من متى و الغصـن يختـار الطيـور..!!

17

وبين الطير والغصن صارت قصة عشق.. لو ما اختار كل منهم الثاني..!!
الطير غرد والغصن تمايل طرب.. نسمات ربيع هبت عليهم واسعدتهم ليالي... لكن.. .

لكن هبت هبوب الصيف وانكسر الغصن.. وطاح الطير جريح يشكي أوجاعه..!!
،
،
،
مرت اسابيع على الأحداث السابقه..
قامت من نومها متأخره بعدما أزعجتها رنة تلفونها.. ومدت يدها بكسل للجوال من تحت اللحاف واخذته وردت بصوت كسلان/الووه
ام لوجين بالجوال/السلام عليكم حبيبتي
لوجين وهي تحاول تصحصح/وعليكم السلام..
ام لوجين خافت/لولو ايش فيه صوتك
لوجين اخذت نفس وهي تبتسم لصوت أمها/ما في شي يا أمي كنت نايمه
ام لوجين استنكرت/نااايمه!!.. انتي عارفه كم الساعه دحين
لوجين ناظرت لساعة جوالها/راحت عليّا نومه.. ايش اسوي
ام لوجين/هيّا قومي وافطري.. لا تقعدين كذا
لوجين وهي تتثاوب/حاضر يا أمي
ام لوجين/يلا أنا اسيبك علشان تقومي وتصحصحي..سلام
لوجين سكرت الجوال وتركته على السرير واستقعدت بخمول، حست بدوخه بسيطه بس طنشت ونزلت من السرير.. وأول ما وقفت حست بغثيان خفيف ..واتجهت لدورة المياه.. ،
ناظرت في مراية الحمام وهي تعاتب نفسها/الدوخه هذي اكيد آخرت كثرت النوم وقلة الأكل يا لوجين.. تستاهلين.
رن جوالها مرّه ثانيه وطلعت ترد، شافته مشعل ردت/هلا مشعل
مشعل بالجوال/صبح صبح يا حلو، اخيراً قمتي!!
لوجين ابتسمت وهي تجلس ع طرف السرير/مشعل ليش ما صحيتني، طوولت بنومتي
مشعل/صحيتك بس ماحسيتي علي..
لوجين/اهاا.. طيب ليش متصل علي اللحين... مو انت راجع من الدوام بعد شوي
مشعل/ايووه اتصلت علشان اقولك تجهزي نبي نطلع انا وياك نتغدا برا ونتمشى
لوجين فرحت/من جد!!... وين؟
مشعل/ماحددت مكان معيّن ..المهم تجهزي وبس
لوجين تحمست/اوكي..
/
/
/
/
/
في استراحة "جابر"..
جالس وهو مستغرب من هالآدمي اللي جالس قباله ومحتار كيف يعطيه 100الف بدون ضمانات.استغرب من حقد اخوه علي.. مهما كان ما يستأجر قاتل لأبن عمه.وبين صراع فكري داخل راسه...!
حسين تكلم بعدما شرب فنجانه/هااه يا جابر.. وفرت المبلغ المطلوب والا للحين
جابر بنظرات شك سكت شوي ثم تكلم/المبلغ متوفر بس ابي ضمانتي،
حسين/عييب عليك.. يا رجل اذا ماجبت لك خبر يسعدك خلال هالاسبوع.. لا تعطيني الميه الباقيه..
جابر/مضطر اتعامل معك لعيون اخوي علي... شكله يثق فيك
حسين يمسح جوخ ويكذب/اخوك علي كفو ورجاال، ماتهمه الفلوس كثر ماتهمه سمعته.. و تعامله مع الرجال اللي مثلي وشرواي..
جابر وهو يقوم غصب عنه/نشووف.. انا رايح اجيب لك الفلوس
حسين استرخى في جلسته وهو يناظر المكان بخبث( صدق أغبياء وقليلين مرجله.. اجل فيه رجال صاحين.. يتآمرون على ولد عمهم!!. عزالله انهم ماتربوا ولا يعرفون المرجله.. أصلاً انا مالي دخل فيهم انا جاي أنفذ مهمه واخذ من هالخبلان فلوس واضحك عليهم ههههه)
/
/
/
/
/
/
نرجع للقصر... ،
نزلت لوجين للصاله تحت وعلى ذراعها اليسار عبايه وبيدها اليمين شنطه ولابسه بنطلون اسود ضيق وبلوزه بيضاء شفافه واسعه شووي و اكمامها طويله وساحبتها لنص الذراع وتحتها بدي ابيض ولامه شعرها كلّه بربطه وصاير كأنه ذيل حصان ..
جلست تنتظر مشعل وتناظر جوالها بيدها ..

