#قلب_طائفي
#روز_الفياض
#ب٢٥
.
.
.
"ملامِحُ مَن نُحبُّه لا تَغيبُ
وكُنّا حينَ نلمَحهُم نطيبُ"
.
.
.
كلي:
ساكته وسن ؟
وسن:
شنو المفروض لازم اكول ؟؟
اني اصلا مااعرف اني هنا ليش ...
وشمسويه ؟
ولا انت منو وشتريد يعني ؟؟
كال:
اني مااريد شي منج اريد اساعدج وانت ممسويه شي انت جايه هنا حتى اشوفج واتعرف عليج ونحجي انت مو تردين خالد يطلع؟
وسن:
اكيد.
كال:
معناها اني راح اساعدج بس بصفه غير رسميه ادري بيج ماعندج احد زوجج مسجون وقضيته جبيره وابوج هسه هم عليه القاء قبض ومنهزم واخوج صغير ومينشد بي الظهر واخوان زوجج اليوم باجر يملون ويتعبون منج ويعوفوج .
انعصر كلبي من كلامه رغم كلامه صحيح.
وسن:
شلون يعني زوجي قضيته جبيره هو بشنو متهم ؟
كال:
ارهاب هاي كدامي اوراقه ارهابي.
جريت نفس حتى لا ابجي :
مستحيل ..
وينه ووين الارهاب هو دجاجه ميكدر يذبح مو بشر.
كال:
الارهاب مو بس ذبح.
وسن:
لعد شنو غير نفهم ؟؟
هاي مرت ست شهور ومنعرف شنو القصة .
كال:
سالفته طويله ومطوله متنحل بسهوله بس اني راح احاول.
وسن:
بس اني الي اعرفه شغلته منتهيه لان ماكو شي ضده واحتمال جبير شغله كيديه.
رفع وجهه بعصبيه :
منو كال ؟؟؟
وسن:
بالتحقيق.
كال:
ياتحقيق؟
وسن:
استاذ الله يخليك بس فهمني حتى ارتاح شنو المطلوب حتى يطلع تره ماكو هيجي شي واحد شهور اهله ميعرفون حتى تهمته ولا شايفيه ولاحاجين وياه لو من الدواعش هم جان خلونه تشوفه.
ضحك على كيف ولعبت نفسي من ضحكته المستفزه:
مبين عليج تحبيه مو ؟
اي حقج حقج زوجج بعد منلومج.
مجاوبته كال:
ست من الاخير حتى متتعطلين ولا نكثر الروحات والجيات عليج الشغله مو يمي ولا اكدر افيدج بصفه رسميه بشي بس اعرف اشخاص ممكن يساعدوج ويعرفون طريق زوجج واذا بيها مجال يطلعوه هم ميقصرون ان شاءالله.
وسن:
ان شاءالله ياريت والله اكون ممنونه.
ضحك نفس الضحك المقززه ماادري ليش محبيته وحسيته شخص وصخ ومو نزيه بس شسوي ميخالف اتحمل زناخته لخاطر خالد.
كال:
لا ممنونه ميفتهموها همه متمشي عدهم لان هالشغله بيها مسؤوليه جبيره وممكن تكلفهم هوايه.
وسن:فلوس يعني؟
كال:
ماادري والله بس خل نكول هدية حتى لاتنفهم غلط ..
اتصل بيهم واشوف طلباتهم واتصل بيج ان شاءالله وابلغج بس هالموضوع ميطلع بره علمود مصلحة زوجج ، واضح ؟
