من متى و الغصـن يختـار الطيـور..!!

33

  ،


يمثلون اللامبالاه وهم ميتين فِ بعض،و يمثلون البرود وهم يحترقون غيره.
،

،
كانت جالسه ترتب ألبوم ذكرياتها مع اطفالها ..حابه توثق كل لحظاتهم وهم يكبرون....
ومن بين الصور ،صورة مشعل كانت طابعتها كذا نسخه لاولادها..
اخذت صورته وضلت تتأمل ملامحه وهي تحس بنيران داخلها.. قامت بغضب واخذت الولاعه اللي كانت جانب الشمعدان اللي كان قدامها ع الطاوله واحرقتها ودموع عينها تتسابق..
دخلت بهاللحظه لمياء وبيدها ساره ..شافتها تحرق الصوره وبتاخذ الباقيات وبتحرقهم/لوجيين وقفي
لوجين ما ردت عليها واخذت الصوره الثانيه بتحرقها..
لمياء نزلت البنوته من يدها واتجهت للوجين واخذت منها الولاعه والصور وجلستها تهديها/بنت وش فيك
لوجين بقمة انهيارها جلست وهي محبطه وتحس بضياع كل شي،انهارت بالبكاء..
لمياء فهمتها وحزنت عليها ضمتها/لوجين خلاص،مالك حق تزعلين،اللي سواه مشعل ماتعتبر خيانه،انتم منفصلين من زمان اذا تزوج فهذا حقه
لوجين بضعف تااام/أحبه يا لمياء أحبه،احببببه
لمياء مالقت لها رد غير انها تسمعها وبس..
لوجين وهي تحاول تتنفس/روحي بتطلع مني ماكنت متوقعه ان هالشي بيجيب اجلي ي لمياء، كل ما احاول انسى اتخيله يضحك معها او يضمها اوحتى ينام جنبها..حاسه بشي يخنقني
لمياء بكت وهي تشوف رفيقة دربها واختها تنهار قدامها، حست ببرودة يدها/لوجين بسس خلاص بليز
لوجين سندت راسها على يدينها و كملت بكاها بصمت..
،
،
،
،
في صالة البيت جالسه الجده وتشوف الاخبار.
الجده بانزعاج/روووبي فيين القهوه.. ي بنت لا يكون نمتي
روبي جاءت مستعجله وحطت القهوه/مانمت انشغلت بالمطبخ،ابي اسكر كل شي قبل نسافر
الجده/طيب فين لمياء وبنتها ماني شايفتها
روبي/راحت للوجين انتي عارفه انها ترضعها مع اولادها
الجده/الله يعين لوجين.. ويجزاها كل خير
روبي/امين، اصلا لوجين تعبت ومعاد فيها ترضع.. بس بتكمل رضعات ساره وخلاص..
الجده/احسن حاجه سووها خلي البنت يصير لها ارتباط فينا روبي صبت فنجان ومدته لها/تقهوي يا احلى جده
الجده تبسمت/بكاشه
روبي/ههههههههه
،
،
،
،
،
*
عدت ساعات ..
هدى وهي جالسه في الصاله ومعها لمياء/لوجين مو عاجبتني صايره حساسه وتجلس بغرفتها اغلب الوقت يبين انها تبكي.. لكن ان سألتها تقول ما كنت ابكي ..وكأني ما اعرفها..
لمياء بضيق/اكيد شايله هم اولادها..
هدى/اللي مجنني ليش فجأه انهارت.. هي من زمان منفصله عن مشعل وبينهم هجر ومشاكل.. ليه اللحين انهارت ومعاد تتحمل
لمياء تنهدت/عرفت انه تزوج وحده ثانيه
هدى تفاجأت/وهي كيف عرفت
لمياء بضيق/المهم انها عرفت وبس..
هدى بواقعيه/واذا تزوج ..بسلامته ..هي ومشعل منفصلين من زمان، فين المشكله
لمياء وهي تحاول تفهمها/افهمي يا خاله. البنت تحبه، الحب مايفصله الطلاق.. و المشاعر مافيه من يحكمها..
هدى حزنت من حال بنتها/اي والله.. عارفه انها تحبه.. المشكله دحين مسميه مشعل علشان تضل تقول اسمه وما يروح من حياتها..
لمياء/قصة حب مضطربه، مدري كيف صايره.. نفسي امسكهم بمكان واحد واقعد بينهم ونحط حل...
هدى بضيق/هالحل يمكن كان وارد قبل يتزوج مشعل لكن اللحين ما اظن ابد... وبنتي ماراح نجيب لها طاري مشعل بعد اليوم.. صحتها عندي بالدنيا كلها..
لمياء/شكلي بضل عندكم لين بكره.. ابي لوجين تكمل رضعات ساره بكره بنسافر..
هدى تذكرتها/هههه اللحين صرت جده لأربعة احفاد
لمياء/واحد منهم لي ههههه
هدى/قولي امين عساني اشوف اولادك ي لمو
لمياء استحت/امين
،
،
،
،
،
،
**
السعوديه..
وصلت المطار هي وزوجها.. وبنتهم..
عبدالرحمن وهو شايل بنته بيده/وين راح عزيز؟
الكادي تلفت تدوره و قلبها تتسارع نبضاته،لها زمااااان عن عزيز/..
عزيز من بعيد/عبدالررحممممن..
عبدالرحمن التفت وشافه/هذا اخوك جاء يستقبلك
الكادي ماقدرت تمسك نفسها وهي تشوف شكل اخوها متغير عليها مو الاولي، شافته يقترب منهم واتجهت له ركض وضمته وكأنها ام تحضن ضناها ضلت تبكي
عزيز حاول يضبط نفسه/الكادي انا بخير ..كاادي وانا اخوك ..
الكادي حاولت تهدأ وبصعوبه سيطرت على نفسها/اشتقت لك ياخوي..وش فيك.. ليه تقطعني من صوتك.. ليه يا عزيز ليه.. قلبي تقطع من خوفه عليك
عزيز باسها على راسها/اعذريني وانا اخوك.. اللحين انا قدامك وبخير تطمني..وين ألين ابي اشوفها
عبدالرحمن/وهاللي بيدي هههههه
،،



