من متى و الغصـن يختـار الطيـور..!!

23

  ،،
،
،
بعد انقطاع آخر شعره في علاقتهم المضطربه من بدايتها..
بدأت لوجين تحاول انها تستعيد نفسها وتعيش حياتها بعيد عن كل شي ممكن يضايقها او يجرحها..لأن مكالمة مشعل الأخيره لها كانت مثل القشه التي قصمت ظهر هذه العلاقه... اتهامه الصريح لها و عدم اعترافه بحملها قتلها في الوريد بدم بارد..
،
أروقة الجامعه الكنديه*
طالعه من المستشفى الجامعي و تناظر ساعتها وباين مستعجله/ياررربي مابقى غير 10دقايق قبل المحاضره..و في المبنى الثاني بعد..
مشت مستعجله وهي تثبت حجابها وهبت رياح قويه وطيرت بعض أوراقها، والتفتت تبي تحاول تمسكها/يالله
بنت متحجبه،جايه من وراها لحقت الأوراق ومسكتها وجمعتها لها واتجهت للوجين/تفضلي
لوجين ببتسامه سريعه وتحاول تتذكرها" شكلها موغريب علي/مشكوره..
البنت بابتسامه/انتي.. اللي كنتي بالطياره صح؟
لوجين وهي تناظر ساعتها/ايوه.. معليش عندي محاضره عند دكتور رايموند
البنت/وانا بعد.. تفضلي خلينا نلحق أسمي وئام
،
دخلوا القاعه في آخر لحظه وكانت لوجين تلتقط انفاسها بصعوبه..
الدكتور وهو عابس/تأخرتما..
لوجين وهي تحاول تصلب طولها/بقي دقيقه دكتور ..لم نتأخر
الدكتور/لا اسمح بدخول احد بعدي
وئام بترجي/دكتور اعذرنا فصديقتي حامل وكانت لدينا مناوبه صباحيه في المستشفى لذلك اضطررنا على التأخير
لوجين استغربت وئام/..!!
الدكتور رحمها ودخلها/حسنا تفضلا..
لوجين تبسمت بإمتنان/شكراً دكتور...
وئام دخلت ومعاها لوجين/عدت على خير..
لوجين سكتت وجلست مكانها وهي ملتزمه هدوئها/..
/
/
/
/
/
/
/
في البيت*
أم لوجين في المطبخ وتسوي لها قهوه وتفكر وبالها مشغوول ببنتها واللي حصل لها.. خايفه هالشي يأثر على دراستها وتفشل وتدهور صحتها ونفسيتها..
دخل ماجد من دون تحس ولاحظها سرحاانه/السلام عليكم
هدى انتبهت له/وعليكم السلام
ماجد جلس ويريح/اشوفك سرحانه
هدى صبت له كوب قهوه ومدته له واخذت قهوتها وجلست قبالته/اي والله يا ماجد، خايفه على بنتنا تتأثر باللي يصير لها
ماجد/بالعكس انا زادت ثقتي فيها
هدى استغربت/كييف
ماجد/انتي منتي ملاحظه هدوئها و صبرها!! هذا مريحني حيل كنت خايف ان حالتها المرضيه ترجع مع كثرة الضغوط اللي تعرضت لها بس اللي صار العكس.. الحمدلله
هدى/بهذي صدقت.. بس في شي ثاني مقلقني
ماجد شرب من فنجانه وهو يتبسم لها/ياكثر ما تقلقين،، وشو بعد اللي مضيق صدرك؟
هدى/نحفت كثيير و حملها ثقييل وهي توها ببدايته!!!!
ماجد ناظرها بنص عين/هههه الله اعلم طالعه لمن
هدى/ماجد انا ما امززح.. اتكلم من جد
ماجد/خلينا من لوجين اللحين،بنتنا بخير وماعليها بس انتي الظاهر جلستك لحالك خلتك تتخيلين اشياء غريبه ..وشرايك انتغدا براا.. وين حابه تتغدين؟
هدى استنكرت/وأولادي مين بيطبخ لهم الغدا؟
ماجد جاه احباط/هدى لا تعقدينها اولادك كبروااا بيدبرون انفسهم، بعدين احمد بيطلع العصر ولوجين بترجع المساء يعني ريحي راسك
هدى قامت/دام كذا طيب..
/
/
/
/
/
/
طلعت من القاعه وهي تتمنى ما يلحقها كالعاده.. خايفه يسبب لها مشاكل هي في غنى عنها.. ضلت تستنى لمياء في مكانهم المعهود كل وحده تخلص تجي لها المكان يجتمعون فيه ثم يروحون للبيت..
