من متى و الغصـن يختـار الطيـور..!!

11

إختلسَ هدوء الليل وتسلل كالنور الى غرفتها من خلال نافذتها المُشرعه كعادتها..
اتجه إليها بشوقٍ عارم وابتسامه هادئه تمثل هدوء شخصيته،..إنحنا لها وهي تراقبه..
لم تبدي أي مانع بل احتضنته بين يديها حين أقبل إليها
وبعد تلك اللمسات...

ابتعد عنها بمثل هدوءه الذي أتى به.. وعينه معلقه بعينها.. ابتعد عنها فجأه وبدون مقدمات!!

رمقته بنظرات راجيه بقائه بجانبها طوال الليل،راقبته حتى خرج لم تستطيع ان تبقى بعيده اكثر عنه..
قررت ان تلحق به الى غرفته...!!!
اسرعت بخطاها.. وهي تلحق به.. فسقطت وهي تتعثر بخطوتها وتقع وهي تناديه ليعود لها/مششششعل..

*صحت لوجين من نومها... وتلفتت مافي أحد حولها تأكدت أنها كانت تحلم..
نزلت من سريرها وهي تحاول ما تفكر في هالحلم اللي جننها، راحت دورة المياه تسبحت وبدلت ملابسها..
التفتت لباب غرفتها واتجهت له وفتحته تلفتت يمين يسار ومافي احد!!
لكن مبين ان مشعل في غرفته بعد.. لأنها تسمع صوته وكأنه يكلم بالجوال.. فضولها خلاها تتجه لبابه علشان تسمع من يكلم ويضحك بهالصباح!!
سمعت مشعل يقول للمتصل/لا وربي مانسيتك حبيبتي لكن انشغلت شوي..... اوعدك اني ازورك بأقرب وقت لا تخافين...
هنا لوجين انصدمت صدمت عمرها، لأنهعا عرفت انه يكلم بنت ويوعدها بالزياره بعد (يعني بينهن علاقه) رجعت لغرفتها وكرهت انها تتصنت عليه اكثر من كذا وتسمع اشياء تموتها غيره..
،
تركت باب غرفتها مفتوح ودخلت تنشف شعرها من المويه وتسرّحه.. وهي تحاول تمثل اللا مبالاه.. وما راح تبين لمشعل انها عرفت علشان مايظن انها غيرانه (بموت قهرر)

رن جوالها وراحت ترد وهي تبحث عن أي شي يخليها تناسى عصبيتها وغيرتها، شافت الرقم واتسعت ابتسامتها وهي ترد/الووهه.صباح الورد لموش.. الحمدلله بخير..... . بذمتك؟....احلفي.... طيب متى؟..
بهالأثناء دخل مشعل وتحنحن وشافها تكلم.. وجلس ع الكنبه ينتظرها تخلص مكالمتها..
لوجين التفتت عليه وعقدت حواجبها/لموش حبيبتي ..انا مشغوله.. بعدين اكلمك حبيبتي... باي

مشعل انبسط لأنها صرفت صديقتها علشانه/..
لوجين سكرت الجوال ورمته ع سريرها واتجهت لمشعل مستغربه وقاحته/انت من سمحلك تدخل؟
مشعل بهدوء/غرفتي وادخلها وقت ما ابي يا زوجتي العزيزه
لوجين ناظرته باحتقار وراحت للمرايه تمشط شعرها/زووجتك هااه؟!!... حلم إبليس في الجنه
مشعل بإصرار/زوجتي غصبٍ عنك فاهمه
لوجين والغيره تشعلها/ههههه صحيح تزوجتك غصب عني لكن تحلم و تخسي تلمسني غصب عني
مشعل انقهر من تحديها/انتي بس تستفزيني علشان ألمسك
لوجين بعناد وتحدي/تعتبرها استفزاز لأنك منت قادر عليها ولا انت كفو
مشعل شد شعرها المبلول من وراء وثبت وجهها بوجهه وتكلم من بين اسنانه/ثاني مرّه لا تكلميني بهالاسلوب فاهمه
لوجين تتألم لكن ما تبين وتبتسم علشان تقهره/جبااان
مشعل سكر فمها بيده الثانيه/اششش ولا كلمه زياده مابي اغلط عليك
لوجين ماقدرت ترد لأنه ساد فمها بيده ظلت تخزه من قريب بعيون لامعه...
مشعل ابعد يده عن فمها وباسها بسرعه وتركها/..
لوجين ابعدته عنها بقرف/حقير،كيف تتجرأ وتخون يا حبيب اميره وحبيب مدري من..
مشعل طلع برا وهو مستعجل وخجلان /...
لوجين سكرت الباب بقوه وتكت ظهرها عليه وهي تنهد وتحط يدها على شفايفها بنعومه وتغمض وتتخيله يبوسها، انقهرت للي يصير فيها...
وتتساءل* لين متى يكابر ويخون وهي لين متى بتظل تعيش بهالشكل. !!
/
/
/
/
المستسفى العام..
طلعت ساره مع زوجها مبسوووطييين..
سالم بابتسامه/مبروك يالحبيبه
ساره بفرحه وسعاده/الله يبارك فيك سلوم
سالم/اللحين آمريني وش تبين هديتك
ساره/كل شي يجي من نفسك وخاطرك يعجبني.. انا اعرف ظروفك حبيبي
سالم/ماعليك من ظروفي..هديتك لازم تكون تليق فيك يا ساره بنت فيصل
ساره/مشكور حبيبي...
سالم/هاه وين تبين فطورك
ساره/ابيك توديني لأهلي لأني حابه ابشر أمي.
سالم/ما طلبتي شي.. تحت امرك يا أم ماجد
ساره/هههه وسميته خلاص. طيب افرض طلع بنوته
سالم/ماتفرق معي اذا بنت تسمينها انتي
ساره/الله لا يحرمني منك.
سالم ابتسم وكمل طريقه/...
/
/
/
/

