من متى و الغصـن يختـار الطيـور..!!

27

،
بقلب شبه ميت رجعت لبيتها .. كانت حيل تعبانه.. مسكت بداية الدرابزين وحطت قدمها على أول عتبه تبي تصعد الدرج وتروح لغرفتها صعدت عتبتين وعجزت انها تكمل..
جلست مكانها وهي تفصخ حجابها وينتثر شعرها ع كامل ظهرها..وضلت ساكنه شوي وهدوئها يقتل ثم بدأت تبكي براحه وهي تتذكر نظرات الشك من عيون مشعل و تزيد في بكاها.. كانت تظن انه محد بالبيت!! ..
احساس قاسي بالضعف و البرد و الوحده.. كلما تفكر بمستقبل اطفالها المنتظرين تنقهر "منبوذين" من ابوهم اللي انكرهم!! واهله اللي طعنوا في عرضها!!
ودها تفضفض وتبكي بصوت عالي بس صوتها مبحوح وما عاد فيها حيل..

سمعت صوت يناديها من بعيد بنبره دافيه تحبها/لوجين
لوجين رفعت راسها وشافت أمها واقفه قدامها والعبره خانقتها، تكلمت وهي تمسح وجهها المخضب بالدموع وتتصنع الابتسامه/أمي! ،متى جيتي؟
هدى اقبلت عليها وهي تشوف الحزن والقهر بعيونها/اول ما رحتي على طول اخذت اول تاكسي ورجعت للبيت.
لوجين استحت من اللي سوته ونزلت راسها/آسفه اني تركتك بالشارع ومشيت
هدى بابتسامه/كلنا كنا نازلين عند كادي.. انتي ما رميتيني بالشارع.
لوجين سكتت وهي تخفض راسها/..
هدى/ليش قفلتي جوالك... تعبت نفسيتي وانا اتصل فيك ويطلع لي مقفل
لوجين ماقدرت ترد/...
هدى/قابلتيه؟
لوجين أومت براسها بالإيجاب بدون تتكلم/..
هدى/جرحك؟
لوجين نزلت دمعتها بابتسامه/الجروح مو شي جديد علي..
هدى قربت منها وربتت ع كتفها/حبيبتي اش صار طيب.. تفاهمتوا؟ اتفقتوا على شي؟!
لوجين وهي تخنقها العبره/ما صار شي من اللي ببالك.
هدى/طيب ايش اللي صار
لوجين وهي تمسح دموعها اللي في تزايد/يمه، مشعل خلاني ادوس على قلبي.. حدني على شي ما كنت أبيه يمه. وهالشي يألمني كثير يمه، كثيير
هدى خافت/وش حدك عليه يا بنتي؟
لوجين والعبره تخنقها وتبعد خصلات شعرها بأصبعها لخلف أذنها/طلعت من عنده و اتجهت فوراً للشرطه وقدمت بلاغ ضده.وقلت انه اعتدى علي .
هدى استغرربت/ايششش؟!!!
لوجين بثبات واصرار/هذي الطريقه الوحيده اللي راح اثبت فيها "برائتي" واثبت فيها نسب اولادي.
هدى بخوف/بس انتي بكذا تجازفين يا بنتي
لوجين/يا أمي أنا بعد شهرين بولد.. ما حسبتي حساب هالشيء؟!!.
هدى وكأنها اقتنعت/طيب وأبوك ايش بتقولين له؟.. هو مصمم انه ما يخلي مشعل يتعرض لك ويأذيك ..بما انك اشتكيتي للشرطه عنه!!
لوجين بثقه/تطمني يا أمي.. مشعل اخر انسان ممكن يأذيني.
هدى/ايش خلاك واثقه منه لهالدرجه يعني
لوجين تكلمت بحالميه/الأمان اللي احس فيه لمن اشوفه.. يخليني آمن روحي معه
هدى وهي تبتسم/يعني ممكن بيوم من الايام ترجعون لبعض
لوجين بحزم/لا يا أمي.. استحاله ارجع للرجال اللي شكك فيني وخلاني بعز حاجتي له واتهمني.
هدى سكتت وهي تربت ع كتفها/..
،
،
،
،
،
صباح يوم جديد*
غارق بنومه..وكأن له دهر ما نام بعد سهره ونومه القليل في هالفتره....
الساعه 9صباح..
ازعجه صوت باب الغرفه،فتح عيونه وقام مزعوج ومزاجه متعكر /غرريبه وش جايب عُمر هالوقت؟!
قام وراح يفتح الباب وهو بلباس النوم "برمودا اسود فقط، فتح الباب وتفاجأ بالشرطه قدام وجهه شرطيه برتبة ملازم ومعها وكيل رقيب!!/
الشرطيه/good morning
مشعل وهو للآن مستغرب/good morning
الشرطيه وهي تخزه بنظرات ما تنتفسر، مدت عليه ورقة الاستدعاء/u have to come with us
مشعل وهو يقرأ الورقه مصدوم (سوتها لوجين و أرسلت لي الشرطه!!..وصلت معها لين هنا!!)