جلست روبين وهي حاسه ببررد مع اقتراب الساعه للخامسه عصراً..حست بواحد يجلس بنفس الكرسي الطويل الي هي قعدت عليه وكان نازل من دباب،
التفتت عليه وتضاايقت ووقفت وفضلت تنتظر وهي واقفه( ايش يبغى هذا اللي بس ملاحقني.. والله مابي مشاكل مع احد)
مراد قرب منها وبينهم مسافه بحيث تسمع صوته/السلام عليكم
روبين بدون تلتفت ردت السلام لأنه واجب/وعليكم السلام
مراد سكت وهو متعجب من تحفظها على نفسها وعدم مخالطة احد غير رفيقتها"!!
روبين حاولت تتحاشاه/...
مراد/اجلسي ..ليش وقفتي
روبين وهي تتمتم بهمس/اللهم طوّلك يا روح.
رن جوال مراد وطلعه و صد يرد عليه/Hi mom
.
اقبلت لمياء وجلست تستريح شوي/شفيك واقفه كذا
روبين وهي تخز مراد وهو مقفي/هالآدمي ما خلاني ارتاح..
لمياء التفتت بحماس تبي تشوفه/فينو
روبين بدون نفس/اقوول قوومي بسس تراني انتظرتك هنا كثير
لمياء/بالله عليك وريني هو.. حابه اشوفه
روبين مشت وتركتها/فمان الله.. التاكسي وقف
لمياء لمت كتبها ومشت/روووبي،وقفي..
مراد شافهم راحوا و لحقهم وهو يصرّف أمه بالجوال... ركب الدباب ولحقهم..
،
في سيارة التاكسي;
لمياء/شرايك اليوم نروح نسهر عند لوجين
روبين وعينها على المرايه العاكسه وتشوف "مراد"على دبابه يلاحقها/وش يبي مني هذا
لمياء استغربت/مين هوا؟
روبين بخوف/مراد يلاحقني
لمياء التفتت وهي تحاول تشوف/مراد!!.. اي مراد هذا
روبين/هذاااك اللي قلت لك عنه من قبل
لمياء/للحين وراك!!
روبين/ايه يحاول يتكلم معاي وانا ما اكلمه
لمياء/يبي له وااحد يوقفه عند حده.. مافيه غير عمو ماجد يفزع لنا
روبين بجديه/لااا يا لمياء بلا فضايح بلييزز
لمياء/طيب لين متى بيضل لاحقك.. اجل لو مو متنقبه وش بيسوي!!
روبين/لو سويت زيك انتي و لوجين وتحجبت بس يمكن ازين
لمياء/انا و لوجين من اول ما نتغطى في الجامعه بس من نطلع بالشوارع نتلثم ..لكن حجابنا ساتر. مو اي كلام
روبين/ماقدرت اتعود بصراحه.. وما راح انزل النقاب علشان هذا
لمياء/لا لا تنزلينه خليك مثلما انتي لو اننا مو محتشمات كان قلنا ماشي.. لكن محتشمات ويلاحقنا !!!

*وصلوا و وقف التاكسي..
وقف وراهم مراد ونزل وضل واقف يطالعها.
لمياء نزلت من السياره و شهقت /شوفوا اللي،ما يستحي لاحقنا لين هنا!!
روبين هنا ماقدرت تتحمل، خافت لا احد يشوفهم بالحي اللي فيه عرب بعد وسعود لو شافه وش بيقول عنهم..
مدت كتبها على لمياء وشنطتها/امسكيها
لمياء اخذت منها الكتب والشنطه/وش ناويه عليه
روبين اتجهت له ووقفت قباله وهي معصبه/انت ماتقولي ليش تلاحقني من مكان لمكان.. وصلت لين بيتي بعد !!
مراد/أنا...
روبين/انت انسان وقح.. ايش تبغى مني؟!
مراد استغرب/!!
روبين وهي تحاول تفهمه/تبي تعرف اذا سعوديه يب أنا سعوديه اصلاً وكل اجدادي سعوديين خوال وعمام وما لي اي عروق اجنبيه.يعني عادي سعوديه و عيوني ملونه ما يمنع... يعني لا تركيه ولا كنديه ولا جنيّه يعني لا تشبه علي أحد من اهلك، مفهووم؟.. اتركني بحاالي الله يخليك. مابي فضايح ووجع راس
مراد بنبرة المعجب المنبهر/فهمتيني غلط..انا ما اشبه عليك احد ومابي افضحك او اجيب لك وجع راس
روبين عصبت/اجل ايش تبغى فهمني انا تعبت وانا اسكت لك واتحاشاك. قول لي دحينه ليش تلاحقني؟
مراد خاف يتهور بس دامها عصبت وانفجرت بيتكلم وبيحكي واللي فيها فيها/أحبكك
#من الجهه الأخرى سعود طالع من بيته وشاف الشاب يتكلم مع روبين.. وملاحظ ان روبين تتحاشاه وهو يلاحقها!! #
روبين تفاجأت من الكلمه وظنت انها تحلم او ما سمعت كويس، عطته ظهرها بتمشي/..
