#قلب_طائفي
#روز_الفياض
#ب٧
.
.
.
مهما رمت الحياة أثقالها على عاتقك ،
إعلم أن الله لن يُكلف نفساً الا وسعها وإطمئن .
.
.
.
سكوتي طول ..
خالد :
وسن ؟
سونه ؟
مجاوبته ..
خالد :
وين صرتي ؟
الو ؟
وسن :
والله كلبي جان حاس اكو شي وكتلك مو طبيعي وسفراته مالها معنى ومتغير.
خالد :
دتبجين ؟
هاي انت العاقله لو اعرف تبجين محجيت.
وسن :
عوفك مني ..
الحل شنو؟
خالد :
حليش !!!
رجال متزوج على سنة الله ورسوله وممقصر وياكم ..
انت خليج بعيده عن الموضوع هو وامج يتجازون بيناتهم في حال عرفت .
المهم انتي متحجين اي شي ..
حسيت صدري ضاك واختنكت.
خالد :
وسن دتسمعيني؟
اتنهدت ومسحت دموعي :
اسمعك ..
ليش كتلي .. لو مكايلي احسن ...
خالد :
وسن ..
دير بالج تحجين ..
منريد مشاكل ...
وسن :
ان شاءالله ..
الله يستر.
الفتره الوراها بقيت مكتئبه ..
مااعرف شسوي لااكدر احجي ولااكدر اسكت.
قرب زواجنه بعد اسبوع واليوم اجه خالد ابوي مموجود مسافر ..
اكيد يم زوجته الثانيه ويكول مسافر.
امي اخذت هديل وامل للسوك يكملون احتياجاتهم للعرس.
بس اني وخالد واخويه علي بالبيت .
علي جان كاعد ويه صديقه بالحديقه واني وخالد بالديوانيه.
خالد :
يمعوده لو ادري محاجي شي شبيج هيج ضايجه هذا حال وحده عروس بعد كم؟
ضايجه وساكته وكل شويه عيونج مدمعه.
وسن :
خايفه ..
خالد :
ليش ؟
خايفه من شنو؟
وسن :
خايفه امي تعرف وتصير مشاكل.
خالد :
الله كريم يمعوده يجوز متعرف يجوز فتره نزوه وتعدي.
وسن :
الله يسمع منك ..ان شاءالله نزوه وتنتهي بدون محد يعرف .
خالد :
معناها اريد حصتي؟
وسن :
حصة شنو؟
خالد :
حصتي منج ...
تفكرين بالناس كولها الا اني .
وسن :
هو منو اللي كلي وشلع گلبي غيرك ..
بعدين انت اكثر واحد افكر بي .
ضحك :
تتذكرين من رزلتيني لان امشي وراج مره بالمطر.
وسن :
انت تخليني انسى يوميه تذكرني هههه ولو هي مو رزاله تره .
خالد :
لعد شنو ؟
انهديتي بيه هده .
وسن :
ادري غير خفت منك
خالد :
بس تره اني هم لكيتها حجه حتى امشي وراج واشوفج واندل بيتكم .