شافتها ام مشعل اللي كانت ماره/يالله مساء خير.. على وين النيه ان شاء الله
لوجين ببتسامه رايقه/طيب قولي السلام بالأول.
ام مشعل/السلام لاهل السلام..ردي على سؤالي وين بتهيتين بعد؟
لوجين تعلمت تضبط اعصابها معها/طيب و اذا قلت لك مابي أجاوبك..!!
ام مشعل/ما تستحين وما تربيتي و...
لوجين قاطعتها و كملت عنها/وبنت شوارع وقليلة شرف.. و و و ..وربي حفظتها
ام مشعل بنظرات سخريه/زين اللي عارفه نفسك ان ما طيرتك من هالبيت ورميتك رمية كلاب ما اكون ام مشعل
لوجين وهي تحس بغثيان ثاني قوي قررت تنهي هالجدال/الله يسامحك،انا طالعه مع مشعل بعد شوي،مافي شي مهم يعني.
ام مشعل/الله يعين ولدي هالمغفل اللي ما يدري وش انتي مسويه وراه
لوجين ما قدرت تحمّل،تركتها تتكلم و راحت ركض للحمام وتستفرغ/...
ام مشعل استغربت/عساك من هالحال وأردى.. تستاهلين
لوجين حست بحرقه وضعف لأنها جوعانه وما افطرت و تستفرغ..ناظرت في وجهها ومسحته و حاولت تكون طبيعيه وطلعت تفاجأت بأم مشعل قدامها ووقفت/. .!!
ام مشعل بنظرات شك/انتي فيك شي ومخبيته؟
لوجين استغربت/شي مثل ايش؟
ام مشعل بنظرات احتقار/ما يندرى عنك
لوجين مافهمت وش قصدها/جوالي يرن اكيد مشعل برا ينتظرني.. سلام
مشت وتركتها..
ام مشعل وقفت مكانها وهي تفكر وتحسب براسها/بعد ثلاث اسابيع من راح ولد خالتها.. وياخوووفي منها لا يكون اللي خفت منه حصل!!.
/
/
/
/
/
/
في بيتها
وجالسه تحس بتعب ومغص خفيف
سالم كان داخل يبي ياخذ شماغه من الغرفه واستغرب/ساره فيك شي؟
ساره تحاول ما تبين شي/لا ..اقصد يعني ألم طبيعي وبيرح
سالم/وش دراك انه طبيعي،يمكن في مشكله
ساره تخااف من المستشفيات/لا لا.. مافي شي صدقني.. اللحين برتاح بسريري شوي وبيروح كل الألم. لا تخاف
سالم بإلحاح/ساره اذا فيه شي لا تخبين علي أنا مسافر لجازان مهمة عمل.. مابي اخليك وراي تعبانه
ساره/يوووه يا سالم روح شغلك وانت متطمن ترى صدعت راسي.. مافيني شي.. غصب تمرضني!!
سالم/اذا حابه تروحين لأهلك اوديك
ساره تذكرت ان الكل بيضخم الامر وقررت تجلس/لا بجلس.. واذا انت بتطول بتصل في سواق اهلي يجي ياخذني
سالم/طيب مو مشكله.. سلام
ساره/استودعتك الله... اقرأ دعاء السفر
سالم ابتسم لها وهو طالع...
ساره رجعت تستلقي على السرير وهي تحس بالمغص يزيد معاها...
/
/
/
/
/
/
يدين الغدر تدبر في صمت... يمشي في طريقه وراهم وهو ينتظر الفرصه المناسبه علشان ينفذ مخططه..
حسين وهو يكلم نفسه ومبسسسووط( شكل هالمهمه سهله.. وما راح احتاج هالمسدس دام ان زوجتك معك يا مشعل .بتروح ووطي هههههه)
/
/
/
/
/
من جهه أخرى.. ،
،
مجنون بك وأعترفلك صرت مجنونك
لا الذنب ذنبي ولا ذنب الهوى ذنبك
لو كل هالناس بعيوني يشوفونك
إن كان ذاب بغلاك العالم و حبك