،

بعد كم يوم من الاحداث السابقه* *
**جده..
ابو روبين بهدوء/يا أمي انتي من جدك وافقتي ع هالكندي هذا
الجده/يا ابني هذا متجنس كندي مو اصله كندي بعدين انا طلعت اعرف اهل أمه هو ولد فاديه اللبان اللي تزوجت ابن جيرانهم التركي وهاجرت معه.. بنت العمده حسن اللبان في حارتنا القديمه لو تذكره..بصراحه الولد مؤدب وماعنده لف ودوران ..حب يتزوج البنت وتقدم لها زي العالم والناس..
ابو روبين بتردد/ايوه تذكرت عمي حسن اللبان بس يا أمي حفيده..مو سعودي.. اخاف تبعد عني روبي.. انا موجعني قلبي عليها وهي مسافره بعيد تدرس.
الجده/اصلاً فاديه حابه ترجع للسعوديه.. زوجها توفي وماضل عندها غير مراد.. والولد حاب روبي.. واكيد بيتفقوا بينهم بالمكان اللي حيعشوا فيه..
ابو روبين سكت وهو متردد/..
الجده ربتت على كتفه/توكل على الله وبارك زواج بنتك.. ولا تخاف ان برجع معاها لكندا.. ما راح اسيبها
ابو روبين/اتوكلنا على الله. انا موافق يا أمي.ههههه اصلاً انتي موافقه ومخلصه
الجده ابتسمت/ربنا يوفقها ويسعدها
/
/
/
/
/
الجنوب.. *
كان مار من غرفتها ووقف بعدما سمع صوت الطفل يضحك.. جننه وجذبه اتجه لغرفتها وفتحها ..
فاتن كانت جالسه تلبس ولدها وتلاعبه بنفس الوقت وهو يضحك.. وقفت فاتن وهي تشوف عمر يدخل عليها ..عمره ما سواها..!!!
عمر اتجه لهم وعينه ع الولد/كيف عبود اليوم؟
فاتن استغربت انه يدلعه/الحمدلله
عمر نزل لمستواه وهو يتأمله/سبحان اللي صورك
الطفل كان لابس افرول احمر ثقيل، حمله على يدينه وباسه وضمّه واخذه معه للصاله ..
فاتن كانت تشوف تصرفات عمر ويزيد احترامها له و تعلقها فيه ..فاتن اصلا تغيرت مو الاوليه ..
اخذت عبايتها الاسلاميه الساتره وطلعت/عمر انا طالعه المدرسه..
عمر/محتاجه شي؟
فاتن ابتسمت له بامتنان/لا انت مو مقصر معي..
عمر/ماقلتي وصلتي أي جزء اللحين؟
فاتن بسعاده/خلصت اربعة اجزاء..
عمر/ع القوه..دام كذا يبي لك عمره ولك مفاجأه ثانيه بعد العمره...
فاتن بسعاده/مشكووور يا عمر كنت اتمنى العمره من زمااان بس كنت مستحيه منك
عمر شاف لمعة الدمعه بعيونها وتاثر/المهم ابي تبشريني بختمة القرآن كامل.. واوعدك بالحج هالسنه
فاتن نزلت دمعتها من الفرحه/ان شاء الله ... يلا عن اذنك.. ماراح اوصيك ع عبدالله
عمر ابتسم لها/محد يوصي اب على ولده..
طلعت فاتن بسعاده لحلقة تحفيظ القرآن اللي بمدرسة تحفيظ القرآن بنفس الحاره.. كانت تحس بسعاده عمرها ما حست فيها.. معاملة عمر لها خلاها تتوب لله توبه تغسلها من الذنوب..
رن جوال عمر و رد عليه/هلا مشعل
مشعل بالجوال/وينك ياخي مريت عليك بالمكتب مالقيتك
عمر/انا تو وصلت البيت و مقدر اروح لمكان
مشعل/دام كذا اشوفك بعدين.. انا اللحين رايح بيتنا سلام
عمر/سلام مشعل
،
،
،
،
،
،
،
في قصر ال عاصم.. *
كانوا البنات جالسات في الصاله.. والكادي كانت توها وصلت..
زينه/نورتي الديرره يالكادي اخيييراااً
الكادي/منوره بأهلها.. لكن ماقلتوا لي وين خالتي ام مشعل؟
زينه بضيق/بعدين اقولك
الكادي/متى بعدين؟ انطقي وين أمي
زينه/أبوي طلق امي..
الكادي تضايقت/طلقهاا؟!!!... وين راحت طيب
زينه/مشعل ماكان يبي احد يدري علشان خوالي مايسوون مشاكل.. لكن عرفوا مدري من مين.. واخذوا أمي غصب ..وهذا هي عند خالي فلاح في النماص.. مشعل راح يزورها وجاي بالطريق.. انا قلت له انك جايه
الكادي/وليش ابوي يطلق امي؟
زينه شافت مشاعل مقبله عليهم وتضايقت/اشش بعدين اقولك.. هذي مشاعل زوجة ابوي
