرها ..كل شي حولها صار غريب إلا صوته اللي أسرها وهو ينطق اسمها..
الممرضه/دكتوره لوجين في حد واقف وراكِ بيكلمك
لوجين استوعبت الموقف وعرفت انه حقيقه والتفتت عليه بهدوء يسبق العاصفه ونظرات عينها له تفضحها/...
مشعل وعينه بعينها ونظرات اللهفه والشوق باينه،ضل ساكت/...
لوجين ودها انها بهاللحظه هذي تكون هي وياه لحالهم.. تبي تنتقم منه ..لكن الموقف والوقت ما يسمح..
مشعل بعفويه/ماني مصدق
لوجين حاولت تنكره وكأنها ماعمرها شافته/لو سمحت انت ولي امر المريض فيصل؟
مشعل استغرب رسميتها وانكارها له ولكن تعامل معها بنفس الاسلوب/ايوه.. كيف حال ابوي؟
لوجين وهي تضيع بعيونه نزلت عيونها ع الاوراق اللي بيدها تلهي نفسها/للاسف عنده مشاكل في القلب وانسداد بالشريان الرئيسي و محتاج عمليه قصدره واستبدال الشريان وتعويضه..
مشعل انصدم من حالة ابوه/انتي متأكده؟
لوجين تنرفزت من سؤاله/لو حضرتك منت واثق فيني بآمكانك تعرض الوالد على دكتور ثاني
مشت من قدامه..
مشعل مسك يدها/لا بالعكس انا واثق كل الثقه فيك..
لوجين وهي تأشر للاستقبال/رح هناك بيعطونك اوراق ضرووري توقع عليها بلييزز
مشعل وعينه بعينها ويدها مازالت تمسك معصم يدها/ابوي امانه بيدك..
لوجين ناظرته بنظرات ناريه/كل مرضاي عندي سواسيه.. وكلهم امانه عندي لين يطلعون من هنا..وثاني مره لا تمد يدك وتمسكني.. عساها تنكسر
مشعل فك يدها بسرعه استغرب قسوتها بالكلام،لكن اعجبه اعتزازها بنفسها..
اتجهت لوجين لغرفة العمليات وهي تتصل بالدكتوره سوزان بسرعه علشان تتجهز وتجي تساعدها.. كانت لوجين تدوس على مشاعرها وترفض تخضع لها ابد..
رن جوال مشعل ورد عليه وبصوت مرتاح/هلا رامي... ابوي دخل العمليات اللحين....انا بمستشفى....
،
،
،
،
،
باحد اقسام المستشفى.. *
فاتن وهي تشوف عمر واقف عند الشباك وساكت من بعدما شاف لمياء ابتسمت له/اخيراً شفت الاميره المجهوله
عمر التفت عليها مستغرب/ايش ؟
فاتن بذبول واضح في/اقصد لمياء.
عمر ناظرها بنص عين/انتي تستهبلين.. هذي متزوجه
فاتن استقعدت/يعني هي... طيب ليش انت معصب؟
عمر عقد حواجبه/من قال اني معصب
فاتن/هههه عمر انا وانت خمس سنوات مع بعض.. يعني يمديني اعرفك اذا عصبت واذا انبسطت..
عمر هدأ وجلس/فاتن لا تتكلمين عنها ..
فاتن/طيب ليش انت مُصر هي اللي تكمل الكشف علي
عمر تردد/..لانها دكتوره... مابي الدكتور يكشف عليك
فاتن فاهمته عدل/تغار علي والا مشتاق لها
عمر اتجه لها وقصر صوته علشان عبود موجود بزاوية الغرفه يلعب بلعبته/فاااتن قفلي ع هالموضوع
فاتن بنفس نبرته/شلون اقفله وانت تبي تفتحه اصلاً..عمر انا تهمني سعادتك وادري ان سعادتك عمرها ما كانت معي،ليه ماتتزوج يا حبيبي
عمر بغصه/بس ماقدر اتركك.. ولا اقدر اتزوج غيرك..
فاتن دمعة عينها/ليه تعاقب نفسك علشاني
عمر التفت على عبود/ما اقدر استغني عنه.. ولا ابيه يفقد حنانك
فاتن نزلت دموعها/ذبحتني يا عُمر ذبحتني
عبود التفت عليها وحزن/ماما ليه تبكين؟
عمر مسح دموعها بسرعه/ماتبكي.. بس زعلانه لانك ما سلمت عليها
عبود ابتسم واتجه لها وضمها..
فاتن التفتت على عمر وابتسمت له بإمتنان وهي ساكته/..
عمر/انا طالع لمشعل متصل فيني..
فاتن/الله معك..
/
/
/
/
/
/
في قسم العمليات..
كانت لوجين خايفه ومتوتره.. عمرها ما خافت انها تفشل ..حياتها المهنيه ناجحه والكل يضرب بها المثل.. عمرها ما خسرت مريض في عمليه.. لكن اليوم حاسه انها في اختبار صعب.. لدرجة انها قررت تترك الغرفه وطلعت ..
اتجهت لغرفة التعقيم.. وسط استغراب الطاقم الموجو معها..
وقفت عند المرايه ونزلت الكمامه. وتنفست بعمق..
تذكرت كل المواقف السلبيه اللي واجهتها في بيت عمها ايام كانت متزوجه مشعل.. تذكرت استحقار عمها لها... وضربه لها..
سوزان لحقتها/دكتوره لوجين.. فيه مشكله؟
لوجين وهي مشتته/هذا المريض.. عمي
سوزان/فهمتك..انتي خايفه عليه
لوجين/... .
سوزان/انتي لازم تسوين هالعمليه... انقاذ المريض هو عمل فما بالك بمريض وقريبك بعد.. لازم تتجاوزين مشاعرك وتسوين هالعمليه، اول مره تسوين عمليه لاحد من اقاربك.. لازم يكون هذا نجاح ثاني لنجاحاتك..
لوجين للحين متردده..وصورة مشعل بعد سنين الغياب تتوارد قدام عينها.. تضايقت اكثر..
/
/
/

يتبع