من متى و الغصـن يختـار الطيـور..!!

21

ابتداءاً من هذا الفصل ستبدأ شخصيات جديده وهامه بالظهور على سطح الاحداث.. وسيبدأ الجزء الثاني من الروايه ..
،
،
،
في بهو الجامعه الكنديه..
البنت اللي صعب تمشي بدون صديقتها وبالاصح تحس بضياع بدونها اليوم داومت علشان البحث اللي اتعبها.. روبين تمشي وتسب لمياء اللي استغلت الفرصه وضلت عند جارتهم ندى( حسبي الله دخت في هالجامعه اثاريني خبله ما اسوى بدون لمياء.. الكل يناظرني وكأني نازله من كوكب ثاني!! أو كله علشاني منقبه!!! )
وسط نظرات الطلبه وبعضهم مستغرب لبسها والبعض عادي عنده..
تعثرت وطاحت وسط ضحكات الطلبه ..وبكت من الاحراج مو من الطيحه.. حست ان شكلها غبي وهي تطيح.. ماقدرت تقووم ..
تفاجأت بيد تمتد لها ..ورفعت راسها وشافت شاب طويل بعيون رماديه وبشره برونزيه فاتحه وشعر اسود.. ملامحه كانت شرقيه عربيه بحته/
الشاب/can i help u?
روبين ما مدت يدها وحاولت تقوم/no thanx
الشاب نزل ياخذ ملزمتها اللي ع الارض ..
روبين سبقته واخذت الملزمه وهي متوتره من الاحراج وصرخت بوجهه وعيونها تلمع دموع/go waay.. I don't need ur help
الشاب ضل يناظر بعيونها اللي تلمع وساكت/..
روبين مشت وتركته.. وسط دهشته..!!
/
/
/


السعوديه_جده..
جالسه على كرسيها المفضل بإسترخاء قبال التلفزيون في بيت اهلها ولكنها سرحانه بالتفكير في موضوع مشغل بالها...
ترددت كثير في هالخطوه.. تمنت ان صديقاتها معها علشان يقدرون يساعدونها.. لأنها مستحيل تطلب من أمها هالطلب..
على حد علمها ان صديقاتها راح يفهمونها اكثر.. وراح يأيدون الشي اللي هي ناويه تسويه...
فكرت من ممكن يساعدها هنا.. ؟!!

قطع عليها صوت أمها/غيري المحطه،مالقيتي غير افلام الاكشن علشان تتابعينها
لوجين انتبهت لأمها ببتسامه/ما يروق لي غيرها
ام لوجين جلست وهي تصب الشاهي/تبين كاسة شاهي
لوجين/ياليت، بس تكون بدون سكر
ام لوجين استغربت وخافت/ليش؟ بسم الله عليك
لوجين وهي تحاول تعدل جلستها بكسل/مادري بس ماعدت احب السكر والحلى
ام لوجين ببتسامه/شكلك بتجيبين لنا ولد
لوجين ما فرحت ابد و ابتسمت مجامله/ماراح اجيب شي
ام لوجين عقدت حواجبها/نعم؟ ماسمعت
لوجين حاولت تدارك غلطتها/أ..اقصد ما ادري وش بجيب.. يمكن ولد ويمكن بنت
ام لوجين ما ارتاحت لنبرتها وشكت في نيتها/تدرين كم انتظرت سنه علشان احمل فيك؟ ضليت 5سنوات انتظر واتعالج وبكل مره افشل وما احمل.يمكن كانت الفتره اللي تأخرت فيها مو طويله لكني كنت احسها دهوور. كنت اخاف اني اضل كذا وما اخلف. كنت كل شهر يمر بدون حمل انهار وابكي، ضليت كذا لحد ما الله كتب لي و حملت فيك تغيرت حياتي للافضل وصار لها طعم ثاني انا وابوك صرنا اقرب لبعض بوجودك.. انتي كنتي ومازلتي بعيوني اجمل ما خلق ربي.
حلو انك تجربين هالشعور يا بنتي..
لوجين دمعت من تأثرها ومن حالها لأنها انفصلت عن مشعل وابتسمت تخفي وجع/حلو هالشعور.. ياليت اقدر اعيشه. بس ما يمديني خلاص انا و مشعل افترقنا قبل ينولد ولدنا...وبطلاق غيابي بعد والسبب انه شاك فيني وان هاللي ببطني من واحد ثاني...يعني هالحمل مرفوض وغير مرحب به اصلا!!
