من متى و الغصـن يختـار الطيـور..!!

20

  ،

‏مآ گسر ضلع الثقه غير الظنون ،
ومآ حفر قبر الودآع إلآ التغلي ..!!
،
،
،
"خوف من المجهول"..
كل شي مظلم حولها ..وماتقدر تشوف مستقبلها بعد اللي صار لها.. كل شي تغير.. هي ماعادت "لوجين" الأوليه..و اللي صار لها هدم ثقتها بنفسها وخيّب أملها..
حتى الحُب اللي كانت تظنه بيخلي مشعل يدور عليها تبخر وانتهى كل شي بالنسبه لها بعدما عرفت ان مشعل استعاد عافيته وما سأل عليها!! ... ضلت حبيست غرفتها من الليله الماضيه... من بعدما سمعت صوت مشعل بالتلفون ضاقت بها الوسيعه..
،،
في منزل الجد في "حي النهضه"..،
ام لوجين دخلت وتنادي/لوجييين،حبيبتي.. أنا جيت وينك؟
مافيه رد!!
هدى خافت وراحت تدورها بالمطبخ وبالغرف والمجالس اللي تحت ومالقتها.. وقررت تصعد فوق تدورها/لووجيييين
ام لوجين اتجهت لغرفة لوجين وهي مستعجله وفتحتها بسرعه وارتخت اعصابها/لوولوو.. انتي هنا!! خوفتيني يا شيخه.
لوجين جالسه بنص سريرها وتضم رجليها لصدرها وساكته وكأنها سرحانه/..!
ام لوجين اتجهت لها وجلست عندها وربتت على كتفها/لوجين وش فيك؟ ..قلت لك لا تهملين اكلك.. و شكلك للحين ما افطرتي!! ..ناسيه انك حامل!! "
لوجين تتكلم بوادي ثاني/مشعل ما سأل عني.
ام لوجين/هو بغيبوبه يا بنتي شلون يسأل عنك لا توسوسين
لوجين بقلب محروق/بس أنا اتصلت فيه بدون اكلمه
ام لوجين/وش قصدك؟..يعني هو اتعافى و صحى من غيبوبته؟!!
لوجين وهي موجوعه نزلت دموعها/مشعل معاد يبغاني يمه اتصلت على جواله و رد علي بنفسه..هو صحي من غيبوبته ويرد ع الاتصالات و ماكان فيه شي..مشعل خلاص نساني يمه.. ويمكن اللحين يخطط يتخلص مني بعد آه يمممه
ام لوجين ضمت بنتها وتهديها/خلاص يا بنتي وكلي ربك.. يمكن هو مابعد عرف شي عن موضوعك..وبعدين لا تخافين لو فعلاً مشعل يحبك ما راح يقتلك حتى لو أمره ابوه..
لوجين مو مرتاحه ابد وضلت تبكي بقهر/اقولك رد علي بنفسه يممه رد علي بنفسه.وكان صوته طبيعي، ليه للحين ما سأل عني ودور علي لييه
ام لوجين حست ان لوجين منهاره فعلاً من رعشة يدينها وهي تضم راسها بيدينها وتضغط عليه بقوه/لوجين اذكري الله.. لا تخوفيني عليك،لا تنسين انك حامل وسبق ونزفتي.
لوجين كرهت سالفة انها حامل، تركت أمها وهي ساكته واتجهت للحمام.!!
ام لوجين قامت واتجهت لها/لوجين لا توججعي قلبي،لا تسوين بنفسك شي، انتي مو لوحدك ..أمك معك
لوجين ضلت جالسه على طرف البانيو و محتفظه بسكوتها وهي تحس انها خلاص خسرت كل شي،..
/
/
/
/
/
الجنوب**
رجع اليوم للبيت وكان ما وده انه يرجع البيت،لكن لأنه مريض ومحتاج رعايه لازم يرجع للبيت ويستريح..
دخل مشعل البيت ويادوب يمشي ،بجبيره في يده اليسار و جروح طريه بجسمه، وقف وهو مايبي يطالع بالاماكن اللي جمعته في لوجين"/السلام عليكم
ام مشعل استقبلته بالاحضان/هلا يا ولدي هلا.. توو ما نوور البيت يا بعد هلي وناسي انت
مشعل ابتسم ابتسامه خفيفه واختفت بسرعه/الله يبقيك يمه..
زينه باسة راسه/الحمدلله ع السلامه يالغالي
مشعل/الله يسلمك زينه
ام مشعل/يلا روح غرفتك ارتاح.. اللحين تعبان ولازمك راحه.
مشعل/لا خليني شوي
زينه/اللحين روح ارتاااح لأن بالليل جايين خواتك يتحمدون لك بالسلامه وبكره عندنا استقبال وعزيمه علشان حضرتك..يعني اليوم اخذ راااحتك
مشعل اصلاً حاس بتعب ووده يتمدد لان رجله ملفوفه بسبب تمزق عضلي ورضوض من السقوط عليها وقت ما أُصيب...
ام مشعل/يلا يا ولدي ادخل ارتاح.. وعلى هونك لا تضغط على نفسك واجد..
زينه قربت منه/انا بساعده.. هات يدك
مشعل مشى وتركها/ما يحتاج... انا اعرف امشي لحالي..
زينه رحمته وهو يكابر على جروحه/براحتك
ام مشعل/اتركيه وروحي جهزي القهوه لابوك وعمك في المجلس..
زينه/طيب..
/
،
مشعل صعد للدور الثاني بصعوبه.. و اتجه للجناح حقه هو ولوجين وقف وهو يتذكرها و تمر صورتها قدام عينه..
اتجه للجناح ودخل لغرفتهم وناظرها بنظره بانوراميه وتذكر كل شي صار بهالغرفه.. ابتساماتها ونظراتها الناريه وشكلها وهي تصرخ عليه وشكلها وهي تطرده من الغرفه وشكلها وهي كاشخه وواقفه هناك عند التسريحه وتتعطر..
وشكلها وهي تحاول تتقرب منه وهو يتركها ويمشي..!!
وهو ياما تقرب لها وصدته!!
أصلا علاقتهم كانت مضطربه من بدايتها!!
وآخر شي تذكرها وهي تلبسه الكبك في أكمامه ونظراتها الدافيه له.. استغرب من هذيك النظرات وماعرف وش تفسيرها.. وبالوقت نفسه كره هالنظرات اللي كانت آخر نظرات و من بعدها هربت...