الكادي التفتت وشافتها وانبهرت فيها وهمست لزينه/اللحين ابوي متزوج هذي
زينه/ايهه اسكتي
اقبلت مشاعل لابسه فستان قصير اسود.. وكعب طويل.. وفاكه شعرها ومثبته طرفيه ببنس.. ع الجنبين.وسلسال ذهب ابيض ع شكل حرف م بالعربي. اطلالتها دوم انيقه..
وقفت عندهم/السلام عليكم
الكادي وقفت تسلم/وعليكم السلام ..اهلين
مشاعل وهي تناظرها بنظره بانوراميه/اهلين.. ما تشرفنا؟
زينه/هذي الكادي اخت عزيز و...
انفتح الباب ..ودخل مشعل وكان يتبسم/زززينهه
زينه/انا هنا مشعل تعاال
مشاعل ابتسمت وهي تشوفه بنفس الوقت تخز الكادي اللي ما تغطت ولا شي..
اقبل مشعل وشافها ووقف/..
الكادي اتجهت له وضمته/اشتقتلك ورب البيت
مشاعل بتموووت من غيرتها وهي تشوف هالكادي تضمه.. /
مشعل/نوورتي الجنوب والله..
مشاعل وهي تتبسم له/من لقى احبابه نسي اصحابه.. لنا منك اسبوع ما شفناك
مشعل ناظرها بطرف عينه ورجع يناظر الكادي/..
زينه بابتسامه/نسيت اقولك.. الكادي اختنا بالرضاعه
مشاعل/اها
مشعل ماعطاها وجه، واخذ الكادي وراحوا يجلسون ويسولفون وزينه راحت تجيب قهوه/بشريني عنك وعن اخبارك
الكادي/اخباري تمام.. بس عندي لك خبر... بمليووووون دولار
مشعل/ههههه تعودتي ع الدولار
الكادي/المهم ان الخبر هذا مهممم و انا عارفه انك تنتظره من سنيييين..
مشعل حاول يفكر... التفت عليها بشوق بصوت ما يسمعه غير كادي/شفتي لوجين صح؟
الكادي صغرت عيونها/مممم تدري شلون... بعدين اقولك
مشاعل شافتهم يتكلمون بهمس ما ينسمع ،تضايقت وراحت..
محد انتبه لها وهي تروح..
مشعل رفع حاجب ونزل الثاني/كاااادي بتقولين وش عندك والا كييف
الكادي قامت/ابي اشوف قد ايش عندك فضول هههههه
زينه اقبلت وجلست عندهم وتصب القهوه/وش عندكم تكلمون بالهمس ..سمعووووني وش عندكم،كأن الكادي مخبيه شي
مشعل اخذ فنجان قهوته،ويتبسم/ماعندها سالفه ي زينه
الكادي/المفاجاه تخص مشعل،لكن دامه مسويلي فيها مو مهتم، بسكت وما راح اقول شي... خل الثقل ينفعك
مشعل ابتسم بدهاء يدري انها ماتصبر تخبي عنه شي/اوكي.. مو مشكله.. ماقلتي بتنامين هنا الليله
الكادي/لا.. عبدالرحمن بيجي بعد شوي ياخذني.. بتروح لأهله في النماص.. وبالمره بزور أمي
مشعل تذكر الخبر اللي عنده/ذكرتيني بالخبر اللي جاي ابشر زينه فيه.. ابشرك خالي فلاح وافق اني اخذ أمي معي.. باشتري لها بيت في ابها اذا حابه تروحين معها يا زينه
زينه/تعتقد ابوي بيوافق
مشعل/والله ما ادري.. لكن اقل شي أمي عندي وانا اهتم فيها.. مابيها بعد هالعمر ترجع لبيت اهلها بهالشكل أنا أولى في برها
الكادي بابتسامة رضا/ياخي ابي عيب واحد فيك..
مشعل بابتسامه رماديه/بني ادم كله عيوب يا اختي..لكن الموفق من ألبسه الله ستره وعفوه ،ربي يسترنا دنيا واخره..
الكادي بفخر/انت رجل مثالي بمعنى الكلمه
مشعل/هههه تقولين هالكلام لانك اختي.. لكن غيرك مايشوفني كذا.
زينه/شدراك
مشعل/اللحين خلونا من هالكلام الفاضي.. انا جوعااان متى عشاكم
زينه/هههه بدري
مشعل/وراي سفريه لجده.. عندي اشغال لين راسي..
الكادي/ليش كذا.. يوم جيت هنا ..تروح جده..
مشعل/كادي صدقيني هالفتره بالحيل مشغول.. انا قاعد انقل مكتبي والمقر الرئيسي لشركتنا لجده.. انتي عارفه التوسعات الجديد بتدخلنا في مستويات اعلى من اللي احنا وصلنا لها وبنتعامل مع ناس كبار واسواق عالميه
الكادي/الله يقويك وانا اختك.. لغة رجال الاعمال هذي ما افهمها
زينه/ولا انا ههههه
/
/
/
/
/
/
/
،،