ام لوجين حاولت تواسيها/بس...
لوجين قاطعتها ببتسامه باهته/لا تخافين يا أمي أنا مرتاحه كذا.. لأني عرفت قيمتي عند مشعل بدري. قبل يروح العمر ع الفاضي.
بهاللحظات دخل ماجد/السلام عليكم
الكل/وعليكم السلام
ماجد بابتسامه اتجه للوجين متحمس يشوف ردة فعلها و مد يده بظرف/تفضلي
لوجين استغربت/بابا ايش هذا؟
ماجد/افتحيه..
لوجين فتحته وهي تترقب وتطلع منه تذاكر سفر من جده الى تورنتو "كندا" ومعها جوازات السفر والفيزا ماصدقت ورفعت ناظرها لابوها مو مصدقه/ايش هذا
ماجد بابتسامة الأب الحنون/دامني خليتك تفوتين بعثة الحكومه، قلت أسفرك على حساب ابوكِ الخاص وتكملين الطب هناك وهالمره كلنا معك..بس بشرط ابيك تكونين احسن طبيبة جراحه ما اقبل اقل من التميز
لوجين خنقتها العبره وقامت تضمه وتبكي بصمت/الله لا يحرمني منك..
ام لوجين فرحت من قلبها/الله لا يحرمني منكم كلكم
أحمد دخل وبيده الكوره/ايش صاير قولولي
لوجين/ميدوو راح نسافر كنداا
احمد انبسسط وفكر انها اجازه فقط/هيييييياااااااا اخيرا باخذ اجازه وبنسافر
الكل/ههههههههههههههه
/
/
/
/
/
/
/
في غرفه فندقيه...
فز جابر" من نومه علئ صوت جواله يرن من زماان..
استقعد وهو يبعد شعره الطويل وراء اذنه وطفشاان فتح الجوال ورد وبصوته النوم/نعم يبه
بو علي بالجوال/ وحطبه ان شاء الله...كل هذا نوم!! اتصل من صباح ما ترد غير ف العصر!! يعني لا صلاه ولا عباده!!
جابر تأفف/يبه وش تبي مني ،تراني توني قايم من نوومي ومابعد روّقت
بو علي/اللي عطى اخوي فيصل ولد كفو ماعطاني مثله.. لكن الله يعوضني بس..
جابر/يا هالمشعل اللي ذبحتنا فيه
بو علي/اقوول اخلص بسرعه وتعال.. ماتقولي وش موديك جده ووش مجلسك فيها للحين
جابر/اتمشى يبه..فيها شي بععدد!!
بو علي/ايهه انت لا شغله ولا عمله بس فالح لي في السفريات.. لو انك ماسك الشغل عني ومريحني بهالعمر.. لكن ماقول الا الله يعيني
جابر/اللي يسمعك يقول مؤسسة عمي فيصل.. ترى كل اللي عندك شركة بناء صغيره وسقالات..
بو علي/اخوي فيصل كان شغله اصغر من شغلي لكن عنده ولد كفو مريحه وماسك شغله وطوره وصار ينافس مزارع المنطقه ومن كبار موردين الفاكهه فيها وصار تاجر له صيت في ابها كلها ،لكن الدنيا حظوظ
جابر تأفف/الزبده يبه انا ماني جايك قبل اسبوع.. وابشر بمسك الشغل عنك..فيه شي ثاني بعد
بو علي عصب/لا تنفخ وانت تكلم ابوك... ويلا سلام
جابر سكر الخط قبل يسمع ابوه/
تذكر "هنادي" وتبسم (اخخخ منك ..وربي لو ما قدرت أوصلك بالطيب. لأوصلك بالغصب.. وأوريك وقتها من هو جابر ووش يقدر يسوي يا هناادي)
/
/
/
/
/
/
/
/

في بيت نسرين واختها.. *
هنادي وهي تلبس اجمل ثيابها فستان زهري نعووم مصنوع من الدانتيلا والشيفون وبدون ميك اب!! وتاركه شعرها منثور على طبيعته، وتناظر نفسها بالمرايه ببتسامه بطبيعتها انسانه بسيطه لكن شخصيتها اقوى من شخصية اختها ولها موقف ومو اي شي يرضيها..
