وعد العيون

البارت الرابع

البارت الرابع
#وعد_العيون
#بقلمي_شمس

#عتابي..
أيا دنيا أنتي هكذا
إني لا أعرف ملامحك
وكل يوم أنتي فى شأن
ولكن من أين أبدا عتابك؟
ماذا فعلتي بى؟
ولماذا؟
تعطيني الأمل
وتفتحي أبواب السعادة والهناء
وتضحكين لي
لماذا ؟
تفتحين الطريق أمامي
وأنوار القناديل تناديني
حتى أسير فى هذا الطريق
وتهتفين فى أذني
أن أستمر فى السير
حتى نسمات الهواء
ونجوم السماء تناديني
ان أتقدّم وأمضي
فإنها الحياة والأمل
لماذا ؟
وضعتينى فى هذه المنزِلة
وجعلتينى اعشق عينيه
لماذا ؟
لم تتركيني وحيداً
وتجعلي من يراني
لا يهتم بى
ويحاول ألا يكلمني
ويحاول الابتعاد عني
وهذا ليس عيباً
في شكلي أو مظهري
وليكن عدم قبول
أو استلطاف
لماذا ؟
وضعتينى فى هذا المأزق
وفتحتي أبواب قلبي
وجعلتني من العاشقين
المعشوقين المعذبين
لماذا؟
قصدت عذابي
وما ذنبي وذنب قلبي
أن ينال كلا منا
هذه الجرعة من السم القاتل
من مرارة العذاب
ومرارة الفراق والابتعاد
لماذا ؟
هذا الجرح النافذ فى ضلوعي
حتى وصل إلى أعماق قلبي
إنه الجرح الوحيد من نوعه
وليس جرح الحبيب
وإنما جرح الآخرين
جرح الطغاة
الذين ضربوني بسهم قاتل
واجبروني ع غير من احب
أيا دنيا…
أهذه المؤامرة دبرتيها لي
ماذا فعلت لكي ؟
وماذا جنيت ؟
حتى أكون أسير الجراح
وحتى يسير كل منا فى طريق
وقبل ان تبدأ قصه حبنا..
أيا دنيا
ألا تدرين ما معنى الدموع ؟
ألا تدرين قيمة هذه الدموع عندى ؟
كأنها قطرات من دمي
تنزف مني
ايا دنيا .. انقذيني
أريد أن نخرج إلى نور الحياة
أريد أن تفكي قيودي
وتخرجيني من هذا الأسر
فلماذا هذا الأسر ؟ #شمس

اتباوع للوجوه كولها فرحانه وتضحك .. الا اني اكو غصه بگلبي موتتني .. تالي متحملت تركتهم وطلعت من غير مقدمات ..

رنا .. ههههه عروس تستحي خطيه ..

طبعا اختي مو بحالي ولاتهتم المشاعري .. لان بحياتها ماحبتني وكانت دايما تغار مني .. لان اني دا اكمل دراسه .. واجت شغله الزواج من صالحها…

كنت اتمنى عندي اخت تحبني وتواسيني وتخاف عليه . وتسمعني من اشكيلها ..

رنا كانت مو الاخت الي اتمناها .. وبالاخص من احد يلومها ع زواجها .. الي سوته بالسكته .. وكانت تطلع السبب بماما .. وانه هي تزوجت حتى تخلص منها ..
بس الكل كان يردها ويگلولها مو هذي سمر متحملتها وماتشكي .. وهذا الشي كان يضوجها ..

لهذا دا تسوي المستحيل حتى تزوجني .. حتى محد يلومها ويقارنها بيه ..

حددوا الجمعه عقد القرآن .. يوم تهديم احلامي ..

اجتني مرت خالو .. سمر باجر تطلعين ويانا حتى نشتري الذهب جهزي نفسج ..