,
,

,
,

,
,

الجامعه.. ،
جلست روبين في الكلاس واستغربت ان لموش تأخرت عن هالمحاضره..! ولاحظت عيون الطلبه بتاكلها بنظراتهم واستغربت... بالعاده ما يسوون كذا. فقررت تلهي نفسها وفتحت كتابها تقضي وقتها وهي تنتظر حضور لمياء.. وما جات!!
دخل الدكتور وبدأ المحاضره ولمياء للآن ما حضرت!!
روبين بدأت تقلق( اكيد صار لها شي... ربي يستر)
،
،
،
،
،
،
اتجه لمقهى الجامعه بسرعه وهو يتساءل وش صار فيها..
كان كل طاري للشر يخوفه من نبرة صوت مراد اللي كان منزعج..و اللي خوفه زياده ان "لمياء" طرف في الموضوع!!
دخل عُمر وهو يتلفت يدوّر على مراد.. شافه يأشر له واتجه له وجلس وهو على آخر نفس/خير يا مراد خوفتني ..وش هالموضوع المهم اللي مناديني علشانه؟..!ووش فيها لمياء!!
مراد وهو متضايق/البنت بيضيع مستقبلها يا عمر
عمر خاف اكثر/ي رجل تكلم وش صاير
مراد فتح جواله واتجه للاستوديو وفتح الفيديو ومد الجهاز لـ عمر/شوف وتعرف اللي صاير
عمر تفاجأ بالفيديو.."ناس مصورين الاعتداء على لمياء ولحظة نزع حجابها.. ومصورين لحظة ماهو يتكلم مع لمياء ويلبسها "اسكارفه" ومركزين على نظرات عيونه لها ..وصوروه وهو يتكلم معها بعد الاعتداء..! وكأنه شي مُخطط له!! وتحت تعليقات قذره بالانجليزي تتهم لمياء كمسلمه وتشكك فيها.. وتصور ان فيه علاقه بينها وبين اللي أنقذها!!/الله لا يوفقهم.. شلون وصلت معهم القذاره لهادرجه..
مراد/هذولا يهود.. كانوا مخططين على كل شي ..بس اتركهم عنك..
عمر وفكره مشتت/توقع وس بيصير فيهم.
مراد/الكل بالجامعه انتشر عنده الفيديو اليوم ..يعني الله اعلم وش بيصير فيهم اليوم، بصراحه هي وصديقاتها من انقى البنات هنا..
عمر طرأ بباله انه يعتذر منها حتى لو ماله ذنب باللي صار.. لكن هو داخله شي يدفعه يشوفها و يتطمن عليها واتجه لها.
مراد لحقه/وين رايح.
عمر وهو يتلفت يدورها/ابي توريني جامعتكم
،
،
،
،
في دورات المياه:
واقفه لمياء امام مراية الحمام بعدما غسلت يدينها وطلعت كريم مرطب ورطبت يديها عند وهي تتساءل ليه الكل بدأ ينتبه لها بعدما لاحظت نظرات الكل لها ..
دخلت بنت شقراء وهي تتمخطر بتنوره حمراء قصيره وجاكيت اسود وتناظرها بنظرات سخريه/hi
لمياء ما طالعت فيها/hi
البنت الشقراء مدت يدها تسلم/my name is jene
لمياء ماحبت نظراتها لكنها مدت يدها تسلم/my name is ،Lamya
جيني/u want to know, why the peopl look at u like this? Writ?
لمياء استغربت/what?
جيني مدت لها جوالها بعدما اظهرت الفيديو اللي انتشر/look
لمياء شافت الفيديو ومو مصدقه انه انتشر!! جاها خرس مؤقت دارت الدنيا فيها دوره،ضاق نفسها وبردت اطرافها وحاولت انها تثبت نفسها وما تنهار هنا وما حولها احد..
رمت الجوال على صاحبته وطلعت وهي تضم كتابها على صدرها و تحاول ما ترفع نظرها وتشوف نظرات الناس، العبره خنقتها، فوق انها اتكشفت وانفضحت بالسوق اتصورت وانتشرت الفضيحه.. مع توترها وعدم تركيزها وهي طالعه برا الجامعه ..فجأه حست وكأنها صدمت في جدار ما قدرت تتماسك وطاحت من قوة الصدمه.. لكن قبل لا توصل الأرض تفاجأت بيد تمسكها من ظهرها.. ورفعت نظرها له وشهقت وهي بين يديه/عُمر!!
لمياء ما قامت تركز.. و ماتشوف غير السواد.. هي من الصبح ما فطرت،نادته بصوت يادوووب ينسمع/اتركني.