عهود دخلت تستعجلها/هنادي ابووي يسأل عنك.. يقول الخطيب مستعجل
هنادي التفتت عليها وهي خجلانه/عهود انا خايفه
عهود وهي تناظرها ببتسامه/غرريبه اخيراً اعترفت هنادي انها تخاف.. لازم نسجلها بالتاريخ
هنادي من جد متوتره/يوووه والله انك راايقه... شرايك بشكلي توقعين بيعجب فارس
عهود وهي تناظرها بشكل بانورامي/ايوه لا تخافين.. بس ليش مو حاطه ميك اب؟!
هنادي بثقه/متعمده..بعدين انا مو متعوده احط غير ماسكار وروج بناتي.. وماحطيتها.
عهود/براحتك يا عنيده، بس تعالي ترى ابوي بيعصب
هنادي اخذت طرحتها ولحقتها/هيّا...
،
،
تحت*
في مجلس الرجال جالس ابو عهود وعن يمينه فارس.. وعن يساره هنادي ساكته وصاده بوجهها للجهه الثانيه وحاطه طرحه على راسها ومع ذلك شعرها مبين من تحت..
ابو عهود مبتسم من حركات هنادي وهي مو مبينه منها شي.. وملاحظ فارس محبط وساكت.. قام ووقف/يلا انا رايح استعجلهم بالشاهي دقايق وراجع البيت بيتك يا فارس..
هنادي ارتبكت وهي تشوف خالها طالع وتاركها لحالها مع الخطيب..
فارس استغل الوضع ورفع راسه وناظرها/كيفك هنادي؟
هنادي بصوت دفنه الحياء/بخير...
فارس حاول يشوف ع الاقل وجهها/لا تستحين حنا مخطوبين من مده كافيه ومتفقين بس للحين ما شفتك.. وريني هالجوهره!
هنادي ماتطيق التميلح التفتت عليه بنظرات ناريه وهي متلثمه، وناسيه انه خطيبها وهم جالسين علشان يتفقون ع المهر وموعد العرس/احترم نفسك
فارس استغرب/ماقلت شي غلط!!
هنادي فزت واقفه ولفت تبي تطلع وتخليه.. وتفاجأت بطرف الطاوله تعثر بها و كانت بتطيح وطاحت الطرحه وانتثر شعرها....
فارس تداركها ومسكها بيدها وثبتها واقفه/سمي بالله... لا تعصبين تكفين.. والله ماقصدت اهينك او شي من هالكلام الفاضي
هنادي انحرررجت ووردت من خجلها لأن فارس شافها وهي تتعثر... وما قدرت تتحرك وهو انسان لبق ويحق له يشوفها لانهم بيتملكون بعد اسبوع وهو مابعد شافها نظره شرعيه من عنادها، ولولا ان خالها اقنعها ما نزلت تشوفه!!
التفتت عليه ببتسامه وابعدت طرف شعرها خلف اذنها بأصبع يدها اليسار/ممكن تفك يدي؟!!
فارس فتح فمه.. عمره ما شاف بنت كذا ع الطبيعه، علاقته بالجنس الناعم تقتصر على أمه وجدته فقطط/سبحاان الخالق!!
هنادي خجلت زياده بس تكاابر و بإصرار/فك يددي
فارس فك يدها وصد عنها مستحي/اسف يا هنادي قسم اني ارتبكت ماتعودت ما ادري وش المفروض اسوي
هنادي ابتسمت برضا و طلعت بدون ترد عليه.. اعجبها ببساطته وعفويته..
فارس جلس وهو مبسوط ويدعي( يارب تمم على خير.. تسلمين لي يالوالده اختيارك يالطيبه مثل قلبك نادر )
،
،
،

داخل البيت..
عهود ونسرين ينتظرونها ع احر من جمر...
اقبلت هنادي وهي عاقده حواجبها وتمثل الزعل وجلست وحطت رجل على رجل..!!
البنات ضلوا يناظرون بعض ومستغربين!!
نسرين/بشررري حددتوا الزواج؟
عهود/قوولي متى بسرعه
هنادي ناظرتهم بنص عين ورافعه حاجب ومنزله الثاني/اقول صبوا لي قهوه بس..
