#قلب_طائفي
#روز_الفياض
#ب٣٢
.
.
.
«يارب جهدي قليلٌ وكرمُك واسعٌ.»
.
.
.
وسن :
ماادري ابنك لو لا؟
انت بالله اسأل نفسك ...
اذا ابنك معقوله لهسه مشفته؟
وين جنت مشايفه لهسه ؟؟؟
هذا الولد عمره شهرين اليوم كمل المفروض ابوه لو موجود شايفه من اول يوم مو صحيح؟
اتنهد هو وعدل كعدته :
وليش مخابرتيني بالولاده ؟
ليش مدريت الا وره ماادري شكد؟
وسن:
هم اسأل نفسك ..
ليش مدريت الا وره مدري شكد ؟؟؟
وين جنت ؟
من النهايه خصم الحجي اذا تريد تدور مبررات وحجج فكل حجه ماألك وكل عذر ماكو تريد تشوف ابنك شوفه ذاك هو بالغرفه بس بدون هالتمثيليه هاي.
خالد:
زين ميخالف اني غلطان وكل الغلط مني انت شبيج ليش هيج صرتي؟
بيدي صحن من كد مقهرني ركعت بالكاع هو كمز كال:
اتخبلتي؟
وسن:
اي اتخبلت ..
تخبلن ..
كافي علي عقل لهنا ..
كافي تعبت ...ومليت ...
جاي تحاسبني على شنو؟
على اخطائك ؟
لان اني ماعندي كل غلط وياك لو جاي تبرر على حسابي ؟؟
هم ماكو شي تكدر تبرره ثمن شهور انت مسجون طاح حظي بيها ...
مخليت باب مدكيته ولاخليت شغله مسويتها في سبيل امل لطلعتك وفي سبيل مااحتاج احد ..
ثمن شهور اكلت بيهن تبن حتى اخوانك ملوني ونسوانهم كرهتني طباخه وخبازه اشتغلت حتى اعيش بتك ومينقصها شي ...
بنيه شابه وافتر بحدي من باب لباب بلكي احد يحن علي ويدليني عليك ..
وين للثلاجه رحت ادور بالجثث وحدي وياي رجال غريب ...
يوميه جايتني الشرطه كدام الجيران وداكه بابي تحقيق والقاء قبض وارهاب ومخلوا شي ...
فلوس رادوا وماعندي ولافلس حتى اطلعك واخوانك مقبلوا يبيعون البيت ولا السياره وماعندي بس الحلقه بيدي مخليتها حتى لحد يطمع بيه بلكي من يشوفونها يكولون متزوجه.
صار عندي نزف من التعب وماعندي فلوس اشتري علاج اضم الفلوس اكول خاف فرح باجر تريد حاجه ومااريد احرمها.
اخوانك اتغيروا وياي فجأه ومحجيت ولازعلت ولافتحت حلكي كلت حقهم...
انت زعلت ومحجيت وكلت حقه ..
يوم يومين ويرجع مثل الاول لان يعرف مالي ذنب الله بلاني بهيج ابو اذاني اني قبل لايأذيك انت.
بس اليوم واليومين صارت شهرين لامسج لااتصال مو عني تسأل لا اني مو مهم يطبني مرض جان سألت على بتك ...
عالاقل جان سألت على ابنك ...
يمكن اني ميته وابني باقي شتكول لنفسك جاي وره شهرين توك تدري؟
بقى مدنك ميحجي واني دموعي عشره عشره.
وسن:
جنت مستعده اشلع وصله من كلبي وانطيهم لو رادوا بس انت تطلع وترجع النه ..
وانت باول موقف اتغيرت وياي مية وثمانين درجة ..
مو خالد رجلي عبالك مااعرفك ..
حتى لو معرفت بالولاده بنفس اليوم او بنفس الاسبوع مو مهم هم جنت راح اعذرك بس مو مال شهرين ...
كول وره شهر انت عرفت ومااصدك وره شهر مستحيل ...
وين جنت لهسه ؟؟؟
كل هذا تفكير استاهل لو مااستاهل تجي تشوفني وتسأل عني؟
وبالنهايه هم طلعت مااستاهل ...
