وعد العيون

البارت احدى وعشرون والاخير

البارت احدى وعشرون والاخيييير
#وعد_العيون
#بقلمي_شمس

راح بهاء واني منتظره وگاعده ع نار وادعي واتوسل بربي .. تالي اجه بهاء الظهر ووجها ميبشر بخير ..

تلگيته .. ها بهاء بشر ..
بهاء .. شنو اگلج ابويه ماقبل وطردني وتعارك وياي وگلي ماارضى عليك ليوم القيامه ..
اني اربيكم وتالي انطيكم للنسوان .. #شمس

اني متت قهر وحبست الدمعه بعيني ومختنگه .. بقيت ساكته ومحجيت ..
بهاء .. وهسا ترجعين وياي لو لا ..
سمر .. بقيت ساكته مشتاقتله ومشتاقه الغرفتنا بس مااگدر ارجع خلص ذاك البيت مستحيل ادخله .. بس محجيت منصيه راسي ..

بهاء .. يعني مترجعين مو .. لأن مبين من سكوتج .. 
سمر .. من گال هيج متحملت بجيت بصوت عالي .. بهاء افهمني مااگدر وربي مااگدر ..

هو اجه يبوس بيه وحظني خلص حبيبتي منرجع لتبجين كافي .. اصلا احنه منرجع بعد ..

سمر .. رفعت راسي ودموعي بعيني ..ومنتظره تفسير ..
بس هو گام يضحك بصوت عالي ..
بهاء .. 😂😂😂 حبيبتي اسف ابويه وافق من البدايه بس اني ردت اسوي بيج مقلب ..

سمر .. طرت من الفرح وحظنته وتالي ظربته ع كيف ع صدره ليش هيج سويت وياي ..
بهاء .. ههههه بس عبرت عليج ..
سمر .. اي هههههه يعني صدوگ هسا حنعزل ..
بهاء .. اي حبي باجر اروح اعدله واصبغه وننتقل عليه ..
سمر .. بين اضحك وبين ابجي ممصددگه .. وگتله يعني شلون قبل هيج بسرعه ..
بهاء .. تتذكرين من گوتلج اكو شغله اسويها يله افاتح ابويه بالموضوع .. #شمس
سمر .. اي شنو
بهاء .. رحت للسيده شريفه بنت الحسن ونخيتها وفدوه الاسمها مقصرت ..
گمت حظنته وگعدت بحظنه وبوسته.. وفرحانه ..
واخيرا راح نعيش حياتنا وزواجنا الي ماتهنينا بي .. واخيرا ماكو احد حيتحكم بينا ..

بهاء .. هاج حبي هاي فلوس اشتري مستلزمات مطبخ
واني راح اشتري بقية الغراض ..
وراح اخذ صبغ واصبغ البيت واعدله  ..

ثاني يوم رحنا اني وحمودي اخويه الصغير .. اشتريت احتياجاتي وكنت فرحانه كولش ..
وبهاء اختار الوان حلوه تخبل للبيت وصبغه وغسله .. واجه اخذ الغراض .. رتبهن بالبيت وراح البيت اهله مجمع غراضنا وملابسنا وغرفه الاخشاب .. واهله مضوجيه بالكلام وخاصه امه .. #شمس

شفته ضايج عرفته منهم .. گوتله يله حبيبي لاتهتم وتضيع فرحتنا ..
بس ضحكني گلي امي تحجي وتتعارك واني عيني ع الجنطه بيد ابن منى مخلي بيهن ملابسي الداخليه ..
يخاف تنفتح وينفضح 😂😂..

انتقلنا البيت رتبناه ورتبنا الستاير وفرشناه .. وكل فتره نطلع نشتري .. اشترينا ثلاجه وطباخ .. والكاونتر هديه من اختي ملاك فديتها .. وماما نطتني فلوس گلتلي اشتري بيهن شنو تحتاجين للبيت ..
واختي رنا جابت سيت گدوره .. وخالتي جابت ستاره ..
واهله محد اجه منهم بس منى جابتلنا هديه وسوتلنا عشا وعبير هم خطيه دزتلنا هديه ..
وامه ابد لااجت ولادخلت وكنت متوقعه هذا الشي ..