صباح اليوم الثاني*
رن جرس البيت كذا رنه..
الجده من بعيد، اقبلت/مافي احد بيفتح الباب في هذا البيت
روبي نزلت تركض ولكنها تفاجأت بجدتها تفتح الباب قبلها/والله كنت بفتح هههه
،
الجده حصلت صندوق هدايا وبوكيه ورد ابيض جوري.. اخذتها ودخلت وشافت روبي قدامها/اخيراا نزلتي حضرتك
روبين وهي تعض اصبعها الصغير وتتبسم كنت نازله وانتي سبقتيني
الجده/تعاالي شوفي هذا الشي لمين
روبين/هديه لمين يعني.. ما اظن انها لي؟.. صديقاتي اخر مره اهدوني في حفلة الثانويه..ومره لمياء جابت لي دفتر محاضرات ومقلمه اذا يسمونها هديه... جفاف هدايا الله وكيلك..
الجده بتملل/وانا ايش عرفني ..اقرأي وشوفي بسرعه
روبين شافت الكرت اللي عالورد قرأته وتبسمت ووردت خدودها خجل [ما اعرف نوع الورد اللي تحبينه لكن شفت هالورد الابيض و ذكرني فيكِ يارب يعجبك..صباحك حب.. خطيبك "مراد"]
الجده شافتها تتبسم وهي ساكته/ايش بك تنحتي ي بنت من مين هالورد هذا
روبين بهيام وضح بصوتها/ مراد..
الجده ابتسمت وتركتها وراحت..
روبين صعدت لغرفتها حطت الصندوق ع السرير والورد مازال بيدها وتتأمل كلماته وتتخيل شكله..
رن جوالها وبعد كذا رنه ردت/الوه..
..بصوته الهادي/الو صباح الخير روبي
روبين عرفت صوته،لكن صوتها اندفن من الحيا/صباح النور.. متى وصلت؟
مراد تنهد بسعاده/البارحه
روبين/الحمدلله ع السلامه
مراد/الله يسلمك..
روبين سكتت ماعندها شي تقوله/...
مراد/ان شاء الله عجبك الورد
روبين/يب حلو.. احب الجوري الابيض..
مراد/ طيب والفستان
روبين استغربت/اي فستان
مراد/شكلك مافتحتي الصندوق
روبين قامت تفتح الصندوق والجوال باذنها/لحظه خليني اشوف...
شافت فستان لونه اوف وايت مع شوز وطقم حلق.. طلّعت الفستان وشافته عاري مو ستايلها وشهقت ..
مراد خاف/ايش بك ..ماعجبك؟ انا كنت حاب اشوفه عليك ليلة كتب الكتاب هذا الاسبوع..
روبين بنبرة الاطفال/يا قليل الاددب..تبيني ألبس كذااا
مراد كاتم ضحكته/ساعتها بكون زوجك رسمي
روبين بعناد/ولو ماراح ألبسه
مراد بهدوء/اوكي روبي ايش ماراح تلبسين اكيد بيكون حلو عليك حبيبتي.. انا بس شفت هالفستان وعجبني حبيت اشوفه عليك.. مو مشكله لا تلبسينه
روبين انحرجت من ذوقه،ونعمت صوتها حييل/مراد..
مراد فرح وتحمس اكيد بتقول كلمه تسعده/قلب مراد انتي
روبين وهي مسسستحيه/في شي كنت بقوله لك من فتره بس اسستحي منك
مراد تحمس اكثر/لا عادي.. قولي حبيبتي
روبين تشجعت وهي مستحيه/وين شالي اللي خذيته مني
مراد جاه احباااط/روووووبي.. لاااا
،
،
،
،
،
،
،

على سفرة الفطور.. *
تجلّس الكادي وزينه ومعهم بو مشعل.. *
اقبل بو مشعل وشافها جالسه و بابتسامه/حي الله الكادي
الكادي قامت وسلمت عليه/الله يحييك يبه اخيراً شفتك
بو مشعل/انا جيت متأخر البارح اعذريني
الكادي/انا البارح طلبت من عبدالرحمن يخليني انام هنا.. قلت مابي اطلع من هنا قبل اسلم ع ابوي شلونك يبه
بو مشعل بسعاده/عال العااال ابشرك
الكادي/عساه دوم ..
زينه/ابوي تبي قهوه والا شاي
بومشعل/قهوه... وين مشعل ما اشوفه..
زينه/الساعه 10رحلته ماحبيت اصحيه اللحين..
،
،
،
،

