وعد العيون

البارت الرابع عشر

البارت الرابع عشر
#وعد_العيون
#بقلمي_شمس

فارقتني ولم أشبع منك بعد رحلت عني ولم أكتفي من عطفك بعد تركتني ولم أبدأ حياتي في حياتك بعد ! 

ملاك تأثرت حيل بوفاة بابا ﻻن هي كانت تروح اله  يومية من ترجع من شغلها هي تشتغل بصالون وتهتم بي وتسبحة وحتى للحمام تدخل وياه ملاك رغم لسانها بس بيها حنية ماموجودة بگلب احد ..
طبعا اثناء الفاتحة تعرفت ع اهل بابا بس ماأختلطت بيهم هواية خلصت الفاتحة ورجعت لبيتنا مكسورة  رغم ماعشت وياه بس الكسرة ماليتني واكثر شي عذاب الضمير امتحاناتي كانت قريبة حاولت انسة واكون قوية ﻻن مستقبلي ع اﻻبواب قريت وتعبت كولش..

بهاء كان يجي يراجعلي من يرجع من الشغل وماتركني ابد وگف وياي .. بيوم السابع مال بابا رحت ع اخواتي ورحنة كولنا البنات والولد القبر بابا .. خطية اول مرة يشوفنا سويه واول مرة ننجمع بس بابا تحت التراب گمنا نبجي وبعدين گعدنا نقرأ اله قرآن وحجيت ويا وطلبت منة يسامحني ﻻن ماسألت عليه بفترة مرضة وتعاهدنة اني وأخواني انه ميفرقنا بس الموت ونبقى نسأل ع بعضنا..
وفعﻻ صار هذا الشي وبقينا ع تواصل ..
قربت امتحاني بديت اول امتحان وبهاء كان يسهر وياي ع الموبايل خاف انام وماأدري بروحي .. وكان ينطيني ساعة لو نص ساعة استراحة يگولي نامي ومن يخلص وقت نومي يگعدني .. حتى اكمل ..
وكان يوديني ويرجعني للامتحان .. طلعت نتيجتي بس ماطلعت المعدل الي اريدة وكنت مأجلة درسين قررت اترك هاي السنة وامتحن مرة لخ ع السنة الي وراها

بعد امتحاناتي تحدد زواجنا ورة اربعين بابا بأسبوع ملاك اختي كانت وياي بكولشي ابد ماتركتني اختارينا البدﻻت سوية وبدلة العرس هم والقاعة والحذاء وكولشي ..

عزمت كل صديقاتي وطلبت من بهاء اهلة يجون للقاعة بس وقت الزفة لأن ردت اخذ راحتي وية صديقاتي وأقاربنا  لأن طبعهم غير حتى ع البس القصير يحجون

طبعا صديقاتي كانو ﻻبسين فساتين اسود كلهم لون واحد رحت لصالون وملاك وهديل وياي وصديقتي هم اجت   بدلتي كانت تجنن وع الموديل .. لبستها وانتظرت بهاء يجي نروح للاستيديو حتى ناخذ صور  وبعدين يوصلني للقاعة اجة بهاء وصورنا لقطات كولش حلوة

ملاك واكفه مقابيلي تضحك علينا وتحاول تضحكني حتى تخرب اللقطة 😂 ..  رحت للقاعة  ولگيت الكل موجودين وصديقاتي اجو وحدة بعد اللخ ملاك لعبت لعب بالرگص عجبت الحضور كولهم وصديقاتي هم ابد ماگعدو فرحتي كانت فوق الوصف لبست سبع بدﻻت ورگصت وي صديقاتي ..
وكنا متفقين اني وملاك من يجي بهاء نشغل اغنية هلا بريحة هلي .. وفعﻻ اجة بهاء .. وملاك شغلت الاغنية واجو اخواني وياه عيوني دمعت من شفتهم امي ما اجت للقاعة ماقبلت تكول مااكدر اشوفج ..

اجة حبيبي وكان طالع فلقة من القمر كعد يمي وأخذنا صور الضحكة مافارگت وجهنا طلعوني من القاعة وصعدت وي حبيبي واجو وياي خالتي واختي ملاك  زفونا للفندق والطريق كان طويل طول الطريق بهاء ﻻزم ايدي ويهمس ويگولي احبج ..

وصلنا للفندق وفرحتي اكبر من انه اوصفها بكلمات راحو كلهم بقينا وحدنا دخلت للحمام فتحت تسريحتي وسبحت وبدلت وصلينا اني وبهاء وتشكرنا الله ﻻن جمعنا سوية بعدين جابولنة عشا وگعدنة نباوع تلفزيون وراهة نعسنا ودخلنا الغرفة النوم كانت بارده كولش كانت احلى ليلة بعمري كولها ..

بهاء رومانسي كولش ورقيق وياي ابد مااذاني وتونسنا حيل ووووو .. نمنا بعدين 😉🙈
گعدت الصبح وهوة نايم بقيت اتأملة واخذله صور وهو نايم ههههه تخبل نومته فديته .. تالي حس عليه وگعد حظني ورجعني الحظنه 😘
صارت ب10 بدلنا وكعدنا ننتظر اخوه يجي علينا اجة اخو وطلعنا وصلنا لبيتهم تلكونا امة وابو واختة واولادهم هم عندهم 4 جناين غيري كولهن عازﻻت بس وحدة وياي وعدهة بنية وحدة بس دخلنا سلمنة عليهم وباركو النا وطشو جوكليت .. ودخلت الغرفتنا  بدلت لبست گلبية خليجيه بيضة تخبل .. خليت ميك اب بيدي اني مكياجي كولش حلو حتى مكياج عرايس اعرف خليت مكياج كولش حلو وبسيط .. لبست ذهبي فتحت شعري وشسورتة ..

محد اجة ﻻاقربائهم وﻻجيران بس اجو خالتي واختي وبنت خالو ومرت ابن خالي باركولي وراحو صار الظهر صبو غدا وتغدينا بغرفتنا احنة نمنة الضهر وبهاء ماگعد راحة اخذ المقسوم يلة نام اني مانمت صار العصر بدلت وخليت ميك آب وتحظرت خاف يجي احد اجو الجيران وناس هوايه صار المغرب تعبت حيل دخلت ابدل واصلي حمامي بغرفتي ..

طبعا اجه بهاء ورايه للحمام يگولي اريد اطلع كل حسرة شوگ بغيابج كمل وسبحنا وصليت وغسلت مﻻبس وطلع وياي شريناهن بالحديقة الخلفية .. شفت امة ضلت تباوع صفح حسيت انه ماعجبها بس ماحجت شي ..

جناينهم كولهن يمنا سون عشا احنا تعشينا بغرفتنا وراهة اجت منى اخته وانجمعوا كولهم ولدهم ونسوانهم اني بطبيعتي كولش اكره اللمة والهوسة بقيت بغرفتي ماطلعت ..
بهاء راح يمهم ﻻن يستحي من أخوانة وعيب يتركهم .. اني بقيت وحدي حيل ضجت ﻻن بهاء بقى ل11 وهمة گاعدين حتى محد منهم گلة روح يم زوجتك وحدها كاعدة يدرون بي كاعد يجاملهم اني نمت وماحسيت ع روحي ..
#بقلمي_شمس
يتبع…