#قلب_طائفي
#روز_الفياض
#ب٨
.
.
.
الله خلقك عزيزًا مُضيئاً ،
فلا تطفئ روحك بما لايستحقها .
.
.
.
اخذت الطريق كله ابجي وخالد يسكت بيه ..
رحنه كعدنه عالكورنيش صح بارده بس اني مردت ارجع للبيت ..
بقى خالد يحجي ويسكت بيه :
سونه اكثر شي احبه بيج انه انت ناضجه بتفكيرج مو مثل باقي البنات فرجاءا ابقي مثل ماانت .
فهمت من كلامه ميريدني احجي شي من الي شفته اليوم .
اصلا بكل الحالات مااكدر احجي واجرح امي بهالموضوع ..
مجبوره اسكت ..
الفتره الي بعدها ابويه اتغير ويايه هوايه احسه خايف مني واتغير بالعكس ويه خالد ميحبه ..
ميطيقه ...
كلما يجي خالد يظل يسمعه حجي ويغثه .
خالد جان يتحمل ويسكت لخاطري الى ان ظل خالد ميطب لاهلي من يكون ابوي موجود يوصلني للباب ويروح ..
هالموضوع كان كلش مأذيني ..
بس مااكدر احجي ..
وهنا قررت اني هم بعد اجي من يكون ابوي مموجود بالبيت ..
لان كرهته ...
فوك الي سواه بعد اله عين ويتعمد يغث خالد !!
اتصور عباله خالد هو الي كلي بالمطعم وجابني اشوفهم .
وره كم شهر صار عدني حمل وظليت ادوام عادي بس بهالفتره خالد جان تعبان نفسيا لان صار مرتين تجي الشرطه عليه للمحل ويسوون تفتيش ويخبصون المحل وياخذوه للمركز يحققون وياه بحجة صاحب هذا المحل عليه بلاغات انو هو يبيع ممنوعات.
وبعد ميتأكدون ماكو شي يطلقون سراحه .
بدا حملي يبين وخالد حبوب ومؤدب بس جان ماله خلك ..
مهموم ..
خالد :
لو اعرف منو الي يبلغ عني ارتاح ..
وسن:
حسبنا الله ونعم الوكيل الله ينتقم من كل ظالم .
اكيد واحد عنده محل موبايلات يمك وخال عينه على رزقك ..
خالد:
والله ماادري ...
بس لتخافين ماكو شي لو اكو شي ميخلوني اطلع .
وسن:
ان شاءالله الله يردها للي سواها بحظه وبخته وبعافيته والله من كلتلي ام رقيه ضغطي انخفض وكلبي انعصر كتلها لو محاجيتلي احسن .
خالد:
لتخافين الحمدلله خلصت سلامات ماكو شي ان شاءالله.
حضني وباس راسي :
سونه لو فرضا طلع كلامهم صحيح تبقين وياي ؟
وسن :
لاطبعا ...
لواذيتك على نفسك بيها مجال ...
لو اذيتك علي اني يمكن اتحمل واصبر لان زوجي واحبك ..
بس اذا اذيتك عالناس مااكدر ابقى وياك لان معناها فلوسك حرام بحرام واني مااقبلها الي ولا لابني ناكل من فلوس حرام .
رجع باس راسي:
احبج من تكولين ابني واحسج تخافين عليه من هسه لايكلج تكونين ام .
وكل فلس عندي حلال الله شاهد تعبان بي لتخافين .
وسن :
ميحتاج تحلف وتبرر اني عندي ثقه كامله بيك .
وراها بشهر نايمين بالليل ودك تليفون خالد كعدنه مرعوبين وخالد من رد عالتليفون كام يركض منا ومنا ومااعرف شبي:
على كيفك شبيك ؟
خالد؟