طلع من الحمام والفوطه مربوطه من خصره.. وبيده فوطه ينشف بها شعره.. وقف عند التسريحه واخذ مزيل عرق.. وبعدها بسرعه اتجه للدريسنغ يبي يلبس وياخذ اغراضه ويطلع.. ..وهو واقف ويفتح الباب.. تفاجأ بيدين تضمه واحد يلصق فيه من قفى!!.
همست له بصوت مبحوح/عنادك سحرني
مشعل قشعر جسمه وتجمد مكانه من مسكتها هذي.. اي واحد ممكن يضعف قدام بنت حلوه بهالشكل ..بلع ريقه من شدة خوفه.. موقفه اللحين صعب.. بغرفته!!
وبصوت يسحر/وافقت ع الزواج وكنت اظنك انت الخاطب.. مادريت اني بتزوج ابوك.. مشعل افهمني انا احبك...
مشعل وهو يتخيل لوجين وعرقه يصب، ويتخيل وش ممكن يصير...لازم يتعامل معها بالطريقه اللي تريحها..
ألتفت عليها بسرعه وبحركه هي ماتوقعتها،شدها لصدره العاري وعينه بعينها، وبنفس مستوى همسها/اول ما شفتك ما انكر.. عيونك سحرتني.. جذبتيني.. تمنيت تكونين زوجتي.. وياما حسدت ابوي عليك..
مشاعل راحت فيها بعد هالكلام/..
مشعل طبع بوسه على راسها/انا مثل رايك... احبك وابيك بس كنت اختبر حبك ..تدرين صعبه يصير بيننا شي في هالبيت..
مشاعل بهيام واضح بصوتها/وين تقترح يعني.. مشعل انا احبك تفهم
مشعل/انا اقترح ان كل مقابلاتنا ولقاءتنا تكون برا ..
مشاعل ماصدقت خبر/مثلما تبي..
مشعل وهو يمسح على شعرها ويده ترجف"كاره هالشيء" ابتسم بوجهها ابتسامه خلتها تنسى نفسها وتضمه بقوه/خلاص.. روحي اللحين ..واول ما ارجع من السفر لنا لقاء اوكي
مشاعل/اوكي..
تركته بصعوبه ومشت..
مشعل شافها راحت وضرب بيده ع الدولاب بقهر( الله لا يوفقك)..اتجه للحمام وفتح الدش ع البارد ووقف تحته شوي..
/
/
/
/
بغرفتها رمت نفسها ع السرير بسعاده.. والابتسامه مرتسمه ع شفايفها ..اليوم تحقق مناها وضمت مشعل.. وشافت ابتسامته لها.. (انت لي ..لي انااا)
/
/
/



