وعد العيون

البارت الثامن

البارت الثامن
#وعد_العيون
#بقلمي_شمس

رحت وي خالو للمشتمل مالتهم .. يصير ببيتهم الي بصف بيتنا ..
المشتمل كان محد گاعد بي .. دخلت لگيت خالو ابو حيدر وحيدر وشيخ معمم ..
الشيخ .. نطيني جنسيتج بنتي ..
اخذ نسيتي وسألني ع سبب الطلاق .. گوتله ممتفاهمين وسكتت .. #بقلمي_شمس
الشيخ .. راح اگول كلام وانتي رددي بعدي ..
بقيت اردد الكلمات بعده .. گلي هذا هو انتو اتطلقتو ..
واخيرا تحررت ..
خالو عزيز .. گومي خلي ارجعج البيتكم يتباوعلي ضايجه ضجت لأن بعدني طفله وصرت مطلقه ..
لأن داادفع ثمن غلطه مالي ذنب بيها .. كل ذنبي اني استسلمت للضغوطات وتزوجت شخص اعتبره مثل اخويه ومايمكن يوم احبه ..
بس كان بوقتها ماعندي القوه الي عندي هسا ..
خالو حس عليه گلي .. باعي خالو اول طلاق احضره واني فرحان .. انتي احسن شي سويتي خلصتي من هذا الطفل .
من گال هيج ارتاحيت ورفع معنوياتي .. اعتقد هو الوحيد من خوالي رأيه هيج كولهم رادوا ارجع الحيدر ..

رجعت للبيت واني فرحانه .. دخلت الغرفتي واني طايرة من الفرح واخيرا راح ارجع الحياتي ودراستي ..
وفعلا كملت ثالث متوسط .. بديت صفحه جديده ولازم اكملها للاخير وانجح .. حتى اثبت للكل انو اني مو فاشله ومو معناتها فشلت بالزواج . يعني افشل بكولشي ..

اصريت انه ابتدأ من جديد واول شي سويته غيرت من نفسي وشكلي واهتميت بمضهري قصيت شعري قصه جريئه وحلوه .. من گدام قصير ومن وره طويل ..
الكل تفاجئ بيها ..
فعلا لاقت بيه كولش وغيرت من شكلي .. حددت حاجبي ع الموديل صار حلو .
غيرت استايل لبسي كوله .. اشتريت لبس نازك واحلى موديل وگمت انسق الشال مع الحذاء والجنطه كولهم نفس اللون ..
طبعا رضا فديته حبيبي مقصر وياي ابد بالمصرف وحس نفسه مسؤول عني ويحاول يعوضني ..
حتى ميهتم النفسه ولا يشتري الروحه ملابس كان كل همه احنه وميرتاح خطيه يطلع الصبح يجي بالليل ..
اني حسيت نفسي كبرت .. ومريت بتجربه خلتني اقوى اني مو سمر الطفله التفكيرها محدود ..
لا اني سمر الي نست كولشي وراها ولازم تسعى المستقبلها وحياتها .. #بقلمي_شمس

صار كولشي بحياتي دراستي .. اجي من المدرسه للكتب تعبت وسهرت ودرست الى ان امتحنت ونجحت والاحلى من النجاح طلعت اولى ع مدرستي ..
وصرت محط انظار بالمدرسه  .. كولها تحبني وتحاول تتقربلي لان شاطره ونازكه وتعاملي حلو وي البنات فالكل كان يحبني ..
بس هذا الشي مخلاني اصير مغروره .. وخاصه من امشي بالساحه واسمع بنات يگولون شوفوا هذي البنيه شگد حلو شعرها ونازكه .. مااغتر بالعكس افتخر لان گدرت اطلع من حالتي السابقه واخلي اهداف الحياتي .

حبيت نفسي كولش من بعد ماكرهتها وشگد تمنيت اموت بس هسا احب الحياة ..
اني مدرستي بعيده وكان اكو خط ياخذني ويجيبني ..
بس الخط كان يوگف ع الشارع واحنه هوايه بنات من شارعنا وياي بس كانو اصغر مني .. نتجمع وننتظر الخط يجي ..

والمزعج بهذا الشي .. ولد منطقتنا يتجمعون ويباعولنا او يباوعولي لان البنات الي وياي كولهم صغار وناعمات واني طويله ورشيقه وحلوه ..
بس هذا الشي مايثير اهتمامي .. حتى هوايه منهم خطبوني .. بس كنت ارفض لأن هدفي واضح ..
ع الرغم من الحاح ماما ورنا اختي .. بس مگدروا يخلوني اوافق مثل قبل .. لان صرت اقوى واگدر اواجهم كنت ضعيفه واستسلم بسرعه ..
صرت لبقه بالكلام واسلوبي حلو وبنفس الوقت مرحه وروحي فكاهيه .. صرت خلطه عجيبه ههههه حتى كل الي يتقربلي يحبني ..

بهذي الفتره انتقلت اخت بهاء منى بمنطقتنا گعدت بصف بيت اهلها ..
ماما .. سمر شنو اخذلها هديه حايره متطلعين نشوف اني وياج .. #بقلمي_شمس
سمر .. فرحت من گلتلي ماما نختار هديه . اختاريتلهم حصيره كولش حلوه ولونها حلو وكبيره ..
ماما كولش تحبهم لأن هم جيراننا من الطفوله ..
راحت ماما واخذت الهديه واني بقيت منتظره ع نار .. تمنيت تجيب خبر من بهاء .
مااعرف ليش مشاعري تجددت .. اجت ماما وحاولت اخليها تحجي وهي تعرفوها متعرف تظم .. گلتلي خبر قلب كياني قلب ..
گلتلي منى گلتلها .. بهاء بعده يحب سمر .. ومستعد يسوي كولشي حتى يتزوجها .. وخاصه بعد ماعرف انفصلت ..
سمر .. طرت من الفرح بداخلي .. ومنتضره اعرف ماما شنو ردت عليها .. والفشله ماما مسولفتلها ع كولشي .. بأن اني كنت احبه وانجبرت اتزوج وماگدرت تعيش وي ابن خالها .. ومخلته يتقربلها وانفصلت عنه ..

منى .. اي خاله وبهاء هم خطيه لو شايفه شلون گظاها بالسجن ضيم وقهر ويبجي دم عليها .. وكلما يخابرني يسألني عنها .

سمر .. ماما تحجي واني گلبي حيگوف .. معقوله تزوجت وانفصلت وهو بعده يحبني ومستعد يتزوجني ممصدگه الي دا أسمعه ..

بهاء .. اتصلت عليه منى . رفعته الو ..
منى .. ياهلا جايبتلك خبر بالباكيت شنو تنطيني 😉
واگوله ..
بهاء .. بس لا عن سمر ..
منى .. اي هههه
بهاء .. دگولي شمنتضره .. وسولفتلي كل كلام امها واني بين فرحان وبين ممصدگ ..
معقوله سمر هيج تحبني .. ماگدرت تعيش وي ابن خالها وانفصلت عمودي ..
گلتلها اسمعي منى .. وربي حتى لو اهلي جبروني ع غيرها هم اتزوجها واعزللها بيت وحدها ..
سمر .. طبعا الكلام الاخير .. الي گاله بهاء كان بوجود ماما .. واخته گلتلها هيج يگول… 😍
#بقلمي_شمس
يتبع…