مراد تهور/سمعتيني؟..قلت احبك واذا حابه أنا ناوي اتقدم لك واخطبك بعد
روبين لفت عليه لا شعورياً ومدت يدها بكف قووي.. ،
هنا تدخل سعود وضرب مراد كف ثاني وأبرحه ضرباً وهو يتمتم بشتايم بالانجليزي طبعاً كان يظنه اجنبي!!
مراد ماهمه الضرب بس يناظر فيها يبي يشوف ردة فعلها..
سعود ألتفت عليها وهو ماسك مراد بياقة جاكيته/غلط عليك؟
روبين وبنظرات ناريه لمراد/ايه غلط كثير يا سعود وابيك تفكني منه.
مراد استغرب جوابها وسكت واستسلم لضرب سعود..
سعود والشر طلع من عيونه/خلاص روحي ادخلي انتي وانا بشوف شغلي معه.
روبين تركتهم ومشت ودخلت البيت وريحت ع اقرب كنبه في الصاله/هفففف
لمياء جاتها معصبه/انتي ايش سويتي براا..
روبين/ابي اوقفه عند حده
لمياء/انتي كذا بتورطين سعود.. ناسيه ان مراد هذا كندي!!..
روبين/واذا كندي.. خليه يتأدب
لمياء/يعني لو اشتكى على سعود راح تصير مشاكل ياغبيه احنا عرب وأي شي صغير يقلبونه ضدنا
روبين بدأت تخاف/يعني تظنين انه بيشتكي؟..
لمياء جلست وهي خايفه/والله ما ادري..
روبين قامت تطل من الشباك وتشوف الناس تفرق سعود ومراد/يا ويلي ذبحه يا لمياء.. ذبحه بالضرب
لمياء/خليه يضربه مو هذا اللي تبينه يصير!
روبين سكتت وراحت لغرفتها وهي تحاول تتناسى كلام مراد وطلب الزواج الغرريب، ومستغربه كيف يبي يتزوجها وهو من مجتمع منفتح وهي بنقابها وحشمتها/...
/
/
/


بعد العصر.. *
طلعت لوجين"من الجامعه بصحبة الرفيقه الجديده"وئام"
وجلسوا بالكافي اللي في الشارع المقابل..
وئام وهي تنزل فنجان قهوتها ع الطاوله/اليوم اخر يوم دوام وين بتروحين في الويكند
لوجين تذكرت اللي هي قررت تسويه/مادري للحين ما قررت يمكن اقضي وقتي بالبيت تعرفين فاتتني محاضرات واخذتها تسجيل من الطلبه...
وئام/الله يعينك بعد انتي حامل.. حاسه فيك والله
لوجين استغربت/ههه يعني قد جربتي الحمل قبل كذا؟!
وئام ببتسامه/يب، عندي بنوته عمرها سنه تقريبا
لوجين استغربت اكثر/كيف حملتي وانتي تدرسين كيف قدرتي توفقين بينهم
وئام/حملي جاء فجأه لأن ماكنت مخططه له ابد، لي سنتين ونص متزوجه واستخدم موانع حمل كنت حابه اخلص دراستي وبعدها افكر بموضوع الحمل بس الحمدلله نسيتها ليلتين وحملت بالبدايه زعلت وكنت ابكي وقت المذاكره وانتي عارفه دراسة الطب.
لوجين بفضول/مافكرتي تنزلينه؟!
وئام/هههه ايوه فكرت وقلت لاهلي بس زوجي منعني و كان معي لحظه بلحظه.. وما خلاني اشيل هم شي.. حتى المحاضرات يكتبها لي ويسهر معي وقت المذاكره ..والله مرت ليالي كنت ابكي فيها من الضغوط وكان يبكي معي من الطفش ما يدري وش القصه هههه.. لكن كلها ايام وعدت بسلام وجبنا بنوته.. وصارت حياتنا احلى
لوجين كانت تسمع تجربتها بإهتمام/ما شاء الله.. الله يتم عليكم سعادتكم.
وئام/امين وانتي؟
لوجين وهي تشرب قهوتها/وأنا أيش؟
وئام ببتسامه/قوليلي كنتي مخططه تحملين والا نسيتي تاخذي موانعك مثلي
لوجين ابتسمت تخفي همومها/لا هذي ولا هذي
وئام/هههههه اجل
لوجين وهي تتذكر ايام مشعل وتبتسم/ما ادري.. فجأه صرت حامل وبس..