بعد ما تغدوا في مطعم.. اتجهوا للتمشيه وتعويض اللي فات..
في منتزه "ابو خيال" ..الضباب يعانق الاشجار والأراضي الخضراء في مشهد خرافي يحكي قصة عشق السحاب لأحضان الورق... في نص الاسبوع مافي احد ..ومافيه اجازه رسميه يعني هدووووء ومافي زوار..
لوجين نزلت من السياره وهي مبهوره وتناظر المكان بنظره بانوراميه ومبسووطه/...
مشعل نزل ووقف جنبها ومد عليها كوب القهوه/شرايك بالمكان..
لوجين وهي تاخذ كوبها/فتنه فعلاً خيااال
مشعل يطالع بعيونها اللي تناظر المكان وتنهد/فعلاً فتنه
لوجين/تعال نتمشى شوي
مشعل/بس ما راح نطول.. ابي اوديك مكان ثاني
لوجين وهي تفسخ النقاب/اللحين خلني استمتع بهالمكان وبعدها نروح غيره..
مشعل ابتسم على حماسها/تحت أمرك
صاروا يتمشون ويحكون مع بعض ويضحكون ويعلقون..
لوجين ترددت وبعدين تكلمت/عادي اتصور معك سيلفي؟
مشعل تردد/ما يصلح
لوجين ببتسامه ساحره/بلييزز
مشعل ماقدر يقاوم/اوكي بس انتبهي مابي الصوره يشوفها احد..
لوجين وقفت جنبه ولصقت ووراهم الخضره والاشجار/123 تشيييييزز
وصلوا لحد كرسي خشبي طويل تحت شجره كبيره.. وجلسوا..
لوجين سرحت في المكان وابتسمت/..
مشعل بابتسامه/وين وصل بك خيالك
لوجين بواقعيه/ولا شي ...المفروض ما نتكلم هنا عن خيالنا
مشعل استغرب/ليش؟
لوجين/الحياه بهالمكان ممنوع فيها لمثلي الاحلام والتخيلات..
مشعل تفاجأ انها ما نست/للحين شايله بقلبك؟
لوجين التفتت عليه/وتظن ان اللي صار لي هنا شي بسيط وسهل نسيانه!!
مشعل تذكر اللي صار وحاول يفتح موضوع/يعني مافي شي حلو صار لك من جيتي هنا
لوجين هزت راسها بالنفي/ولا شي.. باستثناء زيارة زياد ولموش، انبسطت فيهم شوي وراحوا .
مشعل انقهر بس ما بيّن، مد يده ليدها ومسكها/انتي اطلبي بس وش تمنين واوعدك راح تنبسطين
لوجين التفتت عليه وكأنها تختبره/يعني بتقدر تخليني اكمل دراسة الطب حتى لو داخل السعوديه بدل كندا؟!!
مشعل انربط لسانه ماقدر يرد،لأن هالموضوع مو بيده لحاله في هالديره/
لوجين ابتسمت/شفت،... مابيدك تتحكم فيني مع انك زوجي ،،انت تبع عادات وتقاليد اهلك.. مافيك تسويلي شي، لذلك لا توعدني بالسعاده وهي مو بيدك..
مشعل سكت وهو مو قادر يلاقي لها جواب.. ،
،
بالجهه البعيده.. من بين الأشجار واقف "حسين" ويضبط سلاحه ويركب كاتم الصوت .. ويحاول يركز تصويبه...

