من متى و الغصـن يختـار الطيـور..!!

14

لم يكن صباحي هذا مثل باقي صباحاتي السابقه..
استيقضت على ألم نفسي قبل ان يكون جسدي.. في الحقيقه أنا لم أنم ليلة البارحه.. جُرح ينزف داخل أعماقي.. رغم انني اردت الاقتراب منه مراراً إلا أنني كرهت اسلوبه وكرهته لسببه الذي اغتصبني من أجله..
نعم.. رفضت ذلك السبب الذي دفعه لسلبي عذريتي بدافع الشك!!
قد اعطيته قلبي مسبقاً فلماذا يجرحني بهذه السهوله!!
قد عرف بمقدار شوقي لأحضانه فلماذا يسحبني كفتاة قاصر الى عش الزوجيه!!
لماذا لم يدفعه الحب لي.. بدلاً من الغيره والشك..؟!
تساؤلات أوجعت قلبي وروحي وجرحتني في الصميم..

..
الصباح الباكر..
جالسه وتضم رجليها و تلم المفرش حواليها على الأرض وخلفها الاريكه.. كانت دموعها ماتوقف.. وقلبها موجوع..وتتنهد ..
،
هناك على السرير نايم براااحه..،.تحرك شوي وهو يسمع صوت أناهيدها..!!
استقعد مشعل وهو يشوف نفسه نايم ع السرير والدنيا معفوسه.. وعلى غطاء السرير أثار عذرية "لوجين"..!
تذكر اللي سواه فيها البارح وكلامه لها واسلوبه الهمجي والتفت عليها وهو مستحي ومصدووم من نفسه!! .. شافها جالسه هناك وترجف..
نزل من السرير واتجه لها وهو ندمان/لوجين..
لوجين،صدت عنه،بسكات/..
مشعل جلس على ركبه عندها/لوجين انا آسف ع الكلام اللي جرحتك به البارح..
لوجين ما ردت عليه ودموعها تزيد/...
مشعل مد يده على كتفها/لوجين..
لوجين التفتت عليه و صرخت فيه/لا تلمسسسني مره ثانيه
مشعل ابعد يده/انا آسف لوجين.. ماكنت بوعيي.. مدري وش خلاني اغلط هالغلطه،المفروض اكون اكثر حكمه، بس غيرتي أعمتني.. و ماعاد فيني صبر
لوجين صدت عنه و ما ردت عليه ودموعها تفيض من محاجرها/...
مشعل شافها تتصدد عنه و قام وطلع وقلبه عندها/..
لوجين شافته طلع وارتفع صوت أناهيدها.. و قامت تخرب كل شي.. شافت اثار عذريتها على السرير وجلست عند طرف السرير وبكت اكثر.. من الطريقه اللي فقدت فيها عذريتها/...
/
/
/
/
طلع من غرفته بعدما اخذ دوش بارد.. لبس ملابسه على الطاير وطلع حتى ازرار ثوبه ما سكرها.. تخيّل مدى غبائه ليلة البارحه وهو يغتصب زوجته.. اللي المفروض ياخذها بالرحمه والموده.. كيف سمح لغضبه يهدم كل شي بلحظة !!
ركب سيارته وهو حاب يختفي عن كل الانظار..بهاللحظه..
راح بعيييد ..وبدوون هددف .!!
/
/
/
بغرفته واقف عند مرايته ويضبط شماغه وهو يكلم نفسه، ومصدوم من تصرفاته(لهالدرجه وصل فيك اليأس يا "عُمر"..تفكر ببنت ماتعررفك ولا انت تعرفها!! .. تفكر تفكير مراهق.. كيف بتقابلها وتخطط تتعرف عليها!!.. لهالدرجه صرت يائس وتفكر تتبع طرق ملتويه،اذا الله ما وفقني بكل خطبه خطبتها فهي خيره بأذن الله والعوض في الجايات ان شاء الله!!... )
قطع عليه تفكيره صوت أخته الكبيره/عموور
عمر ابتسم/ادخلي يا رحاب الباب مب مقفل
رحاب دخلت بابتسامه/يسسعد لي صباح اخوي الامييرر
عمر طبع قبله على راسها/اميرتي اللي مالها مثيل هي اللي ربتني بعد وفاة أمي..
