المراهقة الفاتنة (الجزء الثاني)

البارت 24

دنيا : يالاه اخالتي شي حد جاي نهضرو من بعد بسلامة
قطعات وشدات تيليفونها فيديها يالاه كانت غاطفيه وهي ضورها فراسها ودارت ليه وضع الطيران وقلبات فالبيت بعينيها بانو ليها نونوسات ديالها فوق طبلة حدا الشرجم وتما البلاصة الوحيدة اللي شادة البيت كامل، شداتو دارتو بين نونوسات وحطاتهم ضايران بيه مثبتينو وفنفس الوقت مغطيينو من غير الكاميرا ديالو اللي كاتبان، ضغطات زر تسجيل الفيديو باش توريه لنجاة حسن تشوف شنو كاين بلا ماتبقا تعاود ثاني، ورجعات لبلاصتها حتى تحل عليها الباب ودخل باها وعمها وحسام وراهم اللي شافها وخرج عينيه فيها وهي مكمشة وكاتشهق وكاترعد ..
جلال : شوف شنو دار ولدك امصطفى، شفتييي؟
حسام : والله اع...
مصطفى هز يديه ونزل عليه بصفعة سكتاتو وخلاتو كايشوف فباه مصعوق ..
مصطفى : نزل عينيك للأرض 😡 الله ينعلك الحمااااار، هاااكااا ربييتك هاااا تعدااا على بنااات عمك دويي
حسام نزل عينيه وسكت مابقاش عاود الهضرا وخلا باه كايغوت ويسب فيه ووجهو حمرو ليه بالتصرفيق ودنيا عاد مازايدا في النار ..
جلال : ولدك ضيع لينا كلشي امصطفى 😡
حسام : عمي خليني غير نشرح ليكم
مصطفى : شنو غاتشرح الكلب كثر من هادشي هااا؟ شفتي كي رجعتي البنت الحماااااار كون ولدتي قدها الله ينعلك
جلال : درت على وجه الدم امصطفى وراك عارفني علاش قاد ودابا لقاو حل لهادشي مانعقلش عليكم
مصطفى : جمع وطوي اجلال، هادشي يلا شاع ماشي فصالحنا ونتا عارف مصالحنا غايتضررو
جلال : ينعل جد المصالح قدام شرفي 😡
مصطفى : وشنو المعمول فنظرك نتا؟
جلال : اللي خاصو يدار، ولدك يتزوج بالبنت
حسام : شناااهوااااا 😡 تسطيتو ولااا؟ مستحييل نتزوج بيها وأصلا هي اللي جات عندي وماضربتها على يديها 😡 هي اللي بغات وهادشي اللي دايرا كاملو تمثيل ونعسات معايا بخاطرها
هاد المرة جلال اللي هز يديه ونزل عليه وكان بغا يزيدو حتى شدو مصطفى بعدو عليه ..
جلال : والله تانقتلك الكلللب 😡 وغاتزوج بيها بزز منك ولا غانسا نتا شكون ونتفاهم معاك بطريقتي
مصطفى : تهدن اخويا، هادشي اللي كادير فيه ماغايجيب تا نتيجة والزواج ماشي حل، نسيتي باللي حسام خاصو يتزوج بفرحة؟
جلال : واااا ولدك اللي حمااااار وضيع كلشي ودابا أنا هزيت يدي المهم بنتي ماضيعش
مصطفى : ومن ايمتا كايهموك ولادك هاا؟ دابا عاد حنيتي فيهم؟ نفكرك شنو درتي ففرحة ويحيى؟
جلال : كاع داكشي اللي درت ليهم على قبل المصلحة ديال العائلة كاملين، باك مات وخلا لينا غا المشاكل وولادي اللي كايخلصو ومن يدي أنا 😡 وفرحة ماضيعتش شرفها وإنما زوجتها على سنة الله ورسوله وغير باش نحد ليها ضسارتها ونرجعها كي كانت ولكن تقلبات على ظهري وداك البناي لعب ليها بعقلها وشدها ونتا نيت اللي اقتارحتي عليا دوك المخططات نسيتي ولا؟ ياك نتا اللي قلتي ليا شدها من اليد اللي كاتوجعها واللي هي خوها ونهددها بيه وبمستقبلو وبسباب معزتو عندها غاتوافق على الشرط، ويحيى ماخسرتش ليه سمعتو حيت كلشي كان فالسر والخدامة اللي معاه ودوك الشهود والمحامي وتا من البوليس رشيناهم باش يمثلو عليه وعلى مو والملف ديالو مازال نقي والصيدلية غير حنا اللي سادينها تا تزوج فرحة وهاد الحمار ديال ولدك، حيت كون تقاس ولدي كانت تا سمعتي أنا تقاس، نسيتي هادشي؟ دايرني فالواجهة ومخبي ورايا نتا وكادفعني حيت ماشي ولادك نتا ومع ذلك وافقتك ..
دنيا كاتسمع ليهم وهي مصدومة وحادرة راسها باش ماتبينش ليهم حيت عرفاتهم نساو راسهم وجلسو كايفضحو فبعضياتهم قدامها بلا ماينتابهو ..
مصطفى : هاد الهضرة ماعندها معنى
جلال : طلع ليا هادشي فراسي وولدك فيض الكاس
مصطفى : جلااال زواج دنيا وحسام مستحيل سمعتي وبنتك ماغايصرا فيها والو، ولا صاوب ليها وراقها تمشي للخارج تكمل قرايتها وتما كاع ماعاطيين قيمة لهادشي
جلال : نتا راك مرييييييض 😡 شكون غايقبل على بنتي وهي هاكا
مصطفى : كي قبل حسام بفرحة وهي فايت فيها الزواج
جلال : فايت فيها الزواج اااه ولكن دنيا لاااا وماكاينش اللي يعرف ليك هاد الهضرا ونزيدك من هادشي كووولووو واخا يقبل عليها اللي بغا يقبل أنا لااااا اللي دخل بيها هو اللي غايتحمل مسؤوليتو وسدينا
مصطفى : جلاااال رد البال راك كاتخسر كلشي وبهاكا غاتشري عداوة نتا ماقدهاااش
جلال : كاتهددني ولا؟
مصطفى :حسبها كي بغيتي
جلال : وجلال ماكايتهددش سمعتي 😡 واليوم نحلو هاد المشكل يا يتزوجو يا نوريك علاش قاد ونتا ختاااار
عينهم كاينطقو الشر وقربو يتقاتلو، بقاو شحال ساكتين وحسام كايتوعد دنيا بعينيه وهي كاتخرج ليه لسانها وضحك عليه ..
مصطفى (تنهد) : واخا، عندي الحل مناسب لينا كاملين
جلال : اما هو؟
مصطفى : حسام غايتزوج بدنيا ولكن فالسر، العقد غايكون بيناتنا غير حنا وهاكا راك ضمنتي حقها وزواجو بفرحة هو اللي غايكون علني وبالاشهار حيت محامي العائلة غايكون حاضر باش يتأكد منو ..