من متى و الغصـن يختـار الطيـور..!!

24

يحتار عقلي ولكن القلب متعلق في هواها.. وان غطت عيون الحقيقه رماد.. يبقى عشقها واضح في عيوني..
مهما تغافلت عن ذكرها.. كل شي حولي يجيب لي طاريها!
كأن الأماكن تقول مستحيل يا "مشعل" تنساها..!!..

بهدوءه المعتاد انتهى من لبسه وتذكر ساعته نزل يده وأخذها ولبسها وناظر فيها "الساعه8 الصباح" طلّع جواله من جيب ثوبه واتصل في "عُمر" وهو طالع من غرفته/السلام عليكم
عمر بالجوال/وعليكم السلام.. هلا مشعل
مشعل وهو نازل من الدور الثالث/هلابك عمر.. هااه بشر لقيت حجز؟
عمر/والله مدري وش اقولك لقيت بعد اسبوعين مافي بعد اسبوع
مشعل تضايق/يالله... طيب حاول بأي خطوط
عمر/احمد ربك اني لقيت بعد اسبوعين.. المفروض انت قايلي بدرري مو اللحين
مشعل شاف الشغاله متجهه لغرفة "لوجين" وعقد حواجبه/طيب طيب عمر اكلمك بعدين.. سلام
سكر الجوال واتجه للشغاله وهو معصب وعاقد حواجبه/هيي انتي ووقفي
الشغاله خافت منه ووقفت/نعم سير
مشعل/ليش رايحه هالغرفه.. <<<مايبي يقول اسم لوجين!!
الشغاله/مدام كبيير قولي تنظيف وشيل كل اغراض مدام لوجين براا
مشعل استغرب وعصب اكثر/يلاا هذي الغرفه ماتجينها ثاني مره ولا احد يحرك فيها شي مفهوووم
الشغاله مافهمت شي..
زينه جات ركض/وش السالفه مشعل ليش تصرخ ع هالمسكينه مو من عوايدك
مشعل وهو متوتر/اسمعيييني يا زينه فهمي الشغاله ماتجي جناح "لوجين" ولا تحرك شي فيه.. مفهوووم
زينه استغربت/ابشر ابشر.. بس لا يضيق صدرك
التفتت زينه للشغاله /تعاالي ابيك بشغله.
،
مشعل حاول يهدي نفسه واتجه لجناحه هو ولوجين ..دخله وسكر الباب وراه..
كل شي يذكره فيها.. حتى شذى عطرها "للحين"عالق في المكان
راح للماستر روم وفتح دولابها وشاف اغلب أشيائها مكانها.. كل شي مرتب مكانه ومنظم.. اخذ بلوزه شيفون زهريه كانت معلقه وقربها لأنفه وشمها وهو مغمض عيونه. واخذ نفس عميق وتخيل نفسه يضمها.. ونزلت دمعته اللي حبسها كثييير..
اتجه للتسريحه بعدما رجع البلوزه مكانها..ويشوف قلم روجها المفضل من "ايف سان لوران" أخذه وهو يتحسس يدينها تمسكه.. كان دوم يشوفها تحط منه.. تنهد ورجعه مكانه..
وفتح درج التسريحه وتفاجأ بشيء أبيض صغير طول الاصبع وبطرفه مستطيل صغير وفيه خطين حمراء!!.. ما عرف هالجهاز واستغررب وجوده وتملكه فضول يعرفه لكن مستحيييل يسأل احد عن خصوصيات "حبيبته" راح يقفل هالغرفه مثل الصندوق ويحتفظ بكل شي فيها..
وطبعاً ما جاء بباله أن الشيء الغريب اللي لقاه هو جهاز تحليل الحمل تبع لوجين !!! ..
تذكر مشعل موضوعه المهم وطلاق ابوه للوجين بالوكاله اللي معه وكلام ساره .. طلع مستعجل..