،
مشعل رن جواله ورد/هلا زينه... كييف؟.. سااره وش فيها يا بنت؟... طيب طيب انا جاي حالاً..
لوجين خافت/مشعل وش صاير؟
مشعل وهو يوقف وقلقان/يقولون ساره تنزف..وحولوها لمستشفى في ابها.. تعالي نروح
لوجين وهي تلبس نقابها/يلا وش تنتظر..
مشوا مستعجلين..،
،
حسين حس بإحباااط لأن الفرصه كانت مواتيه له.. والمكان فاضي، بس راحت عليه/اخخخ يالقهر.. المره الجايه ما راح تفلت مني..
/
/
/
/
/
/
بالمستشفى.. *
ساره بعدما حست بالعافيه تسري بعروقها نامت ..
زينه جالسه عندها وتراقبها/يمه اختي نامت
ام مشعل/اكيد بتنام عقب هالتعب، خليها ترتاح
زينه براحه/الحمدلله انها ما فقدت الجنين
ام مشعل/اهم شي صحة بنتي.. من زين ولدها اللي بتجيبه ولد سويلم.. يععع
زينه سكتت وقفلت ع الموضوع احسن... لأنها عارفه لسان أمها السليط..!
بهاللحظات دخلت لوجين ومعها مشعل/السلام عليكم
الكل/وعليكم السلام..
ام مشعل بنظرات ناقده/كان ما جيتوا احسن..
مشعل/كنا بعيد شوي.. بشروا كيف صارت حالة ساره
زينه ببتسامه/الحمدلله تمام
لوجين/وقف النزيف؟
زينه/ايه ..والحمدلله الجنين بخير
لوجين ارتاحت/الحمدلله ع سلامتها.
مشعل/طيب ليش نايمه
لوجين/اكيد معطينها مسكنات وبنج بعد النزيف والألآم.
ام مشعل تقط حكي وبنظرات خبث/والله انتي أكيد ادرى
لوجين مافهمت قصدها وما ردت عليها /..
مشعل حاول يغير مزاج أمه،لأن واضح زعلانه/يمه شرايك تجين معي عازمك على فنجان قهوه برا..
ام مشعل تحب النككد/اللحين تووك تعزمني هاااه.. وشو عقبه بعدما مشيت الهانم وسرحتوا ومرحتوا ..
لوجين حست بغثيان بس تحاول ماتبين قدامهم/..
زينه وهي تهمس لأمها/يمااه هذا هو عازمك رووحي وبلا كثرة تشره.. كذا بتزعلين ولدك حبيبك
مشعل مد يده ليد أمه وباسها يبي يراضيها/يلا يا حبيبتي لا تغلين عااد. الكافيه قريب من حديقة المستشفى ما راح نطول.
ام مشعل راحت معه وهي مبسوطه بس ما تبين/امري لله برووح.
طلع مشعل وأمه.. وظلت لوجين مع زينه..
،
زينه كانت تراقب لوجين بخوف/لوجين شفيه لونك صاير أصفر!!
لوجين وهي تجلس ع الكرسي وتحس بارهاق/اصفر!! ..ههههه انتي تبالغين
زينه/مادري احس لونك مو طبيعي
لوجين كانت بتتكلم وحست بغثيان قووي وقامت/عن اذنك زينه رايحه التواليت
زينه ماعلقت/..
لوجين ما صدقت انها وصلت دورة المياه وضلت تستفرغ.. وانتهت من استفراغها وهي مرهقه،رفعت ناظرها للمرايه بخوف وتحاول تهدي نفسها (مستحيل يكون اللي ببالي صار )
صوت عند الباب/لوجين انتي بخير؟!!
لوجين طلعت فوراً/ايش فيك ؟
زينه/خفت عليك ..سمعتك تستفرغين
لوجين/لا هههه ولا شيء انا ما احب الجمبري.. وأصرّ علي مشعل اكل منه.. علشان كذا ما تقبلته كبدي واستفرغت وو بسس
زينه ومو مصدقتها/اهاا..
لوجين وهي تبي تطلع لمشوار/زينه انا رايحه اشوف دكتورة ساره وأسألها عن حالتها اوكي... لا تقلقين
زينه/اوكي
طلعت لوجين بسرعه وسكرت الباب.... ،
زينه/يووه راحت وما سألت عن اسم الدكتوره!! ..شفيها مرتبكه..
،
،
،
،
اتجهت للصيدليه اللي جانب المستشفى ..
واشترت منها غرض صغير.. وحطته بشنطتها ..وهي خااايفه..
ورجعت بسرعه قبل يرجع مشعل وأمه... ،
/
/
/


في مكان آخر من العالم.. ،
*كـندا*
طالعين من أول دوام لهم في الجامعه.. ثنتينهم ساكتات ومحد يتكلم..والملل يعتريهم عكس ما كانوا معتقدين!
كل وحده تفكر ليش هالملل والضيقه!
لمياء كانت تفكر لو لوجين معهم الآن كيف بيكون وضع الحياه في الغربه ألطف من كذا..!
روبين صديقتهم تكلمت بضيق وهي تمشي جانبها/ماكلمتك لولو؟
لمياء اخذت نفس/لا
روبين بخيبة أمل/يعني خلاص... مافي أمل تجي
لمياء وهي متضايقه/ماظن فيه امل
روبين بقهر/سبحان الله.. كانت الوحيده المرشحه بدون قرعه.. وما جات، كانت تخلينا نتنافس بيننا مين الاحسن واللحين هي فين وإحنا فين
لمياء ماعلقت وفضلت السكوت... ،
/
/
/
/