نسرين عصبت/لا تقولين لي بعد كل اللي سويناه انك تخليتي عن فكرة الزواج من فارس!!
عهود تهورت/انتي ع ايش شايفه نفسك هاااه؟ فارس اكثر انسان محترم في الحاره والكل يشكر فيه و توه متخرج ضابط شرطه قد الدنيا.
هنادي ابتسمت/مدري ليه ماخذين عني فكرة اني شايفه نفسي ومايرضيني شي!!..
نسرين انبسطت/يعني عجبك فارس؟
هنادي ابتسمت بحالميه/فارس اكبر نجاح بحياتي،طهر ذاته تحسينه من بريق عيونه وسمار وجهه اللي كواه الشمس. باختصار قربه لي جنة الدنيا. .يا رب اجمعنا على خير
عهود فرحت لها/امممييين ..مبرووك يا حبيبتي
نسرين/الف مبرووك
هنادي وهي تتخيل وجه فارس قدام وجهها/مشكورات الله يبارك فيكم..
عهود/انا رايحه اسوي شربات ههههه ماني مصدقه
هنادي ونسرين/هههههههههه
/
/
/
/
/
/
/
اليوم الثاني.. ،
واحداث جديده .

كندا.. *
خلصت لمياء من محاضرتها وطلعت ع موعدها تنتظر صاحبتها اللي راحت للمعامل علشان بحثها اللي مو راضي يخلص..
جلست لمياء وهي تتأفف وبردانه وتطلع جوالها من شنطتها/الله يهديك يا روبين مو وقتك تتأخرين علي
رنت الجوال عليها وما ردت/كذااا..وما تردين بعععد!! حسابك معي عسيير
،
،
في المعامل...
واقفه روبين وعينها بالمجهر وتكلم نفسها/يارربي من ساعه وانا ادور بهالعيّنه شي من كلام الدكتور و ماني لاقيه.. احولت عيوني ع الفاضي!!..
رفعت راسها وهي زهقانه وتفاجأت بشاب واقف عندها ويناظرها بابتسامه دافيه/hi
روبين تلفتت تبي تشوف احد غيره حولها ،الكل خلص وطلع بدون ما تحس ومافي غيرها وهالشاب ابو عيون رماديه وشعر اسود يلمع وبشرته برونزيه فاتحه هو نفسه الشاب اللي امس"احراااج" وتقول بخاطرها وش يبي/hi
الشاب بابتسامه/بالبدايه كنت اظنك كنديه مسلمه لين سمعت لغتك اللحين وانتي تكلمين نفسك،معك مراد دانيال مسعود .. امي سعوديه وابوي كندي من اصل تركي ولا تسأليني كيف
روبين وهي تحاول تسلك له وتلم اغراضها علشان تطلع/تشرفنا
مراد لاحظ انها مرتبكه وسقطت منها بعض الاوراق ونزل يلمها معها/انتي سعوديه صح؟
روبين ماعمرها احتكت بالرجال غير محارمها و دكاترتها وكلهم قد ابوها/بلييزز لو سمحت لين هنا وبس ما اقدر اوقف واحكي معك، بليزز اعذرني..
مراد بوادي ثاني/عدسات عيونك تقول انك اجنبيه بس لهجتك حجازيه زي امي.. قولي لي بس انتي سعوديه؟ طيب قولي وش اسمك
روبين لمت اغراضها بسرعه وهمت بالخروج بدون ما ترد عليه بكلمه وحده زياده/...
مراد ابتسم وهو يشوف "حيائها" منه وكأنها متبرجه،مع انها محتشمه وما يظهر غير عيونها ويدينها فققط..!!
،
،
،
ساحة الجامعه الخارجيه وبالتحديد على كرسي طويل..
جالسه لمياء وتنتظر روبين/وين رااحت هالبنت الله يستر بس والله هالبنت المفروض ما اخليها لحالها..
اقبلت روبين و جلست تتنفس بسرعه..وكأنها كانت تركض/السلام عليكم
لمياء/وعليكم السلام... ووينك يا شيخه.. انتظرتك كثير هنا
روبين/اشغلني هالبحث وطير لي عقلي... واللي زاد الطين بله اني نسيت نفسي بالمعمل وخرجوا كل الطلبه وضل طالب واحد وحاول انه يتكلم معي بس صديته وماجاوبت على اسئلته الكثيره..