تحت عند العايله* **
،،لحظات ونزل مشعل/السلام عليكم
الكل/وعليكم السلام
مشعل بابتسامته العريضه/اشوفك للحين عندنا مارحتي ما زوج الهنا
الكادي انبسطت بشوفته/صباح الخير
مشعل/هههه صباح النور
الكادي وهي مقهوره من بروده/وااضح ان عندك فضوول تعرف
مشعل/اووووه تصدقين نسيت
بو مشعل/ايش القصه
الكادي/القصه كل مافيها ان ابنك هذا بااارد ههههه
بو مشعل بابتسامه/ادعي ربك يرزقني بواحد غيره
مشعل يمازحه ومقهور ع حال ابوه/مهما كان ..ماراح يجي احسن مني
زينه/بدينا شغل غيره ههههه
الكادي همست وهي تقوم لمشعل/ تعال لبرا حابه اكلمك.. شوي..
مشعل قام معها/ عن اذنك يبه بتمشى مع كادي شوي قبل لا اروح المطار
بو مشعل/خذوا راحتكم
زينه جاها فضووول بس مضطره تقعد مع ابوها/...
،
،
في الحوش*
مشعل باستغراب/وش عندك ي بنت ..
الكادي انقهرت من بروده/اقولك عندي لك خبر بمليون دولار ..وبااااااارد
مشعل بلا مبالاه/اعذريني ،بس معاد فيه شي يشد انتباهي،
الكادي وهي تقصد لوجين/كله من سببها
مشعل سكت ما رد عليها وبباله "لوجين"...
الكادي طلعت ظرف من داخل جاكيتها/تفضل
مشعل استغرب/وش ذا
الكادي/ افتحه وشوف ياخي
مشعل فتحه واول ما لمحها ذاب قلبه وهو يحاول يركز، لوجين وبحضنها بنت وحولها ولدين.. والصوره الثانيه لوجين واقفه وبيدها احد الولاد وتبوسه.. لابسه فستان مبرز انوثتها الطاغيه ممسوك من النص بشريطه عريضه.. صايره كانها بنوته صغيره.. كانت متغيره بعد الولاده.. شعرها صار طوويل... نظرات عيونها فيها قصص واسرار ما انحكت..
الكادي/عرفتهم صح؟
مشعل حاول يضبط اعصابه و ردات فعله/لوجين بس مافهمت ايش قصة اللي معها بالصوره؟
الكادي/يا غبي ماعرفت احد منهم
مشعل تحمس ويطالع بالاطفال شافهم نسخة بعض والبنت تختلف عنهم،تغيرت نبرة صوته وتحمس/هذي بنتي صح اللي شايلتها لوجين.. اكيد
الكادي شافت كيف عينه تلمع/اللي بالصوره كلهم لك هذول اولادك.. لوجين كانت حامل بثلاثه.. ولدين وبنت .البنت انولدت مريضه بس الحمدلله شفيت..
مشعل انشغل بالصور اتجه لابعد مكان وضل واقف يتأمل اطفاله، شوي يتبسم لهم وشوي يحن ويشتاق للوجين اللي تتبسم في الصوره،ياااه عقب ما كان يائس من انه يخلف.. ربي رزقه ثلاثه دفعه وحده.. لكن ربي اعطى شي واخذ شي.. اعطاني عيال و افترقت انا وامهم..،مليون فكره جاءت بباله.. وده يكون بين اولاده اللحين شلوون وهو في شرق الكون وهم في غربه..
الكادي شافته راح ووقف بعيد عنها ومعطيها ظهره،لحقته ووقفت جنبه/وش قررت ؟
مشعل تفأجا فيها جنبه ومسح دموعه بسرعه/انتي هنا
الكادي ابتسمت ونزلت دمعتها/مارحت مكان يالغالي بس انت نسيت وجودي وانت تشوف صور عيالك
مشعل وهو يتبسم/وش اساميهم؟
الكادي/للاسف ماقدرت اعرفهم ..
مشعل/مافهمت ..انتي ما واجهتيها؟
الكادي/لا.. بعدما انت رحت انا رحت للوجين وكنت معصبه علشانك وغلطت عليها واظن اني جرحتها وخوفتها بكلامي.. ومثلك عارف نقلت وغيرت مكانها..
مشعل/اجل كيف وصلتي لها بعدين
الكادي/لحقت روبين صديقتها من الجامعه للبيت للمستشفى ..ماخلوني ادخل.. بس سألت عن لوجين بعد كذا في الريسبشن وبعد الحاحات جاوبوني..
مشعل سكت وهو يتأمل الصور بسعاده عمره ما توقعها ولدين وبنت حمد ربه وشكره..
الكادي/ماقلت لي وش ناوي عليه ..عيالك محتاجينك
مشعل ابتسم وعينه على لوجين وهي تحضن واحد من الاولاد/لوجين اللحين مرتبه حياتها ومخططه لكل شي ومو متوقعه ولا تبي تشوفني،مابي اخرب حياتها
الكادي انصدمت من كلامه عصبت/يعني شلون بتخلي عيالك يتربون بدونك.
مشعل التفت عليها وبنبرة صوت جديّه/كادي افهمي.. هالاولاد يخصون لوجين، محد يفهم طبيعة اللي صار بيني وبينها، انا وياها تعاهدنا وتفاهمنا، وهي لها الحق في هجري وحرماني بعد،
الكاديفتحت عيونها ع الآخر/بس مشعـ...
مشعل قاطعها/كادي طلبتك لاعاد تكلميني بهالموضوع مره ثانيه.. ولا تقولين لأحد عن موضوع عيالي.. خليهم سر تكفين.
الكادي نزلت دموعها قهر/تبي تجنني انت.. وش هالبرود اللي عندك
مشعل/كادي هذا مو برود انا اكثر واحد يعرف قيمة الولد ..وشعور الحرمان وانه مستحيل تكون اب ، لكن هذا عقابي لأني ما صدقت لوجين من البدايه.. هذا عقابي لأني اتهمتها بشرفها وبكيتها، هذي عقوبتي فهمتي..
الكادي ضمته وهي تبكي/انت تعاقبني معك.. ليش تبيني اسكت وما اقول لأحد.. ليييش
مشعل سكت وماقدر يرد.. خنقته العبره ولكنه بلعها ..
/
/
/
/
/
/
/
/
مرت الأيام سريعه.. .
اليوم هو يوم ملكة روبين ومراد.. *
حضروا جيران واهل واقارب..
وسط زفة كتاب عقد القران.. وصل اخيراً لروبين وتوقع تحت اسمها بسعاده.. واعتلت زغاريد البنات وصيحاتهم..
الجده/مبروك ي روبي.. الف مبروك
روبين بسعاده/الله يبارك فيك يا ستي
فاديه/مبروك يا بنتي
روبين/الله يبارك فيك..
فاديه باستها على راسها/اللحين اقدر اتطمن على ابني
روبين استحت
لمياء جات ومعها جوالها/رووبي هذي لوجين معي مكالمه فيديو ..تبي تشوفك..
لوجين بالجوال/هلووو رووبي.. مبروووك
روبين/الله يبارك فيك ..كيفك وكيف كتاكيتك
لوجين وهي تمازحها/كتاكيت مين.. شايفتني دجاجه.. معليه خليك ترجعين لي هنا بوريك
الكل/هههههههه
لمياء/انا هنا بوريك فيها بس خليها تنبسط الليله علشان ملكتها ههههه
لوجين وهي تغمز لها/ياهووو عطينا وجه.. ايش هالحلاوه هذي كلها.. فينك يا مراد من زمان
روبين/ي بكاشه انا كشخه من زمان
الكل/ههههه
فاديه جات واستاذنت الكل/دحين بيدخل مراد.. اللي مو محرم تتغطى ي بنات
روبين وهي تلفت حولها تبي غطى/لمياء بيجي وانا كذا
لمياء/بتجلطيني ..صار حلالك دحينه... انا رايحه البس واجي.. لوجين باااي
لوجين/ارسلولي صووووور
لمياء/اوكي حبيبتي باي..
،
ضلت روبين جالسه مكانها وخااايفه.. تمنت انها مالبست هالفستان العاري.. فستان لتحت الركبه..فتحة صدره واسعه.. ولآخر الظهر مفتوح من وراء .لكنها لبست شال مناسب معه.. لبست الفستان علشان مراد بس..
دخل بهاللحظات "مراد" وعينه ع اللي جالسه قباله ..ابتسم لانها لابسه الفستان اللي جابه لها..
اتجه لها بهدوء ومد يده ليدها الناعمه وقومها..
روبين رجلينها معاد تشيلها من الحياء بس تحاول ماتبين.. يادوب وقفت.. وعينها بالأرض..
مراد مد يده لدقنها و رفع راسها وطاحت عينها بعينه/مبروك علي انتي
روبين احمرت خجل وماقدرت تتكلم/..
مراد تفهم سكوتها هو اكثر واحد يعرف انها متحفظه جداً على نفسها ومشاعرها،طبع قبلها على جبينها وهمس/احبك
روبين ارتجفت وهي تسمع هالكلمه.. ودها تقول وانا بعد بس ماقالت...
قبلت فاديه بالعربه اللي عليه الشبكه وهدايا العروس ومعها اغنية زفه ايقاعيه.. "

