وعد العيون

البارت السابع عشر

البارت السابع عشر
#وعد_العيون
#بقلمي_شمس

نمت بحظنه بقينا واحد يواسي الاخ .. طلعنا حذاء صغير جكنا مشتريه للطفل نباوع عليه ونبجي وكان اكو حصاله مال فلوس نجمع بيها فلوس للطفل من قبل مااحمل كنا مقررين نشتريلة بهذي الفلوس شي يفيدة للمستقبل نباوع عليهن والدموع بعيونة .. #شمس

بهاء .. خلص حبيبتي لتقهرين روحج .. الله يعوضنا ان شاء الله ونفرح .. مااريد اشوفج ضايجه ..

سمر .. ليش هيج حظنا بهاء .
بهاء .. دتعالي بحظني ولتقهرين روحج انتي مريضه ..

الصبح گعد بهاء بدل وراح للشغل .. اني بعدني انزف غير الم الادوات الي سوولي بيها كورداش ووجهي اصفر بقيت نايمه بغرفتي .. شويه اجوي نسوان حمويني وحده وره الخ يتحمدولي بالسلامه ..
وعمو هم اجه سلم عليه ..
بعد يومين .. #شمس
سمر .. بهاء اريد اروح يم اخواتي ببيت مرت بابا .. اريد اغير جو وترتاح نفسيتي .. ( والصراحه ردت ارتاح من كلام عمتي الي يسم البدن لان الطفل سقط )
بهاء .. اوك حياتي العصر من اجي اخذج الهم ..
وفعلا اجه بهاء العصر اخذني يم ماما سلمت عليها واعتذرت منها لان زعلت عليه ..
وبعدين رحت لبيت اخواتي .. فرحوا من شافوني ..
وهديل هم اجت لأن هي متزوجه بغير منطقه ..
اجت ملاك من الصالون شافتني فرحت واخذتنا للمطعم تعشينا وتونسنا وفترينا بالمولات واشترينا ورجعنا للبيت

بهاء .. ميت بدونج مااگدر انام .. وحاظن ثوب النوم الاسود مالتج اموت عليه ..
بقينا نتراسل لل 3 وماحسيت ع روحي وغفيت ..
ثاني رجعت عمود بهاء خطيه .. ومرت بابا وصتني گلتلي لتطلعين من غرفتج .. نامي وسوي روحج ميته انتي هسا حالج حال النفسه ..

اني هم سويت مثل مگلتلي .. گعدت بغرفتي ومااطلع بس اروح للتواليت وارجع .. ارتاحيت كولش ..
بهاء يرجع من وقت للبيت .. #شمس
سمر .. هلو حبيبي يله بدل ملابسك بين مااصب غدا ..
بهاء .. لا عمري انتي ابقي نايمه اني اصب واجي ..

طبعا نزل بهاء صب غدا وصعده .. حتى بالعشا هم يجيب عشانا ويجي يمي .. واسمع الحجي اشكال لأن هذا الشي قهرهن ..
وعمتي تصيح .. مسعده يباوع الحلگها ..

اخذت اسبوع ريست وبعدين نزلت .  اساعدهم واشتغل ومواعين .. وعمتي زادت الخناق عليه ..
ام بهاء .. سمر البيت صارله اكثر من اسبوع ممنظف زين لان هند متلحگ وحدها .. فنزلي الستاير واغسليه كوله ..
سويت مثل مگالت لأن اعرف تريد تطلع دلال الاسبوع مني ..
هند مرت حمايه توصلي كلام يقهرني .. تگولي عمتي فضحتج مخلت واحد مسولفتله ع الي سويتيه بالمستشفى وتگول كذابه كولشي مبيها بس تسوي هيج حتى تخلي بهاء يهتم بيها ..
اني ضجت حيل بس سكتت يعني شأسوي .. وهم اعرف هند منافقه واكيد اذا احجي شي تروح تنقله بغير صوره لهذا كنت اسمع واسكت واضوج بداخلي ..

عمتي زادت مشاكلها وياي حتى من بهاء گاعد تگوم تحجي وع الاكل .. ومرات اگوم من الاكل ومااتهنى
بس بهاء مايسكت ..
بهاء .. يمه كافي الخاطر الله .. البنيه شماتحجين ساكته ليش هيج تسوين خليها ع الاقل تاكل براحه ..
ام بهاء .. هي هاي البقت تعلم امك گدام مرتك .. هي هاي رباتي الك .. #شمس

گامت حتى ع بهاء تحجي وهو يسكت خطيه ..
مره اجاني لگاني دا الم ملابسي ..
بهاء .. هاي شتسوين سمر
سمر .. خلص بهاء بعد مااتحمل ..
بهاء .. واني شنو ذنبي تدرين بيه اموت بعدج مااتحمل شلون تتركيني ..
سمر .. گعدت ع السرير ابجي .. يعني انت ترضاها الي ديصير بيه . اشكال اسمع كلام واهانات ومااحجي عمودك بس هم الي طاقه اتحمل حتى من سقطت الطفل مارحمتني وبقت تلوم بيه وتحجي عليه گدام العالم ..
ليش هيج دا تسوي وياي اشو كل الي تگوله انفذه واني ساكته .. فهمني شنو اسوي حتى ارضيها ..

بهاء .. حبي هاي امي يعني شأسويلها وانتي دا تشوفين حتى وياي شاده وتحجي عليه مو بس عليج ..
الخاطري اصبري واتحملي ..

كالعاده سكتت وگعدت لان كسر گلبي وادري بي يحبني ومابيده شي يسويه .. ويوم بعد يوم صرنا منبوذين بالبيت صارت تفرقنا اني وبهاء عن الكل بتعاملها .. نفسيتي تعبت وخطيه بهاء من يشوفها هيج تتعامل وياه بجفاف وتشمر كلام بكل گعده .. تعبت نفسيته هم وبقينا نگعد بس بغرفتنا وناكل وحدنا ..

اخلص شغلي والبيت وادخل غرفتي ومن يجي بهاء اصب غدا ونگعد بغرفتنا ناكل .. مره اجت الغرفتنا فتحت الباب وگالت ..
اشو صايرين تاكلون وحدكم .. قابل راح ناكل اكلكم ..
حتى بغرفتنا لحگتنا ..
بهاء..  يمه شنو هذا الحجي اني اجي متأخر وسمر تنتظرني وناكل بغرفتنا شبيها هاي ..
يعني انتي كولشي تطلعين سالفه ..
ام بهاء .. لا يمه شعليه بيكم اكلوا براحتكم وغلقت الباب حيل وطلعت ..

انسدت نفسي عن الاكل ..
بهاء .. متكملين
سمر .. شبعت الحمد لله
بهاء .. والله اني هم .. شيلي الصينيه بعد مااريد ..

صار اكلي قليل وتعب وشغل .. بهاء يشوفني اذوب گدامه بس مابيده شي يسويه ..
وبيوم گاعدين ..
بهاء .. سمر ارجعي للدوام من باجر ..
سمر .. تحجي صدوگ بهاء الدوام صارله عشر ايام من بدأ واحنا متفقين للسنه الجايه ..
بهاء .. لا اني اگولج ارجعي واخلصي من امي والمشاكل راح تموتين من القهر .. وحظني 😘
#بقلمي_شمس
يتبع… .