نرجع للسعوديه وبالتحديد الجنوب* *
المساء.. ،
رجعوا للبيت مشعل ولوجين ومعهم زينه أما "ام مشعل" ضلت مرافقه مع بنتها بالمستشفى.. ،
نام الكل.. وضلت لوجين سهرانه وهي مستلقيه بنص سريرها .. وتفكر وقلقانه وتناظر مشعل اللي نايم بفراشه على الأرض كالعاده ،وهي شاردة الذهن ،
وتفكر لو صار ما صار وطلع اللي ببالها صح بتكون مصيبه وحلت عليها..!!
بعد افكارها الجنونيه اللي تعصف براسها.. قررت تاخذ جوالها و تطلع برا الغرفه..مشعل حس عليها وهي تطلع..
وفعلاً نزلت تحت وهي تلف الروب الطويل حولها وتربط وسطها..
،

تحت.. *
فتحت البلكون وضلت واقفه في هالبرد وتحاول تتناسى اللي يدور براسها..
فتحت جوالها وللواتساب وحصلت "لمياء" متصله..
وقررت تتصل فيها بدل الدردشه..
،
**مشعل نزل وراها ولاحظها ماسكها جوالها وكأنها بتكلم احد.. وقرر يسمع مين تكلم في هالوقت المتأخر..خصوصاً بعد كلام أمه الدائم عنها، حب يكتشف بنفسه !! ***
،
لوجين اتصلت وانتظرتها ترد/..
لمياء بالجوال ماصدقت/لووولووو
لوجين ببتسامه/السلام عليكم
لمياء/وعليكم السلام حبيبتي، كيف حالك؟ طمنيني عنك
لوجين تنهدت/ماشي الحال..
لمياء حست فيها/لولو انتي فيكِ شي ومخبيته!! والا متضايقه.. صوتك مو عاجبني
لوجين بضيق/حابه أهرب من هنا.. ماني طايقه القعده هنا اكثر من كذا.. تعبت من كثر ما اجامل
لمياء تعاطفت معها/يا حبيبتي... طيب قلت لك تعالي معايه وانتي رفضتي!! ايش اقدر اسوي لك؟ قولي ايش ببالك واحاول اساعدك !!
لوجين وهي مشتته وتبي تفضفض فقط/ماني عارفه الصح من الغلط.. اللي ابي اعرفه اللحين وين راحتي؟!وين هدوئي؟!.. بعمري كلّه ما عشت مكبوته ومقهوره وهالسنه اخذت كفايتي من الهم والغم بعد هالزواج الغريب والحياه الأغرب!!
لمياء وهي مستغربه/توقعتك حبيتي مشعل بعد هذاك اليوم يومك تتركينا بالمطار!!
لوجين بضيق تذكرت شكوكها وتذكرت لحظة اغتصبها وكرهت الموضوع،لأن كبريائها يمنعها تصرّح بحبها له حتى بينها وبين نفسها/كيف أحب مشعل ومابيني وبينه أي شي مشترك!!.. كل اللي سويته واجب مفروض علي و حسيت اني لازم اقدمه له وبس،لا حب ولا هم يحزنون..
،

مشعل سمع اللي كان يتمنى لو أنه ما سمعه.. كره نفسه بهاللحظه.. وما قدر يتحمل يسمع منها اكثر.. تركها ومشى..
/
/
/
/
اليوم الثاني.. ،
عند جابر يكلم بجواله وهو عاقد حواجبه ومعصب/انت ما اخذت فلووسك!!.. ليش للحين ما صار شي؟!!..
حسين بالجوال/يا رجل انتظر شوي وبتسمع اخبار تسرّك..ليش مستعجل
جابر متوتر/انا ماني مستعجل،علي هو اللي مستعجل والفلوس وعطيناك اياها.. وش تنتظر؟!
حسين/انتظر الوقت المناسب لي.. والا تبيني اروح وطي..
جابر/المهم خلص شغلك بسرعه ...وعطني الأوكيه.. بسرعه
حسين/طيييب..
جابر سكر جواله بعصبيه/غغغبييي..
/
/
/
/
/

