وعد العيون

البارت الخامس عشر

البارت الخامس عشر
#وعد_العيون
#بقلمي_شمس

اجة بهاء حسيت عليه بس ماگعدت ﻻن كننت ضايجة منة حظني من ورة ونام هو هم شكلة تعبان ..
مر اول سبوع عادي كنت كولش اهتم بأمة ..لأن ادري بيهة مقابلة علية فحاولت اكسب رضاهة حتى فراش نومهة كنت افرشة الها يله انام .. #شمس

بيوم السابع مالتي ردت افرش الها مثل كل يوم ..
هي بقت تعيط علية وتگولي اني شبية وتفرشيلي ..
بهاء كان گاعد اشرلي انه اسكت اني كملت فراشها وگمت بهاء لحگني وحتى ماگال الأمة تصبحين ع خير اني ضجت حيل من تصرفها دخلت للغرفة وابجي ..

بهاء .. حبيبتي اعذريها ومتقصد ومره كبيره بالعمر .. ومسح دموعي بأيديه ..
اني هم مگلت شي وسكتت وحظني ونمنا . بس حسيت حياتي مو سهله وياها ..
وفعلا .. بدأت المشاكل وامه نزعت القناع الي كانت لابسته خلال السبع ايام الي فاتت ..

خلصت اجازه بهاء وراح للشغل .. گعدت الصبح لگيت عمتي ومرت حمايه بالمطبخ ..
گولتلهم صباح الخير وگعدت يمهم .. عمتي كلامها ثگيل وياي وكوله تحجي بأستهزاء .. اني تفاجأت من تصرفها معقوله اكو هيج بشر بوجهين .. گدام بهاء شكل ووراه شكل .. #بقلمي_شمس

كلما أحاول اتقرب منها حتى اتعلم طبخهم متخليني .. اتعلم لان طبخهم يختلف عن طبخنا احنا كربلائين وهم من البصره .. فأكلهم يختلف ..
والمشكله . اي شي اسويه ميعجبها وتبقى تقلد وتستهزء وتلوم بيه .. وتخرب الشي الي اسويه وترجع تسوي مره لخ .. كل هذا واني ساكته ..

اجه بهاء متحملت گولتله .. #بقلمي_شمس
بهاء .. حبيبتي اتحمليها .. هي بمرور الوقت تتعود عليج
سكتت محجيت لان هو خطيه امه ومااريد احرجه اكثر .

اني متعوده العصر .. ابدل واخلي ميك آب وعدسات كنت البس فساتين او گلبيات بس مستورات لأن ادري بيها متقبل بالضيق ..
ومع ذلك كان ميعجبها لبسي وتباوعلي بطرف عينها ..
مرت حمايا من النوع الي تغار بشكل .. ومن تشوفني ابدل .. تروح تبدل 3 مرات ..
كل الي اسويه تروح تسويه .. وهي مو هالگد تعرف بالتنسيق والاتكيت .. فشنو اسوي او البس تروح تنسق وتسوي مثلي بالضبط ..
حتى الكل ملاحظ هذا الشي .. عمتي يوم عن يوم تزيد متنقص ..
مره اجت مرة حماي الوسطاني اسمها عبير .. حبابه كولش ومثقفه وفاهمه.. نصحتني گلتلي شنو تسويلج لتردين عليها اسكتي ..
لان تروح تحجي الاولادها الكبار وتزود منها حجي وتالي يروح يوصلون البهاء لو يرزلوه لأن عندهم امهم شي مقدس .. لتخلين احد يشمت ببهاء خطيه ..

اني هم سويت بنصيحتها وكنت اسمع الكلام .. وابقيها غصه بگلبي واسكت ..
بهاء يعرفني من وجهي اذا ضايجه ..ويبقى يصر يريد يعرف شنو بيه واني مااريد اضوجه .. وهو يعرف امه السبب .. يبوس بيه ويحظني ..
بهاء .. سموره الخاطري اصبري واتركيها تحجي لتهتمين ..وبس يصير عدنا طفل اعزلج بيت وحدج ..
لأن اهله ميقبلون واحد يعزل الا اذا عندهم طفل ..

مرت الايام واني نفس الوضع وام بهاء مترضى تهدي اللعب .. ومرت حماي تقرأ براسها مااعرف ليش تغار مني ..
كنت كل اسبوع اسوي تنضيف شامل للبيت مااخلي شي ماانضفه الفراشات والستاير والارضيات كولها غسل .. والكاونتر والطباخ .. كل هذا حتى ترضى عليه عمتي تعبت واني احاول ارضيها واخلص من المشاكل .. اريد اعيش حياتي بسعاده وي زوجي وحبيبي ..

ضعفت حيل وتمرضت اكثر من مره لأن كنت اكتم بداخلي ومااحجي .. اشوفها شلون تعامل جناينها البقية وبس اني تفرقني بكولشي وتذم بيه من يجي خطار وتفشلني وتقلد ع لبسي ..
مر 3 أشهر .. واني وبهاء مشفنا يوم حلو من المشاكل
كم مره ردت اطلع زعلانه بس بهاء ميخليني ..
بهاء .. سمر معقوله تتركيني وتطلعين تردين تشمتيهم بيه انتي كولشي بحياتي مااگدر بدونج لحظه ..
من اسمعه هيج يگول يكسر گلبي واشوف عيونه تلمع تريد تدمع وخجلان .. ابطل واگعد .. تعبت كولش ومعندي طاقه اتحمل بس اصبر عمود بهاء خطيه ..

مرت ايام وانتبهت انه الدوره فات موعدها وناسيه .. واحس صدري ورم .. خبرت بهاء طار من الفرح ..
بهاء .. گومي هسا ..
سمر .. وين هههه هاي شبيك تروح منا وتجي منا ..
بهاء .. دگومي بسرعه غيري ملابسج خلي نروح نحلل
سمر .. اي هسا انتظر ..
بهاء .. سمر تحجين صدگ شنو انتظر گلت هسا يعني هسا ..
هههههه خطيه ممصدگ وفرحان بدلت ورحنا للمختبر دنحلل .. اخذو دم مني وگالو انتظروا فد نص ساعه ..

بهاء .. ميصير اقل .
سمر .. ههههه بهاء هاي شبيك هي نص ساعه تعال اگعد وهسا يمر الوقت ..
بس هو مسمع مني وبقى كل ساعه ورايح يسأل ها . مطلعت .. بعد ميتحمل .
بعد الانتظار .. طلع التحليل والدكتوره صاحت اسمي وگلتلي مبروك حامل ..
بهاء .. حامل هههههه سمر حامل…
سمر .. طار من الفرح وراد يشيلني گدام الناس ميعرف شلون يعبر عن فرحته ..

طلعنا من المختبر ورحنا للامام الحسين ( عليه السلام ) اول شي .. زرناه وگعدنا بحظرته الطاهره .. وتشكرنا منه .. ورفعت ايديه للسما .. وگوتله ياالهي بحق الحسين عندك احفظ زوجي وطفلي واسعدنا وابعد كل من يتمنى السوء النا… .

بعدها طلعنا وفرينا السوگ واشترينا هوايه شغلات ورجعنا بالليل للبيت .. وكنت ماادري الحامل ميصير تمشي هوايه .. نسينا نفسنا ورجعنا ب 9 بالليل ..
#بقلمي_شمس
يتبع…..