/
/
/
/

جــده;
University mall*

كانت واقفه بمحل ومحتاره بين بلوزتين ايهم تاخذ!!
هي نفس الموديل بس الالوان تختلف.. تكلمت بدون تلتفت لصديقتها اللي جايه معها للسوق/شرايك اخذ اي لون والله محتاره
صوت رجالي من وراها/اخذي الزرقاء احلى على بياضك
هنادي ألتفتت وهي خايفه وانصدمت انه "جابر" وقصرت صوتها عن الفضيحه/وجع ان شاء الله يا وقح
جابر مبتسم ببرود/شتايمك اسمعها مدح مدري ليه
هنادي حاولت تبعد عنه بحذر/هذا لان ماعندك ذرّة رجوله،ابعد عن طريقي
جابر ابعد عن طريقها وهو هااادي ولا كأنه مسوي شي/...
هنادي طنشته ومشت باتجاه صديقتها وبنت خالها بنفس الوقت وهي معصبه وتهمس بأذنها/وين رحتي عني"عهود" انتي ليش تخليني لحالي!
عهود اللي تحط لثام/بسم الله عليك ..اللي يسمعك يقول تركتك بالصحراء لحالك!! ترانا بنفس المحل!
هنادي بتوتر/اقعد بصحراء لحالي.. ولا اشوف هالكلب الوسخ قدامي ..تعالي مشينا
عهود استغربت/مين الكلب ده؟.. وبعدين دووبنا جايين المول، وانتي عارفه انو السواق علّه مو بالساهل يجي
هنادي مسكت يد عهود/تعااالي بسرعه بسس ضاق صدري.
طلعوا من المحل.. و "جابر" يطالع فيهم من بعيد ويتوعدها بداخله..وبقلبه عليها نوايا شرّ وأذيه..
،،
،
،
،
،
اتجه مباشره لبيته... و دمه يغلي واعصابه مشدوده.. كل تفكيره منصب على بنته اللي ما يعرف مكانها.. ويناظر بالورقه اللي معه وهو مصعوق من اللي مكتوب فيها..
وصل البيت ولاحظ عدم وجود سيارة السايق!! /الوضع فيه إن يا هدى.. غيابك كل يوم عن البيت شي مو طبيعي..
طلع جواله واتصل في السايق/الووه.. سيف
السايق بالجوال/الو سير
ماجد/سييف انت وينك.. ليش مو موجود في البيت
السايق/انا في ودي مدام مشوار
ماجد/وين؟
السايق/هذا بيت ابو مدام
ماجد استغررررب اكثرر/سيف في احد موجود والا بس مدام
السايق/ايوه فيه..
ماجد وكأنه حس بسعاده/سيف مع السلامه...
سكر جواله اتجه مباشره لبيت "حي النهضه"..
/
/
/
/
/
/
ماصدقت انها وصلت البيت..
جلست ع اقرب كنبه في الصاله وهي تلتقط انفاسها وكأنها كانت "تجري"..
نسرين اقبلت وجلست قبالها ببتسامه/ايش صاير... اشوفك راجعه من السوق بدري!!
هنادي/مالقيت شي يعجبني
نسرين/ما امداكي ..لسه قبل شوي رحتي!! قولي لي وش فيك..
هنادي بتأفف/نسررريين بلا تحقيق في شي تافه.. وين مؤيد و مازن
نسرين استغربت تصرفاتها بس ماعلقت/نايمين
هنادي شهقت/نايمين هالوقت!!! بروح اصحيهم
نسرين/وانا بروح انام ..ويا ويلك ان ازعجتوني انتي والاولاد.. ترى انا صحيت بدري وبين غسيل وتنظيف.. ابي ارتاح شوي،
هنادي وهي رايحه/طيب..
/
/
/
/