عند القصر... *
كان حسين واقف،سكر جواله من جابر.. واتجه على رجليه وترك السياره مركونه ..حاول يستكشف المكان ويشوف له طريقه جديده غير اللي بباله.. اهم شي يخلص لأن اهله منتظرينه.. يبي الفلوس وبس!!
،
عزيز كان طالع من الملحق والباب مفتوح.. ولمح هالشخص اللي قد شافه يتردد على استراحة "جابر"..!!
عزيز اتجه للباب اللي كان مفتوح و معصب/هيييي انننت
حسين حس بالورررطه.. وحاول يبتعد بسرعه..
عزيز لحقه وهو يسرع بخطاه...
حسين قرر يهرب.. علشان يتهرب منه ومن الأسئله اللي ممكن يقولها له/منين طلع لي هذا..
عزيز رفع صوته علشان يسمعه/أنا عرفتك وعرفت سيارتك.. ماتقدر تهرب مني ..راح اجيييبك لو صار أي شي بهالبيت انت المسؤل
حسين ركب سيارته وهرب وهو خايف/وش هالبلوه اللي ما حسبنا حسابها.. كذا الأمور تلخبطت يا حسين..هالأدمي هذا لازم نشوف له صرفه..
،
عزيز رجع للملحق وهو شاك في وضع الرجال اللي قبل شوي.. ويسجل رقم سيارته بسرعه قبل ينسى/يارب ما انسى.. بسأل صديقي عبدالإله في المرور وبيطلع صاحب السياره ان شاء الله..
/
/
/
/
داخل أروقة القصر ..*
جالسه على طرف السرير ، وبعد تفكير ببالها تقول له عن الخبر السعيد اللي ممكن يغير حياتهم للأفضل.. وتناظره وهو يلبس كبكاته في اكمامه و لاحظت انه طوول وهو يحاول يلبسها ومو قادر يضبطها..
مشعل رمى الكبك على الأرض بعصبيه/الله ياخذك كبك
لوجين ابتسمت على حركته الطفوليه واتجهت للكبك اللي مرمي على الارض واخذته واتجهت لمشعل/ايش فيك معصب اليوم!! .. ترى تقدر تطلب مساعدتي مافيها شي
مشعل ما كان يطالعه و صاد بعيونه/...
لوجين قربت منه/هات يدك بلبسك الكبك بنفسي
مشعل بدون اهتمام/لا تتعبين نفسك.. ما يحتاج
لوجين اخذت يده غصب وعينها تراعيه وهو يصد عنها ولاحظت رجفة يده/واضح انك متوتر!
مشعل وهو يتهرب من عيونها/لا
لوجين وهي تركب له الكبك بهداوه/طريقتك بالإجابه السريعه توحي انك فعلاً متوتر واعصابك مشدوده.. الظاهر فيه شي مزعلك ومضيق صدرك،صح؟
مشعل شافها خلصت وسحب يده منها/قلت لك مافي شي..
لوجين استغربت تصرفه،بس عدتها/اوكي ..مشعل انا حابه اقولك عن موضوع.. بس...
مشعل وهو ياخذ شماغه ويلبسه/بس وشو؟.. تكلمي وش عندك بعد؟
لوجين عقدت حواجبها وهي مستنكره اسلوبه/مشعل انت ايش فيك علي اليوم!! .. ليش ترفع صوتك وتكلمني بهالنبره!!
مشعل التفت عليها يخزها/وان شاء الله بأي اسلوب تبيني اكلمك فيه؟، ليه؟ مو عاجبتك نبرتي هااه!!
لوجين تضايقت من هالنبره اللي أول مره تسمعها منه/مو مصدقه انك تغيرت بين يوم وليله!!
مشعل يحاول ما يرفع صوته/انا ما تغيرت.. انا تعبت.. ملييت من دنيا كلها زيف وخداع..
لوجين سكتت وهي متفاجأه من هالكلام/...
مشعل تركها ومشى/انا طالع المؤسسه ابعدي عني
لوجين وهي تحاول توقفه، كمحاوله انها تصلح اللي بينها وبينه وتبنيه من جديد/مشعل لحظه ..مشعل وقف
مشعل وصل للباب ووقف بدون يلتفت عليها/خيررر
لوجين اتجهت له ووقفت قدامه وعينها بعينه، مدت يدها ليده بخجل ويادوب لمست اطراف اصابعه وضمتها بيدها/ابيك بموضوع
مشعل قاطعها بحاجب معقود ونبره حاده/أجليه بعدين
لوجين بالحاح /بس انـ...
مشعل قاطعها/قلللت بعدييين.. يلا ابعدي عن وجهي بطلع..
لوجين ابعدت عنه وهي مستغربه تصرفاته معها ،وناويه تصبر لين تكسب وده من جديد/اوكي تفضل آسفه اني آخرتك..
طلع مشعل وسكر الباب بقوه..
لوجين حاولت تمسك نفسها ماتبكي بس ما قدرت ..جلست على اقرب كرسي وبكت على تطنيش مشعل لها وهي اللي محد قد سحب عليها وطنشها وما كانت تهتم لأحد غير اهلها.. وهذا الشخص اللي صار يهمها ويمكن صار الأهم عندها بعد أمها وابوها واخوها.... في اللحظه اللي قررت تقول له وتفضفض له عن حبها له وقبولها للحياه معه بكل مافيها.. صدها بقسوه وتركها وطلع.. .!!