لبسها مراد الدبله وباس مكان اصبعها مكان ما لبسها الخاتم.... جاء دورها ولبسته بسرعه من خوفها.. وسط صيحات البنات ووالتصفيق.. ونظرات مراد اللي اكلت روبين وفضحته قدام الحضور..
أحبك حب يامجنون ,, ولكن مقدر احكي لك
احبك يابعد هالكون ,, وروحي ماتبي غيرك

ذايب بين ايديك القلب
من غيرك عليه يمون
حبي لك تعدى الحب
وكل شيء فيني بك مفتون

أحبك حب يامجنون ,, ولكن مقدر احكي لك
احبك يابعد هالكون ,, وروحي ماتبي غيرك

انا مااشوف بين الناس
سوا قلبك مع الاحساس
تصور افقد عيونك
اصير اخاوي الهوجاس

،،،
لمياء همست للبنات علشان يحرجونها وكلهم بصوت واحد/عايزين بووسه عايزيين بووووسه
روبين اتسعت عيونها ع الآخر وتلتفت عليهم تخزهم وتتوعد فيهم/..
مراد/شرايك في طلبهم.. انا اشوف اننا لازم ننفذه
روبين همست له/قليل ادب
مراد مد يدها ليدها وقربها منها وهمس بأذنها/ماااشي.. ابيك بكلمة راس، بعيد عن هاللمه ممكن
روبين بصفاء نيه وبراءه/ليه
مراد/بكلمك في موضوع مهم
روبين همست لجدتها واستاذنت انها بتروح لحالها مع مراد لمجلس الضيوف..
الجد أومت براسها بالموافقه ..وراحوا..
،
دخلوا غرفة الضيوف.. وسكرها مراد وقفلها..
روبين بلعة ريقها من طريقة قفله للباب/ليش تقفله ..لا تخاف محد بيسمع كلامك ..برا ازعاج..
مراد اتجه لها ونظرات عيونه متعلقه بعيونها/..
روبين بلعة ريقها من الخوف/مراد
مراد وقف قبالها وهو تقريباً لاصق فيها ونزع منها الشال/ما اذكر اني ارسلته مع الفستان..
روبين بعفويتها وعقدت حواجبها/ان شاء الله كنت تظن اني بلبس كذا قدام الناس..انا ما لبسته الا علشانك
مراد هذا اللي يحببه فيها،ماترد. وسوا اللي كان وده يسويه من زمان باسها وضمها بحراره..
روبين كان شعور اول مره تجربه.. صايره زي المصدومه.. ماقدرت حتى تبادله الأحضان.. كانت ترجف من الربكه والخوف..
مراد ما انتبه انها زي الميته بين يدينه، هو عارف انها راح تسوي كذا،همس بأذنها/احبك ..
روبين بضيق/مراد خلاص... ابعد
مراد حز بخاطره وابعد عنها/ظنيت انك بعدما وافقتي علي بدون تردد، انك تحبيني.. لا يكون تسرعتي
روبين عطته نظرة المستغربه/ايش خلاك تقول هالكلام
مراد وهو يعطيها قفاه بيطلع/مادري بس حسيت
روبين لامت نفسها على برودها واتجهت للباب ووقفت بينه وبين الباب/لحظه
مراد يحب عفويتها/ايش بك
روبين حست انها تورطت بس لازم تتشجع، ضمته بسكات وبدون تردد وهمست له/لا يجي ببالك و تقول اني ماحبك.. علّم احساسك اني اموت فيك..
مراد ماتوقعها تقول هالكلام.. بادلها الاحضان بسعاده/..
"
أحبك حب يامجنون ,, ولكن مقدر احكي لك
احبك يابعد هالكون ,, وروحي ماتبي غيرك