عمر كان قلبه معها ويسمعها وخايف يصير فيها شي لأن مبين من رجفتها انها مب طبيعيه !!تركها عمر و حاولت انها تبعد وتروح لكنها طاحت من طولها..تمنت انها ماتت ولا تعرضت لهالموقف/..
عمر هنا ألتف عليها وهو مو مصدق اللي شافه واتجه لها ركض و حاول يصحيها/لمياء
لمياءاجتمع فيها انخفاض السكر من الجوع مع الخجل من هالموقف البايخ الثاني مع "عمر"..ماقدرت ترفع راسها وفقدت وعيها وهي تمتم/انا امانه عندك يا عُمر..
عمر بسرعه دخل يده اليسار لتحت رجليها واليد الثانيه تحت رقبتها وحملها واتجه للشارع مستعجل..
لمياء ما كانت ناقصه احراج وضيق نفس "اغمي عليها" وصارت مثل الخيوط،بين يدينه.. وسقطت منها كتبها..
عمر وهو يشيلها بين يدينه التفت على مراد/مراد انت اخذ كتبها.. انا رايح اوديها للمستوصف ..
مراد اخذ كتبها و حاول يلحقه ولكنه راح..
،
،
،
،
،
،
قسم الشرطه*
دخل مشعل مع هالشرطيه وهو يمثل الهدوء ..اللي يطغى على شخصيته..كان يناظر المكان بنظره بانوراميه وهو مو مصدق انها بتوصل بينه وبين لوجين لأقسام الشرطه!!
*صوت الشرطيه تطلب منه يدخل للضابط..
دخل مشعل المكتب وأول شي شافه وجه لوجين اللي،جالسه بكل ثقه... وقف وهو يخزها..!
الضابط/تفضل بالجلوس لو سمحت..
مشعل جلس وما زالت عيونه تخز "لوجين"..
ضل الضابط يتكلم ويشرح القوانين والانظمه.. ومشعل كل تفكيره مشوش.. ومو مصدق اللي قاعد يصير..
صحي اخيراً على صوت الضابط يأمره/سيد مشعل العاصم.. يجب عليك ان تقف امام المحكمه غداً..بتهمة الاعتداء على زوجتك السابقه "لوجين العاصم"..
مشعل/وهل ذلك ضرورياً
الضابط/نعم.. ضروري وستكتب على نفسك تعهداً بالحضور.. والا حبسناك هنا لاخذك غداً للمحكمه..
مشعل/لا بأس،سأوقع تعهداً بالحضور
قام الضابط/ممتاز إذن وقع هذه الورقه واحضر غداً للجلسه
وقع مشعل وطلعوا بعدما انهوا الإجراءات...

طلعوا من عند الضابط...وكل واحد صاد بوجهه عن الثاني..
مشعل وقف وهو يناظرها بنظرات ناريه/وصلت معك الجرأه انك تجرجريني باقسام الشرطه..!
لوجين بقوه بقوة شخصيه/انت اللي وصلتني لهالمرحله يا مشعل..
مشعل/انتي انجنيتي اكيد
لوجين ناظرته والعبره تخنقها وتركته اتجهت لسيارتها وركبتها بسرعه/..
مشعل حاول يلحقها ولكنها كانت اسرع منه...
/
/
/
/
/
/
/
كان واقف ينتظرها في مكان صديقتها اللي دووم يلتقون فيه.. تأخرت شوي لكنها بالاخير جاءت...
روبين شافته واقف في مكانهم وتأففت(هذا مستحيل يتوب!!..بعد كل هذيك البهذله للحين يلاحقني!!)
روبين قررت تروح، وغيرت وجهتها..
شافها مراد راحت ولحقها/رووبين.. رووبين..
روبين ما ردت عليه ضلت ماشيه،و مطنشته( يا ربي ايش يبغى مني هذا؟!..مستحيل اوقف اتكلم معاه)
مراد ركض ووقف قدامها/روبين اسمعيني الموضوع مهم
روبين حاولت تتهرب وتتركه بسكات/..
مراد قرر يقولها/لمياء صاحبتك في المستشفى
روبين شهقت ولفت عليه واتجهت له/ايش تقول انت؟ غبي ليش تكذب؟
مراد/انا معاي عنوان المستشفى.. تعالي اوديك له
روبين/هالخدعه تمشي على غيري.. مو علي.. ادري انك تبي تخطفني
مراد حس بالاحباط/ايش افلام الاكشن اللي في خيالك!! ليش اخطفك
روبين صدت عنه ومشت/انقلع ما راح اصدقك
مراد انقهر منها وبنفس الوقت معجبه تصرفها/اوكي ..انا سويت اللي علي وهذي كتب صاحبتك اخذيها.. سلام،
**ترك كتب لمياء عالكرسي الخشبي و راح وتركها...
روبين التفتت عليه وشافته رايح اخذت كتب لمياء ث مشت وهي تفكر بشكل مشوش/هذي كتب لمياء!!.. يمكن انه صادق يا ليتني ع الاقل اخذت عنوان المستشفى.. اصلا هالاشكال كذابه،اللحين تكون لموش رايحه مع لوجين او يمكن بالبيت من زمان.