،
،
،
،
ركب سيارته وهو متوتر من اللي صار بينه وبين لوجين وكان مُصر على رايه بعدم إعطائها اي اهميه بعد اليوم..
خلاص طابت منها نفسه"هذا اللي فكر فيه ساعتها..!!
دامها صدته طول هالشهور وبعد اللي سمعه من كلام يمس رجولته من أول ما تزوجها،.. (أمي معها حق..انا عطيتها وجه بزياده وسمحت لها تسرح وتمرح... لكن بعد اليوم بتشوف مني شخص ثاني غير مشعل اللي عرفته)..
ضرب بيده ع الدركسيون ودعس على البنزين وأسرع وهو متجه لأبها "مقر مؤسسته"..
رن جواله ورد بنبره ما عمره تكلم فيها/نعم يا عزيز
عزيز بالجوال وباستغراب/مشعل وينك فيه سيارتك مب موجوده
مشعل/انا طلعت للمؤسسه..
عزيز بخوف/وليش ما اخذتني معك!!
مشعل/الظاهر عندك سياره،صح؟
عزيز استغرب اكثر/مششعل شفيك ياخي.. علامك معصب ماقلنا شي.. بس استغربت انك رايح بدوني..
مشعل لاحظ ان فيه احد يلاحقه ويحده/ابعد عني الله يقلعك
عزيز بزعل/افاا يا مشعل هالكلام لي انا
مشعل/يابن الحلال مب انت.. في واحد يحدني بسيارته وكأن الطريق مزحوم..!!
عزيز خاف عليه/مشعل انتبه منه وهدي السرعه تكفى..
مشعل حاول يعدي من صاحب هالسياره اللي تضايقه وهو نفسه "حسين"..
مشعل ياشر لحسين ووقف جانب الطريق ونزل معصب واتجه له/ياخي رووح وش تبي؟!!
حسين وقف قبال سيارة مشعل ونزل ببرودة اعصاب طلع مسدسه واطلق ثلاث عيارات ناريه على مشعل..
مشعل كان ماسك الجوال لان عزيز معه ع الخط.. ،سقط وقبل يوصل جواله الارض وصل جسمه الارض وكانت طيحته أليمه..
عزيز وهو ينادي بصراخ بعدما سمع الأعيره الناريه/مششعل رد علي انت بخير؟
مشعل حاول يمسك الجوال ويكلم عزيز وكان يتنفس بصعوبه ويزفر أنفاس متقطعه حاول يمسك الجوال ويكلم لكن ماقدر ..وارتخت يده مع كامل جسمه على الأرض بجانب الطريق..
حسين ركب سيارته ومشى مسررع.. ،
/
/
/
عند باب القصر ..
عزيز كان يركض بسرعه وحافي القدمين وبدون شماغ ركب سيارته واتجه لطريق القريه العام اللي يؤدي لأبها.. كان مفكر ومتأكد انه بيلاقي مشعل هناك..
،
،
عند مشعل...
وقفت كم سياره والكل مرعوب من هالجريمه اللي نااادر تحصل، وغريبه تكون بوضح النهار !!
واحد من الواقفين/لاحول ولا قوه الا بالله.. شكله ميت
الثاني كان واقف ويكلم الاسعاف..
واقبلت دورية شرطه بعد البلاغ ..
عزيز اقبل بسيارته وهو يشوف هالجمهره اللي بالطريق وشاف البعض يهز راسه وحزين ومتعاطف، وعرف ان خوي عمره واخوه الحقيقي"مشعل" صار فيه شي.. نزلت دموعه بصمت..
،
وصلت الاسعاف مع وصول عزيز اللي كان منهار بعدما شاف اخوه صريع الأرض وممدد على بركة دماء..
عزيز نزل له ورفعه وضمه بصراخ/مشششششعللل...
اللي حوله تأثثروا منه وحاولوا يبعدونه عنه علشان المسعفين يشوفون شغلهم..
حاولوا يسحبونه وابعدوه وضلوا ماسكينه ..
المسعفين بسرعه اخذوه لانه ما زال ينزف يعني يمكن فيه حياه بس لازم ياخذونه للمستشفى بسرعه علشان يتأكدون..
عزيز منهار ويبكي بحرقه/اخوي ما مات صحح مامات ردوا علي
المسعف/اخوي ماندري ..الوضع خطير واحتمال ما يعيش.. ادعوا له احسن..
اخذوه وركبوه السياره بسرعه..
عزيز حاول يركب/اخذوني معكم تكفون اخذوني.. هذا اخوي
المسعف/مانقدر اخوي.. المصاب حالته حرجه جداً وانت بتسبب لنا ربكه..
مشوا وتركوه... والناس حوله تعزيه وتمشي..
طاح عزيز من طوله على ركبه وهو منهار ودموعه انهار على وجهه ويديه على راسه.. نزلها على وجهه وشاف دم مشعل بيديه..
رن جوال مشعل اللي اعطوه له المسعفين وشاف المتصل"الكادي" تركها وما رد عليها..ورفع راسه للسماء يحاول يستنشق اكسجين لكن مكتوم و فيه من الحسرات و من الحزن اللي يكفي ديره..