رحاب/الله يرضى عليك يا حبيب اختك
عمر/زين اللي زرتي بيت ابوك ..صاير استوحش لحالي
رحاب/اشتقت للديره.. لو ان ابو مرام عمله مو بالرياض والا كان تلقاني عندك دووم
عمر/يكفي من ابو مرام انه خلاك عندي لين كبرت وصرت رجال..
رحاب اكتفت بالابتسامه/...
عمر/على طاري مرام.. وش اخبارها مع زوجها
رحاب/بخير ولله الحمد.انزل معي نفطر واعلمك بكل العلوم
عمر/شكلك مخبيه شي
رحاب/ههههه انزل معي واقولك.
عمر/امري لله نزلنااا
/
/
/
/
/
نرجع للوجين..
جالسه تحت المويه بالحمام.. وتستحم وتتذكر اللي صار لها البارحه وتبكي.. فكرة أن مشعل كان مستخونها تقهرها..
ظلت تتنظف وتغتسل بعلبة الشامبو كامله وتتليف وتأخرت بالحمام..
تذكرت حالها بهالبيت اللي ما ذاقت فيه السعاده من دخلته.. وتذكرت بيت اهلها.. وابتسامة أبوها الحانيه.. وحضن أمها الدافي.. وضحكة اخوها فيصل.. حييل اشتاقت لهم..
..
.
.
.


في مكان يعتبر الأخطر في المنطقه..
على حافة جرف جبلي حااد.. يفصل بين مرتفعات عسير واسفل تهامه... يقف "مشعل" والهواء القوي المنبعث من اسفل الى اعلى ويهزه هززز مع المطر الغزير وممكن بأي لحظه يطيح..
فيه رجال ينادونه من بعيد.. علشان ياخذ حذره من البروده الزايده والمكان الخطير بس ما كان يسمع صوت أحد غير صرخات لوجين!!
هو ما يفكر ينتحر ولكنه كان يفكر كيف هانت عليه نفسه ويغتصبها بهالطريقه.. كيف يقول احبك وهو كان يشك فيها!!..كان يكرر بداخله هي اكيد كرهته..
رن جواله وبشكل متكرر...!!

مشعل تراجع شوي وطلّع جواله،وشاف أسم عمر ورد عليه/هلا عمر
عمر بالجوال/مشعل تراني ماسمعك زين من الهواء،
مشعل اتجه لسيارته وركبها وشعره مبلول وملابسه بعد/قول يا عمر وش عندك
عمر/روح لمكتبك ابيك بموضوع خاص شوي
مشعل/شـ موضوعه؟.. تكلم شعندك!
عمر/حساس شوي اذا جيت قلت لك لا تتأخر علي تراني بمكتبك
مشعل وهو يشغل السياره وماشي/اوكي اوكي أنا جايك اللحين.سلام
/
/
/
/
/
الفندق.. ،
خلّصت لمياء ترتيب أغراضها وصففت كل شي..
رن جوالها بهالأثناء وراحت ترد بابتسامه بعدما شافت الأسم/هلا لولو
لوجين بالجوال/السلام عليكم
لمياء/وعليكم السلام ،كيفك لولو؟
لوجين وهي تحنحن تحاول تعدل صوتها المبحوح/تمام الحمدلله
لمياء ما ارتاحت لصوتها/لولو فيك شي؟
لوجين وهي تمسح دمعتها/لا مافيني شي.. بس حابه اشوفك قبل تروحين.
لمياء/يعني متأكده مافيك شي؟..لا تقولين انو احد مضايقك.