في بيت الشيخ*
الكل جالس ويفطر بسكات..
ام مشعل التفتت على ولدها وهي تلوي فمها/ليش ماجات ست الحسن؟
مشعل ظن انها ماراح تنزل بعد اللي سواه/مادري والله
لحظات وتنزل لوجين بحيويتها لابسه جينز غامق للركبه وبدي ابيض واسود واكسسوار سلاسل ملونه طويله.. وفاكه شعرها بشكل مموج.. ورابطه فيه ربطه صايره كيوووت..
ام مشعل نقدت على لبسها وتخزها خز وتهمس لمشعل/بالله عليك هذا لبس زوجة شيخ!!! الله يفشلها ان شافها ابوك بهالشكل بيسود عيشتها
مشعل تورط لأن في هالفتره مابينه وبين لوجين حوار/
زينه/لوجين تبين حليب والا شاهي؟
لوجين/صبي شاي
ام مشعل/انا باخذ القهوه لأبوكم هناك ماله داعي يدخل
زينه/قهوته جاهزه بالمطبخ
طلعت ام مشعل وهي تخز ولدها*يعني تصرف مع زوجتك*
زينه فهمت النظرات وقامت/انا بروح اجيب خبز
مشعل جالس ويغلي مو قادر شلون يبدأ معها بالكلام..
لوجين شافته يطالعها،ونظراته أربكتها،وتتحاشى مشاعرها تجاهه/في شي؟
مشعل بداخله من المشاعر تجاهها الشي الكثير،بس دوم تخونه الظروف،حس انها تبيه وخاف يكون احساسه خاطئ/..
لوجين ارتبكت اكثر من نظراته اللي طولت/حاب تقولي شي؟..عندك انتقاد قوله.. نظراتك هذي ماحبها.
مشعل ببتسامه/صايره حلوه اليوم
لوجين تركت كاستها ورفعت ناظرها له بغرور/ماجبت شي جديد،انا دوم حلوه ولاني محتاجه شهادتك
مشعل ابتسم على غرورها وكمل قهوته/...
بهالأثناء ساره ترن الجرس والسعاده تنقط من وجهها/
مشعل قام كان بيفتح الباب/..
اقبلت زينه/خلك مكانك انا بفتحه،هذي ساره توها داقه علي
فتحت الباب زينه/ساره
ساره بابتسامه عريضه/صبااح الخير
زينه وهي مستغربه/صباح النور،..شفيك مستعجله خوفتيني
ساره ما انتبهت لاخوها وللوجين لأنهم بالجهه اليمنى/ابشرررك بصير أم.. انا حااامل
زينه فرحت بس حز في خاطرها ان اخوها جالس وسمع الخبر لأنه كان يتمنى طول عمره *طفل*
ساره/وين اهلي
لوجين أشرت لها وهي فرحانه لها/نحن هناااا تعالي.. مبروك ساره
ساره التفتت عليهم وانصدمت بوجود مشعل،ما كانت تبي تذكره/السلام عليكم
مشعل بابتسامه عريضه/مبرووك وانا اخوك..
ساره اتجهت له وسلمت عليه/الله يبارك فيك يا عزوتي
مشعل يمازحها علشان ما يحسسها انه متأثر مثلما هي معتقده/والله وبتصيرين أم يا ساره ههههه
ساره وهي تسلم ع لوجين/شكلي ماني عاجبه زوجك
لوجين وهي تخز مشعل/اجلسي جنبي و ماعليك منه اهم شي تعجبين زوجك،وشعليك من هذا
ساره وهي تناظر مشعل/هجمه مرتده هههه
مشعل بابتسامه ساحره للوجين/كذا تشمتين فيني العذال
لوجين ناظرته بطرف عينها و رجعت تناظر ساره/المهم وش حابه تجيبين ولد والا بنت
ساره جلست...
زينه في خاطرها( الله يستر)
مشعل شافهم انشغلوا بالسوالف وراح....