وئام/اها.. انا شفتك بالطياره مع أمك.. بس ما شفت زوجك شكله ما جاء معكم او هو اصلا هنا؟
لوجين ببتسامة عاشقه حزينه/أنا وزوجي منفصلين
وئام تأثرت/اسسفه.. الله يعوضك باللي احسن منه
لوجين بعفويه/بس بقلبي مافيه احسن منه
وئام/تحبينه وهو مطلقك؟!!
لوجين مسحت دمعتها أول ما نزلت من عينها/وأحبه لو أنه ذبحني بعد.. العشق ما تمحيه الرياح العابره
وئام/يارب يرجعك
لوجين عدلت جلستها وهي تنفي/هههه لا مو لهالدرجه
وئام استغرربت/مافهمت!!
لوجين/نهاية علاقتنا ما فيها خط رجعه..
وئام/طيب ليه
لوجين سكتت وصدت ما تقدر تقول اي شي زياده..
وئام احترمت رغبتها وما ألحت في سؤالها/طيب الله يكتب اللي فيه الخير ..يلا لوجين انا استأذن زوجي وصل، سلام
لوجين/سلام
راحت وئام وضلت لوجين جالسه بالمقهى المفتوح لحالها.. شوي وهبت نسمة هواء ثلجه وحست ببرودتها اللاسعه .حاسبت عن قهوتهم ومشت.. وببالها تتصل في لمياء علشان تروح معها، بس قررت تترك لمياء ووما تاخذ أي احد معها..
،
،
،
،
،

في بيت ندى وسعود..*
ندى وهي تصب القهوه للبنات/ياهلا بالكادي اخييراا زرتيني
الكادي وهي تبتسم/هلا فيك يا ندى.
ندى وهي تناظر يمينها/أعرفك على جاراتي روبين ولمياء طالبات طب ولهم مواقف ماتنسي معي
لمياء/هلا بالكادي.
الكادي/تذكرت.. انتي اللي ساعدتي ندى بالولاده ،صح؟
ندى بابتسامه/ايوه هي
روبين بخفت دمها/وانا اللي جلست اتفرج عليهم
الكل/هههههههه
لمياء/صحيح نسيت أسأل... ماقد شفناك هنا
الكادي/انا وندى تعرفنا على بعض من ازواجنا.. يعني ازواجنا بالاصل اصحاب بعض.. لكن من شهرين انشغلت في دورة لغه انجليزيه مكثفه مسوينها الجامعه.. تعبت من لغتي المكسره قلت اقويها.. بما أني مطوله بهالديره، وباقيلي شهر واخلص الدوره
لمياء/شي حلو والله..
روبين/انتي من وين بالسعوديه
الكادي/الجنوب
روبين/ونعم فيك
الكادي/ونعم بحالك.. انتم من لهجتكم باين حجازيات صح؟
لمياء/يب..
ندى تذكرت/صحيح يا بنات وين رفيقتكم اللي قلتوا لي عنها
لمياء/لوجين.. اللحين مشغوله بترتيب وضعها بالجامعه.. انتي عارفه فاتها بداية السمستر ولازم تعوض صايره تداوم صباحي ومسائي ، ان شاء الله بتشوفينها بعدين
ندى/الله يعينها
الكادي وهي تنزل بنتها جنبها/ندى وين ولدك خلينا نشوف اذا حلو يمكن نخطبه هههه
لمياء بحماس/ايواا ذكرتيني بـ توتوو حبيبي
ندى/هههه بقوم اجيبه
لمياء قامت/لا لا خليييك انا برووح بنفسي اجيب توتو
روبين تناظر لمياء بنص عين/من تسمع بأسم طفل تصير خفيفه هههههه
الكل/ههههههه
لمياء طنشتها ومشت/...
ندى/الله يرزق لموش بالذريه الصالحه
الكل/امييين

،
،
،
السعوديه* *
مدينة جده.. ،
مسكت جوالها وهي تكتم بكيتها.. مسحت دموعها وطلعت رقم "فارس" واتصلت عليه وانتظرته يرد عليها..
فارس في الجوال/الوه
هنادي/السلام عليكم
فارس فرح بصوتها وبانت السعاده في نبرته/وعليكم السلام، هلا هنادي
هنادي/هلابك فارس.. <<<<"سكتت!
فارس ظن انها بتعاتبه على عدم اتصاله فيها، وبادر هو بالكلام/كيفك هنادي؟
هنادي ترددت كثير ودموعها تنزل/الحمدلله..
فارس ما تطمن من نبرة صوتها/فيك شي؟
هنادي/لا.. لا مافيني شي بس فارس حبيت اقولك شي..