لوجين وهي تتذكر كلام مشعل الجارح لها ليلة البارحه غمضت وكأنها تبي تمحي هالذكرى/لموش بلييز تعااالي
لمياء/اوكي أنا شوي واخلي زيزو يجيبني
لوجين وهي تفكف دموعها/انتظرك لا تتأخرين علي
لمياء/اوكي.
/
/
/
/
/

في مؤسسة بو مشعل واللي يديرها مشعل من سنيين.. ،
دخل مشعل وهو يسلم ع الموظفين بابتسامه مقتضبه...اتجه لمكتبه،..
استقبله السكرتير ذو الجنسيه العربيه/استاز مشعل فينك من بدري!!
مشعل/ايش صاير يا حمزه
السكرتير مد عليه اوراق/فيه طلبات تعامل معانا وكمان جانا رد من مزارع جازان.. وموافقه من مزارع المنجا هيوردوه لنا
مشعل وهو يسكر الاوراق/ممتاز وايش بعد
السكرتير/استاز عمر موجود هنا من حوالي ساعه ونص
مشعل/عندي خبر ..انا رايح له و ارسل لنا قهوه عربيه ولا احد يدخل..
السكرتير/حاضر.
،
،
،
،
نزلت " وهي مالها نفس تشوف أحد من اهل البيت.. تمنت ماتقابل اليوم احد منهم.. اتجهت للمطبخ تبي تجهز ضيافه لبنت خالتها اللي بتزورها..
كانت لامه شعرها كله على جنبها الأيمن بسبب أثار في رقبتها ومن تحت أذنها.. وتنادي الشغاله/..
الشغاله شافتها دخلت/اهلا مدام.. ايش يبغى
لوجين وهي تحاول تركز/اللحين في يجي ضيفه.. تعرفين تسوين قهوه عربيه؟
الشغاله ببتسامه/اكييد مدام..
لوجين/اجل سويلنا قهوه تركيه
الشغاله استغربت/اوكي مدام..
لوجين/واذا مافي سويت ..حاولي تسوين اللحين سويت
الشغاله ببتسامه مسويه ذكيه/انا سريت اثنين سويت توو حطيت ثلاجه
لوجين/زين انا بروح افتح الباب.. جهزي العصير اللحين والمويه قبل تقديم القهوه مفهووم
الشغاله استغربت برود لوجين لأن دوم تشوف ابتسامتها وتعاونها معهم/اووكي مدام
طلعت لوجين وشافت ام مشعل مكشره قدامها وارتعبت/بسم الله
ام مشعل/ليه يا بعدي شايفه جني
لوجين حاولت تهدي نفسها لأنها من بعد اللي صار البارح وهي تخاف من كل شي/اسفه يا خاله.. حلو اني شفتك.. ابيك بموضوع
ام مشعل وهي لاويه بوزها/خير وش عندك
لوجين/اللحين جايتني بنت خالتي.. رجاااءاً يا خاله ابيك تحترمينها كضيفه يعني هي شوي ورايحه ما راح تضل هنا.. لا تسوين حركاتك اللي دايماً
ام مشعل بحدة صوت/ما بقى الا انتي يا بنت الحجازيه تعلميني الادب
لوجين حست ان ما منها فايده/العفو مو قصدي.. بس انبهك
ام مشعل/والله اللي يبي لها تربيه هي اللي تركب وتتمشى مع رجال غريب وبكل قلة حياء تخليه يوصلها لبيتها.. حسبي عليك ماقعد احد ما درى بالسالفه
لوجين عصبت من اتهامها/انا ماسويت شي غلط، الزمي حدودك،انا محترمتك للآن لانك كبيرة سن مالو داعي تخليني اتمادى
ام مشعل/الله يستر منك ومن بلاويك اللي بتجيبينها لنا مع الماايع ولد خالتك
لوجين/انا سكت وانتي تغلطين علي لكن حدك لا تغلطين على ولد خالتي،ما اسمح لك
ام مشعل وكأنها تدور مشكله/وتدافعين عنه بعد، هذا وانتي متزوجه ولدي
لوجين/انا لو ماجيت هنا ببيتك والا حاليا خطيبة زياد اللي انتي مستحقرته...لا تغلطين عليه علشان ما اغلط عليك
تركتها ومشت...