لمياء/كويس انك ما اعطيتيه فرصه
روبين وهي متفشله/تدرين من طلع؟
لمياء استغربت/مين؟
روبين وهي منحرجه/اللي حضر الطيحه العظيمه امس اللي قلتلك عليها
لمياء تذكرتها/هههههههههههههه يمكن يبي يتطمن اذا ما صار لك شي ههههههه
روبين صغرت عيونها وهي تخزها وقامت/باااايخه
لمياء قامت ولحقتها وهي مواصله الضحك/تعاالي كيف شكلو هههههه
/
/
/
/
/
/
/

السعوديه-جده..
،
*و لما تجي عيني على صورتك
مليون أحبك قلتها لك من غير صوت *
..
بغرفتها وهي شبه مستلقيه على سريرها وتتصفح جوالها.. بعدما جهزت شناطها واغراضها للسفر بكره..سرحت كثير في صور الجنوب...وبالصدفه مرت من عند صورتها مع مشعل "سيلفي" في حديقة ابو خيال، مستحيل انها تنسى من جذبها بأخلاقه وبجمال معاملته ورجولته قبل وسامته وأي شي ثاني ..ابتسمت وهي تتذكر هذاك اليوم وتتذكر مواقف جمعتها في مشعل مستحيل تنساها... ظلت تتأمل ملامح مشعل و بداخلها له من الشوق مالله به عليم، لكنها تعاهد نفسها انها تنساه وتنسى اهله(راح انزل هاللي ببطني اول ما أوصل كندا..أوعدك انساك واعيش حياتي بدون ذكرياتك... لا تظن انك بعدما تركتني بموت حسره عليك!! ..شكك فيني هدم كل صروح الحب ) تذكرت ورقة الطلاق وحست بحرقه في قلبها ورغبة انتقام ..بهالأثناء حست بلوعه من الوحم" واتجهت لدورة المياه بسرعه تستفرغ و بكت من قلبها الموجوع..
/
/
/
/
/
/
/
/
بكره ناوي يرجع للقريه... لذلك قال بخاطره لازم يمر "هنادي ويذكرها فيه... بحجة عيال اخوه" وهو يفكر بخباثه وخطه...
نزل من سيارته واتجه للباب ورن الجرس... وبعد دقايق...
صوتها من وراء الباب/ميييين؟
جابر ابتسم لسماع صوتها/جابر يا هنادي
هنادي/هففف.. اشوف زياراتك كثرانه هالاسبوع !
جابر/اشتقت لأولاد اخوي.. وجاي اشوفهم
هنادي/ليه ما معك ساعه تشوف الوقت... اولاد اخوك نايمين من ساعتين.. يلا مع السلامه
جابر/تطرديني من بيتك؟
هنادي/ولو ودي سويت اكثر.. يلااا وثاني مره شوف الوقت مناسب للزياره والا لا
جابر نرفزته نبرة كلامها وبكل مره يزيد تعلقه فيها لأنها غير عن البنات اللي قد عرف.. هذي متحفظه وماتعطيه ريق حلو و بالأصح "ماحصل عليها" /اسسمعيني يا هنادي انا جاي بموضوع مهم
هنادي/قوله بوقت ثاني ..يلا سلام
جابر/انا حاب اخطبك اذا ماعندك مانع
هنادي/ههههههه الله حسيبك جاي بهالوقت تبي تخطب ههه!!
جابر عصصب/انا ما قلت نكته.. انا قلت ابي اخطبك.. احمدي ربك اني فكرت فيك كزوجه مو كـ شيء ثاني
هنادي بسخريه/الحممدلله فيك الخير والله اقوول انقلع من قدام الباب لا اشتكيك للشرطه بس
جابر/انا مسافر بكرا علشان كذا جيت اقولك عن هالموضوع المهم.
هنادي/انت لو تبوس السماء ترى اقرب لك مني انا انخطبت لواحد ارجل منك
جابر بخبث/اجل اسمعي الموضوع الثاني اللي جيت علشانه
هنادي ببتسامه سخريه/قول بسرعه الوقت متأخر
جابر/قررت اخذ اولاد اخوي يعيشون في ديرتهم.. علشان كذا ابيكم تجهزونهم المره الجايه اخذهم معي
هنادي انصدمت/نعم نعم... ماسمعت!!