طلعوا بيت خالو من البيت .. بدت دموعي تنزل لا اراديا
تذكرت بهاء .. والمشاعر الي كنت احسها وياه ..
ووكفتنا بالباب ونضراتنا وشخصيته وعيونه الي كانت احلى شي بس ..
بقيت گاعده لل 5 الصبح .. وعيوني ورمن من البجي ..
ياربي صارت صدوگ ومالي احد غيرك ..
انت وحدك تعرف ضروفي ساعدني ياربي ..
تالي غفيت من غير ماادري وحتى بلا مخده ولا فراش .
طفرت من نومي ب 7 الصبح ..
گلبي يدوگ سريع ومااعرف شبيه ..  شربت مي ..
ورحت للحمام باوعت النفسي .. اخترعت ..
عيوني يخوفن صارن من البجي ووجهي احمر وورمان .

يعني اي احد يشوفني يعرف اني كنت ابجي ومقابله ..
غسلت وجهي ورجعت الغرفتي ..

بعد ساعتين .. اجو ام حيدر وخالتي .. من شافوني استغربوا ..
ام حيدر .. هاي شبي وجهج ..
سمر .. مابيه شي ودموعي بقت تنزل وحدها ..
ام حيدر .. عيني ع شنو تبجين شناقصه ابني .. اشو الف وحده تتمناه .. واستمرت تحجي واني ساكته ومااحجي بس ابجي ..

اختي وخالتي .. گاموا يتعذرون ويگلولها حدوري مناقصه شي .. بس انتي تعرفين البنات وبعدهي صغيره وتخاف من الزواج ..
حسيتها مااقتنعت بكلامهن .. والصراحه فرحت ..

گلت بلكي يبطلون .. ومااتزوج ..
سوو ريوگ گلولي تعالي تريگي حتى نطلع بسرعه .. گلتلهم مااشتهي ..
ماما .. لعد ادخلي بدلي بسرعه ..
بدلت وطلعنا نشتري .. وكل صايغ ندخله يبقى يباوع الوجهي وعيوني ومستغرب ويتعاطف وياي من يعرف اني العروس .حتى مااختاريت شي كوله ماما اختارته ع ذوقها .. بس الحلقه فرينا صياغ كربلاء كولهم ملگينا حلقه ع ايدي ..
لو تطلع كبيره لو صغيره . وهن تعبن من الفر .. واني امشي وراهن ودمعتي ع خدي .. ومااگدر احجي ..
للظهر يله خلصنا ورجعنا ..

وصارت الجمعه .. لبسوني وخلولي ميك اب واني ممصدگه نفسي .. وكل ساعه اگول هسا يصير شي يخربها .. وادعي بداخلي .. طلعت حلوه كولش بس داخلي اظلم احس نفسي وحده ثانيه ..
حتى كلمة نعم من گولتلها للسيد .. حسيت مو اني الي گولتها عبالك وحده ثانيه نطقتها  ..
دخل لبسني الذهب والحلقه واني بعالم ثاني عبالك جماد وگاعد . ومبينه مجبوره .. واكيد كولهم لاحظوا بس يتغاظون المهم عندهم سعادة ابنهم وانانيتهم مو المهم اني وشنو احس ..

بفترة الخطوبه شگد حاولت اخليه يتركني .. جربت كل الطرق بس هو كان لزگه .. شنو اسوي ماكو فايده ..
حتى مستواي بالدراسه اتراجع ..
استمرينا ع هذي الحاله ..
صرت بعد مااشوف حيدر ومن يجي اتحجج بالدراسه . حتى ماطلعنا بفترة الخطوبه سويه ..
ومرة اجه هو وخالي .. طلعت سلمت عليهم ودخلت ..وماراويتهم وجهي ..

الى ان اجه اليوم المشؤوم .. يوم الي حددوا بي موعد الزواج .. حتى مااخذوا رأي . حددوه بينهم وبين اهلي ..
اني مجرد لعابه يمشوها بكيفهم ..

#بقلمي_شمس
#يتبع ..