/
/
/
/
/
/
/
المستشفى..!
عمر كان متوهق لأنه مو عارف وش حالة البنت/شفيهم تأخروا عندها ولا احد طلع علشان أسأله...!!
لحظات وطلعت ممرضه لابسه قفازات وكمام وباين مزعوجه او معصبه من شي..!
عمر فرح واتجه لها بسرعه يسأل/نيرس ارجوك كيف حالتها؟
الممرضه بانزعاج/اسقطت الجنين.. لكن ارجوك مرة اخرى عندما تنوون اقامة علاقات عابره خذوا احتياطكم... عن اذنك...
قالت هالكلام ومشت وهي قرفانه!!!
عُمر وقف مصدوم ويناظر يدينه اللي شالتها ووصلتها لهنا وحجم القرف اللي يحس فيه تجاهها جلس ورجله ماتشيله من الصدمه/معقوله تطلع لمياء بهالقذاره!!..شلون كانت تمثل دور الشريفه المصدومه طول الوقت.
اقبل شاب كندي وباين بوجهه اللهفه،ضرب الباب بيدينه ينادي/ لورا حبيبتي ..لوووراا
طلع طبيب وهو معصب/نعم الا تعلم ان هذه مستشفى
الشاب الملهوف/حبيبتي لورا هنا اتصلت بي قبل نصف ساعه وذكرت انها هنا ..هل هي بخير؟
الطبيب/نعم بخير ولكنها اسقطت الجنين ..
الشاب سكت وجلس محزن/...
عمر حس ان فيه لخبطه واتجه للطبيب/دكتور لو سمحت.. ماذا عن المريضه لمياء الرايد
الطبيب/لمياء الرايد كان لديها انخفاض في السكر اعتقد انها لم تأكل منذ الصباح وبذلت مجهوداٍ..زودناها باللازم وهي الآن بخير في غرفة الطوارئ.. تلك.."
عمر ابتسم وهو يضحك على نفسه شلون خلال ثانيه وحده شك فيها،حمد ربه انها عدت على خير واتجه لغرفتها بدون تردد... وارسل مسج سريع لمشعل يطلب منه الحضور للمستشفى علشان ياخذه...
،
،
مستلقيه على سريرها الابيض.. وباين دايخه ومرهقه، حمدت ربها اللي حط عُمر بطريقها اليوم.. "هالانسان حبيب على هيئة غريب"..!!
تحنحن وناداها بصوت ي دوب ينسمع/لمياء
لمياء ارتبكت وماتدري شلون ترد/..!!
عمر ظن انها مب هنا او صار لها شيء ودخل يتأكد/لـمـ... <<سكت أول ما طاحت عيونه عليها
لمياء كانت تثبت حجابها مع انه مثبت و تناظر اي شي إلا عيونه كانت منحرجه ومو عارفه وش تقول بهالموقف/...
عمر وهو ينزل عيونه بالارض ويصد عنها/الحمدلله ع سلامتك
لمياء بلعة ريقها وهي مرتبكه/الله يسلمك..
عمر/الدكتور قال تقدرين تطلعين بعدما يخلص المغذي.. وقال ثاني مره لازم تاكلين قبل تطلعين لدوامك
لمياء بقمة ربكتها/طيب مشكور عمر.. خلاص روح انت
عمر ابتسم وهو ملاحظ حياها/هذي كأنها طرده! .. لكن معك حق.. وجودي هنا ماله داعي.... .سلام
لمياء رفعت عيونها له وهي تشوفه مقفي وخانها التعبير/عُمر مو قصدي..
عمر وقف والتفت عليها/!!!
لمياء تسرعت/اقصد لازم تروح لصاحبك اكيد ينتظرك.. مابي يجي اخوي اللحين ويشوفك عندي... <<ماضبطت معها الجمله وسكتت.
عمر عارف ليش ترددت/كلمتي اخوك؟
لمياء/لا
عمر ببتسامه/اجل كيف بيجي هنا دامك ما اتصلتي به؟
لمياء انحرجت وسكتت..
عمر قرر يطلع/يلا سلام
لمياء خافت تجلس لحالها بهالمكان ونادته وباين في نبرتها الخوف بعد اللي حصل لها في السوق/عمر.. لا تروح و تخليني هنا لحالي..