جابر خزها بنص عين/لا سمعتي ..انا هالمره مستعجل وما اقدر اخذهم لكن المره الجايه راح اخذهم
هنادي/انت مالك حق تاخذ مؤيد ومازن
جابر ابتسم بخبث/بموجب توكيل من اخوي اقدر اخذهم غصب عنك... خصوصا اذا جبت دليل ضد اختك بيسقط منها حق الحضانه.
هنادي تفاجأت من كمية الخبث والوساخه اللي يفكر فيها/انت انسان وضيع!!
جابر بابتسامة انتصار/بعض من ما عندك
هنادي قربت تبكي من قهرها/شمعنى اللحين تبغى تاخذهم؟!.. وهم من انولدوا ما اخذتوهم .مو معقوله نزلت عليكم الحنيه فجأه كذا!!
جابر بإصرار/مالك دخل انا قلتلك باخذهم يعني باخذهم
هنادي بغصه/انت كذا بتقتل أمهم من القهر
جابر بلا مبالاه/انا ماعلي من اختك....لكن انتي تقدرين تساعدين اختك.. وانتي فاهمه وش اقصد
هنادي فهمت قصده وانقهرت/حقيييررر وربي انك حقيرر
تركته خلف الباب المقفل ودخلت.. تبكي..
جابر ضحك ضحكات انتصار انتقاميه و ركب سيارته ومشى
/
/
/
/
/
/
/


طلع من القريه بنص الليل..*
اتجه للمطار وقلبه ينازعه ..ما يعرف هو ليش رايح؟!
لكن شي بداخله يقول "لا تتركها"..طاوع قلبه وسافر لها.. جلس في مكانه في الطياره وانتظرها تقلع.. كانت يده اليسار ملفوفه.. ناظر بساعته في يده اليمين وتشير للثانيه عشر وكم دقيقه... انتظر اقلاع الطياره على احر من الجمر.. دقايق الانتظار هذي تسلب من عمره كثير.. تخيل لوجين واستقبالها له وصوتها اللي يطرب مسامعه ونظرات عيونها اللي يعشقها..
،
،
،
،
،
،
،

جده*
في دورة المياه،... واقفه تحت الشور وتستحم وما جاء على بالها شي.. خلصت وبدأت تتنشف وتلبس روب الاستحمام الأبيض ،تذكرت انها نسيت فوطة الراس وطنشت علشان تحط على جسمها لوشن وسبراي.... بعدها طلعت وهي خايفه من البرد لأن غرفتها ثلج من المكيف... تفاجأت ان النور مطفي من الغرفه!!
اتجهت لمفاتيح النور وولعت النور. ولفت تبي تاخذ ريموت التكييف وتقصر في درجة التبريد..
وتفاجأت بوقوفه قدامها متكي على الدولاب وبلعت ريقها من الخوف واختلاط مشاعرها/مـ.. مشعل!!
مشعل كان متكي واتجه لها بهدووء/ايه مشعل.. ليش خفتي
لوجين وهي تحاول تبعد عنه/وش تبي
مشعل بهدوءه المعتاد/أبيك
لوجين حست بالبرد يلسعها زياده مع برودة الغرفه،لفت الروب حولها بقوه وهي تخفي توترها/..
مشعل وصلها ومسكها بيده اليمين ويحاول يثبتها/ليش هربتي وتركتيني؟
لوجين رفعت عيونها اللي تلمع حب/مشعل صدقني انا ماهربت.. هم اللي ماخلوا لي مجال ثاني.. اتهموني وكانوا بيقتلوني.. حتى اسأل عزيز..
مشعل يمسح على شعرها ببتسامه ويضمها لصدره/مصدقك يا عمري.. مصدقك
لوجين ارتاحت وهي في حضنه ترجف/مشعل احبك ورب الكون احبك
مشعل/وانا بعد..
لوجين لفت وناظرته بابتسامه وعيونها تلمع سعاده/عرفت اني.... <<استحت
مشعل وهو يحاول يستنطقها/انك وشو؟!!
لوجين بلعت ريقها من الحياء ونزلت عيونها/أني حامل
مشعل ابعد يده منها وابعد عنها خطوتين وهو يناظرها بنظرات ماتنتفسر/...