ام مشعل مو مصدقه كلام لوجين عن رجال ثاني وهي متزوجه من ولدها/والله اني شاااكه انه في شي قذر قاعد يصير من وراء ظهر ولدي المسكين.. لازم اكون مصحصحه معها والا ولدي من كثر ماهو معطيها وجه ما يصدق فيها..
/
رن الجرس وكانت لمياء..
لوجين فتحت لأنها كانت تنتظرها..
لمياء دخلت/ السلام عليكم
لوجين وعيونها تلمع/هلا لموش وعليكم السلام
لمياء خافت عليها بعدما شافت عيونها تغص/لولو فيك شي
لوجين بابتسامه مصطنعه/لا مافيني شي تفضلي بنجلس برا ..
لمياء وهي شاكه في وضع لوجين/اوكي
/
/
/
/
المؤسسه..
بعد اخذ وعطا وسوالف وشاي بين رفيقي العمر.. ..
مشعل ببتسامه/انت منت خالي فيك شي
عمر/ابد والله.. بسس..
مشعل/ايوه بس ايش؟
عمر طلع ظرف صغير/أنا من كم يوم رحت استقبل وفد سياحي و لقيت هوية ضايعه في المطار عند صراف الي
مشعل/طيب ليه مابلغت؟
عمر تردد واستحى من خويه/يابن الحلال نسسيت،وامس فتحت الهويه وتفاجأت انها لبنت
مشعل/يعني بتعلمني انك ما شفتها وقت اللي لقيتها
عمر خاف يخربط/شفتها بس لمحه.يعني ماكنت متأكد من الأسم، وكنت ابي ابلغ بس بما اني عرفت صاحبة الهويه.. قلت ارجعها بنفسي
مشعل خااف لا تكون هوية لوجين/طيب ليش ما رجعتها بنفسك دامك عرفت وين صاحبة الهويه انا وش دخلني؟
عمر بعد تردد ومد عليه الظرف/خذها وعطها زوجتك
مشعل باندفاع كان بيفتح الظرف/ليش زوجتي يعني
عمر/لا تخاف مو هوية زوجتك يابن الحلال.. هوية اخت زياد
مشعل ارتااااح وارتخت اعصابه/اهاا... طيب ان شاء الله اوصلها
عمر/قوم ووصلها ترى اللي عرفت من زياد انهم بيمشون الليله او بكرا.. خفت اعطيه الهويه ويفهمني غلط.. ودام زوجتك بنت خالتها فما فيه مشكله اذا اعطتها الهويه بدون تدخل عمر... مابي أحرج لمياء عند اخوها واهلها..
مشعل ببتسامة خبث/ايوه وانت وش يهمك اذا انحرجت او ما انحرجت
عمر انحررج وقام بس مسوي ما اهتم/مشششعل ماني فاضيلك والله يستر على البنت ..
مشعل/هههه طيب شفيك قمت
عمر/برووح عندي اشغال ..وانت لازم تروح اللحين تودي الهويه ،بسرعه.
مشعل/اي طيب طيب بس لا تنسى القهوه عندي الليله وذكر الشباب
عمر وهو طالع/ان شاء الله... سلام
،
،
،
في مكان آخر... ،
في جلسه خارجيه في محيط حوش البيت.. تجلس لمياء مقابله لوجين ويتبادلون الاحاديث بينهم.. كان حال لوجين مو مثل قبل... كانت تسرح ..وتنسى ان حولها أحد..
لمياء لاحظت ان لوجين مو منتبهه لها و أشرت قدام وجهها بيدها/هييي.. لولو.. فين رحتي
لوجين انتبهت لها/موجوده.