الساعه5بعد العصر..
وصل البيت المطلوب ونزل مستعجل وقلبه يقوله بيشوف حبيبته نور عيونه.. دق الجرس بشكل فوضوي..!!
،
داخل البيت*
فزت ام لوجين من الخوف/لوجين انتي قايله لأحد عن مكانك؟
لوجين جالسه ببرود غريب/لا مين يعني بيجيني
ام لوجين/الله يستر من هذا؟
لوجين قامت/انا رايحه افتح الباب
ام لوجين/لااا استريحي اخاف يكون عمك مرسل احد..
لوجين/ما عاد يهمني
ام لوجين عقدت حواجبها بعصبيه/لووجيين اجلسي ما راح نفتح لأحد مهما كان
لوجين استرخت على الكرسي وهي تحس بخمول/براحتك
رن جوال أم لوجين وارتبكت/لوجين هذا ابوكِ
لوجين ابتسمت براحه وعيونها تلمع/اش قد اشتقت له هالرجال..
ام لوجين/خليني أرد عليه.. غريبه دق هالوقت علي!
فتحت جوالها وردت/الو
ماجد بالجوال/هدددى ليش ماتفتحون لي الباب تعبت وأنا ادق الجرس
ام لوجين وقفت وهي متفاجأه/يعني انت اللي ترن الجرس؟!!
لوجين عدلت جلستها و قلبها ينبض بشكل متسارع/ابوي!!
ام لوجين وهي تهز راسها للوجين/طيب حبيبي اللحين افتح لك
لوجين بدون شعور قامت بنشاط واتجهت للباب مستعجله وفتحت الباب وعيونها تدور وجه اعز انسان على قلبها،نطقت بصعوبه/ابووي
ابو لوجين دخل وسكر الباب وهو منقهر من شكل بنته الذبلان/رووح ابوها
لوجين نزلت ليده وباستها وضمتها لخدها اللي مبلوله دموع/اشتقتلك يالغالي
ابو لوجين رفع راسها وحط عينها بعينه وهو يتأمل وجهها النحفان وتحت عيونها أحمر ومبين هزيله ولونها مصفر، حس بالقهر وضمها وهو يتذكر لمن كان يضمها وهي صغيره وضحكاتها اللي كانت تتعالا،لكن اللحين يضمها وبصوتها نبره حزينه،ضمها وباسها على جبينها وهو يبتسم وسط دموعه/والله لو يقولون بحقك ما يقولون ما يوصلون لطهرك ولا مواطي اقدامك،و من رمى شرفك بالسيئه "الله حسيبه" وعساه يلاقيها بدنيته واخرته
لوجين فرحت من قلبها لأن ابوها ما صدق كلام عمها/ادخل ي الغالي وقفتك كثير
ام لوجين تناظرهم وتكفكف دموعها بسكات..
ابو لوجين/انا ماراح ادخل .لكن انتي بتدخلين تجيبين اغراضك، ويلا على بيت ابوكِ محضر لك اشياء تبسطك
لوجين بخوف/بس يا ابوي انا خايفه عليك من عمي لو عرف اني عندك
ابو لوجين وهو يمسح على راسها/لا تخافين هالمره ابوك تعلم الدرس.. وراح اوقف بوجه الكل.. وبديت بالشرطه وقدمت شكوى ضد بو مشعل ومشعل.. و طلبت من الشرطه انهم ياخذون منهم تعهد بعدم تعرض يعني اللحين انتي بحماية الحكومه.. محد بيقدر يأذيك يا بنتي
لوجين استغربت/ايش دخل مشعل مع ابوه!! ؟
بو لوجين وهو عاقد حواجبه بغضب/وش تنتظرين من واحد.. مطلقك غيابي!!
لوجين ما صدقت من صدمتها،وابتسمت وعيونها تلمع دموع/لا ماصدق مشعل ما يسويها..بابا الله يخليك لا تمزح
ابو لوجين طلع ورقه وفتحها ومدها عليها/اقري بنفسك الورقه..علشان تقتنعين
لوجين شافت الورقه وقرأتها بتمعن وطاحت الورقه من يدها وتركتهم ومشت بخطوات هااديه وغريبه، مشت باتجاه الدرج وكأنها تبي تصعد..
ام لوجين لحقتها/لوجين فين رايحه
لوجين أشرت لها توقف/خليني يا أمي انا رايحه ارتاح شوي.. انا في كابوس ولازم اصحى منه..
صعدت فوق وتركتهم..
ام لوجين ألتفتت على ابو لوجين/ليش طلقها بهالسرعه!! هدول الناس اشفيهم على بنتي
ابو لوجين بضيقه/كذا احسن حل.. مع ان طريقة الطلاق قهرتني.. إلا اني فرحت به..عسى في الأمر خير لها
ام لوجين جلست وهي تحط يدها على راسها/أي خيير بس اي خيير..
ابو لوجين استغرب/وش فيك.. صاير شي ماعرفه
ام لوجين التفتت عليه ودموعها تصب/بنتنا حامل يا ماجد
ابو لوجين سكت مصدوووم وماقدر يقول كلمه وحده!!..
/
/
/
/
/
/
/
/
على شرفة القصر ذات الاطلاله الساحره واقف ويطالع بمدرجاتهم الزراعيه اللي توهم انتهوا من حصادها.. واقف ويحاول يشم هواء نظيف بعد كمية الضيقه والحقد اللي لوثت صدره،
بعد لحظات برق ورعد.. امطرت السماء.. والمطر مثلما يقولون "يجدد حنين الفاقدين"
تذكر اللقاءت اللي جمعته فيها في هالشرفه"البلكونه"..
تنفس بعمق وغمض عيونه يتخيل ملامحها وحديثها معه...
تنهيده طوويله وهو يتخيل ابتسامتها ومسكتها ليده قدام العايله اذا أمه ضايقتها بالحكي..
"كل شي يذكره فيها"
ماتوقعها تتركه وهي اللي قد قالت له(روحي تعلقت هنا مابين المطر والغيم)..!!
... .صوت من وراه/مشعل
مشعل ألتفت عليها بهدوء/هلا زينه
زينه مدت عليه كوب قهوه/استريح ما يصير تضل واقف كثير
مشعل اخذ كوب القهوه وجلس وضل سرحان/..
زينه تناظر فيه بقهر وهي تشوف ملامح الحزن على وجهه وفي نبرة صوته/وين سرحان؟
مشعل ما سمعها/...
زينه ابتسمت/ياهووووه
مشعل انتبه لها/وش فيك
زينه تبي تمازحه وتغير نفسيته/ابد طال عمرك بس انت محسسني وكأني طاوله او مزهريه.. اجيك ابي اسولف معك وتسرح وما تطالعني حتى
مشعل ابتسم/قوولي وانا اسمعك..
زينه/شرايك نسافر
مشعل يمازحها/واثقه من نفسك.. من قال اني اذا سافرت اخذتك معي
زينه/يعني بالله من بيوسع صدرك وبيونسك بالسفر.. ترى انا فررصه لا تخسرها
مشعل/خفي علينا يا آخر حبه ههههههههههههه
زينه استانست انه ضحك/فديييت هالضحكه ههههههه
/
/
/
/
;

