#قلب_طائفي
#روز_الفياض
#ب١٤
.
.
.
أخاف مما تخفيه النوايا
ترعبني فكرة أن أكون محسناً مع الأشخاص الخطأ .
.
.
.
وره شويه كعدت شفتهم كلهم يمي خوات خالد واخوانه وزوجاتهم استغربت شصاير.
وسن :
شصاير؟
خالد بي شي؟
دريتوا بي وينه؟
عرفتوا عنه شي؟
كالوا:
لا احنه اجينه نشوفج ..
انت وفروحه ونشوف خاف محتاجين شي اتفاجأنه بيج واكعه ومريضه.
وسن:
مابيه شي بس دخت تعبت يمكن ويمكن لان مااكلت شي من البارحه.
طبعا لاموني وعاتبوني لان رحت وحدي بدون علمهم وبدون شورهم حقهم بالله صار بيه شي هم شمدريهم بس شسوي عقل مظل براسي بعد.
بقوا عدنه لليل شويه ردوا عني الوحشه قبل ليطلعون خلوا بيدي مبلغ وحلفوني اذا احتاج اي اتصل.
الحمدلله ربي ترزقنه من حيث لانحتسب الفلوس الي جانت بجنطتي كلها انطيتها للولد السايق وهاي ربي مكطع بيه الحمدلله.
مرت الايام واني مثل التابوت اليمشي بميت روحي خلصانه والتفكير دمرني ومو اي تفكير بس فكره وحده انو همه قتلوه.
شكلي شاحب بديت اضعف لان مااكل وبس اتعب شويه اوكع صار عندي فقر دم.
قبلها بكم يوم ومدري شعجب ابوي اجاني وحجيتله وعاتبته لايدك لايتصل ولايسأل لايجاوب على اتصالاتي وجوابه معروف مشغول ومسافر وميلحك عالشغل عذر اقبح من فعل ..
ماادري العتب جاب نتيجة لو عنده شي المهم بعدها
ظل كل اسبوع يمر يجيبلي مسواك وينطي لفروحه مصرف ويروح.
امي من حجيتلها خلصتها بجي وكالت تحاول تجي يمي بس تصير زينه لان هي هسه تعبانه السكر مرتفع.
من سمتعها لمت نفسي ليش حجيتلها خاف يصير بيها شي بسببي.
اختي كل كم يوم تجي هي وعمر زوجها هم مقصر دور ويه الولد بكل مكان.
فكرت ارجع للدوام صارلي شهرين ممداومه واخاف بيها مسؤوليه على ست رجاء حجيت ويه البنات كلولي اي روحي زين تسوين واصلا البنات لشوكت راح يبقون تاركين بيوتهم وازواجهم وكاعدين يمي.
رحت اليوم للمدرسه عبريه واني وحظي اوصل بدون مغثه لو الله يسلط علي واحد ماعنده غيره ولاشرف يغثني ويقهرني.
وصلت سلامات وبديت دوامي ودورسي وتعبت واني اعيد نفس الحجي لكل معلمه تسألتني شصار؟ماكوشي؟
معرفتوا شي؟
رجعت للبيت الدنيا مغرب وحجيت ويه حمواتي كتلهم كل وحده تروح لبيتها كافي هيج كل وحده عدها زوج واطفال لشوكت متبهذلين بسببي.
كوثر:
شلون نخليج وحدج بالله صارلج شي طب عليج احد.
وسن:
اروح لبيت ابوي احسن.