لوجين خافت/مشعل ماتسمع انا حامل
مشعل ارتفعت نبرة صوته شووي/سمعت سمععت ما يحتاج ترفعين صوتك
لوجين استغربت/حبيبي المفروض تكون مبسوط
مشعل حاول يسيطر على نفسه لف عنها وطاحت عينه على صوره للوجين المبروزه على التسريحه اخذها ورماها على الأرض/مبسووط لو كان مني أنا،،لكن
لوجين خافت وقربت تبكي/لكن ايش يا مشعل
مشعل من بين اسنانه/من ابوه؟
لوجين انصدمت من السؤال،انربط لسانها ونزلت دموعها غزيره وهي تحس بضياع وحياه سوداويه، ما قدرت ترد عليه..
مشعل ضربها كف ماعمرها توقعت وضل يضربها وبالأخير طلع مسدسه من جيبه ..وأشهره في وجهها..
،
صررخت لوجين وهي تقول "لا يا مشعل.. لاااا"
دخل ابوها مستعجل واتجه لها ركض/لوجين حبيبتي
لوجين وهي مغمضه عيونها وتضم المخده/لا يا مشعل لااا قسم بالله اني مظلومه
ماجد انقهر من حالتها الصعبه... اخذ شوي مويه ومسح على وجهها/لوجين حبيبة ابوها
هدى دخلت/بنتي شفيها
ماجد/اظن تحلم بكابوس
لوجين فتحت عينها اللي غرقانه دموع، وشافت ابوها جانبها و ضمته وكأنه في احد يلاحقها/ابوي لا تخليني لحالي الله يخليك..
ماجد ضمها يهديها/بسم الله عليك.. اذكري الله يا بنتي..انا وأمك جنبك.. من قالك اننا بنخليك!!
لوجين تتنفس بسرعه وتخاول تهدي نفسها بعدما عرفت ان اللي كان قبل شوي كابوس..
هدى/قومي يا عمري غسلي وجهك وخلينا نمشي طيارتنا بعد ساعه
ماجد وهو يساعدها تقوم/يلا قومي حبيبتي
لوجين حست براااحه وهي بين أمها وابوها ابتسمت ببرائه وهي ساكته وحاولت تقوم..
ماجد ببتسامه باسها على راسها/يلا وانا ابوك ننتطرك تحت لا تتأخرين
لوجين/ان شاء الله
طلعوا امها وابوها وخلوها تتجهز..
لوجين اتجهت لدورة المياه وناظرت نفسها بالمرايه وتشوف بطنها اللي للحين مابرز/اللحين تأكدت اني لازم اتخلص منك،بأسرع وقت.. مابيك
/
/
/
/
/
/
/
/
في غرفتها.. جالسه ومقهوره..
تحاول تنام وماتقدر تنام من اللي سلبها راحة البال..
طلعت هنادي من غرفتها وهي تفكر( خليه ياخذهم معاه ..انا وش دخلني؟...راح يرجعون اكيد ما راح ياخذهم للأبد.. بس هذول ما يخافون الله يمكن يحرم اختي من اولادها وتموت قهر.. وهي مو ناقصه.. حياتها كلها كانت جحيم بسبب علي الله لا يسامحه، اخاف اذا اخذوا اولادها تموت حرّه... !! باين انهم ما يخافون الله وبإمكانهم يضحون بأي شي علشان يوصلون للي يبونه.. حسبي الله ونعم الوكيل.. يا ررب ساعدني.. واكتب لي الخيره)..
دخلت غرفة أولاد اختها.. وشافتهم نايمين وابتسمت بدمعه واتجهت لمؤيد وباسته وبعدها راحت لمازن باسته ونامت معه في سريره وهي تحضنه...
/
/
/
/
/
/
/
*مطار الملك عبدالعزيز (جـدّه) *
في صالات المطار...
رحلات مغادره ورحلات قادمه..
ماجد وهو واقف مع زياد/مشكور يا ولدي.. ما قصرت
زياد وعينه على لوجين/حاضرين للطيبين يا عم
ماجد/وبالنسبه للمياء لا تشيل همها خلاص.. مثلها مثل لوجين، كلهم بناتي
زياد/ثقه يا عمي مافي كلام
هدى/يلا زياد سلم لي على أمك
زياد وعينه تبي لوجين وبس/بيوصل ان شاء الله.