لمياء استغربت/لولو انتي مو طبيعيه اليوم.. بس تسرحين وساكته..!!.ولونك صاير أصفر تكلمي.. صاير شي
لوجين خافت تنفضح/مم لا ليش؟
لمياء/حاسه انو فيكِ شي مو طبيعي،تكلمي فضفضي لي دام ان زينه دخلت
لوجين ماتقدر تقول اللي صار لها ليلة البارحه.. مهما كان، اكتفت بابتسامه ذابله/ابد متضايقه لانك خلاص بتروحين..
لمياء ابتسمت/حيااتي يا لولو لا تزعلين.. ولا تشيلين هم.. قلت لك اذا حابه اخذك معي تعالي محد بيحس انك بتهربين الا وانتي واصله جده.. ومافي مشكله نسافر بداية الاسبوع لكندا.. ونريح راسنا من هالمشكله هذي..
لوجين بذهن مشتت وافكار فوضويه ما قدرت تقول شي/..
لمياء كملت بحماس/البلد فيها قانون.. ومحد بيجبرك تكملين حياتك مع انسان ماتحبينه.
لوجين التفتت على لمياء بعد آخر كلمه"انسان ماتحبينه".!
لمياء/هااه ايش قلتي
لوجين تحت ضغط كبير وهي تتخيل مواقفها الحلوه مع مشعل وشخصيته النبيله.. وتوصل للحظة البارحه وتنفر منه/..
لمياء/يا بنت شفيك انخرستي..!!
**بهاللحظات. اقبلت زينه/لوجين
لوجين التفتت لها بسرعه/نعم
زينه/اسفه اني قطعت حديثكم .
لمياء/عاادي زينه.. خذي راحتك
زينه ببتسامتها/مشعل حاب يشوف لوجين
لوجين خااافت من طاريه وبلعة ريقها/ليش؟
زينه/ما ادري.. بس يقول يبيك بشي مهم وضروري وراح لغرفتكم
لوجين خافت اكثر/طيب طيب، انتي روحي وانا بلحقك.
راحت زينه..
لمياء/لولو حددي موقفك، ترى ما باقي معانا وقت. .
لوجين/اوكي خليني اروح اشوف مشعل وش يبي وراجعتلك
لمياء/اوكي.. لا تتأخري.. لانو كلها نص ساعه وراح امشي
لوجين وهي قايمه/لا ما راح أتأخر..
/
/
/
/
في الغرفه...
حط صندوق هدايا على كومدينة السرير وقف ومستحي ما يدري شلون بيحط عينه بعينها بعد اللي سواه فيها.. اتجه للباب لأنه حس انها تأخرت...
بهاللحظات دخلت لوجين بشموخها و بعيونها نظرات ناريه/..
مشعل اتجه لها/...
لوجين خزته/ووقف مكانك لا تقرب اكثر
مشعل وقف وهو عاذرها/... !!
لوجين/يقولون تبيني... تكلم بسرعه ايش تبغى
مشعل/شلونك
لوجين/يعني مناديني علشان هالسؤال السخيف!! اول مرّه اشوف جلاّد يسأل عن الضحيه!!
مشعل قرب منها/لوجين..انا عاذرك ..و أي شي تقولينه بحقي ما راح ألومك..
لوجين صدت عنه وهي غاضبه/تكلم وخلصني بسرعه ايش تبغى
مشعل وهو يتأمل زعلها عليه وصدها ونفورها منه/لوجين سامحيني تكفين..أوعدك ما ألمسك مرّه ثانيه لو هالشي بيخليك سعيده
لوجين ما توقعت انها بتكره هالوعد ..سكتت
مشعل/أنا ما كنت أبي ألمسك إلا برضاك.. لكن حبي لك تمادى داخلي وأعماني.. ماقويت أصبر ... اسف ان كاني تعديت حدودي وازعجتك
لوجين حست انها بدوااامه.. من هنا فكرة الهروب ومن هنا اعتذار مشعل اللي واضح انه عمره ما اعتذر من احد/اذا خلصت من كلامك قول لي لان وراي ضيفه تنتظرني.. كلامك المنمق ما راح يرد لي كرامتي المهدره ولا كبريائي اللي كسرته.. ولا حتى عذريتي اللي خسرتها بدون وجه حق
مشعل حاه إحباط وقرر يوقف عن طلب السماح منها/طيب خذي هذا الظرف
لوجين خافت للحظه ما قدرت تفتحه/وش داخله
مشعل/صديقي عُمر لقى هويّة لمياء بنت خالتك بالمطار.. ولمن عرف اسم اخوها.. قال لي اخليك توصلينها لها..