مروا يومين ع الأحداث السابقه... *
في بيت ابو زياد..
نازله ام زياد من فوق وهي لابسه وكاشخه بيدها اليمنى عبايه والثانيه شنطه...
زياد كان دووبه داخل و بابتسامه/السلام عليكم
ام زياد/وعليكم السلام ..
زياد/على وين النيه يالغاليه
ام زياد/رايحه لبيت اختي.. بنتها عندها اليوم
زياد ما صدددق/من جدك انتي؟..لوجين هناك ما اصدق
ام زياد/لا صدق.. هي عندهم وطلقها زوجها بعد
زياد الفرحه مو سايعته ابد/الحمدلله اللي رجعت خطيبتي
ام زياد/لا تأمل كثير بس... اجل ناوي تتزوجها وهي مطلقه!!
زياد استغرب كلام أمه/انتي تقولين هالكلام!! وهي بنت اختك!!
ام زياد/مو قصدي اني اقلل منها بس توقعتك بتكرهها بعدما تزوجها غيرك
زياد ضاق صدره/حاولت يمه اكرها ومع كل محاوله احبها زياده مو بيدي..
ام زياد/لوجين مافيها شي ينعاب.. لكن ماظنتي بتتزوج بعد كل اللي مرت فيه..
زياد جاه احباط وما علّق/...
ام زياد قامت وهي تلبس عبايتها/تأخرت تجي توصلني..والا اروح مع السايق
زياد/بوصلك أنا..
/
/
/
/
/