فارس/تكلمي انا اسمعك
هنادي/فارس انت شاب خلوق ومافي مثلك كثير هالايام.. وانا وافقت عليك لأنك ما تنرد ابد...
فارس هنا مبسوط بس خايف من هالديباجه/هنادي في شي؟
هنادي خنقتها العبره/فارس انا آسفه.. ما اقدر اتزوجك
فارس انصدم/ايييشش؟!!
هنادي وبنبرة صوت باكيه/مابيننا نصيب ..وانا اسفه لو ضايقتك بهالشي.. حبيت اقولك بنفسي لأني عارفه ان خالي يحبك و صعب يقولك هالكلام.. واللحين اسمح لي لازم اسكر الخط
فارس حاول يستنطقها/طييب لييه.. ايش سويت؟ ايش الغلط اللي انا سويته
هنادي/حاشاك من الغلط.. بس ظروفنا ضدنا... يلا يا فارس سلام..
سكرت هنادي الخط.. ورمت الجوال قدامها وهي منهاره من داخل وضلت تبكي حظها..
/
/
ع الجهه الثانيه في مكتبه..
ضل فارس جالس ومصدووم من اللي سمعه من هنادي.. مو مصدق.. ان حلمه انهار في البنت الوحيده اللي خطبها وتمناها... في شي غلط ..ليش فجأه رفضتني.. ووش هي ظروفها اللي وقفت ضدها!!
/
/
/
/
/

كندا_تورينتو.
بعيادة احدى المستوصفات في المدينه..
الدكتوره وهي تكرر سؤالها بإلحاح/انتي متأكده هل فعلاً تريدين الاجهاض؟!!
لوجين بإصرار/نعم..
الدكتوره/حسناً..كم مدة حملك؟
لوجين وهي تحاول تتذكر /اظن 7اسابيع
الدكتوره ترددت/تظنين؟!..يجب علينا معرفة في اي اسبوع الآن بددقه.. سوف نجري لك أشعة سونار لمعرفة عمر الجنين لنعرف ماذا سوف نعمل بعدها
لوجين تعبت نفسيتها ماتبي تتأخر ثانيه،علشان ماتغير رايها/هل ذلك ضرورياً
الدكتوره قامت من مكتبها/بالطبع... هياّ تفضلي معي لجهاز الأشعه..
لوجين وكأن على صدرها صخره تكتم نفسها اتجهت لسرير الاشعه.. وبدات الدكتوره بإجراءات البحث وتفاجأت/هل أجريتي فحصاً قبل ذلك؟
لوجين مستلقيه بتوتر وعينها بالسقف بدون تناظر الشاشه/لا
الدكتوره/لدينا مشكله هنا
لوجين خافت والتفتت على الدكتوره/ما المشكله؟!!
الدكتوره وعينها بالشاشه/للأسف هناك اكثر من كيس داخل الرحم!!
لوجين وكأنها فهمت بس تحاول يكون احساسها خاطئ/ماذا تقصدين؟
الدكتوره/انتي تحملين اكثر من جنين!
لوجين لفت وحطت عيونها على الشاشه مصدومه وتكلمت عربي/لا مستحيل.. لا لا...
الدكتور حاولت تهديها/لا تخافين عملية اجهاضهم سهله ولكن ستستغرق وقتاً..ستضطرين تنامين هنا يومين
لوجين جاها احبااط وهي تناظر الشاشه وتبكي وهي تحس بإحساس اليأس والضعف..
،
،
،
،
،
،

في بيت هنادي.. ،
صوت عالي من اقاصي الصاله اللي بنص البيت/انتي مفكره الدنيا لعبه.. علشان بين يوم وليله تغيرين رايك وتتزوجين واحد ثاني
هنادي جالسه تسمع هواش خالها وشايله بقلبها وساكته ماتقدر ترد/...
ابو عهود/ليه ساكته؟!!تكلمي ممكن تفسرين لي تصرفاتك اليومين هذي..
هنادي وقفت بهدوء/مابيني وبين فارس نصيب
ابو عهود/طيب قوليلي.. ليششش دحيين؟ ليش،مو قبل نحدد الملكه
هنادي تفكر لو خالها عرف بموضوع جابر ما راح يقدر يسوي شي لأنهم بالاساس ما سووا في "علي" شي.. ومحد وقف مع اختها.. لذلك قررت ما تبوح بالسبب اللي تزوجت جابر علشانه/خالي اذا باقي لأمي تقدير ومعزه في قلبك تعال الخميس الجاي علشان تكون وكيلي في الملكه..
ابو عهود/يعني هذا اخر كلام عندك
هنادي هزت راسها بالإيجاب/ايوه
ابو عهود جلس وهو محبط/انا لله وانا إليه راجعون..
