#قلب_طائفي
#روز_الفياض
#ب٢٢
.
.
.
عزّ علي انني كنت دائمًا أعكف الطريق إليك عنوةً ولم أنتبه بأنك الطرف الذي يغيّر اتجاهه حتى نضيع عن بعضنا.
.
.
.
وسن :
وليش طالبني للتحقيق شمسويه؟
مسح الضابط وجهه بيده ورجع انتجه :
ممسويه شي ..
وماادري ياخويه ليش نحقق وياج ...
واصلا هالموضوع مو يمنه وهالقضيه مو اختصاصنه.
وسن:
يعني شلون مو من اختصاصكم ؟
لعد المن جبتوني هنا ؟
هز جتفه بمعنى ماادري ..
وسن :
زين متكدر تتصل بي تسأله تستفهم منه؟
هز راسه لا.
وسن:
اني احجي وياه اذا انت خايف من المسؤوليه ..
اني اسأله من حقي تره اعرف شديصير ..
وليش جايبيني يوميه لهنا وعايفه بتي وحدها.
الضابط:
شتردين اكولج ؟
من الاخير احنه ماعدنه شي شخصي وياج هنا ولا القضيه يمنه وهالحجي احجي وياج بصفه غير رسميه لان كسرتي خاطري وادري بيج خايفه ومبين عليج متعرفيه ومتفاجأه وراح اعتبرج اختي وانصحج نصيحه ...
ديري بالج ...
جنت مدنكه استحي اباوعله وهو يحجي لان يباوعلي من كلي ديري بالج عبالك ضربني كف على وجهي .
راسأ درت عليه باوعتله حتى خفت اسأله ليش.
ظل هو يباوعلي ويهز براسه :
انت بنيه شابه وحلوه وصغيره ومالج احد والبلد تايه لاقانون ولا حاكم ولاحكيم ديري بالج من الناس تره فريسه سهله انت والماعدهم شرف هوايه.
راسا دكيت على صدري صار بيها شرف.
وسن:
يمه ...
ياشرف خويه على بختك !!!
يافريسه ؟؟؟'
ليش منو هو هذا وشيريد مني؟
ووين يعرفني؟
الضابط :
مااعرف ولاتسأليني اكثر .
وسن:
فدوه اروحلك اذا تعرفه كلي منو هو؟
ليش هيج يسوي ؟
شيريد يعني ؟
مره متزوجه اني وعندي طفله وهاي بطني حامل شلون يعني بعد فريسه سهله للماعدهم شرف.
ظليت ابجي واضرب بخدي.
الضابط:
اني نصحتج وسويت العلي حتى ارضي ضميري اني هم عندي خوات وزوجه واخاف عليهم والما ارضاه لاهلي ماارضاه لبنات الناس وانت مبينه فقيره.
وسن:
امداني وامده حظي امداني.
الضابط:
بيتج تركيه سكني ويه اهل زوجج سكني ويه اهلج مو والدتج ساكنه بديالى روحي سكني وياها ونصيحه ثانيه اذا رحتي روحي بدون محد يعرف بيج رايحه ولتخلين احد يعرف مكانج.
حسيت نفسي دخت وراسي عبالك واحد لازم جاكوج ويدك عليه.
مسحت دموعي :
انا لله وانا الله راجعون.