في غرفتها الصغيره بالدور الثاني من بيتهم المتوسط الحجم ..
جالسه هنادي وتذاكر وهي مركزه.. بكره عندها اختبار ومصممه تحصل الدرجه الكامله في هالماده بالذات خايفه من تهديدات الدكتوره، ومتضايقه/يالله وين ملزمتي عهود للحين ما ارسلت لي شي!!
**رن جوالها بصوت نغمه واتساب وافتحته.وقرأت المسج وهي مستعجله
[ ارسلت لك اللي تبين.. انزلي وتلاقين الاغراض،تحت]
سكرت هنادي الجوال و طلعت من غرفتها مستعجله،...
،
تحت عند باب البيت.. وصلت وفتحت الباب... وتفاجأت به واقف قدامها وماسك الملزمه حقتها!! ، واستنكرت/ااانت
جابر بإبتسامه تغيض هنادي/مسا الورد.. اخوص صديقتك ترك الكتاب هنا وراح
هنادي استوعبت و سكرت الباب بسرعه .
جابر مد يده ومنعها ودخل غصب عنها ومسكها قبل تهرب/ ليش يا حبيبتي تسوين فيني كذا
هنادي انقرفت من يده اللي تثبتها ع الجدار/حبك برص.. ابعد عني
جابر/انتي شفيك علي.. ليش من اول ما شفتيني تحتقريني
هنادي/شي طبيعي ما شفت قدامي رجال...
جابر ضربها كف/قليلة ادب
هنادي ضحكت تكيده/على اساس انو قمة الأدب اللي انت قاعد تسويه فيني... اتركني يا جبان
جابر/لا تستفزيني يا بنت ترى مو من صالحك
هنادي/لو عرف خطيبي باللي انت سويته ما راح يرحمك.
جابر انصدم وعقد حواجبه/انتي محد راح يتزوجك غيري مفهوووم
هنادي قالتها بقررف/نعم نععععم!!
جابر/شفيك ؟!!
هنادي/سلامتك. ..يلا يلا اتركني وروح واوعدك ان اللي صار بيكون سر وما بفضحك بس انقللللع برررررااا
جابر ببتسامة خبث تركها بقوه/انا بطلع لكن مو خوف لكن بنشووووف من اللي بيتزوجك يا انسه... انا والا خطيب الغفله اللي تتكلمين عنه
هنادي/اعلى ما بخيلك اركبه براااا
طلع جابر وهو معصب ع الآخر.. وكل الافكار الشيطانيه تدور برأسه ويتهدد (ان ما كسرت خشمها وجبت راسها غصب ما كون جابر)
.
سكرت هنادي الباب وهي تعدل قميصها القطني الطويل وتحاول تتناسى تهجم جابر عليها لأنه فقط عم (مؤيد ومازن) وهالأثنين نقطة ضعفها بهالدنيا تعشقهم هي اللي ربتهم مع اختها اللي كانت شاهده على معاناتها..
..دخلت غرفتها وهي تغلي،من حقدها عليه/جهنم اللي تحرقك يا واطي. ..
/
/
/
/


