وعد العيون

البارت السادس

البارت السادس
#وعد_العيون
#بقلمي_شمس

لماذا حظي هكذا .. لماذا ضروفي سوداء .. كل شئ يسير معي عكس مااريد ..
تعبت وانا اعاني لوحدي .. وكله بسببك ياصاحب العيون الجميله .. ضننتك لاتحبني ويوم اكتشفت حبك كان قد فات الاوآن ☹️ .

ماما .. سمر صدوگ اجت ام بهاء وبنتها منى .. عرفوا بيج تزوجتي وجايبات هديه ..

اتباوعت الماما حسيت اكو شي تريد تگوله ومتردده ..
سمر .. همه شلونهم وشگللج عليه بعد ..
اني امي واعرفها متعرف تخبي شي . الي بگلبها تگوله بسرعه لهذا سألتها لان احس اكو شي ..

ماما .. بعد مجابن الهديه .. امه دزوا عليها وراحت وبقت بس منى .. وگالت شي متوقعته وبنفس الوقت قهرني ..
سمر .. شنو گالت??
ماما .. گلتلي خاله ترى بهاء كان رايد سمر .. وطلب من امي تخطبها اله ..
سمر .. اني بقيت هيج 😲😲بين مصدومه وبين مقهوره واحس الدمعه بعيني ..
اي ماما كملي…
ماما .. اي اني هم استغربت وسألتها گولتلها لعد ليش ماحجيتوا .. وبهاء خوش ولد واني احبه ..
منى.. خاله راح احجي بصراحه بس مو تزعلين ..
ام سمر .. لا خاله احجي عليمن ازعل ..
منى .. امي رفضت .. وگلتله البهاء يمه البنيه مانعرف ابوها منو ولاعشيرتها ..
وحتى بهاء ماسكت وگالها يكفيني اعرف خوالها ساده ومعرفين وهي تربت ع ايديهم .. ويكفي ان مقتنع بيها ورايدها ..
بس امي قفلت ع الشغله ورفضت .. وماقبلت تخطبها حتى اني حجيت وياها وگولتلها يمه سمر كولنا نعرفها حبابه وماتطلع لابقرايه ولا بعرس .
من المدرسه للبيت ومن البيت للمدرسه ..
بس بيني وبينج الحجي خاله .. هاي حجه اني اعرفها الامي هي من زمان رايده بنت اخوها البهاء .  ومن رفضها وطلب سمر طلعت هاي الحجه حتى يرفض .
وبهاء زعل وراح للبصره لان حتى مايگدر يفاتح ابويه .. لان عصبي ومايعترف بشغله الحب يعني مايتفاهم .. وگللها الامي فاتحي ابوي بالموضوع بس هي رفضت ..
وهو گللها لو تخطبيلي سمر لو ماارجع من البصره نهائي ..

سمر .. ماما تحجي ومقهوره لان هيج امه تگول علينا واني احس طلقه دخلت بصدري .. طلقه الرحمه الي كنت انتظرها بس اجت بالوقت الضايع .
انهاريت وماگدرت اصبر ع روحي .. هسا عرفت ليش انقطعت اخباره .. طلع يحبني وسوه كل هذا حتى يتزوجني .. صحيح ماگلي احبج باللسانه بس عيونه گلتلي واني مافهمت وماانتضرت وتزوجت .  صحيح انجبرت بس ماكان لازم اضعف ..
مااتحملت ونزلت دموعي .. انهاريت وگمت ابجي . 

ماما .. سمر شبيج شبيج فهميني وبقت تعيط عليه ..

اني متحملت گلتلها اني كنت احبه البهاء وانتو جبرتوني اتزوج ..
ماما .. لج شنو تحبي وشلون وشوكت تلتقون .. تخبلت وگامت تعيط عليه ..
سمر .. ماما حبيته وحدي حتى مگالي ولا كنا نحجي ولانتقابل وسولفتلها كولشي وحلفتلها وماادري صدگتني او لا بس هدأت شويه ..

وگالت .. ممعقوله ماكو شي بينكم ويسوي الي سواه ويعرض روحه للخطر ..
سمر .. مسحت دموعي شنو سواه ماما احجي ..
ماما .. اخته تگول بيوم زواجج من طلعت الزفه وعرفوا تزوجتي .. متصله ع اخوها وگلتله سمر الي ردت تتزوجها اليوم زواجها .. وهو متخبل وجاي ع السريع وموگفته السيطره ومسجون ست اشهر ..
ماحجيت بقت بس دموعي تنزل واندب حظي اول مره احب وهيج تنتهي قصه حبي حتى من غير متبدي ..

ماما .. سمر كافي لتفضحينا هسا انتي متزوجه انسي الي حجيته الج .. اني الصوج بيه مااعرف اضم سالفه ..

بهاء .. هسا اجه وقت احجي مشاعري .. من اول يوم شفت سمر عجبتني وبقيت كل يوم اشوفها وعجبني خجلها وبرائتها رغم هي اصغر مني بهواي بس دخلت عقلي ماردت اصارحها واسوي علاقه وياها وألوث برائتها ردت ادخل من الباب واخطبها .. طلبت من امي تخطبها بس هي رفضت وبقت تطلع حجج ساعه ابوها ساعه عشيرتها ..
اني الي يهمني سمر اعرفها ومراقبها من البيت للمدرسه ومن المدرسه للبيت .. هي الي هواها گلبي ورادها مايهمني احد بس امي اصرت ع قرارها واني سافرت للبصره گلت بلكي تقتنع وتخطبها ..

وبيوم گاعد واتصلت عليه اختي منى وگلتلي سمر اليوم زواجها تخبلت وصعدت سيارتي ورجعت الكربلاء بالطريق وگفتني السيطره ..
طالبو هويتي .. اني عندي جنسيه مزورها مصغر عمري بيها عمود أگدر أدخل وألعب كره قدم بالنادي  ..
لأن كرة القدم عشق بالنسبه الي  ..
من السيطره رادوا جنسيتي بدون ماأدري واني مستعجل طلعت الجنسيه المزوره من شافوها .. بسرعه لزموني واخذوني وحكموني 6 أشهر ..
مرن عليه مثل الموت واني افكر بحبي الي ضاع احس روحي تريد تطلع ع ساعه . ومابطلت تفكير بسمر لأن حبها ماخذ كل تفكيري ..

سمر .. لليل اجه خالو اخذني من بيت اهلي . دخلت البيت خالوا واني وحده ثانيه .. مو ع بعضي من يوم الي سمعت شنو صار ببهاء بسببي .. لاشكلي نفسها ولاتصرفاتي انسانه ثانيه حتى اكلي قليل كنت اگعد وياهم ع الاكل حتى ميحجون ..
كلما اباوع بالمرايا اشوف بهاء مقابيلي .. واتخيله وهو بالسجن وابجي ..
مرت الايام واني ع نفس حالتي محطمه وشبه عايشه والكل عرف اني وحيدر عايشين سويه مثل الاخوان ..
ومعاملتهم زادت قسوه عليه .. حتى خالو صار قاسي وياي ويعاملني بقسوه من غير الحجي الي اسمعه بالطالعه والنازله ..
تعبت حيل وبعد مااتحملت وبيوم وكانت دنيا الضهر استجمعت قوتي ..
ووگفت مقابيل حيدر وگوتله ... اريدك تطلگني . 
#بقلمي_شمس..
يتبع…