،
،
،
،
،
،
،
،
الجنوب"
مشعل وهو طالع من المستشفى بعد زيارة "عزيز"..
رفع جواله واتصل في عمر وحصله مغلق وترك الجوال وقرر انه يرجع للبيت..
بطريقه للبيت شاف لوحه على جانب الطريق مكتوب عليها *منتزه أبو خيال*.. وبهاللحظات تذكر لوجين وهذاك اليوم اللي قضوه فيها.. يومها قالت جمله مستحيل ينساها (لا توعدني بشي ماتقدر تسويه)..
غمض عيونه وصد وكمل طريقه.. للبيت.. ،
وصل البيت وكان كل شي هادي مثلما تركه ..
دخل وهو ينادي اللي يرتاح لشوفتها اذا ضاق/زينـــه.. وينك
جلس بالصاله ينتظرها ورمى شماغه جنبه..
،
زينه كانت بالمطبخ وتسوي قهوه سمعت صوته وارتسمت على وجهها احلى ابتسامه.. اخذت القهوه وأشرت للخادمه تجيب الحلى معها/لبيه يا تاج راس زينه
طلعت له زينه وجلست عنده/هلا بالغالي..
مشعل ابتسم براحه/هلابك ..وش هالحلى الزين
زينه وهي تاخذ من صحن الحلى وتحط له بصحن/حلى جديد مسويته علشانك
مشعل/تسلم يدينك
زينه اخذت الدلّه وتصب القهوه وتمد له الفنجان/الله يسلمك... تفضل
مشعل وهو ياخذ الفنجان منها/زاد فضلك
زينه عارفه انه جاي من المستشفى،عينها صارت تلمع/بشرني عن عزيز كيف صارت حالته
مشعل/والله مادري شقولك.. الطبيب يقول ان مافيه تحسن في النشاط الدماغي لحد الآن..ادعي له
زينه ضاق صدرها/الله يشفيه ويقومه لنا بالسلامه
مشعل/آمين
اقبلت ساره وباين بطنها حيل بارز وشكلها تعبانه/السلام عليكم
الكل/وعليكم السلام.
مشعل بابتسامه/هههه هلا بأم كرشه
ساره جلست بصعوبه/هههه هلابك
زينه/ياربي متى تولدين انتي نبي بزراااان
ساره/لا تستعجلين
مشعل/هههه صادقه زينه نبي بزران.. عجلي علينا
ساره/انا لله.. بتطفشوني من اللحين..
الكل/ههههههه
ساره/زينه ترى أمي موصيتني اناديك لها
زينه/وتوك تتكلمين... يا بررردك
قامت زينه ورااحت..
مشعل كمل فنجان قهوته.. بسكات..
ساره ناظرت فيه وهي متردده تقووله عن اللي سمعت والا ماتقوووله/!!!
مشعل لاحظها/ساره فيه شي
ساره بعد تردد/مشعل أنا بسألك سؤال
مشعل/إسألي
ساره/انت تدري أبوي وش سوى بالوكاله اللي انت عطيتها له؟!!
مشعل استغرب سؤالها/ليه؟ وش مناسبة هالسؤال؟
ساره/انت جاوبني بس
مشعل وهو يحاول يتذكر/مشى فيها الشغل
ساره استغرربت وانقهرت بنفس الوقت/يعني ماتدري أنه راح للمحكمه وطلق زوجتك غيابياً وأرسل لها ورقة طلاقها وانت باقي بالمستشفى؟!!
مشعل انصددم/شقصدك
ساره وهي تكتم ألآم مغصها/قصدي انت فاهمه زوجتك ماتركتك من كيفها.. اكييد القصه فيها شي غللط.. وانت لازم تعرفه
مشعل صار فكره مشوش وتلخبط من جديد/هي بالاساس ليه تروح وتتركني
ساره حست بألآم قويه بظهرها/يعني انت تعرف زوجتك اكثر مننا.. لا تظلمها يا مشعل
مشعل تذكر انها حامل وضاق صدره/انتي ماتعرفين شي..
ساره وهي تكتم ألآمها/اللي اعرفه ان لوجين تحبك.. والحب مثل نور الشمس ماتخفيه كثرة الغيوم..
مشعل هنا تلخبط/.
ساره صرخت وهي تضغط على بطنها بقوه/آآآآااااااهه
مشعل خاف وقام لها/سااارره وش فيك
ساره/مشعل ناد لي أمي بموووت من الألم
مشعل اتجه لأمه ركض وهو ينادي/يمممااااااه
/
/
/
/
/
/
/
كندا... *
وصلت الساعه عشره ..