مره كنت راجعه من الدوام الخط ينزلنا براس الشارع الگي بهاء منتظرني يجبني للبيت لان مسافه شويه عن البيت ولگينا امه اجت هو سلم عليها ردت .. اني رحت اريد اسلم عليها وابوسها تركتني ودخلت للبيت ..
انقهرت حيل .. وحتى بهاء عاتبها وگلتله شلون تريدني اسلم وهي اخذتك مني ..
واني ابد ماامنع بهاء عنهم كل يوم عندهم .. وبيتنا قريب ع بيتهم ..
بس هي تكرهني واعرف ميعجبها العجب .. #شمس

عشنا اني وبهاء حياة تختلف .. اگعد براحتي بيتي نظيف بس اطبخ واروح للدوام وارجع نتغدا براحتنا نطلع و نرجع وننام براحتنا ونگعد وناكل الي يعجبنا ماكو احد يتحكم بينا ..
حتى مشاكل ماكو بينا لان لا احد يوز ولا حاط عينه علينا ..
بدأت عطلت المراجعة وعطلنا من الدوام قسمت وقتي وسويت جدول لدروس وبطني يوم عن يوم تكبر وبهاء يضحك علية ويكعد يحط حلگة يم بطني ويسولف وية الطفل بس بصوت ناصي ماادري بيهم شيسولفون.. 😂

بهاء بقى فترة يلح علية انه اروح اﻻهلة كنت رافضة بس بعدين أقتنعت ورحنالهم بالعيد صح الوجوه ثكيلة بس رحبو بينا نوعا ما ..

بهاء طول هاي الفترة مهتم بيه ويساعدني يخاف ﻻيوگع الطفل مثل الي قبلة حتى صينية اﻻكل ميخليني اشيلها طلعة بيها مشي هواي منطلع طريق بعيد منروح بالسيارة بالبداية كان حملي ضعيف والطفل نبضة ضعيف بعدين ع الراحة الحمد لله استقر وصار احسن خلصت فترة المراجعة وبدت امتحاناتنة وبطني كبرت جنت بشهر السادس ومتت من لتعب كنت اسهر ل4 الصبح ومرات ابقة ل6 وبهاء يساعدني بالبيت حتى الحگ اﻻمتحانات كانت تحدي كولش صعب الية سهر وقلق وتفكير ..

خلصت امتحاناتي وبدة العد التنازلي للنتيجة ورة 15 يوم طلعت نتيجتي والحمد لله درجاتي كولهة عالية ماعدا الرياضيات الي نزل معدلي معدلي كان 80 ..

بهاء يتعارك وياي يريد تربية واني اريد هندسة لوقانون  ادعولي يطلعلي قانون او هندسة تعبت كولش وهسا حامل بشهر التاسع وميتة خوف جهزت طفلي وفرحانة بجهازة بية ولد واتمنة عيونة تطلع نفس عيون ابوه العيون الي اعشقها من صغري واحسها تسولف وياي سوالف ماحجاها صاحبها .. اليوم 2017/10/9 الاثنين .. اني بشهري ومنتظره مولولدي ادعولي يجي بالسلامه ..
وهذي قصتي اني وبهاء وعيونه الي وعدتني ووفت بوعدها الي .. احمد الله واشكره الي خله هيج انسان وفي من نصيبي ❤️
#الكاتبه_شمس❤️

……………………

هذي قصتنا انتهت حبايب واعذروني ع التأخر لان صادفت محرم ودوام وانشغالات .. والقصه بيها احداث هوايه كان لازم اسردها ..
تحياتي لكم احبتي ❤ انتظروا قصتي الجديده
#الكاتبه_شمس