وعد العيون

البارت العشرون

البارت العشرون
#وعد_العيون
#بقلمي_شمس

ثاني يوم الصبح .. طلعت انظف طبعا عمتي كرهتها ع موقفها وياي .. طلعت انظف بالحديقه ..
دخلت مها .. سلمت وگالت ..
هاي شبيهم عيونج وارمات ..
گولتلها مبيه شي . لحت عليه بالسؤال..
سمر .. مها الخاطر ربج تركيني مالي خلگ ..
مها .. تعالي ورايه عندي شغله وياج .. وراحت دخلت غرفتي حتى اجي وراها ..
سمر .. مها شتردين
مها .. شبيج ليش هيج تحجين وياي ..
سمر .. عساس متعرفين .. البارحه ابنج الي حجه واني سترت عليه حتى متضربيه .. وهو يحجي واني اعظله شفه حتى يسكت .. وتالي تلوفيها عليه وتگولين اني الي گلت ..
مها حاولت تبرر .. گولتلها خلص مها اني بعد مالي حجايه وياج والساني ميدور ع السانج اني مو منافقه ومااحب المنافقين .. وتركتها وطلعت وهي طلعت ورايه ..
طبعا للعصر رايحه عمتي ومتعذره العبير .. وگلتلها سمر گلتلج تكذب ومن هذا الكلام ..
عبير .. عمه ياكلام تره ابن مرتضى الي گلي سمر مالها ذنب ..
ام عبير .. اي خيه سموره حبابه مو مال هذي السوالف ونادره شفتها شلون شايله الفاتحه كلها .. احسن جناينج هي . ياليت عندي جنه مثلها ..

طبعا عمتي معاجبها الكلام .. بس حمدت الله من عبير گلتلها حتى بلكي تحس ظلمتني ..
وعبير هم وصتني گالت مالج علاقه بيها هي عرفت خطأها بس مستحيل تگول خطأت ..

طبعا بعد هذا الموقف الي صار گمت اكره البيت واكره كل الي بي تعبت حيل من نفاقهم وكذبهم وبهاء هم نفس الشي خطيه مل وتعب ..
بقيت اقنع بي انه نعزل واهلة شيريدون يسوون خلي يسوون هم السبب مخلونا نرتاح ..
طبعا الله صدوگ يحبني بعد فتره حسيتها فايتتلي گلت لبهاء ورحنة حللنا والحمد لله طلعت حامل رجعنة للبيت طايرين من الفرح ..

كلعادة ام بهاء معبسه وﻻفرحت وﻻباركتلنا ومرت حماي هند راحت اﻻهلها وبقت يمهم 15 يوم واني شغل لبيت كولة براسي طبخ وتنضيف ومواعين من غير دراستي الي كوة الحگ عليهة واني بداية حملي كنت ادوخ هواي واتقيء طبعا خﻻل هذني ال15 يوم اني انتهيت اجت هند اني فرحت ﻻن راح يرجع الشغل يتقسم بينا بالتساوي ثاني يوم هي ماأشتغلت شي عود تعبانة من الطريق اني كلة سويته.. #شمس

رحت للدوام كالعادة مر يومي الدراسي مثل اي يوم رجعت لكيت بهاء جاي قبلي گعدنا نسولف وصلينا ادور كلي امي تكول خلي تجي سمر تسوي العشا گوتلة اني الصبح طبخت الغدا ونضفت العشا ع هند ..

يعني مو كوله عليه موتدري بية حامل شلون تريد طفلي يوكع يله ترتاح صدوگ انفعلت .. #شمس

بهاء .. هند اهلها اجو عليها وراحت وياهم للنجف ومناك يرحون الشريفة فد يومين يله تجي اني متت من القهر

سمر .. اني اروح اﻻهلي ابقى يوم واحد امك تگلب الجو ومن غير الحجي الي اسمعة اشكال منهة  وهند تتفرفر محد يحجي وﻻاحد يگول واني هنا صايرة خدامة ..

فقدت وگمت ابجي وگوتله هسا اروح الاهلي اني هم حامل وعندي دراسه وكل الشغل براسي والله حرام ..

بهاء .. خلص لتعصبين مو زين عليج گومي حظري روحج خلي اخذج ..
اخذت غراضي ورحت البيت مرت بابا .. مرحت البيت اهلي لأن مردت الموضوع يكبر .. بقيت يومين هناك ..
وادري ببهاء مراضي ع طلعتي بس مگدر يكسر بخاطري اتصل عليه .. #شمس
بهاء .. الو .. ها مناويه ترجعين هند رجعت ..
سمر .. بهاء واذا رجعت هند .  شنو الي حيتغير .. المشاكل هي نفسها والحجي والنفاق من غير المؤامرات الي تصير ضدي .. امك متحبني لو اشعللها العشره شمع ..
بهاء اني احبك ومااگدر بلاك بس مااگدر ارجع وياك وماارجع الذاك البيت الا تعزلي .. مستحيل اگدر اعيش وياهم بعد ..

بهاء .. سمر اهدي شويه والله مستعد كولشي اسويلج واني اصلا هيج مقرر بس انتي منطتيني مجال .. ع الاقل تعالي هنا عند اهلج حتى اگدر اشوفج واني مطمأن عليج هنا .. #شمس

سمر .. اوك تعال اخذني الاهلي ..
اجه اخذني وشافني تعبانه ومريضه لان مااكل واتعب .. وصلني وراح جاب لعبه صغيره مال حديث ولاده وحلويات وعصائر وبقى يمي لل 11 وراح .. بس اكيد مگعد حباب لان كان مشتاق حيل 😉

بقيت اسبوع عند اهلي ارتاحيت .. اگعد ب 12 واكل ..
الاكل الي يعجبني لان ماما طبخها يخبل ويختلف عن طبخ عيالي ..
كنت اكل ودوام ودراسه عند اهلي مااسوي شي ..
وبهاء كل يوم عندي .. #شمس

ومره اجاني گلي .. اكو مشتمل قريب ع بيت عيالي يريد يشتريه .. وگال راح اقنع ابوي واگوله و.
بقى .. اسبوع كلما يجي ..اگوله ها .. يگولي بعدني مفاتحته اكو شي لازم اسويه يلة اگله ..

سمر .. بهاء شنو هذا الشي ..
بهاء .. بعدين تعرفين ..
مقبل يحجي ..واني قطعت الامل بموافقه اهله .. وتعبت من الانتظار ..
بس اصريت وعاندت انه ماارجع لو اعرف ابقى عمري كوله ببيت اهلي .. لازم يعزلي .. لأن ماعندي طاقه اتحمل وصبرت بما فيه الكفايه عاملوني احقر معامله والكل يفتري عليه وامه تفرقنا عن الكل ..

الجمعه .. اجه بهاء الصبح .. تريگ يمي وگلي ادعيلي اليوم راح احجي ويه ابويه ..
سمر .. ان شاء الله يوافق ..
#بقلمي_شمس
يتبع…