جاي تشوف ابنك ..
زين الكلك جابت مكلك اجيت اموت بالولاده والناس الغريبه تركض وياي ؟؟؟
مكلولك الناس الغريبه اتبرعولي بدم جان متت وظلوا جهالي بدون ام ؟؟
عجيب كلبك موجعك ؟
منقهرت ؟؟؟
مفكرت باجر الله يحاسبك علي شتكوله ؟؟؟؟
كام حضني بس دفعته :
روح شوف ابنك والله وياك.
عفته ورحت دخل هو للغرفه ظل كاعد يم عبودي وفرح لحدما اجوا علاوي واسيل كعدوا يمه .
اسمعه يسولف وياهم عالجهال ..
الحمدلله علاوي هم لاعاتبه ولافتح وياه الموضوع واسيل هم سولفت وياه عادي بعدين راد يروح بس فرح مجلبه بي كوه طلع منها وكلبت الدنيا بالبجي وراه .
بيومها ظل كل شويه يتصل على علاوي يسأل عن فرح.
واني خلصت يومي بجي وهديل تكلي:
مو زين البجي عالولد يكولون كل الي تحس بي الام ينزل للطفل بحليبه.
وسن:
لعد الله يساعده حتى بدون بجي.
هديل:
متردين ترجعين يعني؟
وسن:
سكتي رحمه لامج.
هديل:
يابه حقه تره ابوج مو آدمي وواحد غيره يمكن طلكج.
باوعتلها كتلها:
تصدكين احس هذا احسن حل يمكن اذا يطلكني ارتاح.
هديل:
يابه دروحي ترتاح ..
رجلج يحبج بس بعده مصدوم وانت تعبانه وهو تعبان وكل الامور اتجمعت سوا ومحد عرف يتصرف صح لاانت ولاهو ولااهله ولاحتى احنه كلها ظلت تتفرج وابوج ابو المصايب سواها وفلت.
وسن:
امي شلون جانت متحملته؟
هديل:
هههه الله يرحمها مسكينه شتسوي غير علمودنه وتحبه يمكن هههه.
وسن:
شتحب بي هو ينحب؟
هديل:
المره تحب رجلها مو هاي انت تحبين خالد.
مجاوبتها ادري بيها وين تريد توصل.
هديل:
اكول ؟
كومي خل اخذج للصالون غير شكلج شويه ميشي شعرج بلكي تتغير نفسيتج.
وسن:
شكد بطرانه.
ظلت هديل تلح لحد مقنعتني فكرت حجيها صحيح خل اروح اغير شكلي يمكن نفسيتي تتحسن كافي شبعت قهر خلص شبابي مشفت منه شي.
ثاني يوم رحنه للصالون من رجعنه شفت سيارة خالد بالباب ضجت دخلت شفته كاعد يم علاوي وعمر بالهول غلست محاجيته دخلت كبل للغرفه وسديت الباب.
شويه وفتح الباب ودخل هو سويت نفسي مشغوله بالتليفون.
كعد يمي باس راسي طاحت دموعي حضني وظل يتعذر ويتأسف ويبرر هو يحجي واني ابجي.
شويه وسمعنه صياح بره طلعنه لكينه هديه مرت ابوي !!!!!
كلبت الدنيا بالصياح والغلط فتحت باب غرفتها وتلم بغراضها ومستلمه الخط السريع بالحجي.
ردت عليها اسيل وهي استلمتنه واحد واحد بالغلط والفشاير والمسبه.
ردت اني اطيح حظها بس خالد راسا :
لتحجين عوفيها تولي هاي وحده متستحي مو زينه.
باوعتله استغربت شمدري بيها مو زينه ؟؟؟
هي هم شافت خالد زادت وكلبت الدنيا مبقت كلمه مكالتها عنه وعني ..
ياربي شهالمشاكل يوميه ؟؟
الى متى نخلص من مشكلة تطلع وحده بمكانها ؟؟
تعبت ...
.
.
.
اهدني لأكون أنا كما فطرتني ،
لا كما تُريد المجريات أن أكون .
.
.
.
لايك وتعليق وعشر ملصقات فضلا🌹🌹🌹
