وعد العيون

البارت التاسع عشر

البارت التاسع عشر
#وعد_العيون
#بقلمي_شمس

عبير خطيه موتت روحها .. وگعدت مقابيل التابوت وتعاتبه .. عتابها يبجي الصخر ..
ل12 بالليل الناس كولها عدنا وماسكتو من البجي ..
اني نعست كولش .. احس عيوني يغمضن وحدهن .. دخلت الغرفتي ووقتت المنبه ربع ساعه حتى اگعد لان عيب انام هواي والناس كولها گاعده .. #شمس

صدوگ بعد ربع ساعه گعدت وبعدني نعسانه .. رحت للمطبخ حتى التهي وماانعس .. غسلت مواعين وستكانات وصواني ونضفت المطبخ ..
وهند بحجه بنتها تبجي كولشي متسوي بس شايله بنتها

منى اختهم خطيه مقبلت تدخل للبيت بقت گاعده بالشارع تگول علي مامات هسا يجي .. كولها حاولت تدخلها مقبلت وكانت منتهيه فد مره من البجي .. حتى الجيران يبجون عليها ..
تالي ب1 اخذوها اهلها للمشتمل مالتها بصف بيت اهلها اني دخلت الغرفتي ارتاح .. اجه بهاء حظنته حالته حاله طلعلي الدفنه مصورها والتشييع مالته فد شي مو طبيعي الناس الي مشيعته هوايه كولش حتى ايرانيين وياهم اي واحد يشوفه ملفوف بالعلم يمشي وياهم لان شهيد .. #شمس
لل 3 واحنه منايمين نتذكر المرحوم ونبجي .. وصوت عبير بأذني للصبح هي تعيط وتبجي ..

ثاني يوم اجت الناس من الصبح والبيت انگلب .. لطم وشغل وطبخ وماكو بس اني ومرت حسن حماي لان هند تتحجج ببنتها تبجي .. والبقيه گاعدات لو يصبن شاي ..

واحنه نطبخ ولازم كميه هوايه اول مره بحياتي اطبخ هيج كميات بس ماخرب وطلع يخبل الاكل مع انه اثنينه اني ومرت حسن ممتعودين نطبخ هيج كميه ..

بس يگولون طبخ الشهيد يطلع طيب .. ولان هو طباخ الامام الحسين كل سنه يطبخ بالوفاة ..
اهلي واقاربي كولها اجت ماما وخالتي ومرت بابا واخواتي ونسوان خوالي لان هم جيرانهم ويعرفوهم من زمن بيبي .. #شمس

مر اسبوع والناس رايحه راجعه واحنا نطبخ غدا وعشا ماارتاحيت ابد من غير الخميسات يسوون قرايه وطبخ ثواب مثل يوم الفاتحه نبدي نحظر من الاربعاء .. واني حتى ماالحگ ادرس .. واستمرت هذي العاده لحد الان مع انه حيصير سنه ع وفاته ..

بعد الفاتحه ب 10 ايام الصبح اجتني الدوره من وره التعب والشغل اتصلت ع بهاء كان طالع وگوتله تعال بسرعه ردته مستلزمات وشغلات خاصه.  
اجه طاير ودخل الغرفه بسرعه وحظني حيل .. تفاجأت گوتله شبيك حبيبي ..
بهاء .. من اتصلتي اخذتي گلبي عبالي بيج شي .. مبقالي بس انتي ذولي اخواني ميحبولي الخير .. بعد علي كولها هيج ..
انقهرت ع كلامه وحظنته .. #شمس
سمر .. حبيبي ومااتركك للموت انت اهلي واني اهلك ..

بيوم اخذت قطعه قماش اسود وشال ورحت العبير .. لأن مرحتلها مشغوله بين البيت والدراسه ..
ونسوان حمويني كل يوم يرحن يمها ..
دخلت يمها كانت هادئه وتسولف عادي . بالصدفه اجه ابن حماي مرتضى المسجون .. سمعنا نسولف ع علي .  گال اني شفته بالمغيسل مصارينه طالعه ومضروب هوايه طلق براسه ووجها ..
طبعا هو كذاب درجه اولى يحب يكذب وهو اصلا طلقه وحده براسه ..
من سمعت هيج اتهسترت وگامت تعيط وصل صوت عياطها البيت عيالي .. اجت امه تركض اسمها مها مرت حماي المسجون .. وهند وياها ..
اجن يركضن گالن شكو .. گلنالهن هيج يگول ابنج عاد هي گامت تريد تضربه .. لزمتها گولتلها طفل مايعرف لتضربيه ..
اخذته ومشت .. واني گاعده اجاني مسج من بهاء  ..

( سمر انتي شنو گايله العبير .. شلون تگوليلها علي جسمه كوله طلق ) #شمس

اني تخبلت من سمعت .. اتصلت عليه ..
سمر .. الو بهاء منين جبيت هذا الكلام .. هذا ابن اخوك مرتضى هو الي گلها وامه تدري ورادت تضربه وهند گاعده ..
بهاء .. لعد هذي امه السخيفه گايله الامي .. انتي گلتي العبير وامي گامت تحجي ..

ترخصت من فاتن وطلعت .. رحت البيت عيالي وسويت نفسي ماادري بشي .. اتباوعت المها گولتلها ..
مها شلون ابنج هيج يحجي الفاتن خطيه بقت تعيط وتلطم
عمتي بسرعه طفرت وگالت .. لاتكذبين انتي الي گلتيلها لاتتبلين ع الطفل .. فرحانه رحتي بشرتيها وشعندج رايحتلها بالليل ..

بهذي الاثناء دخل بهاء گللها .. جناينج كل يوم بالليل عند فاتن وسمر اليوم اول يوم تروح .. لو بس احنه نختلف واشرلي گلي ادخلي جوه ..
اني دخلت جوه والنار جوايه ميته حرگه ..

بهاء طلعت بره ماتحملت امي وسوالفها .. واسمع مها تصيح .. بهاء بهاء ..
التفتت ..
مها .. خويه والله مو اني الي گولت العمتي سمر گالت العبير وبقت تبجي ..
بهاء .. اني متعبر عليه دموع التماسيح واعرفها هي الي گالت وتنكر ..
بهاء .. مها ديري بالج تسوين شي السمر لو تمسيها .. ويله روحي البيتج مو عيب تفرفرين بالبيوت وزوجج بالسجن وعيطت عليها .. راحت تركض

رجعت للغرفه لگيت سمر تبجي ..
بهاء .. صدگ تحجين وع شنو تبجين متعودتي ع كلامها ..
سمر .. بهاء لو اني صدوگ گايله ميخالف مااضوج بس ليش كولشي لازم يوگع براسي ..
بهاء .. كولهم يغارون منك ومني وحظنتها .. هي ابتسمت ونامت ع صدري .. #شمس

ثاني يوم الصبح .. طلعت انضف طبعا عمتي كرهتها بعد موقفها الي سوته .. طلعت للحديقه انظفها ..
دخلت مها .. سلمت وبقت تباوعلي ..

#بقلمي_شمس
يتبع ..