هدى جالسه في الصاله وقلقانه حيل.. وقفت تناظر من الشبابيك وما شافت أحد!!
قربت تبكي وهي تفكر بـ لوجين اللي للحين ما رجعت للبيت!!
فكرت انها تكون عند صديقاتها.. واتجهت للجوال تبي تكلمهم.. وتتفاجأ بالجوال يررن.. وتلاقي المتصل "روبين" وردت بسرعه/هلا روبي
روبين بالجوال/السلام عليكم خالتي
هدى/وعليكم السلام يا بنتي.. كيفك
روبين/الحمدلله ..خالتي بغيت أسألك فين لوجين؟ ليش مقفله جوالها
هدى خافت اكثر لأنها كانت تظن انها عندهم/والله علمي علمك.. انا كمان أتصل فيها وما ترد عليّا!!
روبين/يعني مش موجوده بالبيت
هدى/لا!!
روبين/يالله.. طيب اذا رجعت اتصلي فيا
هدى/ان شاء الله..
سكرت هدى الجوال وهي شوي وتبكي..
هدى دوبها بتروح تصحي ابو لوجين وينفتح باب البيت/..
دخلت وهي يادوب تمشي وعلى ظهر كفها اليسار لصقة جروح..ابتسمت لهم اول ما شافتها/السلام عليكم
هدى اتجهت لها وهي خايفه وضربتها كف/وين كنتي فيه لهالوقت؟!!
لوجين استغربت الكف من أمها/أمي أنا كنت..
هدى قاطعتها وضمتها لصدرها وبكت/خوفتيني عليكِ ،ليش مقفله جوالك ومتأخره عن البيت في هالبلد الغريب
لوجين باست راس أمها/انا اسفه.. ادري اني تأخرت كثير .
هدى بجديّه/وين كنتي فيه لين دحين؟!!
لوجين خافت/انا تعبانه.. حابه اروح ارتاح
هدى خافت/ليش ايش صار لك؟!
لوجين راحت وجلست تبي ترتاح/كنت بالمستشفى
هدى خافت اكثر/ليييه.. ايش صارلك اتكلمي وليه مكلمتينا؟! وليش رايحه للمستشفى
لوجين استحت من امها ونزلت راسها/امس اخذت موعد للإجهاض اليوم.. ورحت لهم ع الموعد..
هدى انصدمت عصبت وصرخت عليها/انجنيتي انتي؟!! حرام عليك يا بنتي.. كنت فرحاانه
لوجين نزلت دمعتها وبدأت تنزل بغزاره/لا تخافين.. مانزلت الحمل
هدى جلست جانب بنتها وتهديها/الحمممدلله... طيب ليه تبكين؟ الحمدلله.. خلاص يا بنتي لا تزعلين نفسك انا وابوكِ جنبك.. ما راح نتركك.. بس شوفي انا ابيك تسمين الولد "نايف"
لوجين نزلت دمعتها والعبره تخنقها/والباقين وش نسميهم؟
هدى استغربت/مين اللي باقي؟ مافهمت!!
لوجين بكت وضمت أمها..
هدى مافهمت القصه بس ضمت بنتها وحاولت تهديها.. ،
/
/
/
/
/
/

أبهاا*
بالمستشفى ..
زينه ومشعل واقفين عند أم مشعل اللي تمسك بين يدينها "ولد ساره" وكلهم يناظرونه ومبسوطين فيه..
زينه وهي تلمس اطراف اصابعه/يمه الولد صغيييرر مرره
مشعل وهو يتبسم/هههه كأنه لعبه
ام مشعل تناظر فيه وهي مستغربه مشاعرها وهي تحضنه/هذا لأنه ما كمل 9شهور..
زينه وهي تنغز مشعل علشان يشوف/يماااه اشوفك ما خليتي لنا مجال نشيل ولد ساره..
ام مشعل تبسمت/صدقوا اللي قالوا ما اعز من الولد الا ولد الولد..
مشعل وهو يطالع زينه/شايفه يا زينه يعني ما في أمل نشيل هالبزر ..
زينه/يماااه عطيني اياه ببوسه بس بوسه وحده
ام مشعل/اقوول روحوا منااك بس سويتوه ساالفه.. مايصير بزرر تووه صغير ..مايتحمل مرمطه باليدين
زينه ومشعل/هههههههههه
زينه/لو تسمع كلامك ساره ما راح تصدق انك انتي أمي
ام مشعل تذكرت كلامها القاسي لساره وسكتت/... .
مشعل/ايهه صحيح متى بتطلع هي
زينه/بعد يومين اظن..