/
/
/
/
/
المطار..
واقف عُمر وهو معصب وينتظر القروب السياحي.. وكل شوي يناظر ساعته،اخذ جوله واتصل في مكتبه/الووه... ماجد شفت وش صار؟...
ماجد بالجوال/خير يا عمر استقبلت القروب
عمر بعصبيه/لا... يقولون الطياره تأخرت وماراح تجي غير في العصر!!!.
ماجد/حصل خيير يابن الحلال
عمر/ياخيي قهررر من صبح وانا انتظر وتوهم يقولون لي!!
ماجد/ههههه هذي شركات الطيران وهذي حركاتهم يمديك عرفتهم
عمر/الله يقطعهم
ماجد/ههههه تعااال يابن الحلال وروق نفسك بفنجان قهوه وروح العصر للمطار مافي،مشكله
عمر/هذا اللي بيصير.. انا طالع اللحين من المطار..يلا سلام
ماجد/سلام.
/
/
/
/
/
في غرفتها وتجهز شنطتها وتغني باستطراب.. فرحااانه انها بتسافر وبتشوف اختها وصديقتها لوجين اخيييرااا..
دخل زياد على صوتها وهي تغني/الله الله... ايش الروقان هذا.. ايش الصوت الحلو ده
لمياء/ههههه بلاش تريقه
زياده/ياهووه كل هذا علشانك حتقابلي لولو
لمياء/ايش اسوي يا زياد مشتاقه لها كتيير مرره
زياد بحالميه/ومن سمعك
لمياء خزته/زيزوو احترم نفسك.. شكلك تبيني اتركك واسافر لوحدي
زياد/هههههه امززرح ..بعدين ايش بك فكوك راح لبعيد... طبيغي اشتاق للبنت اللي تربيت انا وياها سوى.. وياما حلمت فيها
لمياء ماتطمنت/زياد كلامك هذا يخوفني.. لايكون للحين
زياد قاطعها بجديه/لا حشى ما افكر فيها وهي بذمة رجال ثاني... حتى لو قلبي ينازعني عليها.. عقلي يتحكم وانا اخوك..
لمياء/يارب يكون كلامك حقيقي
زياد ببتسامه/المهم ماقلتي لي كم ليله راح نقعد هناك
لمياء/اربع ايام... لان ما اعرف اذا بيخلونا ناخذ راحتنا مع لولو والا لأه
زياد/انا شايف ان روحتنا هذي مغامره،الله يستر منها
لمياء/بالعكس انا شايفه ان هذي السفره راح تغير نفسيتي بالاول ونفسية لوجين
زياد يمازحها/وبالمره ازوجك هناك وافتك منك
لمياء خزته/لا والله يا زيزو بتفتك مني هااااه
زياد/اكيد بفتك منك... اجل حابه تقعدين كذا قدامي طول العمر بدون زواج!!
لمياء/تعال اوريك تعاال
زياد هرب وهو يضحك عليها/... .
/
/
/
/

‏اجمل ( سواليف المحبين ) بالصمت
لا صار كلن .. ينظر بـ عين مغليه.

ابغاك تفهمنـي وانا ما تكلـمت !
في خاطري لك شي ما اقدر احكيه.
،

دخلت غرفتها بعدما تغدت وجلست مع البنات.. تبي ترتاح من عنى يوم عذبها مثل باقي الأيام.. كل يوم نفس اللي قبله، وحده وغربه وهجر... ودمعتين وغفوة حنين..!
لوجين تنهدت وهي تفكر كيف بتشوف لمياء وكيف بتنبسط معها وهي من داخلها جرح دامي!!
جلست ساكته ويسكنها الهدوء،..