كندا* *
جلست بنات و قهوه عصريه في بيت سعود.. نفسية ندى تغيرت بعدما تعرفت على هالبنات..
لمياء وهي تشيل البيبي بيدها/يا حلات هالولد،يا ناس.. احسه ولدي مدري ليه ههههه
البنات/ههههه
روبين/يمكن علشانك اول من شاله وشافه بيديك ..
ندى ببتسامه/انتي العرابه حقت ولدي يا بخته..
روبين/المشكله ما يقرب لك يا لمياء.. اذا كبرتي وعجزتي ماراح تشوفينه هههههه
لمياء بابتسامه/من يقوول بس.. (متعب)راح ازوجه بنتي وبكذا بيكون ولدي ومحرم بعد ..
ندى/هههههههههه
روبين تستهبل/على كذا يبي لك تستعجلين شوي هههههه
لمياء/مدري ليه هالتوتو مخرفني هههههههه
ندى/كلما تقولين توتو احسه بنت ههههه
الكل/هههههههه
روبين قامت/يلا انا ورانا محاضره يا لمياء ترى ما تشبعين من متعب
لمياء قامت وحطته في سريره وباسته/باي حبيبي.. انا رايحه بس لا تخاف بجي اشوفك قبل انام
ندى بمزح/لااا انا كذا شكلي بغار
لمياء/احمدي ربك ما اخذته ونومته معي
روبين/ههههه تسوينها والله
ندى/اهم شي ترجعينه لي هههههههه
لمياء/اي عادي ارجعه بس خليك عاقله لا تخليني اسحب منك الامومه هههه
روبين وهي تمسكها/لمياااا مششينا يا عاشقة متعب
الكل/هههههههه
طلعوا البنات... وتركوا ندى اللي توها تعيش احلى لحظات حياتها... بعدما عاشت في جحيم سعود سنوات الغربه والتفكير المتحجر اللي ماخلاها تطلع تشوف الناس او تتمشى حتى!!..
/
/
/
/
/

السعوديه_جده

بيت ابو لوجين..

ام لوجين واقفه عند سرير بنتها/هيّا يا بنتي انزلي لخالتك وسلمي عليها... لمتى بتحبسين نفسك كذا
لوجين وهي تخفي وجعها/يا أمي انا تعبانه ومافيني اقابل احد بهالحاله
ام لوجين/بس هذي مو اي احد هذي خالتك الوحيده لا تكسرين بخاطري.. وتعالي معي هي حابه تطمن عليك
لوجين باستسلام/خلاص.. طيب انا راح انزل لكم.. اسبقيني انتي
ام لوجين انبسطت/الله يرضى عليكِ دنيا واخره..
لوجين اكتفت بابتسامه صغيره سرعان ما اختفت //.
راحت ام لوجين..
لوجين قامت من سريرها واتجهت للمرايه تدور لها ربطه علشان تلم شعرها واخذت ربطه ولمت شعرها بشكل ذيل حصان وهي تتأمل نفسها بهاللبس كيف نحيييفه ولونها باهت.. لابسه ليقنز أزرق وبلوزه سوداء طويله شوي..وشوز اسود...
نزلت وهي تحسب خطاها..
اقبلت عليهم وهي تحاول تبتسم وتفرد وجهها/السلام عليكم
الكل/وعليكم السلام
ام زياد وقف لها بابتسامه عريضه/هلا بلوجيين
لوجين سلمت عليها بابتسامه/هلابك خالتي.
ام زياد وهي تمسح على راس لوجين وتجلسها جنبها/وش هالجمااال ..وتقولي أمك متغيره!! الا محلووه اكثر وكبرتي
لوجين ابتسمت/الجمال بعيونك انتي يا خاله
ام لوجين/خالتك تبالغ لا تفرحين انتي نحفانه بالمره
لوجين/ههههه قد ما اكبر اضل بعين أمي صغيره
ام زياد/الأم مهما كبروا عيالها تضل تشوفهم اطفال.. بكره تحملين و يجيلك اطفال وتعرفين اللي اقصده
لوجين عورها قلبها من هالسيره وماعلقت!!
ام لوجين لاحظت ربكت بنتها وتغير لونها/تفضلوا خلونا نتقهوا..
ام زياد لاحظت ان الجو تكهرب/!!
لوجين قامت وهي متوتره/عن اذنكم رايحه دورة المياه..
راحت بسرعه..
ام زياد/هدى اي فيها لوجين كأنها زعلت
ام لوجين باحباط/البنت حامل.. وبعدما انصدمت بالطلاق الغيابي كارهه نفسها وكارهه الحمل ومو طايقه الدنيا..
ام زياد/يا قلبي عليك يا لوجين.. طيب ايش ناويه عليه
ام لوجين/والله ماني عارفه.. لكن ابوها يقول مجهز لها مفاجأه ..راح تنسيها زوجها وكل شي..
ام زياد/الله يكون بعونها.
/
/
/

