#قلب_طائفي
#روز_الفياض
#ب١٥
.
.
.
الدنيّا دُولابّ وخَذتنَا على المَزاج
وناسنَا نغَرت وَلاَ جّن كلهَا طيِّن!
.
.
.
اليوم دوامي صباحي ...
اخذت بنتي ورحت للدوام مثل كل يوم .
شويه الدوام احسن من الكعده بالبيت ..
من اروح للدوام شويه انشغل عن التفكير واكو ناس حواليه افضفض وياهم واسولف واطلع الي بكلبي.
بس من اكعد بالبيت ابقى بس افكر وافكر وافكر واموت باليوم الف مره .
خلص الدوام كلت خل اروح لبيتي اشوفه واطل عليه وانظفه صارلي فتره تاركته هسه اكله التراب..
رحت للبيت سويت غدا عالسريع ونومت فرح واتحزمت نظفت البيت كله حسيت ظهري انكطم وتعبت وصارت عندي الالام ابطني خفت ...
رحت اتمددت وخابرت اختي حجيت وياها وخلصت باوعت للساعه صارت الساعة بالستة !!!
هم يالله اروح للبيت ظلمت الدنيا.
كعدت فرح ولبست ورحت عبريه كالمعتاد وصلت للبيت الدنيا ظلمه.
طلعت المفتاح من جنطتي وفتحت الباب ودخلت على كيف البيت ظلمه بس غرفة ابوي ومرته بيها ضوه
دخلت كبل لغرفتي مااشتهي اشوفها ولا احجي وياها ..
بدلت وطلعت للحمام سمعت صوتهم يضحكون ويسولفون بالغرفه رحت للحمام ورجعت شفت باب الغرفه مالتهم مردود بس ممسدود.
درت وجهي اريد ادخل لغرفتي بس انتبهت لصوت ابوي مو صوت ابوي !!!!
ظليت واكفه .....
حسيت جلدي قشعر لعبت نفسي بس كلت بكلبي اتعوذي من الشيطان وليصير كلبج اسود.
فتحت باب غرفتي وماادري ليش التفت على باب غرفتهم لمحت رجال واكف يلبس قميص وردي من لون القميص عرفته مو ابوي .....
لان ابوي ميلبس هيجي الوان .
يبست ايدي على ايد الباب بلعت ريكي كوه حاولت اجر رجليه افتح باب غرفتهم واشوف منو هذا ؟؟
وشنو الي ديصير ؟؟؟
وشيسوي هنا ويه مرت ابوي بغرفة نومها ؟؟؟
وجماله واكف يلبس ملابسه.
بس مكدرت ...
مكدرت اتحرك الدم نشف بعروكي من الخوف والصدمه.
شويه وانفتح الباب وصار بوجهي ولد شاب وهي واكفه وراه وحاضنته ولابسه ملابس نوم.
راسا صرخت اني وهمه هم صرخوا وارتبكوا وطلع هو يركض وهي دخلت للغرفه وقفلت الباب.
اني هنا تحنطت !!!!!
بقيت واكفه اعيد المشاهد ابالي بالبطئ حتى استوعب الي شفته وافهمه ..
معقولة شفت الي شفته لو اني اتخيل ؟؟؟؟!!!
شويه وطلعت هي من غرفتها لابسه لبس مستور :
هذا ابن خالتي خابرته يجي على اساس يبات هنا خفت ابات ابحدي بالبيت ..
اخواني مسافرين وابوج مسافر
وانت مرجعتي للبيت من وكت ...
كلت يمكن مترجعين للبيت ...فخفت ابحدي وخابرته ،..
على اساس يجيب مرته ويجي يباوتون وياي بس...
