من متى و الغصـن يختـار الطيـور..!!

28

،
،
هذا الفراق الطويل اللي طلبته...وهذا الغياب المُرّ وهذي احزاني..
عمري ما اخترت فراقه من قلبي.. لكن لابد منه.. لابد اني احترم نفسي و استرجع كرامتي اللي تبهذلت كثير، بعدما اتهموني بعرضي ولطخوا شرفي..
كنت اعاقب مشعل.. واثر العقاب يأثر فيني كثر ماهو مأثر فيه.. هو يحبني ادري به ولكني احبه اضعاف حبه لي.. بنظري هو رمز النبل والرجوله والشرف..تذكرت الشهور اللي،عشتها معه" عمره ما ارتكب تصرف حقير ضدي..عمره ماحاول مجرد محاوله انه يجرحني.. كيف ما احبه وهو حاول كثير يتقرب مني باخلاقه و بتصرفاته..وبتعبيره الصريح عن حبه لي رغم اني كنت مُتطلبه وعصيّه.. ومتحفظه بمشاعري واكبتها.. و اللي جنني اني عمري ما قلت له "أحبك" وهو اللي ياكثر ماسمعني هالكلمه...!
*قامت "لوجين" من الكرسي الخشبي اللي هي جلست تستريح عليه شوي واتجهت لبيت رفيقاتها القرريب من بيت اهلها..
،
،
،
،
*،*الاحداث السرديه*،*
الثلاث بنات مجتمعات كلهم في بيتهم...
و الحديث كالعاده كان لـ "روبين"..وسط سرحان لمياء ومذاكرة لوجين اللي حلت مشكلتها مع طليقها بالتراضي واخذت حكم من المحكمه وتعهد شخصي ورسمي منه و ارتاحت..
روبين وهي تنزل كوب قهوتها/بنات شفيكم صايرات مملات!!. ماتسولفون ولا شي.. دوم سرحانات والا تذاكرون..
لموش ليش ساكته.. لوجين يالدافوره بسك مذاكره عطوني وجه
لوجين انزعجت منها وثرثرتها/تدرين شلون... انتي ماتحسين غير بنفسك.. هالشهر كله عندي اختبارات و هالليله لازم اذاكر بس قلت اجلس معكم يوم بالاسبوع ع الاقل حتى لو ما اسولف...لكن ما تفهمين و بكرا الصبح عندي تقديم اختبار ولازم اقدم احسن مستوى خصوصا انه قريب وراي ولاده قيصريه، وبغيب قرابة اسبوعين.. انتي ماتحسين فيني ماتحسين غير بنفسك. انا كثير تعبانه و يادوب اداوم.. وانتي جالسه ببرود تحاسبيني ع تقصيري!!!
روبين ولمياء استغربوا انفجارها بعد طوول كتمان/!!!!!
قامت لوجين وهي متنرفزه وروحها واصله مناخيرها و تبي تطلع.. وصلت للباب وتذكرت نفسها وتهعوذت من الشيطان وهدأت ورجعت لهم وجلست بهدوءها المميت/
لمياء خافت عليها/لوجين فيك شيء؟!
لوجين حاولت تتكلم و ماتبكي وكانت العبره تخنقها/بنات انا اسفه.. ماقصدت اعصب عليكم وازعلكم.. اعذروني انا مضغوطه هالفتره "بكت وهي تتكلم" حاسه اني بدوامه..انا حاسه باحباط.. وقربت أولد خلاص وحيل تعبانه
روبين رحمتها وقامت تجلس جنبها وتربت على كتفها/ي عمري لوجين انا اللي اسفه ما افهم.. خلاص قررتي العمليه؟!
لوجين بضيق/ايوه
لمياء خافت/متى؟
لوجين بتملل/آخر الشهر... يااااكثر اسئلتكم يا هالبنااات
روبين بخوف/اسبوعين ماراح تكفي علشان ترتاحين فيهم بعد الولاده
لوجين بدون اهتمام/انا تكفيني الاسبوعين ويمكن اجي قبل يخلصون هالسبوعين بعد
لمياء عصبت منها/ليش انتي دوم تحبين تعاقبين نفسك
لوجين اخذت فنجانها وشربت منه ونزلته/انا ماعندي وقت
لمياء/عندك وقت لكل شي الا نفسك،ناظري نفسك انا متأكده انك تعبانه ومو محتاجه هالفتره غير لراحتك.. لكنك تكابرين
لوجين بلا مبالاة/لميااااء بسك فلسفه مالها معنى
روبين/الله يعينك حبيبتي لوجي
لوجين تنهدت/امين..