،
،
،
،
،
،

كندا* *
بعد الخبر اللي صددمها ،قررت لوجين انها تعطي الجامعه تقرير عن وضعها الصحي وعن اللي راح تمر فيه... وبهالشي راح تلاقي منهم تعاون في تنظيم جداولها واختباراتها ..
طلعت من المحاضره وكانت معها لمياء اللي تناظرها مستغربه وساكته/..!!
لوجين لاحظت سكوتها/وش فيك ساكته وتناظريني كذا
لمياء بفهاوه/لوجيي انا ملاحظه انو بسرعه طلع لك بطن!!
لوجين خافت وناظرت بطنها/اي والله ..بس مو كثير صح؟
لمياء/يعني اللي بيشوفك بيقول في الشهر الرابع..
لوجين بابتسامه/طبيعي يطلع لي بطن يا غبيه.
لمياء/بس انتي توووك ثلاث شهوور
لوجين/بصراحه لمووش في خبر ما قلته لأحد غير أمي.. انا كنت متضايقه ساعتها بس بعدها تقبلت الوضع
لمياء استغربت وذبحها الفضول/ايش هالخبر
لوجين أشرت عليها بثلاثة أصابع يدها اليمين/انا حاامل بثلاثه توونززز
لمياء ماصدقت/كذااااااابه مستحييل اصددق
لوجين ناظرتها وهي تصغّر عينها/اجل انا كذابه هاااه.. اوكي ثانكس
لمياء وقفت شوي واستوعبت/ 3تووونززز
لوجين وقفت والتفتت عليها/اشفيك وقفتي؟..تعاالي يا هبله ههههههه
لمياء لحقتها وهي مو مصدقه/لووجين من جدك انتي..
لوجين/يب من جدي... وحطي ببالك انتي راح تهتمين بواحد وروبين واحد وأمي واحد مفهووم؟!!
لمياء فررحت/واااااو بيجيني نونو ههههه
تذكرت لمياء ان لوجين وزعت الاطفال عليهم وتخصررت/لا والله ..وانتي حبيبتي ليش ما تاخذين واحد تربينه. ليش وزعتيهم كلهم
لوجين/انا مااابيهم.. بعدين احمدي ربك حققت لك أمنيتك واعطيتك وااحد.. ترى بغير رايي
لمياء/بعد بتذلينا؟!!...هههه اخاف اذا ولدتيهم تنسين هالتقسيم هههههههههه
لوجين من زمان ماضحكت بهالشكل/هههههههههههه.
سكتت لوجين من ضحكتها وهي تتبسم.. وتلاشت الابتسامه من خوفها اللي ملازمها ..!!
،
،
،
،
،
،
،
جدّه_السعوديه
بغرفتها ..،
تركت كتابها وحطته جانبها..وقامت لجوالها اللي فوق الشوفنيرا "موصول في الشاحن" و يرن بدون توقف...
شافت رقم المتصل وردت بزفره/نعععم!!
جابر في الجوال/اعصاابك يا عمرري
هنادي بنرفزه/الله ياخذ عمرك.. انت ايش تبغى بعد؟
جابر بقلّة ادب/افااا في وحده كيوت ووجهها ملائكي زيك تتكلم مع خطيبها كذاا!!
هنادي/الملكه بعد بكرا، تتصل اللحين ليييش؟!!
جابر بيغيضها بس/حاب اتطمن عليك
هنادي بانفلات اعصاب/دامني بتزوجك.. فتأكد ان ماني بخير
جابر/انتبهي حبيبتي لألفاظك
هنادي/اوكي ممكن تهويني حابه اذاكر
جابر/مو لازم تذاكرين حبيبتي راح تكونين زوجتي
هنادي/ماله داعي تذكرني كل شوي اني بكون زوجتك.وماله داعي تكلمني قبل مايصير بيننا شي رسمي. واللحين.. يلا سلام
جابر/راح نتواجه اكيد.. سلام
سكرت هنادي الجوال وهي قرفانه منه...