/
/
/
/
/
/
/
/
/

في جهه ثانيه.. *
كان يموت كل يوم... جلسات العلاج ما عادت تفيد معه..
كان يحس انفاسه تنسحب منه تدريجيا.ً
هنادي جنبه وتبكي/جابر الله يخليك رد علي.. جابر
جابر وهو يحس بوجع/محتاج لأمي ي هنادي.. ابيها
هنادي بكت اكثر ودموعها غرقت خدها، حطت راسها على صدره وهي تنهد/..
جابر/بردان
هنادي ضمته بقوه، تبي تدفيه
جابر وهو يبعدها بضعف/هنادي ابعدي عني لا تضرين نفسك
هنادي يزيد بكاها معه..
جابر ابتسم وسط دموعه/بموت وانا ماسمعت منك كلمة احبك.. ماظنيتك قاسيه لهالدرجه.. مع ذلك رفضتي الطلاق
هنادي و قلبها يحن عليه ويرحمه/جابر لا تقول هالكلام.. انا احبك..
جابر يدري انها تشفق عليه/انتي انسانه قليل اللي مثلك.. تزوجتك بابتزاز وغصب عنك.. وخليتك تتركين الجامعه ع اخر سمستر.. ..ومع ذلك انتي صبوره علي.. وواقفه معي بمرضي..
هنادي/جابر اسكت انت تعبت كثير اليوم.
جابر سكت وعينه بالسقف.. يتنفس بصعوبه..
/
/
/
/
/
/
/

في جده..
بعدما وداها تؤدي العمره.. جابها لجده يمشيها، من زماان ما طلع يسافر وينبسط..
منتزه الشلال..
عند احد الألعاب... نزل عُمر من اللعبه واخذ عبود منها و ويتكلم مع فاتن/اتحداك تلعبين في هذي
فاتن/هههه لا تتحداني بغلبك..
عمر بابتسامه/نشوف ورينا شجاعتك
راحت فاتن وركبت ..وبداوا الناس يركبون..
عمر راح وجلس على كرسي طوويل وعبود في حضنه.. وسمع نبرة صوت حافظها ومستحيييل ينساها.. وكيف ينساها وهي من سلبت قلبه للابد...
ألتفت عُمر وعينه تدور صاحبة الصوت من بين الناس.. ومن حسن الحظ جايين في نص الاسبوع وعصر.. في الشتاء الجو يكون لطيف في جده..
تفاجأ فيها جايه اشرح صدره وهو يشوفها هنا وبعد كل هالمده مع اخوها وامها.. ولكنه استغرب ،تدف عربة اطفال فيها بنوته ملامحها اجنبيه حييل..خاف عمر ان عيونه تفضحه.. ونسي ان معه ولد صغير، بكى عبود بصوت عالي..عمر ميت فضول يبي يعرف هالبنت لمييين؟!!
،
زياد/انا رايح اجيب تذاكر اجلسوا هنا..
قربوا لمياء وامها من عمر.. وجلسوا بالكرسي اللي جانبه..
ساره بكت من بكاء عبود.. وعبود سكت بعدما سمع صوتها..
ام زياد/يووه ي لمياء سكتي بنتك ترى دوشتنا
لمياء طلعت بنتها من العربه و وحطتها بحضنها/خلاص ي ماما.. خلاص..
سرعان ما سكتت ساره.. وعم الهدوء..
،
ع الطرف الثاني عمر حس وكأن اكسجين العالم يخنق وريده.. هالبنت لها.. تزوجت لمياء وجابت بنت بعد..تنهد بحزن ( آه يا حظك العاثر يا عمر.. ) تمنيت بس تكون هذي من نصيبي.. اكثر شي تمنيت احصل عليه هو قرب لمياء.. بس هذا هو هالحلم يتبخر مع الهواء في لحظه وحده.. ضاق صدر عمر وقام بيمشي..
،
لمياء التفتت بعفويه وهي تشوف عُمر يقوم من الكرسي ورايح وبيده ولد..!! خنقتها العبره ماتدري ليه، ضاق صدرها وهي تنزل بنتها في العربه ..وتحاول ماتبكي وأمها جنبها.. (آه يا حظك العاثر يا أنا.. عمر تزوج غيري ..عرف وحده ثانيه!!.. حملت منه!! هذا ولده" يا رحمة الله أوسعيني)..
التفتت لمياء على أمها/امي حابه ارجع البيت..
ام زياد/ايش صارلك فجأه
لمياء/حاسه بضيق.. تكفين يا أمي حابه ارجع البيت
ام زياد/انتظري شوي خليني ادق على اخوك..
جلست لمياء وعينها ما زالت تراقب عُمر وشافته متجه لزوجته مسكها بيده وراحوا..
لمياء هنا حاولت تنظم تنفسها.. احساس الغيره بيقتلها وتحاول تهدي نفسها(ماعشت معه وماعرفته غير من موقفين.. واحس اني بمووت غيره... الله يعينك يا لوجين)...
افترقوا هالاثنين في مدينة الالعاب...

وانتهت قصه ما ابتدت... او انها ناقصه مانتهت.. او مبتوره للاسف.. مثلهم كثير بيننا يعشقون بصمت ..يحترمون كل شي وينسون مشاعرهم... عمرهم ما بنوا قصور من طين غير في احلامهم.. حب راقي لو انه انولد وهو ميت في مهاده..
،

،

،

،
يتبع