وعد العيون

البارت الثامن عشر

البارت الثامن عشر
#وعد_العيون
#بقلمي_شمس

لا تسألني كم أحبك..
فليس لحبك مقيااس .😘
   لا تسألني كم عشقتك❤️🍃
ولمااذا أخترتك من دوون الناس ☺️
  لا تسألني الى متى سأضل أحبك. ❤️
        فأنا سأحبك حتى توودعني انفااسي .. 

فرحت من گلي بهاء ارجعي داومي .. وفعلا رجعت للدوام .. داومت سنه ثانيه بالسادس ..
مدرساتي كولهم بقوا يلومون بيه لان عدت السنه ..
وگلوللي .. ليش عدتي السنه وانتي مطلعه 75 غيرج يتمنون هيج معدل .. #شمس

اني كنت اريد هندسه وهذا المعدل ميدخلني هندسه بديت يومي بنشاط واخذت الي فاتني والحمد لله مستواي متغيير .. #بقلمي_شمس

صحيح عمتي اعترضت ومقبلت اكمل وشگد حاولت بس بهاء بقى ع رأيه .. مع العلم اني ممقصره وشغلي كوله مكملته .. يوم عليه التنظيف ويوم ع هند والغدا ع هند والعشا عليه وهكذا ..
اني دوامي كوله عصري مدرستنا هيج دوامها .. طبعا مرتاحه بدوامي كولش وصديقاتي يحبوني ومدرساتي ..
لأن من الاول متوسط بيها الى السادس كولها تعرفني ..

المشاكل بالبيت مخلصت بس اني كان عندي متنفس اخلص بي من المشاكل .. داومي كان راحه بالنسبه الي لأن انسى شويه ..
ارجع 5 العصر للبست الگي بهاء جاي قبلي ..
اول ماادخل الغرفتي .. يگوم بهاء واروح احظنه واشمه عبالك صار سنين ممتشاوفين ..

بدت امتحاناتنا الشهريه .. وزادت المسؤوليه عليه
عمتي مترحمني متگول خطيه خلي اخفف عنها الشغل بالعكس زادت عليه ..
مرت حماي ماالها علاقه تگظي شغلها وتگعد ..
واني من جهه بهاء وواجباته ومن جهه الشغل بالبيت ومن جهه امتحاناتي ودراستي صعبه صحيح اني هذي السنه الثانيه الي بس مومعناها مااقرأ ..

بالمختصر صارت حياتي ركض بركض .. بس رغم كل هذا مااشتكيت لأن هذا مستقبلي . بهاء يحس عليه خطيه ميخليني اسوي شي بالغرفه يگولي روحي اقرأي ..
ويرتب الفراش وينضفها ويمسح الاخشاب يكوي ملابسه يعني شال عني شويه .. بس اني اغسل الملابس ..
وهو عليه داخل الغرفه .. بس بره الغرفه طبعا ميگدر يسويلي شي او يحجي وي امه تفضحه غير واكيد تگول اذا تگدر خلي تترك المدرسه لأن هي هاي غايتها ..

فكنت احاول انظم وقتي بقدر الممكن . بس صعب كولش صعب ☹️.. #بقلمي_شمس

وبيوم كنت غايبه من الدوام .. ومرت حماي عبير خطيه زوجها راح للحشد من غير ميگللها وبقى بالها يمه وتبجي وگلتلي مترحين وياي للامام الحسين نزور لأن نفسيتها تعبانه  .. وراحت ويانا هند هم ..

طبعا مگلتلكم اني عندي اربع حموين .. هم الولد 5 مرتضى مسجون .. وبعده علي زوج عبير خطيه هو الي التحق وهذا كان احسن واحد منهم واحترمه كولش ..
وبعده حسن هذا الي يكره بهاء وميحبه ودوم ينافق عليه وحيدر زوج هند .. وبهاء حبيبي .. #بقلمي_شمس

وصلنا ع اول تفتيش .. فتشونا وطلعنا اتصل عليه بهاء
رفعته .. الو هلو حبيبي .. صوته مخنوگ
بهاء .. سمر علي استشهد ارجعوا بسرعه .. وگام يبجي

هند كانت يمي وسمعت بس گولتلها لتگولين العبير شي ..
التفتت كالت شكو ..
سمر .. عمتي متخربطه ويگولون ارجعوا هسا ..
هي محجت شي بس دموعها بقت تنزل عبالك گلبها حسها .. وبعدين فقدت وگامت تعيط بالشارع .. حاولنا نهديها .. ماكو فايده .. گعدت بالشارع وتبجي خليت يمها هند ومشيت ع السريع .. اجرت تكسي وصعدنا ..
گلوبنا منتهيه ونبجي .. لان حماي علي كان طيب واحسنهم ومتدين حرامات الزين يروح بسرعه .. اتباوع العبير وبداخلي اگولها الله يساعدج شلون راح تصبرين ع فراگه ..
فقدان الزوج اصعب شي .. لأن بعده لااهل ولااخ ولااي احد يفيد بهذا الزمن وخاصه للي عندها اولاد .. الي يتحمل يوم يومين بس مو عمر 😭

بقى تفكيري ببهاء شلون حاله هسا .. اول موصلنا .. عبير شمرت نفسها من السياره ودخلت تعيط وملخت شعرها گلبها حسها من قبل متوصل .. ومن وصلنا اتأكدت .. #بقلمي_شمس

رحت الغرفتي حتى ابدل .. لگيت بهاء گاعد بالممر ويبجي وبعده ملابس الشغل وحالته حاله ..
حظنته ونبجي سويه .. وتالي گوتله گوم بدل ملابسك مقبل .. بعدين اصريت عليه گام وياي بدل ملابسه وهو يون ويبجي ع اخوه ..

بهاء .. احنا راح نروح المطار بغداد نستلم علي .. هاي هذي فلوس خاف تحتاجيها ..
وطلع فلوس من جيبه نطاني .. وعيونه دم حبس دموعه تالي بوسته وحظني وطلع ..
بدلت ونزلت جوه لان الناس بدت تجي والجيران واقاربهم واهل عبير .. واجت ماما . تلگتني تبجي وتعيط لان كانت تحبه وهو هم يحبها الله يرحمه ..

ماما ملخت روحها وگامت تلطم وتبجي كولها انتبهتلها .. اكثر اثنين بجن ع علي ماما ومرته طبعا مااوصفلكم حالها يبجي الصخر ..

علي الله يرحمه كان يگول مره نسجنت واني صغير ع بوگه ممسويها وتهموني بيها ومحد اجه شافني من اهلي بس امج اجت ونطتني اكل .. الى ان طلعوني من ذاك اليوم هو يگوللها يمه ويموت عليها .

بالتسعه بالليل .. جابو الجنازه وكولها التمت بالبيت حتى ناس منعرفهم يسمعون بي شهيد يجون يعزون ..
بدت الصرخات والعياط .. فاجعه متنوصف ..
بعده شاب وماعنده اولاد لان ميصير عنده اطفال ..
#بقلمي_شمس
يتبع….