عمر ما يتخيل حجم سعادته بهاللحظه/طيب وانا اخوك بنتظرك برا ..وانتي اتصلي في اخوك... لكن انتبهي تذكرين اسمي
لمياء وهي تتأمله/خلك هنا لا تطلع
عمر/مايصير اقعد هنا وانا اخوك.. بنتظر برا وأوعدك ما اروح لين تقولين لي روح.. لا تخافين.. بس اذكري الله
لمياء ارتحت له بعد هالكلام واطمأنت/..
،
*
،
،
،
السعوديه*
الجنوب'
في غياهب السجون وظلمة العنابر.. ،
واقف جابر ويتكلم مع اخوه في زياره..
علي وباين على ملامحه العتب/طوولت الغيبه هالمره ي جابر
جابر وهو خجلان من نفسه/ادري اني مقصر معك ياخوي اعذرني
علي/هاه وش الاخبار؟
جابر/كل شي تمام
علي كان بيسأل عن عياله وتردد/..
جابر فتح جواله على صور اولاد علي ومد عليه الجهاز/تعرف هالولدين؟
علي جاه حنين مو مصدق ان اولاده كبروا وصاروا بهالحجم وهو ما شافهم الاو اول ما انولدوا/...
جابر لاحظ عيون علي وهو يطالعهم تلمع/كيف قلبك قسى وترك مازن ومؤيد
علي/مالك شغل
جابر/بكيفك...
علي/انت وش اخبارك ووش اخبار الوالد
جابر بعد تردد/ابوي بخير و انا تزوجت
علي استغرب/تزوجت؟!!كيف تتزوج وما تنتظرني احضر عرسك
جابر/ماسويت عرس.. كان عشاء صغير ببيت اهلها.. واخذتها
علي/طيب العروس من بنته؟
جابر خاف من ردة فعله/هنادي.. اخت نسرين
علي عبس بوجهه وهو مو مصدق/وشووو!!
،
،
،
،


نرجع لـبلاد المهجر ( كندا)...
وصلت البيت وهي تحس بتعب وارهاق فضيع.. نفسها يضيق مع المجهود اللي تبذله كلما تقدمت في مراحل الحمل.. وهي عارفه انه لازمها راحه لكنها ماراح ترتاح والسبب مشكلتها مع مشعل..
دخلت غرفتها وهي تبي توصل سريرها وبس .. رمت الحجاب والجاكيت بطريقها و كل شي مضايقها وصلت لسريرها وحطت راسها على الوساده وهي تتنفس بسرعه من التعب.
لحظات قليله وكانت يدووب تسكر عيونها..
والا ينفتح باب غرفتها بسرعه/لووجييين الحقيني
لوجين فتحت عيونها واستقعدت بصعوبه/ايش فيكِ يا أمي
هدى/النادي اتصلوا فيني من شوي وقالوا انو احمد اصيب في التمرين اليوم وودوه المستشفى
لوجين من خوفها قامت ونسيت انها حامل"هذا اخوها الوحيد" عزوتها وقوتها اللي تذخرها للايام اخوها اللي فرحت بمولده مثل فرحة امها وابوها/يلا يا أمي ايش تنتظرين
هدى راحت تلبس وطلعوا متجهين للمستشفى...
،
،
،
،
،
،
،

وصل المستشفى وكان شايل هموم الدنيا على أكتافه ولكنه تناساها لعيون عُمر" كان خايف عليه.. لا يكون صاير له شي!!
وقف ينتظره عند قسم الطوارئ وشاف وجه طفل مو غريب عليه هذا ولد عمه "اخو لوجين".. اتجه له مسرع/أحمد.. احمد
احمد انتبه لمشعل وابتسم مو مصدق انه شافه هنا/مششعل!!!
مشعل اتجه له وسلم عليه وهو مصدوم من حالته "رجله مجبسه من عند الركبه لمشط القدم/احمد من اللي سوا فيك كذا؟
احمد بابتسامه/كنت ألعب كوره بالنادي وطحت وانكسرت وجابني المدرب هنا..
مشعل وهو يمسح ع راسه/سلمات ان شاء الله
احمد/الله يسلمك..
مشعل/طيب وين اهلك؟
احمد وهو يحس بوخز/ابوي سافر من اسبوع للسعوديه وانا اعطيت رقم اهلي للمدرب علشان يكلمهم
مشعل/فيك شيء.. الكسر يوجعك والا خف؟
احمد/كان يوجعني بس خف
الممرضه جاءت وعطته ابره/..
مشعل/ما هذا؟
الممرضه/مهدئ..
مشعل تفهم الوضع وجلس عنده وقرر يتصل في عمر/...
،
لحظات ودخلت لوجين بعدما سألت عن اخوها بالريسبشن/
هدى دخلت معها و اتجهوا لأحمد اللي كان نايم/احمد يا عمري.. قوم انا ماما
لوجين خنقتها العبره وهي تشوف رجله المجبسه/ميدو حبيبي
صوت من وراهم/اعطوه ابرة منوم قبل ربع ساعه ماظن بيرد عليكم اللحين
هدى شهقت/مشعل!!