[[بنادق مهجتي معبأ فشقها و الغلا نيشان

أبا طلق روحي في قلب القصيد وأنبض أبياته


أبذبح حزني من أقصى الشعور لأول الإخوان

وأسيّل عمره وتشرب عيون العمر دمعاته

وحيد ولا معي إلا أخوي بداخلي غفيان

ترفرف ضحكته وأطلق نعاسي لصبح ضحكاته

في بالي أرقد وأدري حزين وشارد وبردان

وأنا أنثر برده من فوق الخيال وجمر سجاته

ينام وأعقد بعين الأغاني جمرة التحنان

ينام وأعقد بعين البداية كل نهاياته

يدور قلبي تتفتت ضلوعه يطحنه حرمان

يجوع القلب يحضني في جوعي وأكل فتاته



وأطل من الألم أحضن حياة الشارع الولهان

يلملم حسرتي ويكسر وجودي بشوق إضاءاته


تعبت تمليني طعون تصب من خنجر الخلان

تعبت تستنزف عيوني دموع العين طعناته


يا "مشعل" أقعد الدنيا رمت من تحتي النيران

وهذا العمر ما يحمل بجوفي إلا انكساراته



يا"مشعل" ليه تغيب وليه تتركني وأنا شقفان

لقر من يقلب جبال الهموم بعزة إثباته



أعرفه لا وصل كنه صقر من صفوة الويلان

يكش جلد السما إن شافت مخاليبه وهداته



رجالاً تربط حزام القبيلة وتنفلت شجعان

وأخوي"مشعل"يربط رجال القبيلة حزام هقواته



كريم(ن) ماهو من يبني فعايل صيته بديوان

في صدره دلته وهيله وفناجيله وتمراته


إذا كان الكرم حمس الهلا في مهجت الضيفان

أخوي"مشعل"من حمس قلبه لضيفه وصب فزعاته


وكم تكف كرمت بين البشر ممزوعه الوجدان

أخوي قبل لا ترمى عليه تقط نخواته


حزين السيف بكفوف الأوادم طافي ذبلان

بعد ما نام دم اللي سقى فعله وومضاته



ياخي أقعد وقعد خضوعي بداخل الشريان

تنام ولا بقى هم(ن) قطف من دمي غفواته


غريبه وشلون يكسرك الغياب ويغلبك نسيان

ودفتر جيتك ياخي طوى من عمري صفحاته


يجيني مدري ولا لكن أعرف لا وصل جيعان

قسم وإن جاني لأنحرني لجوعه تحت خطواته


وصل زواله هذاك اللي وصل ما يشبهه إنسان

هذاك اللي وصل شايل عذاب العمر وآهاته


وجيت ألحين ياخي بعد ما شالتك أمتان

بعد ما ودهم غسل الجسد عن كل نزواته]]
،
،

يتبع..