لوجين/اها... طيب مشكور..
مشعل ابتسم نصف ابتسامه باهته وطلع بهدوءه.. وحزن هالدنيا يلفه...
لوجين صدت عنه وهو يطلع ولمحت صندوق الهدايا.. عالكومدينه.. اتجهت له وهي معصبه.. فتحته وشافت ايش داخله بشكل مفروش ورد مرتب وفوقه طقم ذهب وكارت اعتذار و علبة ساعة ماركه.. وعطر..زادت حدت عصبيتها وانفلات غضبها المكبوت.. و سكرت الصندوق واتجهت لغرفة مشعل المقابله لغرفتها وبدون تفكير فتحتها ورمت الصندوق بالأرض وانكب كل شي فيه...
طلعت لوجين واتجهت للمياء...
،
في مكان جلست البنات..
لمياء تكلم بجوالها/اوكي زياد كلها خمس دقايق وطالعه
اقبلت لوجين وجلست وكانت تحاول تسيطر على غضبها لأن مهما كان "مستحييل" تقول للمياء اللي صار بينها وبين زوجها.. هالشي خصوصي ومايجوز احد يدري به..،
لمياء سكرت الجوال والتفتت عليها/هاه شفيك بعد؟
لوجين وهي تخفي توترها/ولا شي
لمياء ناظرت في يدين لوجين وهي تمسك بظرف بقوه وكأنها بتقطعه،مدت يدها وحاولت تهديها/لوجين هدي اعصابك
لوجين سحبت يدينها وردت بعصبيه/ماني معصبه
لمياء/انتي بهالشكل ماتعدلت حالتك مثلما قلتي لي بالتلفون من قبل
لوجين/انا ماعندي حاله.. وماني مريضه علشان تناظريني بهالنظرات فاهمه..
لمياء تبي تصدمها وتصحيها من عصبيتها/مريضه ونص ولا تنكرين انك تستخدمين ادويه
لوجين يربت تبكي/لمياااء انا ماني مريضه.. وما استخدم ادويه.. اقسم لك ما استخدمت غير ثلاث او اربع حبات والباقي كبيتهم بالزباله.. انا تحسنت كثير ولله الحمد
لمياء صدقتها مع الحلف/اجل مشعل مزعلك هالمره..صح؟
لوجين ماحبت تقول/لمياء متى بتروحون
لمياء/بكرا ان شاء الله.. ليش؟
لوجين بعد تردد/انا حابه اروح من هنا
لمياء انبسطت طبعاً/من جدددك؟..يعني اخيراً اقتنعتي!!
لوجين وهي تحاول تتناسى مشعل/ايوه
لمياء بحماس/حلوو.. راح اقول لزياد انو راح ترجعي معنا.
لوجين/قبل لا تقولين لزياد.. اخذي هالظرف.. اعطاني اياه مشعل قبل شوي
لمياء استغربت وهي تفتحه/ظرف ايش؟
لوجين/هويتك يا هانم.. مضيعتها وساكته..
لمياء وهي تشوف هويتها ومبسوطه/شلون لقاها ووين؟
لوجين بلا مبالاة/مو هو اللي لقاها ..لقاها عُمر صاحبه لقاها في المطار.. وكان بيبلغ بس عرف اخوك عن طريق مشعل وعرف انك تقربين لي وجابها لي علشان أوصلها لك.. وبس
لمياء/يالله.. وفر علي مشاوييرر علشان اطلع بدل فاقد..