...هدوء وسكوت لدقايق...
لمياء بعد تردد/سافر مشعل؟
لوجين بلعة ريق الشوق وبتصنع اللامبالاة/ما شلت همه
لمياء ابتسمت وهي تتخيل ملامح عمر/عُمر كان جاي معه ع هنا صح؟
روبين بغباء/لا يكوون اللي هذاك اليوم وداك المستشفى وجلس عندك؟!
لمياء كانت تأشر لها تسكت ولكنها ماسكتت/غبيييييه
لوجين سكرت كتابها واتجهت للمياء بالكلام/وليش عُمر يوديك المستشفى ان شاء الله
روبين/يووه ما دريتي اغمي عليها بعدما عرفت ان الفيديو انتشر بالكليه
لوجين استغربت/اي فيديو؟
لمياء وهي تمسك روبين من رقبتها/بذبحك على غبائك شلون تتصرفين بهالغباء.. انتي من قالك تصيرين طبيبه
روبين ببراءه/اااه خنقتيني جدتي تبيني اصير دكتوره
لمياء بإحبااط/ربنا يخلف على جدتك
روبين/على طاري جدتي.. دريتوا انها بتجيني زياره
لوجين ضحكت على اشكالهم/ههههههه
،
،
،
،
،
،
،
،
بيت الكادي"
الكادي وهي تخزه بابتسامه/بتسافر بدون ما تقول لي عن اللي بقلبك
مشعل بيأس/ما عاد بقلبي شي ينقال..انتي عرفتي كل شي ، انتهت مشاكلي خلاص
الكادي حست فيه/بس شكلك متضايق ومهموم؟
مشعل تنهد وهو يتبسم يخفي حسرته/إلا احس بضياع.
الكادي/اذا حاب اتدخل.. انا مستعده اكلمها لك
مشعل قاطعها بحزم/لا وانا اخوك.. اناخلاص وعدتها و قررت اريّحها مني.. كفايه ما جاها من وراي
الكادي حزنت على حالته بس ما بينت/ومولودك المُنتظر... ماتبيه؟
مشعل خالجه شعور جميل، بأنه خلاص بيصير "أب" وتنهد/أمه أولى به مني.. مابي احد من اهلي يقرّب منها هي و الولد.. لوجين تأذت واجد من اهلي.
الكادي/شلون تحبها؟ وناوي تبتعد عنها وعن ولدك!
مشعل/اذا كان بُعدي بيداوي جروحها.. ببتعد
الكادي وهي تناظر بعيونه وتمسح بيدها على يده وهي تودعه/الله يصبرك يا حبيب اختك.. بشتاقلك
مشعل حب على راسها/هانت كلها سنتين وترجعون.. ولا تنسين العطله السنويه
الكادي/سنتييين آهه يا طولها يا مشعل..
مشعل/انتي مع زوجك وبنتك عندك، يعني عايلتك حولك ما راح تستوحشين ان شاء الله.
الكادي/عقبال ما تجتمع انت وعايلتك بعد
مشعل ابتسم/يلا عن اذنك...
الكادي/مشعل تكفى خل عزوز يدق علي اول ما يطلع من دورة الجيش هالقاطع اشتقت له
مشعل تذكر عزيز وحس بضيقته واوجاعه تزيد/ابشري.. يلا فمان الله.
الكادي/بأمان الكريم.. توصل هناك بالسلامه.
،
،
،
،
،
،
،
السعوديه* الجنوب
بطولها الانيق واقفه عند مرايتها بفستانها الازرق ومسدله شعرها البني اللي يوصل لنص ظهرها وتتأنق وتحط اللمسات الأخيره بسلسال حول رقبتها..
الليله في عزيمه ببيت الجيران و عمها ابو زوجها اللي حبها مثل بنته طلب منها انها تروح معه لان هي معزومه هناك..