مشعل/سالم مااصددق ان ساره ولدت.. احسه انقهر ما اعطوه اجازه ما يقدر يجي ويترك شغله
زينه/من جد مسكيين طاافه النونو.. الا صدق لين متى بنسميه نونو هههههه
مشعل ابتسم/ابوه وأمه ادرى فيه... يلا عن اذنكم انا طالع مع عمر
ام مشعل/ووين خلك شووي معنا
مشعل/ضروري يمه،رايح احجز بسافر لـ كندا الاسبوع الجاي اذا لقيت حجز.. مثلك خابره اخت عزيز مو مصدقه الكذبه اللي كذبناها عليها
زينه عورها قلبها من طاري عزيز/ليش انتوا وش قلتوا لها؟
مشعل/قلت لها ان عزيز دخل الجيش وفي دوره عسكريه لمدة 6شهور...
زينه/الله يقومه بالسلامه..
مشعل/اميين يا رب.. يلا عن اذنكم..
طلع مشعل وهو يذكر هذاك الموقف اللي مستحيل ينساه الموقف اللي جمعه بزوجته السابقه "أميره"..كانوا راجعين من مشوار مع بعض.. يومها "اميره" صدمته بهالخبر..
*فلاش باك*
اميره وهي متردده/حبيبي
مشعل وهو ينتبه للطريق ويسوق السياره/سمي
اميره طلعت اوراق من شنطتها ومدتها عليه/اخذ
مشعل استغرب/وش هذي؟
اميره/تذكر يوم نروح انا وياك نسوي فحوصات طبيه علشان الحمل
مشعل/ايه صحيح ..ايش صار فيها؟ اخذتي النتايج؟
اميره بضيق/ايهه وهذي هي قدامك
مشعل/انتي قولي.. وش فيها؟ ان شاء الله سليمه
اميره حطت الاوراق بينها وبينه/مادري وش اقولك
مشعل/ماعليك يا قلبي.. كل شي يتصلح انا مو مستعجل على الاطفال قدامنا العمر
اميره/لو المشكله فيني ما زعلت حبيبي.. كان بقولك تزوج وشوف اولادك.. لكن... .<<سكتت
مشعل خاف/وش فيك سكتتي؟ المشكله فيني صح؟
اميره هزت راسها بالإيجاب/حبيبي انت العدد عندك صفر.. يعني... <<سكتت مرّه ثانيه
مشعل بابتسامه تخفي انكسار رجل/يعني استحاله أكون أب.. صح؟ وبتتخلين عني اكيد علشان الاولاد
اميره/ولا يهمك حبيبي.. انا بكون معك.. ما ابي الاطفال اذا منت ابوهم..
مشعل ابتسم لها وصد يكمل طريقه...
،
رجع مشعل للواقع وهو يلعن كل شي... ومن ضمنهم لوجين اللي تحول عشقها لرغبة انتقام..
/
/
/
/


كندا**
في نص سريرها بقميصها القطني القصير تحاول ترتاح وتهدا بعد البكاء والصدمه اللي صارت لها اليوم.. كانت ساااكته.. وأمها عندها تشوفها تتكلم معاها لكن ما تسمع شي غير نبضات قلبها وصوته...
استأذنت أمها وطلعت تنام...
كانت لوجين بوادي ثاااني،وتفكر ايش بيصير معها هي واللي ببطنها!!
كنت بهم واحد.. واللحين كومة هموم..
/
/
/
/
/
/
/
الجنوب*
في مكتب السياحه والسفر ..،
عُمر وهو باين مب مقتنع بالكلام اللي سمعه/ما اقدر يابن الحلال
مشعل بإصرار/كيف ماتقدر؟!! انت ماتحتاج اجازه علشان تسافر انت صاحب اعمال حر.. عمر طلبتك انا محتاجك معي.
عمر خزه بنص عين/قول الصدق انت ليش اللحيين تبي تسافر لكندا.. ليش ما سافرت طوول الزمان يا مشعل
مشعل وهو يخز عمر بنفس نظراته/قد قلتلك اني رايح ابي ازور الكادي
عمر /مشعل لا تتعذر بالكادي وانت ناوي تلاحق "لوجين"
مشعل/لو ابي ألاحق لوجين ما جلست انتظرك تروح معي
عمر/طيب احلف لي أنك ما تلاحق لوجين وماتتعرض لها
مشعل/انت انهبلت
عمر/اجل دور لك خووي غيري
مشعل بضيق/اقسم بالله ما راح ألاحقها وانت معي"ارتححت"؟
عمر ابتسم/ايه ارتحت دام انك حلفت.
مشعل قام وباين معصب/اجل دبر لنا حجز ابي نسافر هالاسبوع
عمر بنص ابتسامه/ابشر
مشعل/عن اذنك طالع..سلام
عمر/الله معك.. سلام
/
/
/
/
/
يتبع*