لوجين كانت متردده.. بشأن موضوع تركها لمشعل..
سكتت تفكر كيف تتخلص منه بدون ما يحس..
رن جوال لمياء وقامت/يلا عن اذنك..هذا زيزو وصل.. ولا اوصيك.. خلصي اغراضك المهمه فقط.. لا تاخذين اي شي علشان محد يشك فيك
لوجين/اووكي..
لمياء/سلام
لوجين/سلام..
/
/
/
/
عند البوابه.. عُمر واصل يبي مشعل.. لان السهره عنده الليله.. وشاف زياد قدامه.. ونزل يسلم..
زياد كان خااايف من شوفت مشعل( الله يستر)
عمر/السلام عليكم.. حي الله زياد
زياد/وعليكم السلام.. هلا عمر..
ظلوا واقفين يسولفون... وبهاللحظات طلعت لمياء وشافت اخوها يكلم رجال بسرعه ضيقت لثامها و ركبت السياره منعاً للاحراج..
عمر لمحها تركب سيارة اخوها لأنه عندهم واقف..ونقد على نفسه لأنه فكر فيها بطريقه غريبه عن عاداته وتقاليده ودينه قبل كل شي..
بعد شوي خلصوا سووالف،،
عمر/يلا وانا اخوك ما اطول عليك.. دام الاهل معك نشوفك على خير
زياد وهو يودعه/وانت بعد في امان الله..
ركب السياره.. ،ومشوا..
لمياء بلقافه/زيزو من هذااا؟
زياد بغباء/هذا رجال
لمياء/وانا اللحين قلت انه بنت...من هوو؟
زياد/اللي يسمعك يقول تعرفين الناس هنا..وش بتستفيدين من اسمه
لمياء طفشت منه/تدري شلون.. خلاص سكر ع الموضوع
زياد/ههههههه هذا واحد اسمه عُمر... ارتحتي؟
لمياء تذكرت اسم اللي لقى هويتها/اهااا.. صاحب مشعل
زياد بدون نفس/ايهه صاحبه..
لمياء سكتت وهي تفكر فيه وبوجود بطاقة هويتها معه طوول هالفتره( يعني شااافني بالبطاقه وعرفني لمن ركبت مع اخوي،ايش هالاحرااااج )
زياد/ايش فيك..سرحتي بعيد!!..
لمياء/لا موجوده.. وعندي لك بشاره
زياد التفت عليها/قولي بسرعه ايش هي
لمياء/يا ولد انتبه لطريقك..
زياد/انطططقي وش هالبشااره
لمياء/لولو قررت ترجع معانا
زياد الدنيا ماتوسعه من الفرحه/يعني بتترك مشعل خلاص
لمياء بحماس/للأبدددد بتطلب الطلاق ههههه
زياد/قسم بالله ماني قادر استوعب من الفرحه احس مخي قفل..
لمياء وهي تناظره ببتسامه/انتا المفرووض تشكرني وتجيب لي هديه بعد ع الخبريه،يعني اظنها تسوى
زياد/والله تستاهلين الهدايا كلها موبس هديه.
لمياء/يا بختك يا لوجين هههههههههه
/
/
/
/
/
/
بغرفتها ومحتاره كيف بتترك البيت.. وبأي طريقه راح تهرب من مشعل...
اتجهت لدواليبها تدور أشيائها المهمه وتجمعهم بشنطه صغيره وحده وما راح تاخذ ملابسها الباقيه معاها..!
..
قرّب الليل وكل ساعه تروح تقربها من هدفها اللي كانت تتوق له من اول يوم تزوجت فيه.. وهو انها تهرب من هالمكان.. وتاخذ حريتها من مشعل ومن قيود هالقريه..
/
/
/

يتبع... ،