لفت باتجاه المرايه وهي تناظر ملامح وجهها/راح اوريك كيف تدمرك صاحبة الوجه الملائكي، وربي ما اخلي فرصه وحده إلا وراح استغلها علشان انتقم لي ولاختي منك ومن اخوك..
/
/
/
/
/
الجنوب..
دخل على ابوه في مجلسه بعد تردد... وما لقاه.. عرف من السايق ان ابوه في المزارع.. واتجه فوراً للمزارع..
،
كان واقف ومتكي بعصاته البنيه و المزخرفه بزخارف عثمانيه ويكلم العمال..
وقف مشعل وراءه وحاول يضبط نفسه/يبه
بو مشعل ألتفت عليه واستغرب عقدت حواجبه مع نبرة صوته/نعم ..شبلاك تنفخ
مشعل حاول يكون هادي/العفو يبه.. بس حبيت اتكلم معك بموضوع
بو مشعل/بالأول خلني افهم هالعمال ..ما يفهمون.. اشوفهم حاطين
مشعل قاطعه/يبه الله يخليك لي.. اترك العمال يسوون شغلهم..و تعال انت ابيك بموضوع مهم
بو مشعل خاف بس مابين/ووش موضوعك؟!
مشعل بضيق/يبه الموضوع ما ينقال هنا
بو مشعل/تكلم هنا ماعندي وقت
مشعل قرر يتكلم احسن/يبه تقدر تقول لي وش سويت بالوكاله اللي اخذتها مني وانا بالمستشفى.
بو مشعل ترك المكان ومشى/اكيد مشيت فيها الشغل يعني وش بسوي فيها..
مشعل مشى وراه ويكتم عصبيته/وش بعد سويت فيها
بومشعل وقف والتفت عليه عاقد حواجبه/بس هذا اللي سويته.
مشعل/وتطليقك لزوجتي غيابي و من غير علمي من الشغل ؟!
بو مشعل سكت/...
مشعل/ليش يبه تغلط هالغلطه ليييش؟!!
بو مشعل بصوته الجهوري/كان لازم يصير هالشي..
مشعل/ومن عطاك الحق تطلق زوجتي؟!
بو مشعل/انت ماعندك كرامه.. اقولك البنت هربت وتركتك وانت جالس تناقشني وتقول ليش تطلقها!!
مشعل انقهر/طلاق زوجتي بيدي أنا وبس... انت ليش دوم تحقرني قدام الناس!! ليه دوم مستضعفني وتتحكم فيني؟ يعني حتى زواجي غصب عني! تزوجني بكيفك وتطلقني بكيفك؟..هاللي سويته يبه ما يرضي الله ولا خلقه..
بو مشعل ببرود قاتل/هذا جززاااي اللي ابي أرد لك كرامتك
مشعل بعيون لامعه تكلم بأسى/ومن قالك ان كرامتي مسلوبه،علشان تردها؟!!..أنت قتلتني يبه،قتلتني
بو مشعل/لا يضيق صدرك على قليلة الشرف هذي و..
مشعل قاطعه/لا يبه لا.. لا تطعن في شرفها.. هذي بنت عمي قبل تكون زوجتي.. وشرفها من شرفي
بو مشعل ناظره بنظرات ناريه/بعد كل اللي سوته؟
مشعل بإصرار/ايه يبه تضل بنت عمي ..واللي يمس شرفها يمسني ، دامها زوجتي اقص لسان اللي بتكلم بعرضها
بو مشعل/انت للحين تقول زوجتي!! شكلك ناوي ترجعها!!!.. انت ماعندك كرامه ولا ذرة رجوله،حسافه انك ولدي الوحيد
مشعل ماعنده شي يقوله... كان مشتت بين كلام امه وابوه وبين كلام ساره.. ومابين قلبه اللي ينبض بحب هذيك الغايبه...
ترك ابوه ومشى وهو مغبون ومقهور..
