المراهقة الفاتنة (الجزء الثاني)

البارت 23

فرحة : اه عاد دخل
مشات ماما دقات عليه فالبيت وماجاوبهاش ..
فرحة : غايكون كايدوش اماما، صافي خليه واجي حطي لينا نتعشاو
نجاة : راه طايب فوق البوطة سيري سخنيه وعيطي تا لراجلك يتعشا
دنيا : يالاه نعاونك
مشيت أنا ودنيا للكوزينة ورجعت العشا فوف البوطا يسخن ومشيت للثلاجة جبدت العصير ودنيا كاتقطع فالخبز وتحط فالشبيكة ..
دنيا : علاش كنتي مخبية كرشك افرحة؟ واش فاش جينا من الدوار كنتي عارفة راسك حاملة
فرحة : وي كنت عارفة وعلاش خبيتها غاتعرفي كلشي فاش نتجمعو وتانتي لا كنتي عارفة شي حاجة بخصوص الموضوع عاودي لينا
دنيا : ففف مانعرف بابا علاش كايتعامل معانا هاكا
فرحة : على قبل مصلاحتو حيت هي المهمة عندو وأهم ليه حتى من ولادو
دنيا : واشمن مصلحة؟
فرحة : ماعرفتش بالضبط وغانعرفو قريب ولكن متأكدة عندها علاقة بخوه حيت متافق هو وياه ويلا ماخفت نكذب داخل فيها تا زواجي بحسام داكشي علاش هو مصر عليه
دنيا : ويلا كان مصر عليه علاش مازوجكش ليه من اللول؟ علاش زوجك لمراد؟
فرحة : بغا زعما يربيني حيت كنت خفيفة وخافني نجيب ليه شي موصيبة ونمرمد براسو التراب ودار الزواج كولو فالسر وماعرف حد بيه باش غير مراد يربيني ويطلقني من بعد ولكن كلشي تقلب عليه وأنا ومراد تشبتنا ببعضياتنا وماخليناش زواجنا فقط غير فالاوراق
دنيا : وزعما هو ذكي وعارف هادشي غايوقع حيت بنت مع راجل يلا تجمعو بجوج والشيطان ثالثهما أكيد غايتوقع تصرا بيناتكم علاقة
فرحة : الاتفاق ديالو مع مراد ماخلاش ليه مجال للشك
دنيا : ولكن هادشي اللي دار جا فصالحك وتعرفتي على الراجل اللي كاتبغي
فرحة (تنهدت) : غير كايبان ليك ا دنيا حيت كون عشتي داكشي اللي عشت أنا ماغاتقوليش هاد الهضرا، الوحدة يلا ماخرجات من دارهم بعزها وشانها والاشهار من الفوق ماكاتعتابرش تزوجات، وأنا ندمت على اللي فات وكون رجع بيا الوقت للور وتعطاتني فرصة كنت نصلح شحال من حاجة وماكنتش نضيع مستقبلي، بسبب خفتي وضسارتي جبتها فراسي ومراد طلع ولد الناس وقبل عليا واخا عرف كلشي
دنيا : ياريت لو كل الرجال بحالو اختي، هو باينا فيه كايبغيك بزاف وواخا داكشي اللي درتي ليه ووقتما نضتي كاتعايريه وتعصبي وتغوتي عليه باقي باغيك
فرحة : حيت عارف اللي داز عليا ماشي قليل وعاذرني وحتى فارق السن بيناتنا داير بحسابو المهم صابر على شحال من حاجة، جبدي الديسير غسليه ادنيا وأنا غانحط العشا فالطبسيل ونديه وتبعي ليا الخبز وخلي البلاطو ديال العصير تا نرجع ليه
دنيا : اوك
درت داكشي اللي قلت ليها وخذيت العشا للصالون لقيت فيه غير ماما جالسة، حطيتو قدامها وتبعات ليا دنيا الخبز حطاتو وجلسات ..
فرحة : يحيى مازال كاع ماخرج؟
نجاة : مانعرف ليه، كاندق عليه وعاطيني النخال
فرحة : فف صافب غانمشي نعيط ليه هو ومراد
مشيت لبيت خويا دقيت وماجاوبنيش وعاودتها كانخبط عليه بجهد حتى حل الباب صاعر ..
بحيى : مال مك نتي مصدعا ليا مخي 😡 شفتيني ماجاوبتش ضوري فحالك
فرحة : ومالك كاتغوت عليا هاا؟ را راجلي كايسمع فيك وهاااوذني منك
يحيى : ياك تفارقتو؟ شنو جابو ثاني
فرحة : جا يرجعني ونتا شغلك؟ وا دوز تعشا را ماما نيابها خارجين عليك 😡 يخ على جنس
ضرت عطيتو بظهري ومشيت لبيتي دخلت على راجلي ..
فرحة : مراد العشا محطوط
مراد : واخا
دخل للدوش غسل يديه وتبعني، مشيت جبت البلاطو حطيتو هو والديسير وجلسنا مجموعين على الطبلة ويحيى مخبي وجهو على ماما ولكن عاقت بيه وسكتات حيت كاناكلو، أنا ماعقلت على حد دخلت فداكشي طول وعرض ومراد حاضيني وكايدفع ليا قدامي حتى سالينا وجمعت داكشي بمساعدة دنيا وكلينا الديسير وناض يحيى وهي توقفو ماما ..
نجاة : جلس
يحيى : الواليدا والله تا عيان
نجاة : واش عياك بسلامة؟ وفين كنتي غاطس النهار كامل هااا وديك الحالة اللي فوجهك وعنقك كنتي مدابز مع المشاش
سكت ورجع جلس حادر راسو كايسوط ..
نجاة : وا بقا تسوط تما 😡 من بعد ونهضرو فهادشي ودابا سمعني عندي حاجة خرى مهمة لينا كاملين
يحيى : خير؟
نجاة : واش فراسك ختك ضحات بزواجها على قبلك نتا؟
يحيى : مافهمتش؟
نجاة : وعلاه نتا عايش معانا فهاد العالم باش تفهم، كاظل خارج ومامسوق لحد وماعارف والو علينا وحنا جالسين نصلحو وراك ونتا ما على بالكش
يحيى : الواليدا دوي نيشان
نجاة : باك اللي دخلك للحبس
يحيى : شناهوااااا
نجاة : وماكفاهش هادشي ولكن ضغط على ختك وكايهددها يا تفرق على راجلها وتقبل تزوج بحسام ولا يرجعك للحبس ويلا قبلات بشروطو غاينقي ليك الملف وماغايبقا عليك والو وسمعتك ترجع ليك وحتى الصيدلية تفتح
يحيى : هادشي كولو واقع امي وأنا فدار غفلون؟ علااااش ماعاودتوووش ليا شنو كاين وجلستو تصرفو من ريوسكم هااا درتوني ضحكة واش أنا ماشي راجل اللي مانتحملش مسؤوليتي ونحل مشاكلي راسي هاااا رضيتوني دمدومة ومعول على ختي ترجع ليا حقي 😡 وهاداك غانصفي معاه حسااابب اليوووم قبل غداااا ..