لحظات ودخل مشعل وسكر الباب بهدوء/
لوجين التفتت عليه وهي ترمش بكسل وصدت عنه تتصنع اللامبالاه.. وساكته/..
مشعل اقبل بخطواته وجلس بجانبها وهو ساكت/..
وطوول بينهم السكوت...
لوجين ارتبكت بوجوده جانبها وبهالهدوء، بلعة ريقها ورفعت عيونها له ونزلتها بسرعه/...
مشعل لمح اصابعها تتشابك وتتفكك وتبين توترها،وهو محتار شلون يبدأ معها ويكسر الحواجز اللي بينهم، وقف يبي يطلع وهو مو عارف وش يقول او ينطق..
لوجين وقفت وتكلمت بصوت خجول/اولاد خالتي جايين اليوم وحابه استقبلهم في المطار... اذا ماعندك مانع
مشعل وكأنه فرح بهالطلب،التفت عليها وصاروا واقفين قبال/الساعه كم؟
لوجين/تقريبا الساعه ثلاث ونص
مشعل ناظر ساعته/على كذا مابقي وقت وتوصل طيارتهم ،تجهزي علشان تروحين تستقبلينهم
لوجين من فرحتها ضمته وهي تتبسم بامتنان/ماني مصدقه
مشعل استغرب هالحضن المفاجئ!!
لوجين تذكرت نفسها وسحبت نفسها بهدوء/اسفه نسيت نفسي...
مشعل حب هالحضن و ببتسامه/خلصي انا بنزل اقول للسايق يتجهز علشان يوصلك
لوجين جاها احباااط/يعني مو انت اللي راح توديني
مشعل لاحظ احباطها وعوره قلبه/لا..
لوجين ذبلت ابتسامتها/اوكي مشكور ..انا ثواني وبكون بالسياره..
مشعل وهو طالع/يلا سلام..
لوجين ماقدرت تبتسم، وكأن فرحتها انهارت،جلست وهي تتخيل حضنها لمشعل قبل شوي،وكأنه مثل الحلم!!
،

من وراء الباب ،مشعل راح وقلبه عندها وريحة عطرها عالقه بثيابه بعدما حضنته.. روحها وانفاسها على كتفه.. و نبضات قلبها اللي عانقت صدره للحين صداها داخله..
ابتسم وكمل طريقه...
/
/
/
/
/

لها عشر دقايق نازله المطار وتلتفت ومعصبه،لأنها جاءت لأبها لحالها.. واخوها منعوه بسبب احد الركاب عنده واسطه وركب بداله!!
طلعت جوالها واتصلت على لوجين وهي متوتره/الووه
لوجين بالجوال/هلا لموش..
لمياء/لولو وينك انا وصلت ولحالي
لوجين تكلمها وهي بالسياره/ليش وين زياد؟
لمياء/باللحظات الاخيره، ركب واحد بداله ..وحلف بالله ما أأجل رحلتي وهو بيجي بكرا
لوجين/حسبي الله ..ليش
لمياء/واااسطه يا عمري... المهم لا تتأخرين علي،بالمرّه خايفه
لوجين/لا تخافين انا جايتك بالطريق.. اجلسي بقاعات الانتظار..
لمياء/طيب لا تتأخرين بلييزز
لوجين/اووكي خلاص،
/
/
/
/
/
عُمر في المطار علشان موعد رحلة قروبه السياحي ،
شاف وحده تمشي ومتوتره،لاحظ توترها وهي تكلم بالجوال لأنها قدامه.. وهو كان جاي يبي يصرف مبلغ من ألة الصرف في المطار.. ما اهتم لها..
راحت البنت بعدما صرفة لها مبلغ وجاء وطلّع بطاقة الصرف الآلي يبي يصرف وطاحت من يده ونزل يبي ياخذها،ولاحظ بطاقة "هويه" البنت اللي راحت، بجانب بطاقته!!
اخذها وقام يتلفت يدورها وما شافها/وين راحت هذي
صرف فلوسه من الصراف الألي وراح يستقبل الوفد السياحي!!
جلس ينتظر الرحله ونسى يبلغ عن البطاقه اللي لقاها!!
،
،
،
،
،
دخلت لوجين المطار.. واتجهت لصالة القادمون..
وهناك بدات تلفت وتدورها... واخذت جوالها واتصلت في لمياء/الووه لموش.. وينك بالضبط؟..
،
،
،
،
في مجلس الشيخ*
جالس ابو مشعل مع ولده مشعل ويتناقشون.. وواضح ان ابو مشعل مب عاجبه كلام ولده.. ،
ابو مشعل بحاجبين مقطبين/قلت لك لا ..
مشعل/يبه ماراح اطول هناك..
ابو مشعل/تبي تسافر سافر لحالك.. لكن زوجتك ما راح تاخدها معك
مشعل انقهر/يبه انا احط عندك علم من باب انك راعي البيت وكبيرنا..،شلون اسافر لجده بدون زوجتي واهلها هناك..
بو مشعل/عندنا البنت من تتزوج تنسى اهلها فاااهم... لا تخلي الجماعه بكره يقولون مشعل تحكم فيه زوجته والا يقولون راكبه على ظهره
مشعل قام بقلة حيله/عن اذنك
بومشعل/ويين.. عمك بيجي اللحين وباقي الجماعه اجلس
مشعل/انا طالع عندي شغله
بو مشعل/ولد عمك منكسر ولا رحت تزوره؟
مشعل/يصير خير يبه يصير خير..
،
طلع مشعل من عنده واتجه للباب وشاف لوجين توها واصله وتدخل..
لوجين/السلام عليكم
مشعل وهو يصد عن لمياء/وعليكم السلام...
لوجين/حابه اعرفك.. هذي لمياء بنت خالتي
مشعل/ياهلا بها.. شلونك لمياء
لمياء بحياء/اهلين فيك.. بخير الحمدلله
مشعل/الحمدلله ع السلامه
لمياء/الله يسلمك.. مشكور
لوجين اعجبها انه يغض البصر/لموش ادخلي ارتاحي من هنا الصاله بكلم مشعل شوي واجيك
لمياء دخلت/طيب
،