مشعل بشبه ابتسامه/الحمدلله ع سلامته
هدى وهي خايفه من وجوده/الله يسلمك ي ولدي
مشعل/انا كنت عند احمد قبل ينام، لا تخافين هو بخير
هدى ارتاحت لنبرته/ان شاء الله
لوجين اتجهت للباب وهي تخزه و مرّت من جانبه "همست له"/الحقني برا..
مشعل طلع بعدما شاافها طالعه.. ووقف بعدما وقفت بغرفة الانتظار/نعم!..طلبتيني؟
لوجين وقفت تستجمع قواها ولفت عليه وهي عاقده حواجبها/انت ماتقولي ايش جابك هنا؟!
مشعل وهو يناظرها بطرف عينه ويداعب سبحته في يدينه/اظن المستشفى مكان عام مو بيتك علشان تسأليني ليش جاي
لوجين بنظرات شك/لا يكون تراقب اخوي وناوي تقتله بعد.. يكوون بعلمك.. احمد خط احمررر بالنسبه لك فاااهم يا مشعل
مشعل ضل ساكت ويتأمل اسلوب كلامها اللي يعجبه و شكلها واستغرب حجم بطنها وبعدها نطق/انتي مو معقوله بالشهر الخامس!! شكلك وكأنك بالثامن "كبير حيل بطنك
لوجين انحرجت و حاولت تخبي بطنها بالشال/انت شلون تتجرأ وتناظر في بطني بعد
مشعل بابتسامه ساخره/مو تقولين هالولد لي
لوجين بانفلات اعصاب/لا مو لك...
مشعل عقد حواجبه/وشوو؟!!
لوجين بوجع/نسيت انك تبريت منه؟..ان كنت ناسي اذكرك،
مشعل/بكرا راح اسوي التحاليل ونشوف
لوجين اخفت سعادتها بابتسامة نصر/مبروك يا حبيب امك اجل رضوا اهلك بعدما شاورتهم تسوي التحاليل
مشعل وهو يشوف السخريه بكلامها/انا طول عمري اخذ شوري من راسي
لوجين ناظرته بسخريه وهي ماشيه رمت عليه هالكلمه/ماشي ماشي،ههه والدليل اهلك يتحكمون فيك، يعني كلمه توديك وكلمه تجيبك
مشعل مسكها وهي طالعه ولفها عليه بقوه/شقصدك
لوجين وهي تحس بدوخه وألم/مشعل أنا حالياً ماني قدك.. انا تعبانه وما ارتحت خمس دقايق من الصبح ..اترك حقدك علي لبعدين
مشعل ضغط على معصمها بقوه من حرته/ليه تتعمدين تنرفزيني بكل مره اشوفك فيها
لوجين قربت تصرخ من الألم لكنها تحاول تصبر/وانت ليه تتعمد تأذيني بكل مره تشوفني فيها!! فك يدي،كسرتها!
مشعل صحى لنفسه وترك يدها بعدما سمع صوت المفصل/...
لوجين طلعت بسرعه وهي تكتم ألمها من معصمها اللي صار لونه احمر غامق وفيه خط بنفسجي وينبض من شدة الوجع/..
،،
،
،
،
،
جاءت مستعجله واتجهت لغرفة لمياء وانتبهت لوجود عمر جالس عند باب الغرفه/عمرر!! ..وين لمياء
عمر انبسط يوم شافها/لمياء بالغرفه.. زين انك جيتي انا رايح.. سلميلي عليها..
روبين /بيوصل ان شاء الله..
عمر منع نفسه يناظر فيها نظره اخيره،لأنه حس انه هالمره بتكون الاخيره،اكيد كان حاب يناظر لكنه صد وراح بسرعه/يلا سلام..
،
دخلت روبين وهي تتفقد صديقتها/لموش حبيبتي سلامات وش صارلك
لمياء/لا تخافين.. انا بخير روبي... وين عُمر شفتيه عند الباب؟
روبين استغربت نبرة لمياء وهي تسأل عن عمر/كان عند الباب اول ما شافني استاذن وقال سلميلي على لمياء وراح ..
لمياء سكتت مبتسمه و تأملت تصرفاته من اول مره شافته وهي تجلس مكانها: معقوله في ناس للحين عندها شهامه و"نُبل" مثل عمر؟!...
روبين/والله الدنيا ماتخلى... يعني لو خُليت خُربت..
لمياء تنهدت وسكتت/...
روبين ناظرتها بنص عين/لا يكون حبيتيه يالخبله
لمياءبحالميه/شخصيته تنحب ورزانته ورجولته تستفز القلب.. لو هو احد غيره بيستغل الوضع وبيتميلح وبيفرض نفسه علي.. لكن هو ما حاول حتى محاوله!!