في دورة المياه..
واقفه لوجين عند المغسله وتغسل وجهها وهي تعاهد نفسها ماتبكي بعد هاليوم ابد.. راح تقسي قلبها وتدوس على قلبها وماتتذكر مشعل حتى بينها وبين نفسها..
شافت بطنها اللي مابعد برز في المرايه وانقهرت وعقدت حواجبها وهي تعقد النيه وعيونها لامعه كلما تتذكر طريقة طلاقها وترك مشعل لها بكل برود العالم تكرهه((ما راح تضعفني.. وراح انزلك قبل تكمل الشهر الثالث، لو ان روح لوجين متعلقه فيك يا حبيبي راح امحيك وياليت ينمحي حُب ابوك معك..))
/
/
/
/
/
/
/
أبها.. *
في غرفه شبه مظلمه ..نايم عزيز اللي غايب عن الوعي من اسابيع!!
واقف مشعل عنده وهو يحاول يضبط اعصابه وما يبكي، مد يده ومسح على راسه وهو يهمس له/سلامتك يا عز الخوي.. الله يقومك لي بالسلامه.. تدري لو قمت بالسلامه وش بسوي يا عزيز؟!
اقسم اني لا اسوي لك احتفال يظل اسبوع كاامل.. انت بس قوم لي.. قوم ترى حالي بعد مايسر ..
..
الممرضه من وراه/خلاس بابا.. زياره خلس
مشعل نزل راسه وقبل جبينه/استودعك الله.. انا لازم اطلع لكن اوعدك اني ما اقطع زيارتي لك لو صار ما صار.. ولا تخاف انا راح اسافر لأختك وبطمنها عليك..
طلع مشعل من غرفة عزيز... وفتح جواله واتجه لسيارته اللي يسوق فيه السايق..
تفاجأ برنة جواله رسالةsms.. وفتحها وتفاجأ من المرسل له
[من اخذ حاجه ماهي له.. لازم انه يتركها بيوم من الايام، والا هي اللي بتتركه، لا تحسب ان كل شي ينوخذ بالقوه يا مشعل.. شف زوجتك رغم كل اللي سويته تركتك علشان الشخص اللي هي تبيه وتحبه ورجعت الحقوق لأصحابها، يالشيخ!! ]..
،تنرفز من المسج واخذ الرقم ونسخه في النمبر بوك وسوى بحث ولقى الأسم مكتوب بأسم "زياد"
هنا مشعل ضرب بيده على الطبلون وصرخ بعصبيه غير معهوده في مشعل/..
السايق وقف والتفت عليه/ايش فيه سير؟
مشعل حاول يرجع يضبط اعصابه/ماعليك مني كمل طريقك
السايق استغررب عصبية مشعل الغير معهوده/..
/
/
/
/
/
/
في مكتبه ويكلم السكرتير/هاه اكدتوا على الحجز
السكرتير/ايوه.. اربع تذاكر
ابو لوجين/حلو... انا بكره رايح القنصليه الكنديه.. واخلص اوراق اعتماد الفيزا.. اسمعني هات لي البريد كله وكل الاوراق تبع مشروعنا اللي تو خلصناه ابيها تكون جاهزه عندي،ابي اخلصها قبل اسافر
السكرتير/حاضر...
طلع..
بو لوجين وهو يسترخي بكرسيه/هذا اللي كان لازم يصير من زمان..
/
/
/
/


يتبع