مشعل استغرب ويتساءل وش تبي منه/في شي يا لوجين؟ محتاجه شي؟
لوجين بامتنان/بالاول حابه اشكرك،اليوم زياد ماقدر يجي ولموش حات لحالها يعني لولا انك خليتني اروح بالسايق والا كان تورطت
مشعل فرح ان زياد ما جاء/يعني زياد ما راح يجي
لوجين/بيجي بكرا ان شاء الله.. لأن اليوم حجزه التغى
مشعل/اها..طيب حابه اجيب لك شي.. محتاجه شي
لوجين ببتسامه عريضه/ممكن تسمح لي اروح للاستراحه الليله وانام هناك انا ولموش،
مشعل/لحالكم؟ لا
لوجين/بكرا بيجي زيزو.. اقصد زياد... ومابي يضايقون اهلك
مشعل رفع حاجب ونزل الثاني وتكلم بهمس/قلت لا يعني لا..
لوجين زعلت/اوكي ..شكراً.
مشعل خزها بنص عين وطلع بعد هالطلب...
لوجين حاولت تهدي نفسها قبل تروح للمياء..
..
في الصاله
لمياء جالسه وتنتظر.. شافت لوجين اقبلت وتبسمت/..
لوجين عارفه وش بتقول لمياء/شفييك تتبسمين ببلاهه كذا
لمياء وهي تحرك يدينها دلاله ع الاعجاب/وش هالمشعل هذااا.. وانا اقوووول ليش لولو ساحبه علينا هههه
لوجين استحت/بلاش مبالغه..
لمياء/اي مبالغه يا ماما.. والا خايفه من الحسد يعني هههههههه
لوجين تبي تغير الموضوع/خليني اعرفك على زينه وام مشعل.. وبعدها نشوف ايش حنسوي
لمياء/اوكي..
لوجين قامت/انا رايحه انادي زينه.. مدري فين تختفي هالبنت..
لمياء/اوكي..
/
/
/
/
/

بطريقه يمشي. ولا يدري وين بيروح...
تفكيره منصب على علاقته مع لوجين وعلى رأي أمه وابوه وتحكمهم في حياته وكأنه قاصر... حاول يكون بار فيهم لكن هم ما يساعدونه ..
تذكر الحادث هذاك اليوم وقرر يروح الصيانه ويصلح الصدمه اللي في سيارته..
،
وصل مركز صيانة السيارات وتفاجأ بالسياره حاولت تأذيه موجوده..!!
هنا نزل مشعل من سيارته وراح يسأل عنها وعرف مين صاحبها؟من الميكانيكي..
..
،
.

يتبع ...