روبين خزتها وتخصرت بيدينها/لا يكون قلبك صار هواوي!!
لمياء وهي تتخيله قدامها ويتبسم ومابينهم اي حواجز/والله يا روبي لو يخطبني اللحين تزوجته بدون مقابل بعد.. لكن الحمدلله انه مب جاي يخطبني
روبين/لهالدرجه يعني
لمياء/واكثر يا روبي
تحنحن زياد وكان بيدخل/لمياااء
لمياء بلعة ريقها من الخوف لا يكون سمعها، أو دري باللي صار "بتكون كارثه"!!
روبين بعدما عدلت نقابها/ادخل يا زياد..
دخل زياد وهو يطالع لمياء بنظرات خلتها تتوتر/...
،
،
،
،
،
،
،
،
بعد ساعتين...
طلعت لوجين وهدى ومعهم احمد... ركبوا احمد السياره بمساعدة الممرضه.. واخذت الكرسي وراحت...
كلهم ركبوا ..لوجين ركبت وحاولت تشغل السياره وماقدرت من ألم معصمها اليمين!!
هدى استغربت/لوجين حبيبتي، ايش فيها يدك
لوجين كانت تضم معصمها بيدها اليسار/مافيني حاجه أنا كويسه يا أمي.
هدى/ ماصدقتها طيب ليش ما تشغلين السياره؟!..
لحظات وانفتح باب لوجين،وتكلم بصوت رجولي تعشقه لوجين/انزلي
لوجين بنظرات اتهام وكراهيه/ما راح انزل... ورجاءاً اطلع من حياتي
مشعل/اوكي بطلع من حياتك.. بس حاليا خليني أوصلك البيت.. شوفي يدك كيف متورمه ما راح تقدرين تسوقين
لوجين منقهره منه لانه السبب/مالك دخل..
هدى وهي تنغزها تبي تقصر الشر/خليه يودينا يا بنتي
مشعل مد يده لها/سَمّي
لوجين خافت من يده اللي ياما تمنت تنمد لها..ونزلت وراحت تركب وراء.. لأنها من جد ماتقدر تسوق ويدها توجعها...
ركب مشعل وشغل السياره ومشوا/خالتي تدلين بيتكم
هدى بابتسامه/اكيد ادله..
مشعل/اجل وصفي لي الطريق..
لوجين وراه و متجاهله وجوده..
،
،
،
،
،
،
،
،
،
وصل عُمر للفندق.. وارتاح بغرفته وهو سارح بفكره، هالدنيا من جد غريبه..كيف اللي ألاقي اللي ابيها ولا اقدر اخطفها معي..و"يتساءل" هي ارتاحت معي لأني الوحيد اللي كانت تعرفه بهذاك المكان.. و لأن وجهي مألوف عندها..
لكن لو خطبتها لي مستحيل توافق علي لأني رفيق مشعل ومشعل طليق رفيقتها.. اكيد بتوقف بصفها..!!
هههه الله عليك يا عمر... كيف تفكر بالزواج وانت توك متزوج؟!!..
بهاللحظات رن جواله.. ورد وهو قلبه معها/هلا لمياء
فاتن بالجوال قلبها قرصها/انا فاااتن يا عُمر مين لمياء؟
عمر توورط/ماقلت لمياء.. انتي تتوهمين
فاتن/انا ما اتوهم . انت وينك.. ليش ماجيت للحين
عمر استغرب لهفتها عليه/وش فيك فاتن؟صاير شي
فاتن/الكل يسألني عنك. ليش تروح وتتركني وتونا متزوجين..
عمر بابتسامه/وانتي ليه توك تسألين؟.نسيتي انك سمحتيلي اروح بدونك
فاتن مالقت رد/...
عمر/ع العموم كلها اسبوع وراجعين
فاتن/اوكي سلام
عمر سكر الخط وهو متضاااايق، ليش ما يحق له يستقر بحياته ويكون له بيت وزوجه تحبه و تخاف عليه وتنتظره وتحرق جواله اتصال اذا غاب عنها لو نص ساعه!!
كلها احلام بسيطه لكن ماتحققت لعمر...!!
/
/
/
/
/
/
/
/

بعد يومين ع الاحداث السابقه*
طلع من المستشفى وهو تايه الفكر و ضايقه فيه الدنيا.. كيف كان "مُغفل طول السنين"... معقوله أنا سليم 100% اجل كان عندي خطأ طبي في تحاليلي.. أو شي ثاني أنا ما اعرفه؟!!طيب ليه ما حملت اميره؟!!
تذكر اميره في هاللحظات و نساها مع مشكلته الحاليه..