*لوجين جالسه لحالها وبهمها،..
زياد شاف ماجد انشغل راح يدور احمد واتجه للوجين وجلس جانبها/حتى بزحمة الناس سرحانه!!..
لوجين التفتت عليه بكسل ووقفت بعدما شافته جالس جنبها/لا ماني سرحانه..
زياد وقف ببتسامه/المفروض اللحين تكونين مبسوطه، انسي الماضي وفكري بمستقبلك بس، انسي مشعل وايامه، ترى فيه غيره يموت فيك ويتمنى رضاك.
لوجين كانت تبي تلحق ابوها وامها، لكن وقفت و التفتت تبي توقف زياد عند حده،وما يتمادى/شكراً على اهتمامك يا زياد ،لكن مهما كان ما اقدر أنسى ابو ولدي.
زياد وكأنه مكبوب عليه ماء بااارد/انتي حامل؟
لوجين هزت رأسها بالإيجاب/يب حامل..
زياد سكت وهو يصد مصدوم وقالها بدون نفس/مبروك
لوجين ما تبي مباركة احد على جنين "ناويه تسقطه" علشان كذا ما ردت/اوكي،عن اذنك.
مشت وتركته مو مصدق من المفاجأه اللي ما توقعها.
،
جلس زياد شوي وهو مصدوم لكن حاول يواسي نفسه.. (راح تكونين لي يا لوجين ،راح انتظرك . واذا كنتي حامل من مشعل؟..مايهم.. دامه طلقك..راح احب هالولد لأنه ولدك و راح تحتاجيني و تقبلين فيني، راح تفهمين حبي بيوم من الأيام.. وراح تعرفين انه أنا الوحيد اللي حبيتك رغم كل شي. انا راضي بكل ما فيك)..
رن جواله وناظر شاشته وابتسم وقام بيروح/هلا لموش
لمياء بالجوال/السلام عليكم..
،
،
بهاللحظات مشعل دخل الصاله وشاف زياد قدامه.. مستحيل ينساه...
زياد كان يكلم وهو ماشي..
مشعل تمنى لو انه شاف زياد بالشارع علشان يذبحه.. اتجه له ومشى خلفه.. لدرجة انه يسمعه وهو يكلم اخته...
ضل يتبعه علشان يمسكه برا المطار..
،
زياد يكلمها وهو مبسوط/حبيت ابشرك.. انا بالمطار و توني وصلت لوجين لطيارتها رحلتها كانت قبل شوي
لمياء بالجوال قربت تبكي/احححلللف كذاب ماني مصدقه هي من زمان ماكلمتني
زياد/اقسم بالله اني توني موصلها المطار و بكرا جااايتك.
لمياء صرخت من فرحتها/يا عمررري لوووجي اااااا
زياد بسعاده وأمل/بس شووفي بوصيك عليها
لمياء تبي تحره/لا يكون زوجتك ع غفله.. روووح عني بس هههه ناقص تقول حبيبتي
زياد بيقهرها ويضحكها/ايه ذكرتيني حبيبتي لوجين حامل وتعبانه شوي ابيك تنتبهين لها لا أوصيك فيها وفي الولد.. اخاف يأثر على الولد وعليها ..نبي نفرح عاد.
لمياء صرخت زياده وتنادي/رووووبييييين تعاااالي . زياد حسستني انه ولدك ههههههه
زياد كاتم ضحكته/ولدي و لازم اوصيك فيه
لمياء/مجنوون ههههههههه
زياد/ههههههههههه
،
،
هنا مشعل وقف وما كمل مشي وراه بعدما سمع كلام زياد عن لوجين بهالطريقه ويتكلم عن حمل لوجين وكأنه ابو الولد... لأن مشعل منصدم أصلاً انها حامل ..لأن محد قاله عن حملها أي شي.. وعرف ليش اهله ما قالوا له عن حملها، الحمل طلع من زياد.. وبعد هالتوصيات وكلمة حبيبتي لوجين ماتطيح من لسانه..
جلس على اقرب كرسي انتظار مقهور وحاسس بالخيانه وحرقه في داخل صدره ولسان حاله يقول:
[[رحلَت وفي يدي قلبٍ على كثر الوله "منصاااب"
وتركَت لخطوتي كلّي .. لأي درب توديني..]]

،،


يتبع... ،