وعد العيون

البارت الاول

البارت الاول
#وعد_العيون
#بقلمي_شمس

#غير_محلل_نشر_القصه_دون_اسمي❤️

القصه حقيقيه 100% وصاحبة القصة متابعه ..
وعد العيون .. اصدق وعود الحب ..
العين تساعدنا في بعض المواقف ..فهي تنطق بكلمات لم نستطيع التفوه بها ..
فهناك من يتغزل ويتكلم بحبه ليلا ونهارا لكنه لايعرف من الحب شيئا .. وهناك من يجعل عينيه هي التي تتكلم عن مشاعره وحبه .. وكان اصدق وعد هو وعد العيون ..!! #شمس

مرحبا حبايب .. احب اعرفكم عن نفسي اسمي سمر من كربلاء عمري حاليا 21 سنه .. مواصفاتي آنة حنطاوية وشعري بني عيوني عسلي وطولي 165 رشيقة وجسمي كلش حلو وملفت كولها تشبهني بالممثلة المصرية منة شلبي ..
حبيت اسرد الكم قصتي .. لانها قصه اجتماعيه وممكن تصير مع هواية بنات وعانوا مثلي او اكثر ..

راح ابدي بقصتي من اول مفتحت وعرفت الدنيا اول موعيت ع الدنيا لگيت ماما وبابا منفصلين ..

اني وماما واخواني عايشين ببيت خالي كولنا بغرفة وحدة وويانة بيبيتي ام ماما ..
طبعا اني عندي 3خوان .. اختي الكبيره اسمها رنا واخوية رضا ذولي من غير اب لان ماما كانت متزوجه قبل بابا ..
وعندي اخو واحد من ماما وبابا اسمه احمد..
طبعا عندي اخوان هواية من ابوية بس مااعرفهم وﻻ عمري شايفتهم عشنا حياة صعبة كولش ﻻن امي مكانت تقبل انو بابا يجي يسأل علينة وﻻ تقبل حتة يوصل لبيتنا كنت اجهل السبب ..  الي خلاهم ينفصلون ويتركنا وليش متخليه يشوفنا .. طبعا كنت هادئة كلش وفقيرة ودائما حقي ضايع عكس هسا ..

احنا نختلف عن الاولاد بكولشي بلبسنا وبأكلنا ﻻن ما عدنا احد يصرف علينا  غير خالو الوسطاني اسمه عزيز الي عندة 9 بنات برگبتة خطيه وهو موضف بس راتبة ما يكفي عائلتة ومصاريفهم ..

امي انسانة مريضة نفسيا عدهة هواي امراض نفسية ﻻنه امي حنينة كولش وحساسه وشافت مصايب هواية   اخوانها خمسة ماتو ..
وتأثرت بموتتهم فتمرضت عليهم للعلم هي مطلقة مرتين ﻻن محد يگدر يقدر وضعهة ومرضهة لا بابا ولا الي قبلة لهذا عانت بحياتها ..
هي حنينة بشكل وگلبهة نظيف بس عصبية كولش ع اقل شي تتعصب وتشك حتى بنفسها ..

اني كبرت ودخلت المدرسة كنت فقيرة كولش وشطورة ودائما اطلع اولى كنت اتمنى اشوف بابا ولو مرة وحدة بس هذا الشي جان شبه مستحيل بسبب امي الي حتى متشرحلنا ليش هي ترفض انو بابا يشوفنة ونتعرف عليه
كبرت وبدت ملامح جسمي تبين اني حنطاوية وعيوني جوزيات ووسط موكبار شعري جوزي مو اسود وجسمي كلش حلوة رشيقة والكل جانو يحسدوني على جسمي

اختي الكبيرة رنا هم حلوة كولش تنطي شبه لحنان ترك بس هية احلى بهواية.. #بقلمي_شمس
طبعا ماما كانت تشك بيها وتگوللهة انتي مصادقة فﻻن وفلان مع انو هي كانت مو ببالهة هاذ الشي بس ماما مريضة بلشك كانت حتى تضرب اختي هواي لحد ماتأذيها وتجرحها .. الى ان يطلع دم ..
اختي كان لسانهة طويل وترادد ماما وتجيب الضرب لنفسهة .. ماما بعد متضربهة تكعد تبجي عليها اختي كانت قاسية حيل ..
ومتحبنة اني واخوي الزغير احمد ﻻن احنا من غير ابو وبابا كان يضربهم هي واخوي رضا  قبل ما. ماما تتطلگ منه .. بس اختي مانست تعامل بابا الهم .. كبرت وهي قاسية علينا مع انو ماالنة ذنب عكس اخوية رضا الي كان يحبنا ويهتم بينا ويخاف علينا .. رغم انه عاش وياهة نفس اﻻذية من بابا ونفس الضرب بحكم هوة زوج امهم ..