دنياه للحين ماصفت له، كل ما قربت تزين حياته ترجع تصير أتعس... والسبب تدخل أمه وأبوه فيه.. مايبي يزعلهم وبنفس الوقت ماتعجبه تصرفاتهم معه.. ويتساءل، ليه يدمرون أي شي يسعده؟ بالرغم انه ماقد عصى لهم أمر!!
زوسط معمة هواجيسه،،رن جواله وكانت الكادي،ماقدر يكلمها وهو بهالوضع، خاف يبين بصوته وتتضايق، ترك جواله يرن بجيبه وركب سيارته ومشى/...
،
،
،
،
،
،
،
بعد كم يوم مروا على الجميع بثقل.. ،
جده*
ترتيبات حفله صغيره...و الكل صدره ضايق ومهموم والفرحه مالها مكان بينهم..
وهي بغرفتها،واقفه بعدما انتهت من كل شي، تلبس سلسالها النااعم وخلصت من لبسها.. وتسدل شعرها الأسود على كتفها اليمين... وتناظر بشكلها النهائي في المرايه... لابسه فستان أسود أنيق وناعم.. عاري الاكمام...و كانت متعمده تلبس الأسود
دخلت بهالأثناء نسرين وهي تحبس دموعها/خلصتي؟
هنادي وهي تسطنع ابتسامه/يب خلّصت.. شرايك فيني؟
نسرين ماقدرت تتحمل وهي تشوف اختها تضحي علشانها، تكلمت بغصه/هنادي انتي بتذبحين نفسك
هنادي بنفس ابتسامتها المزيفه/بالعكس... لا تخافين على اختك انتي بس انتبهي على اولادك..
نسرين وهي تربت على كتفها/هنادي انتي متأكده
هنادي/يب،انتي بس ادعيلي بالتوفيق.
نسرين مسحت دموعها وضمتها/الله يوفقك ويصبرك على اللي حطيتي نفسك فيه
هنادي حاولت تمنع دموعها ولكنها نزلت ومسحتها بسرعه/يلا اخذي بس ساعديني ونزلي شنطتي معي..
،
،
،
تحت ..
صالة البيت تحت ..فيها باب يؤدي للمجلس...
يجلس جابر بالنص وهو كاشخ بالثوب والغتره البيضاء ،ويناظر بساعته بتوتر وينتظرها على أحر من الجمر..
بالجهه الثانيه ابو عهود وخال هنادي/..
لحظات وتدخل هنادي بشموخها وبكامل اناقتها/السلام عليكم
الكل/وعليكم السلام
جابر وقف مبهور فيها وبنفس الوقت معصب من لبسها الاسود/اهلا
ابو عهود من وراء قلبه/مبروك يا بنتي
هنادي/الله يبارك فيك خالي
ابو عهود بضيقه/انا طالع ..
جابر شافه طلع وانبسط/تفضلي حبيبتي
هنادي ناطرته باحتقار/انت عارف اني ماني طايقتك، بلاش من المجاملات السخيفه.
جابر وهو يقرب منها/بس أنا ما اجاملك.. انتي فعلا حبيبتي.
هنادي ابعدت عنه خطوتين، بضيق/حبك برص
جابر انقهر من صدودها/اذا ما حسنتي ألفاضك معي بسود لك عيشتك
هنادي/اكثر من كذا سواد مافيه
جابر/بعدين ليه لابسه لي اسود هاااه
هنادي خزته/لأنه اليوم أعلنت الحداد على سعادتي. انا ماني طايقتك.. انا تزوجتك بس علشان خاطر اختي وأولادها اللي انتي ماسويت لهم خاطر وهم أولاد اخوك...وألا انت نكره مافي اي وحده بتقبل تتزوج واحد تافه ومافيه رجوله مثلك
جابر مد يده بكف قوي/بسس
هنادي ابتسمت ويدها على خدها/ههه قلت لك مافيك رجوله.
جابر سحبها/يلا امشي قدامي البسي عباتك خلينا نروح البيت،حسابك معي بعدين.
هنادي راحت معه وهي تكتم اهآت قلبها...
،
،
،
،
،
،