لوجين" اللي تحملت ككثيير و ياما انجرحت مني ومن اهلي بعد.. لوجين كان معها كل الحق وانا ظلمتها مع أني أدرى الناس بطهارتها،.. تذكر لحظة ما اغتصبها وشاف أثار عذريتها.. وتندم حيييل ع اللي سواه.. بدون ما يحس لقى نفسه قدام بيتها!!
وقف عند الباب ورن الجرس;
فتحت له ام لوجين وخافت/هلا مشعل
مشعل بابتسامته الهاديه دخل وباس راسها/السلام عليكم
هدى استغربت تصرفه/وعليكم السلام ورحمة الله وبركاته. خير يا ابني فيه حاجه
مشعل/يعني ما راح تضيفيني يا خاله والا كيف؟
هدى كانت خايفه على مشاعر لوجين/اكيد يا ابني.. اتفضل..
دخل مشعل للصاله وجلس/كيف حال احمد
هدى/بخير الحمدلله
مشعل/الله يقومه بالسلامه..
هدى بابتسامه خفيفه/مشكور يا ابني..
مشعل سكت شوي وهو مو عارف كيف يبدأ...
هدى قامت/انا رايحه اسوي قهوه اخذ راحتك..
مشعل كان يتلفت يبي يلمح لوجين/خالتي وين لوجين.. حاب اتكلم معها شوي
هدى ماتبيه يقرب من بنتها بعد عذابها منهم.. لكنها ماتحب تكذب.. ومشعل كان لبق جداً علشان كذا عاملته بلطف/اشوفها اخذت شنطة الاسعافات و طلعت للجنينه الخلفيه للبيت.
،تركها مشعل وطلع...
هدى بخوف/الله يستر
،
الحديقه الخلفيه للبيت**.
شافها جالسه على المرجوحه وتدهن معصمها بمرهم علشان يسكن الألم ولفته بالضماد الطبي.. ولمحته وصدت عنه بسكات معاد تبي،تكلمه/
مشعل وقف عندها وهو حاس بالذنب/آسف
لوجين بقوة قلب، حقرته وطنشته/...
مشعل وهو خجلان/حبيت اقولك اني سويت التحاليل
لوجين قامت ولا كأنها سمعته ومرت من جنبه تبي تدخل ولمس كتفها كتفه/..
مشعل ماقدر يتحمل ومد يده ويمسك بيدها وهو وساكت/... !!
لوجين وكأنها ميته ماتحس/ابعد عني.
مشعل ضل ماسك يدها/لوجين لا تصدين بوجهك عني، حطي عينك يعيني و اصرخي بوجهي وعاتبيني قد ماتبين وامريني وش ما كان اللي تبينه بنفذه لك
لوجين فكرت والتفتت عليه/أولاً فك يديني.. ترانا منفصلين ما يجوز لك تلمسني.
مشعل/بس انا ما طلقتك
لوجين بغصه/مشعل شرعاً ورسمياً أنا وانت منفصلين، بعدين شلون تبيني اثق فيك وانت عمرك ما وعدتني بحاجه وسويتها!!! وحياتك كلن يتدخل فيها..!!
مشعل انقهر من هالنقطه بس هي صادقه/انتي جربيني هالمره وشوفي.. اقسم بالله لأسوي اللي تبينه
لوجين وعينها بعينه وتلمع/ابتعد عني.. مابيك،قربك يستفز جروح بداخلي ما تقدر تداويها
مشعل انصدم من هالطلب/وش قصدك..
لوجين/ان كانك صدق ناوي توفي بوعدك وتلبي طلبي.. هذا هو طلبي.. معاد ابي اشوفك.. و اللي ببطني مالك فيه دخل هذا لي انا وبس ..و هذا على فكره اللي بتطلبه منك المحكمه وابيك تنفذه.. هاه وش قلت؟
مشعل عوره قلبه وما قدر يرد/...
لوجين ناظرته بتحدي/أوفي معي مره وحده.. ونفذ وعدك هذا وانسى انك تزوجتني واني حامل.
مشعل بلحظه هو عارف انه بيندم عليها كثير ولكن لازم يوفي بوعده/تحت امرك.. لك اللي تبينه، تبين شي ثاني يالحبيبه؟!
لوجين ما صدقت ناظرت بعيونه تبي تتأكد/مشكور .بس هذا اللي ابيه..
مشعل ابتسم و ناظرها نظرات مودع وطلع/سلام
لوجين جلست وهي منهاره واستسلمت للدموع بعدما ضغطت على نفسها واسطنعت القوّه كثييير قدامه.. ،
[[‏ﺎقفى ولكنه ترک داخلي شيء
وانا تركت بداخلـہ ﺎلف حاجـه

مدري مصير ﺎلحي بيلاقي ﺎلحي
والا انا وياه صععب انتواجه !.]]
،

،

يتبع